شينجياڭ ينتەرنەت ينفورماتسياسى كەڭسەسى قاتارلى تاراۋلار زاڭسىز ينفورماتسيالاردى تاراتۋعا قاتىستى 8 رەتكى تيپتىك دەلونى انىقتادى
2017.05.18 14:05 كەلۋ قاينارى : حالىق تورابى
حالىق تورابى، 18 – مامىر، بەيجيڭ. ءتاڭىرتاۋ تورابىنىڭ حابارلاۋىنشا، ءتىلشىنىڭ شينجياڭ ينتەرنەت ينفورماتسيالارى كەڭەسىنەن ۇعىسۋىنا قاراعاندا، جۋىردا شينجياڭ ينتەرنەت ينفورماتسيالارى كەڭسەسى مەن اۆتونوميالى رايوندىق قوعام حاۋىپسىزدىگى مەڭگەرمەسى بۇقارانىڭ مالىمدەگەن ءجىپ ۇشتارى بويىنشا، عالامتوردا زاڭسىز ينفورماتسيالاردى تاراتۋعا قاتىستى ءتورتىنشى توپتاعى جيىنى 8 رەتكى دەلونى زاڭ – ءتۇزىم بويىنشا انىقتادى جانە جاريالادى. تەكسەرۋگە قاراعاندا، دەلوعا قاتىستى ادامدار ينتەرنەت سىندى تەكشەلەر ارقىلى زورلىقتى كۇش لاڭكەستىك، ءدىني ۇشقارىلىق، ۇلتتىق بولشەكتەۋشىلىك جانە وسەك – اياڭ قاتارلى جازباشا، سۋرەتتى، دىبىس – كەسكىندى ماتەريالداردى ۋاعىزداعان، ساقتاعان جانە تاراتقان، «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ اماندىق باسقارۋعا قاتىستى جازالاۋ زاڭى»، «ينتەرنەتتە ينفورماتسيالىق قىزمەت وتەۋدى باسقارۋ زاڭى»، «شينجياڭ ۇيعۇر اۆتونوميالى رايونىنىڭ عالامتوردا وسەك – اياڭ تاراتۋدىڭ الدىن الۋ جانە وسەك - اياڭ تاراتقانداردى جازالاۋ ەرەجەسى» قاتارلى زاڭ – تۇزىمدەرگە قايشىلىق جاساعان قاتىستى ادامداردى قوعام حاۋىپسىزدىگى تاراۋلارى زاڭ – ءتۇزىم بويىنشا قاتاڭ تەكسەرىپ ءبىر جاقتىلى ەتتى.
ءبىرىنشى دەلو: تۇرپان قالاسىنداعى يXX مەن قاي XX ءدىني ۇشقارىلىققا قاتىستى ءۇنجازبا مەن بەينەجازبانى ساقتاعان جانە تاراتقان
توردوستار تۇرپان قالاسىنداعى يXX (ەر، ۇيعۇر، 22 جاستا، ءپىشان اۋدانىنىڭ تۇرعىنى)، قاي XX(ەر، ۇيعۇر، 41 جاستا، ءپىشان اۋدانىنىڭ تۇرعىنى) 2016 – جىلى 26 – جەلتوقساندا قولفونداعى قولدانبا قۇرالى ارقىلى ءدىني ۇشقارىلىققا قاتىستى ءۇنجازبالار مەن بەينەجازبالاردى تاراتقانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – تۇزىمدەرگە ساي، قوعام حاۋىپسىزدىگى ورگاندارى ي XX مەن قاي XXدى قىلمىستىق ءىس رەتىندە قاراپ ۇستاپ تۇردى.
ەكىنشى دەلو: حوتان ايماعىنداعى ا XXلاڭكەستىككە قاتىستى ەلەكتروندىق كىتاپتاردى ساقتاعان
توردوستار اXXتىڭ (ەر، ۇيعۇر، 35 جاستا، قاراقاش اۋدانىنىڭ تۇرعىنى) 2016 – جىلى 9 – جەلتوقساندا بايدۋدىڭ عالامتورداعى قۇجات ساقتاۋ ورنىندا زورلىقتى كۇش لاڭكەستىككە قاتىستى ەلەكتروندىق كىتاپتاردى ساقتاعانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – بەلگىلەمەلەرگە ساي، قوعام حاۋىپسىزدىگى تاراۋلارى اXXدى اكىمشىلىك جازا رەتىندە ۇستاپ تۇردى.
ءۇشىنشى دەلو: حوتان ايماعىنداعى ايXX ءدىني ۇشقارىلىققا قاتىستى ءۇنجازبا مەن بەينەجازبانى ساقتاعان
توردوستار ايXXدىڭ (ەر، ۇيعۇر، 30 جاستا، كەريا اۋدانىنىڭ تۇرعىنى) 2017 – جىلى 4 – قاڭتاردا بايدۋدىڭ عالامتورداعى قۇجات ساقتاۋ ورنىنا ءدىني ۇشقارىلىققا قاتىستى ءۇنجازبا مەن بەينەجازبانى ساقتاعانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – بەلگىلەمەلەرگە ساي، قوعام حاۋىپسىزدىگى تاراۋلارى ايXXدى اكىمشىلىك جازا رەتىندە ۇستاپ تۇردى.
ءتورتىنشى دەلو: ىلە وبلىسىنداعى بەXX ءدىني ۇشقارىلىققا قاتىستى سۋرەتتەردى ساقتاعان جانە تاراتقان
توردوستار بەXXدىڭ (ەر، ۇيعۇر، 30 جاستا، تەكەس اۋدانىنىڭ تۇرعىنى) 2017 – جىلى 5 – ناۋرىزدا QQ بوستىعىندا ءدىني ۇشقارىلىققا قاتىستى سۋرەتتەردى ساقتاعانىن جانە تاراتقانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – بەلگىلەمەرگە ساي، قوعام حاۋىپسىزدىگى تاراۋلارى بەXXنى اكىمشىلىك جازا رەتىندە ۇستاپ تۇردى.
بەسىنشى دەلو: اقسۋ ايماعىنداعى ما X وسەك – اياڭ تاراتقان
توردوستار ما Xنىڭ (ەر، حانزۋ، 22 جاستا، اقسۋ قالاسىنىڭ تۇرعىنى) 2017 – جىلى 10 – ساۋىردە QQ توبىندا «دۇربەلەڭ مەن ادام ولۋ ادەتتەگى جاعدايعا اينالدى، ەڭ اۋىر جاعداي ءبىر قىستاقتىڭ ادامىن ءبىر تۇندە قىرىپ كەتتى» دەگەن مازمۇندا وسەك – اياڭ تاراتقانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى ما Xدى اكىمشىلىك جازا رەتىندە ۇستاپ تۇردى.
التىنشى دەلو: اقسۋ ايماعىنداعى حۋاڭ X وسەك – اياڭ تاراتتى
توردوستار حۋاڭ Xنىڭ (ايەل، حانزۋ، 27 جاستا، ونسۋ اۋدانىنىڭ تۇرعىنى) 2017 – جىلى 29 – ساۋىردە ۋيچات توبىندا «كەشە ياركەن اۋدانىندا دۇربەلەڭ تۋىلدى» دەگەن وسەك – اياڭدى جولداعانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى حۋاڭ Xدى اكىمشىلىك جازا رەتىندە ۇستاپ تۇردى.
جەتىنشى دەلو: حوتان ايماعىنداعى چىڭ X وسەك – اياڭ تاراتقان
توردوستار چىڭ Xدىڭ (ايەل، حانزۋ، 38 جاستا، كەريا اۋدانىنىڭ تۇرعىنى) 2017 – جىلى 29 – ساۋىردە ۋيچات توبىندا ءۇنجازبا مەن بەينەجازبا جىبەرىپ، وعان ياركەندەگى الاڭدا دۇربەلەڭ تۋىلدى دەگەن ءسوزدى قوسىپ جولداعانىن مالىمدەگەن. تەكسەرىپ - انىقتاۋ ناتيجەسىنە جانە قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى چىڭ Xدى اكىمشىلىك جازا رەتىندە ۇستاپ تۇردى.
سەگىزىنشى دەلو: قۇمىل قالاسىنداعى يۇي X وسەك – اياڭ تاراتقان
توردوستار يۇي Xدىڭ (ايەل، حانزۋ، 34 جاستا، قۇمىل قالاسىنىڭ تۇرعىنى) 2017 – جىلى 30 – ساۋىردە ۋيچات توبىندا قۇمىلدا دۇربەلەڭ تۋىلدى، ءبىر ادام قازا بولدى، ساقشى ماشينەسىنىڭ داۋىسى كۇنى – بويى تولاستامادى» دەگەن وسەك – اياڭدى جولداعانىن مالىمدەگەن. تەكسەر - انىقتاۋ ناتيجەسىنە جانە قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى يۇي Xدى اكىمشىلىك جازا رەتىندە ۇستاپ تۇردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
