«تۇلكى اۋلاۋ ارەكەتى» بارىسىندا تاعى ءبىر ەكونوميكالىق قىلمىس كۇماندىسى گرەتسيادان ۇستاپ اكەلىندى
2017.05.19 14:55 كەلۋ قاينارى : حالىق تورابى
حالىق تورابى، 19 – مامىر، بەيجيڭ. 18 – مامىر كۇنى، قوعام حاۋىپسىزدىك مينيسترلىگى «تۇلكى اۋلاۋ ارەكەتى» قىزمەت گرۋپپاسى شەتەلگە قاشقانىنا 11 جىل بولعان ەكونوميكالىق قىلمىس كۇماندىسى ماۋ Xتى گرەتسيادان ەلگە ۇستاپ اكەلدى. بۇل 2015 – جىلى ءساۋىر ايىنان كەيىنگى، گرەتسيادان ۇستاپ اكەلىنگەن ەكىنشى ەكونوميكالىق قىلمىس كۇماندىسى.
ۇعىسۋعا قاراعاندا، 2004 – جىلى قازان ايىنان 2006 – جىلى قازان ايىنا دەيىن، قىلمىس كۇماندىسى ماۋ X باسقالارمەن بىرلەسىپ، فينانس باقىلاپ – باسقارۋ تاراۋلارىنىڭ بەكىتۋىن تاپسىرىپ الماي تۇرىپ، ازىق – تۇلىك سەرىكتىگىن جۇرگىزۋ اتىمەن، اينالىم قارجىنى شۇعىل قاجەت ەتۋدى سىلتاۋ ەتىپ، جوعارى ءوسىمدى تولەم تولەۋگە ۋادە ەتىپ، قوعامداعى ءمالىم ادامداردان 20 ميلليون يۋان قارجى جيناعان. دەلو تۋىلعاننان كەيىن، ماۋ X شەتەلگە قاشىپ كەتكەن. 2006 – جىلى قاراشا ايىندا، سانشي ولكەسى تاييۋان قالالىق قوعام حاۋىپسىزدىك مەكەمەسى ماۋ Xتىڭ ۇستىنەن دەلو تۇرعىزىپ تەكسەرۋگە العان. 2007 – جىلى ماۋسىم ايىندا، تاييۋان قالالىق حالىق پروكۋراتۋراسى الدامكوستىكپەن قارجى جيناۋ قىلمىسى ءۇشىن ماۋ Xتى تۇتقىنداۋ بۇيرىعىن تۇسىرگەن. سول جىلى قازان ايىندا، حالىقارالىق قىلمىستى ىستەر ۇيىمى ماۋ Xكە «قىزىل ءتۇستى قۋعىنداۋ بۇيرىعىن» شىعارعان.
2016 – جىلى قاراشا ايىندا، ماۋ Xتىڭ گرەتسيادا قاشىپ جۇرگەنىنەن حاباردار بولعاننان كەيىن، ەلىمىز گرەتسيا جاققا شۇعىل تۇتقىنداۋ تالابىن ۇسىنعان. ىلە – شالا، ماۋ X گرەتسيا شەكاراسى ىشىندە جەرگىلىكتى ساقشىلار جاعىنان قولعا الىنعان، ەلىمىز سىرتقى ديپلوماتيالىق قارىم – قاتىناس جولى ارقىلى گرەتسياعا ۇستالعان ادامدى وتكىزىپ بەرۋدى ءوتىنىش ەتكەن. 2017 – جىلى ءساۋىر ايىندا، گرەتسيا ماۋ Xتى ەلىمىزگە وتكىزىپ بەرۋدى رەسمي بەكتىكەن. 18 – مامىر كۇنى، قوعام حاۋىپسىزدىك مينيسترلىگى «تۇلكى اۋلاۋ ارەكەتى» قىزمەت گرۋپپاسى ماۋ Xتى گرەتسيادان ەلىمىزگە ۇستاپ اكەلدى.
قوعام حاۋىپسىزدىك مينيسترلىگى «تۇلكى اۋلاۋ ارەكەتى» كەڭسەسىنىڭ جاۋاپتىسى بىلاي دەدى: اتالعان دەلو ەلىمىز بەن گرەتسيانىڭ ءساتتى تۇردە وتكىزىپ بەرۋ سەلبەستىگىن ورىستەتكەننەن بەرگى ەكىنشى رەتكى ىستەستىك جاساعان دەلوسى بولىپ، جۇڭگو – گرەتسيا زاڭ اتقارۋ ورگاندارىنىڭ قىلمىستىلارعا بىرلىكتە سوققى بەرۋدەگى باتىل سىڭايىن بىلدىرەدى، سونىمەن قاتار بۇدان بىلايعى ەلىمىزدىڭ ەۆروپاداعى باسقا ءارقايسى مەملەكەتتەرمەن وتكىزىپ بەرۋ سەلبەستىگىن ورناتۋعا جاقسى نەگىز قالادى. ماۋ Xتىڭ ەلىمىزگە ۇستاپ اكەلىنۋى شەتەلدىڭ زاڭنان تىسقارى جەر ەمەس ەكەنىن، ءتىپتى قىلمىسىنان قاشىپ تياناق تاباتىن ۇجىماق ەمەس ەكەنىن بىلدىرەدى. ەلىمىز قوعام حاۋىپسىزدىك ورگاندارى قاتىستى مەملەكەتتەرمەن قاشقىنداردى قۋعىنداۋ، مەملەكەت قازىناسىن قايتارىپ اكەلۋ سەلبەستىگىن جالعاستى بار كۇشپەن دامىتىپ، شەتەلدە قاشىپ جۇرگەن قىلمىس كۇماندىلارىن ۇستاپ اكەلىپ دەلونى انىقتاۋعا بار كۇشىن سالادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
