بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ: ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 9 تيپتىك ماسەلەنى حابارلاندىردى

2017.08.24 14:51     كەلۋ قاينارى : حالىق تورابى

  حالىق تورابى، 24 – شىلدە، بەيجيڭ. جۋىردا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان تومەندەگىدەي 9 تيپتىك ماسەلەنى حابارلاندىردى:

  1. گۇما اۋداندىق پارتكومنىڭ بۇرىنعى تۇراقتى مۇشەسى، اۋدان اكىمىنىڭ ۇنەمىلىك ىستەرگە جاۋاپتى بۇرىنعى ورىنباسارى لي جيادىنىڭ تارتۋ - تارالعى، سي - سياپات اقشاسىن الۋ ماسەلەسى. 2014 - جىلدان 2017 - جىلعا دەيىن، لي جيادى تارتىپكە ءمىز باقپاستان قايشىلىق جاساپ، قىزمەت مىندەتى مەن ىقپالىنان پايدالانىپ، باسقارۋ، قىزمەت ەتۋ وبيەكتىسىنىڭ وزىنە سي رەتىندە ۇسىنعان 157 مىڭ يۋان اقشاسىن، 4 تال قاس تاسىن جانە قۇنى 53 مىڭ يۋاندىق تەمەكى - اراعىن العان. لي جيادىنىڭ تارتىپكە، زاڭعا قايشى بۇدان باسقا دا ماسەلەلەرى بار. 2017 - جىلى شىلدەدە لي جيادىعا پارتيادان شىعارۋ، قىزمەتتەن ايداۋ جازاسى بەرىلدى ءارى ءادىليا ورگانىنىڭ ءبىرجاقتى ەتۋىنە تاپسىرىلدى.

  2. اقتاۋ اۋداندىق 2 - قوس ءتىل بالالار باقشاسىنىڭ بۇرىنعى باستىعى جاڭ جيڭنىڭ بەلگىلەمەگە قايشىلىق جاساپ تارتۋ - تارالعى، سي - سياپات اقشاسىن الۋ ماسەلەسى. 2015 - جىلدان 2017 - جىلعا دەيىن، جاڭ جيڭ تارتىپكە ءمىز باقپاستان قايشىلىق جاساپ، قىزمەت مىندەتىندەگى قولايلىلىقتان پايدالانىپ، بالالار باقشاسىنىڭ وقىتۋشى - قىزمەتكەرلەرىنەن 52 مىڭ 800 يۋان سي اقشا العان، بالالار باقشاسىنىڭ 19 مىڭ يۋان تۇرمىس قاراجاتىن ساپالى تەمەكى - اراق الۋعا، ولشەمنەن اسىرىپ قوناق كۇتۋگە جۇمساعان، بالالار باقشاسىنىڭ وقىتۋشى - قىزمەتكەرلەرىنەن 9300 يۋان جيناپ تارتۋ - تارالعى ۇسىنۋعا پايدالانعان، قىزمەت ءۇيىنىڭ كولەمى ولشەمنەن 27.4 شارشى مەتر اسىپ كەتكەن. 2017 - جىلى ماۋسىم ايىندا، جاڭ جيڭعا پارتيادان شىعارۋ، قىزمەتتەن ايداۋ جازاسى بەرىلدى.

  3. توقسۋ اۋداندىق ازىق - تۇلىك، ءدارى - دارمەكتى باقىلاۋ - باسقارۋ مەكەمەسى پارتيا ياچەيكا شۋجيىنىڭ بۇرىنعى ورىنباسارى، بۇرىنعى مەكەمە باستىعى يۋان لياڭياننىڭ تارتۋ - تارالعى، سي - سياپات اقشاسىن الۋ ماسەلەسى. 2013 - جىلدان 2017 - جىلعا دەيىن، يۋان لياڭيان قىزمەت مىندەتىندەگى قولايلىلىقتان پايدالانىپ، كەڭسەسىندە ىلگەرىندى - كەيىندى 8 رەت ەمدەۋ جابدىقتارىمەن قامداۋشى جاقتىڭ «مەرەكەلىك» سياقتى اتتارمەن ۇسىنعان 48 مىڭ يۋان سي - سياپات اقشاسىن العان. 2017 - جىلى مامىردا، يۋان لياڭيانعا پارتيادا قالدىرىپ ءبىر جىل باقىلاپ كورۋ، اكىمشىلىك مىندەتىنەن قالدىرۋ جازاسى بەرىلدى.

  4. ءۇرىمجى قالاسى شۇيموگوۋ رايونى وتانشىل تازالىق كەڭسەسىنىڭ بۇرىنعى مەڭگەرۋشىسى ۋ جيانميننىڭ بەلگىلەمەگە قايشىلىق جاساپ، ۇكىمەت اقشاسىمەن ساياحاتتاۋى قاتارلى ماسەلەلەرى. 2015 - جىلى تامىزدا، ۋ جيانمين شۇيموگوۋ رايوندىق تازا قالا قۇرۋ كەڭسەسىندەگى 7 قىزمەتكەردى ەرتىپ، كورلا قالاسىندا وتكىزىلگەن كۋرسقا قاتىناسقان كەزىندە، اۆتوكولىك جالعا الىپ بايىنعولين وبلىسىنىڭ حىجيڭ اۋدانىنداعى بايىنبۇلاق ساحاراسى، اققۋ كولى، قورعاس اۋدانىنداعى گەنەرال جامبىلى سياقتى كورىنىس رايوندارىنا ۇكىمەت اقشاسىمەن ساياحاتتاپ، 12 مىڭ يۋان جۇمساعان. 2014 - جىلى جەلتوقساننان 2016 - جىلى جەلتوقسانعا دەيىن، شۇيموگوۋ رايوندىق تازا قالا قۇرۋ كەڭسەسى بەلگىلەمەگە قايشىلىق جاساپ جالپى قۇنى 129 مىڭ يۋان كەلەتىن شىعىس جەلى ماركالى كوپ يقۋاتتى 3 ماشينانى جالعا الىپ پايدالانىپ، 2 جىلدا 576 مىڭ يۋان ماياقى بەرگەن. 2017 - جىلى ماۋسىم ايىندا، ۋ جيانمينگە پارتيا ىشىندە قاتاڭ ەسكەرتۋ بەرۋ، اكىمشىلىك جاقتان اۋىر اعاتتىق جازۋ جازاسى بەرىلدى.

  5. قۇمىل قالاسى يجوۋ رايونى حۇيچىڭ اۋىلدىق پارتكومنىڭ بۇرىنعى شۋجيى ما جيچىڭنىڭ بەلگىلەمەگە قايشىلىق جاساپ، ۇكىمەت اقشاسىمەن ساياحاتتاۋعا ۇيىمداستىرۋ ماسەلەسى. 2013 - جىلى ما جيچىڭ ۇيرەنۋ، تەكسەرۋ جۇرگىزۋ اتىمەن 29 كادردى حاينان، گۋاڭشي سياقتى جەرلەرگە ساياحاتتاۋعا ۇيىمداستىرىپ، ۇكىمەت اقشاسىنان 133 مىڭ يۋان جۇمساعان. ما جيچىڭنىڭ تارتىپكە قايشىلىق جاساعان باسقا دا ماسەلەلەرى ساقتالعان. 2017 - جىلى ماۋسىم ايىندا، ما جيچىڭعا پارتيا ىشىندەگى مىندەتىنەن الىپ تاستاۋ، اكىمشىلىك مىندەتتەن قالدىرۋ جازاسى بەرىلدى.

  6. قورعاس اۋدانى كەڭساي - سايرام كولى ساياحات كورىنىس رايونىن باسقارۋ كوميتەتىنىڭ بۇرىنعى مەڭگەرۋشىسى لياۋ جۇنليننىڭ نەكە - توي ىستەرىن استا - توك وتكىزۋ ماسەلەسى. 2017 - جىلى مامىردا، لياۋ جۇنلين اۆتونوميالى رايوننىڭ «باسشى كادرلاردىڭ نەكە - توي ىستەرىن وتكىزۋىن باقىلاۋ - باسقارۋدى اناعۇرلىم كۇشەيتۋ جونىندەگى ۇقتىرۋىنداعى» بەلگىلەمەگە قايشىلىق جاساپ، جەكە - جەكە قۇلجا قالاسىندا، قورعاس اۋدانىندا ۇلىنىڭ نەكە تويىن جاساپ، بەلگىلەنگەن ولشەمنەن اسىرىپ 368 قوناق شاقىرعان، باسقارۋ جانە قىزمەت كورسەتۋ وبيەكتىسىنەن 44 ادامدى ۇسىنىس ەتكەن ءارى 37 مىڭ 600 يۋان سي - سياپات اقشا العان، ونىڭ ۇستىنە بەلگىلەمە بويىنشا الدىن الا ۇيىمعا مالىمدەمەگەن. 2017 - جىلى شىلدەدە لياۋ جۇنلينگە پارتيا ىشىندە قاتاڭ ەسكەرتۋ بەرۋ، اكىمشىلىك قىزمەتتەن قالدىرۋ جازاسى بەرىلدى.

  7. تارباعاتاي ايماقتىق سىرتقى ىستەر كەڭسەسى پارتيا باسشىلىق گرۋپپاسى شۋجيىنىڭ بۇرىنعى ورىنباسارى، بۇرىنعى كەڭسە مەڭگەرۋشىسى ساعىم مۇلتاي ۇلىنىڭ ءوز بەتىمەن «شاعىن كاسسا» اشىپ، قوناق شاقىرۋعا، تارتۋ - تارالعى ۇسىنۋعا جۇمساۋ ماسەلەسى. 2013 - جىلدان 2014 - جىلعا دەيىن، ساعىم مۇلتاي ۇلى بەلگىلەمەگە قايشىلىق جاساپ، «شاعىن كاسسا» اشىپ، ەسەپتەن سىرت ۇكىمەت اقشاسىنان قىمقىرىلعان 63 مىڭ يۋاندى تارتۋ - تارالعى مەن تولەم كارتوچكاسىن ۇسىنۋعا جانە ءىشىپ - جەۋگە جۇمساعان. 2017 - جىلى تامىزدا ساعىم مۇلتاي ۇلىنا پارتيادا قالدىرىپ ءبىر جىل باقىلاپ كورۋ، اكىمشىلىك مىندەتتەن قالدىرۋ جازاسى بەرىلدى.

  8. ۇلىقشات اۋداندىق حالىق سوتى مەكەمەسى پارتيا باسشىلىق گرۋپپاسى شۋجيىنىڭ بۇرىنعى ورىنباسارى، مەكەمە باستىعىنىڭ بۇرىنعى ورىنباسارى چي گوجىننىڭ ۇكىمەت كولىگىن جەكە پايدالانۋ ماسەلەسى. 2015 - جىلدان 2017 - جىلعا دەيىن، چي گوجىن قىزمەت قولايلىلىعىنان پايدالانىپ، مەكەمەنىڭ كولىگىن قاشقار قالاسىنداعى اۋىل شارۋاشىلىق 3 - ديۆيزياسى ورتا مەكتەبىندە وقيتىن ۇلىن الىپ قايتۋعا، اپارىپ تاستاۋعا كوپ رەت ورنالاستىرعان. چي گوجىننىڭ تارتىپكە قايشى بۇدان باسقا دا ماسەلەلەرى بار. 2017 - جىلى شىلدەدە، چي گوجىنعا پارتيا ىشىندەگى مىندەتتەن الىپ تاستاۋ، اكىمشىلىك مىندەتتەن قالدىرۋ جازاسى بەرىلدى.

  9. شينجياڭ باعراش كولى قامىس شارۋاشىلىعى (توبى) شەكتى سەرىكتەستىگىنىڭ بۇرىنعى باسالقاسى سۇڭ جيانشيننىڭ ۇكىمەت كولىگىن جەكە پايدالانۋ ماسەلەسى. 2013 - جىلدان 2016 - جىلعا دەيىن، سۇڭ جيانشين جەكە جۇمىسپەن سىرتقا شىعىپ تاماق ىشكەندە، بالىق اۋلاۋعا بارعاندا ۇكىمەت كولىگىن 80 نەشە رەت پايدالانعان، سەرىكتەستىك وندىرىستەن توقتاپ، جۇمىسشى - قىزمەتكەرلەر قوعامدىق قامتاماسىزداندىرۋ قاراجاتىن، تۇرعىن ءۇي الەۋمەتتىك قورىن تولەي الماي تۇرعان جاعدايدا، كوپ رەت ۇكىمەت اقشاسىمەن ءىشىپ - جەپ، مەملەكەت مەنشىگىندەگى 3 ميلليون 700 مىڭ يۋاننان كوبىرەك قاراجاتتى بەيبەرەكەت جۇمساعان. سۇڭ جيانشيننىڭ تارتىپكە، زاڭعا قايشى باسقا دا ماسەلەلەرى بار. 2017 - جىلى ماۋسىم ايىندا، سۇن جيانشيگە پارتيادان شىعارۋ، قىزمەتتەن ايداۋ جازاسى بەرىلدى ءارى ءادىليا ورگاندارىنىڭ ءبىرجاقتى ەتۋىنە وتكىزىپ بەرىلدى.

  (شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى)

  كەلۋ قاينارى: حالىق تورابى

  
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار