18 – قۇرىلتايدان بەرى قاراي ورتالىق كوميتەتتىڭ مۇشەسىنەن 17 ادام ۇستالىپ، ەڭ كوپ الىنعان پارا 146 ميلليون يۋانعا جەتتى
2017.08.25 14:57 كەلۋ قاينارى : حالىق تورابى
حالىق تورابى، 25 – تامىز، بەيجيڭ. ورتالىق ءتارتىپ تەكسەرۋ كوميتەتى تورابىنىڭ 2017 – جىلى شىلدە ايىنىڭ ەڭ سوڭعى كۇنى جاريالاعان حابارىنا قاراعاندا، ورتالىق كوميتەتتىڭ مۇشەسى، مەملەكەتتىك حاۋىپسىز ٶندىرىستى باقىلاپ – باسقارۋ باس مەكەمەسىنىڭ بۇرىنعى پارتگرۋپپا شۋجيى، بۇرىنعى مەكەمە باستىعى ياڭ حۋاننيڭگە تارتىپكە اۋىر دارەجەدە قايشىلىق جاساۋ سەبەبىنەن پارتيادا ەكى جىل قالدىرىپ باقىلاپ كورۋ، اكىمشىلىك مىندەتىنەن قالدىرۋ جازاسى بەرىلدى. بۇل بيىل التىنشى بولىپ ۇستالعان ورتالىق كوميتەتتىڭ مۇشەسى، 2017 – جىل 18 – قۇرىلتايدان بەرى قاراي ورتالىق كوميتەتتىڭ مۇشەسى ەڭ كوپ ۇستالعان ءبىر جىل بولدى.
18 – قۇرىلتايدان بەرى ورتالىق كوميتەتتىڭ مۇشەسىنەن 17 ادام ۇستالىپ، 7 ادامنىڭ دەلوسى اشىق تەكسەرىلدى
ءتىلشىنىڭ ساناعىنا قاراعاندا، پارتيانىڭ 18 – قۇرىلتايىنان قازىرگە دەيىن ۇستالعان ورتالىق كوميتەتتىڭ مۇشەسى 17گە جەتكەن. ولار: جياڭ جەمين لي دۇڭشىڭ، ياڭ جينشان، ليڭ جيحۋا، جۋ بىنشۇن، ياڭ دۇڭلياڭ، سۋ شۋلين، ۋاڭ مين، تيان شيۋسى، حۋاڭ شينگو، ۋاڭ جيانپيڭ، لي ليگو، سۇن حۋايشان، شياڭ جۇنبو، ۋاڭ سانيۇن، سۇن جىڭساي، ياڭ حۋاننيڭ.
ٵر جىل بويىنشا قاراعاندا، 2013 – جىلى 2 ادام (جياڭ جەمين، لي دۇڭشىڭ)، 2014 – جىلى 2 ادام (ياڭ جينشان، ليڭ جيحۋا)، 2015 – جىلى 3 ادام (جۋ بىنشۇن، ياڭ دۇڭلياڭ، سۋ شۋلين)، 2016 – جىلى 4 ادام (ۋاڭ مين، تيان شيۋسى، حۋاڭ شينگو، ۋاڭ جيانپيڭ)، 2017 – جىلى 6 ادام (لي ليگو، سۇن حۋايشان، شياڭ جۇنبو، ۋاڭ سانيۇن، سۇن جىڭساي، ياڭ حۋاننيڭ) ۇستالعان. ءتىلشىنىڭ بايقاۋىنشا، بەس جىل ىشىندە ۇستالعان ادام سانى جىل سايىن ارتىپ وتىرعان، 2017 – جىلدىڭ العاشقى جەتى ايىندا التى ادام ۇستالعان. ال، شىلدە ايىنىڭ وزىندە ورتالىق كوميتەتتىڭ 3 مۇشەسى ۇستالعان.
اشىق جاريالاعان ماتەريالدارعا قاراعاندا، ءارمياداعى 3 ادامنان (ياڭ جينشان، تيان شيۋسى، ۋاڭ جيانپيڭ) ەڭ جاڭا حابار جوق بولۋدان سىرت، باسقا 14 ادامنىڭ كەيبىرى تەرگەۋگە الىنعان، كەيبىرى جازالانعان، كەيبىرى دارەجەسى ەرەكشە تومەندەتىلگەن. سۋ شۋلين، سۇن حۋايشان ەكەۋى بيىل پارتيادان شىعارىلىپ، اكىمشىلىك مىندەتىنەن قالدىرىلعان. ەڭ جوعارى حالىق سوتى جۋىردا سۋ شۋلينعا دەلو تۇرعىزىپ، تەكسەرۋ جۇرگىزگەن.
لي ليگو، ياڭ حۋاننيڭ قاتارلى ەكى ادامنىڭ دارەجەسى تومەندەتىلىپ، اكىمشىلىك مىندەتىنەن قالدىرىلىپ، مينيستر دارەجەسىنەن باسشىلىققا جاتپايتىن ورىنباسار مەكەمە دارەجەسىنە تۇسىرىلگەن، سونداي – اق ەكى جىل پارتيادا قالدىرىلىپ، باقىلاۋ جازاسى بەرىلگەن.
جياڭ جيەميڭ، لي دۇڭشىڭ، ليڭ جيحۋا، جۋ بىنشۇن، ياڭ دۇڭلياڭ، ۋاو مين قاتارلى التى ادامعا اشىق سوت اشىلىپ، ۇكىم شىعارىلعان. لي دۇڭشىڭ، جۋ بىنشۇن، ياڭ دۇڭلياڭ قاتارلى ءۇش ادامعا 15 جىلدىق مەرزىمدى قاماق جازاسى بەرىلگەن، جياڭ جيەمينگە 16 جىلدىق قاماق جازاسى بەرىلگەن، ليڭ جيحۋا، ۋاڭ مين قاتارلى ەكى ادامعا مەرزىمسىز قاماق جازاسى بەرىلگەن. مۇندا ۋاڭ ميننىڭ تىكەلەي نەمەسە باسقالار ارقىلى قاتىستى ورىندار مەن جەكەلەردەن العان مال - مۇلكىنىڭ اقشاعا سىندىرىلىمى 146 ميلليون يۋانعا جەتىپ، سانى ەرەكشە كوپ بولىپ، ادامداردى تىكسىندىرگەن.
ج ك پ تيانجين قالالىق پارتكومنىڭ بۇرىنعى ۋاقىتتىق شۋجيى، تيانجين قالالىق حالىق ۇكىمەتىنىڭ بۇرىنعى قالا باستىعى حۋاڭ شينحونىڭ پارا الۋ دەلوسىنا شىجياجۋاڭ قالالىق ورتا دارەجەلى حالىق سوتى مەكەمەسى 2017 – جىلى 9 – تامىزدا ءبىرىنشى اشىق سوت اشىپ، تەرگەۋ جۇرگىزدى. حۋاڭ شينگونىڭ تىكەلەي نەمەسە باسقا دا ەرەكشە بايلانىستار ارقىلى قاتىستى ادامدارعان العان پاراسىنىڭ اقشاعا سىندىرىلىمى 40 ميلليون 30 مىڭ يۋاننان اسقان. سوت دەلو جونىندە ۇكىم شىعارماعان.
مۇنان سىرت، شياڭ جۇنبو، ۋاڭ سانيۇن، سۇن جىڭساي قاتارلى ءۇش ادام بيىل قولعا تۇسكەن ورتالىق كوميتەتتىڭ مۇشەلەرى بولىپ، بۇلار جونىندە ىشكەرىلەي حابارلاندىرۋ شىقپاعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
