بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

9 – كەزەكتى شينجياڭ ۇيعۇر اۆتونوميالى رايوندىق پارتكومنىڭ مۇشەسى، حوتان ايماقتىق پارتكومنىڭ بۇرىنعى شۋجيى جاڭ جينبياۋ تارتىپكە اۋىر دارەجەدە قايشىلىق جاساعاندىقتان پارتيادان شىعارىلىپ، اكىمشىلىك مىندەتىنەن قالدىرىلدى

2017.09.05 16:11     كەلۋ قاينارى : حالىق تورابى

  حالىق تورابى، 5 – قىركۇيەك، بەيجيڭ. شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن 9 – كەزەكتى شينجياڭ ۇيعۇر اۆتونوميالى رايوندىق پارتكومنىڭ مۇشەسى، حوتان ايماقتىق پارتكومنىڭ بۇرىنعى شۋجيى جاڭ جينبياۋدىڭ تارتىپكە اۋىر دارەجەدە قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.

  تەكسەرۋگە قاراعاندا، جاڭ جينبياۋ ساياسي تارتىپكە، ساياسي ەرەجەگە اۋىر قايشىلىق جاساپ، تەررورلىققا قارسى تۇرىپ، ورنىقتىلىقتى قورعاۋ ساياسي جاۋاپكەرشىلىگىن جاقسى اتقارماعاندىقتان، اۋىر زيان تۋدىرعان، پاكتىك ءتۇزىمى مەن ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، تارتۋ – تارالعى العان؛ تۇرمىس تارتىبىنە قايشلىق جاساپ، باسقالارمەن قالىپسىز جىنىستىق بايلانىستا بولعان؛ مەملەكەتتىڭ زاڭ – تۇزىمدەرىنە اۋىر قايشىلىق جاساپ، قىزمەت قولايلىلىعىنان پايدالانىپ، كاسىپورىنداردىڭ تيجارات جۇرگىزۋ قاتارلى جۇمىستاردا باسقالارعا پايدا جەتكىزگەن، كوپ مولشەردە تارتۋ – تارالعى سۇراۋ، تارتۋ – تارالعى الۋ قىلمىسىن وتكىزگەن.

  جاڭ جينبياۋ حوتان ايماقتىق پارتكومنىڭ شۋجيى بولىپ تۇرعاندا، ايماقتىڭ قوعام ورنىقتىلىعىن قورعاۋداعى ءبىرىنشى جاۋاپتى ادامى بولا تۇرا، ءتۇپ ماقسات تانىمى مەن جاۋاپكەرشىلىك تانىمى تاياز بولعاندىقتان، تەررورلىققا قارسى تۇرىپ، ورنىقتىلىقتى قورعاۋ اۋقىمىنىڭ توتەنشە كۇردەلى جاعدايىندا، پارتيا ورتالىق كوميتەتىنىڭ تالابى بويىنشا تەررورلىققا قارسى تۇرىپ، ورنىقتىلىقتى قورعاۋ ساياسي جاۋاپكەرشىلىگىن تولىق اتقارماعان، شينجياڭ ۇيعۇر اۆتونوميالى رايوندىق پارتكومىنىڭ ورنالاستىرعان قاتىستى جۇمىستارىن بەلسەندى ىستەمەگەن، قۋزاستىرۋ – تەكسەرۋى جەتەرسىز بولعان، قىزمەتتە اۋىر قاتەلىك جىبەرگەن. حوتان ايماعىندا كوپ رەت تۋىلعان تەررورلىق ارەكەتتە، ماڭىزدى باسشىلىق جاۋاپكەرشىلىگى بار.سونىمەن بىرگە، جاڭ جينبياۋ مۇرات - سەنىمىن جوعالتىپ، كوپ مولشەردە تارتۋ - تارالعى، اقشا العان، قىزمەت قولايلىلىعىنان پايدالانىپ باسقالارعا پايدا جەتكىزىپ، ەكى اراسىنان كوپ مولشەردە قازىنانى قىمقىرىپ قالعان، ونىڭ ۇستىنە پارتيانىڭ 18 - قۇرىلتايىنان كەيىن دە تىزگىنىن تارتپاعان، سيپاتى ناشار، قاتەلىگى توتەنشە اۋىر. جاڭ جينبياۋدىڭ جوعارىداعى ارەكەتتەرى ساياسي ءتارتىپ پەن ساياسي ەرەجەگە اۋىر دارەجەدە قايشىلىق جاساعان، ورتالىقتىڭ سەگىز تارماقتى بەلگىلەمەسىنىڭ رۋحىنا، پاكتىك تارتىبىنە، تۇرمىس تارتىبىنە قايشىلىق جاساعان، سونىمەن بىرگە بۇل ارەكەتتەرى قىلمىسقا تولعان، ىقپالى توتەنشە ناشار، جاعداي اۋىر بولعاندىقتان قاتاڭ ءبىرجاقتى ەتۋگە تۋرا كەلگەن. «جۇڭگو كوممۋنيستىك پارتياسىنىڭ جاۋاپكەرشىلىكتى قۋزاستىرۋ ەرەجەسى» مەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىنىڭ» قاتىستى بەلگىلەمەلەرىنە ساي، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى مۇشەلەر ماجىلىسىندە اقىلداسۋ جانە شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەلەر ماجىلىسىندە قاراۋىنا جولداۋ ارقىلى، سوڭىندا ورتالىققا جولداپ بەكىتتىرىپ، جاڭ جينبياۋعا پارتيادان شىعارۋ، ۇكىمەت قىزمەتىنەن قالدىرۋ جازاسىن بەرۋدى، بارلىق زاڭسىز مال – مۇلكىن قايتارىپ الۋدى ۇيعاردى، زاڭعا قايشى قىلمىستىق ماسەلەلەرىن جانە قاتىستى ءجىپ ۇشىن ٵدىليا تاراۋلارىنىڭ زاڭ بويىنشا ءبىرجاقتى ەتۋىنە تاپسىردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار