بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 10 تيپتىك دەلونى اشكەرەلەدى

2017.09.20 15:16     كەلۋ قاينارى : حالىق تورابى

  حالىق تورابى، 20 – قىركۇيەك، بەيجيڭ. جاقىندا، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 10 تيپتىك دەلونى اشكەرەلەدى. بۇل دەلولار مىنالار:

  ءبىرىنشى، ىلە وبلىستىق دامىتۋ جانە رەفورمالاۋ كوميتەتى بۇرىنعى پارتگرۋپپاسى شۋجيىنىڭ ورىنباسارى، مەڭگەرۋشىسىنىڭ ورىنباسارى ليۋ يانۇڭنىڭ بەلگىلەمەگە قايشىلىق جاساپ تارتۋ – تارالعى الۋ ماسەلەسى.

  ليۋ يانۇڭ وبلىستىق حالىق ۇكىمەتى باس حاتشىسىنىڭ ورىنباسارى، قورعاس ەكونوميكالىق دامىتۋ رايونى پارتيا قىزمەت كوميتەتى مۇشەسى، مەڭگەرۋشىنىڭ ۇنەمىلىك ىستەرگە جاۋاپتى كومەكشىسى كەزىندە، بەلگىلەمەگە قايشىلىق جاساپ باسقارۋ جانە قىزمەت كورسەتۋ وبيەكتىسىن جاقىن تارتىپ، ولاردان قۇنى 85 مىڭ يۋاندىق زات ساتىپ الۋ كارتۋچكاسى، نيكون ماركالى اپپارات كوزى قاتارلى بۇيىمداردى العان. بۇدان سىرت بەلگىلەمەگە قايشىلىق جاساعان باسقا دا ماسەلەلەرى ساقتالعان. 2017 – جىلى تامىز ايىندا، ليۋ يانۇڭعا پارتيادان شىعارىلىپ، مىندەتىنەن قالدىرۋ جازاسى بەرىلدى ءارى زاڭ ورگاندارىنىڭ ءبىرجاقتى ەتۋىنە تابىستالدى.

  ەكىنشى، اتۇش قالالىق اۋىل شارۋاشىلىق تەحنيكاسىن جالپىلاستىرۋ ورتالىعىنىڭ مەڭگەرۋشىسى ءميجيت ابلاميت قىزمەت كەڭسەسىنىڭ ولشەمنەن اسىپ كەتۋ ماسەلەسى

  ءميجيت ابلاميت كەڭسەگە پايدالانعان ۇيلەردى اداقتاۋ تارتىبىنە قاراماستان، قىزمەت كەڭسەسىنە پايدالانعان جەر كولەمى 36.29 شارشى مەترگە جەتىپ، ولشەمنەن ءبىر ەسە اسىپ كەتكەن. بۇدان سىرت بەلگىلەمەگە قايشىلىق جاساعان باسقا دا ماسەلەلەرى ساقتالعان. 2017 – جىلى تامىز ايىندا، ءميجيت ابلاميتقا پارتيادان شىعارىلىپ، مىندەتىنەن قالدىرۋ جازاسى بەرىلدى ءارى زاڭ ورگاندارىنىڭ ءبىرجاقتى ەتۋىنە تابىستالدى.

  ءۇشىنشى، ياركەن اۋدانى باشكەنت قالاشىعى باستىعىنىڭ بۇرىنعى ورىنباسارى تۇرسىنجان ءتالىپتىڭ باسقارۋ جانە قىزمەت كورسەتۋ وبيەكتىسىنە ءوزىنىڭ جەكەلىك تۇتىنۋ قاراجاتىن كوتەرتۋ ماسەلەسى

  2016 – جىلى تۇرسىنجان ءتالىپ قىزمەت قولايلىلىعىنان پايدالانىپ، ءوزىنىڭ جەكەلىك ءىشىپ – جەم، ساۋىق – سايران، جەكە كولىگىنە ماي قۇيۋ قاراجاتى قاتارلى 27 مىڭ 600 يۋاندى بەيقۇت ءۇي سالىپ حالىقتى اۋقاتتاندىرۋ قۇرىلىسىن سالۋشى ساۋداگەرلەرگە كوتەرتكەن؛ تۋىستارى ۇيلەنۋ تويىن جاساعان كەزدە، باسقارۋ جانە قىزمەت كورسەتۋ وبيەكتىلەرىن تويعا قاتىناسۋعا ۇسىنىس ەتىپ ءارى 3500 يۋاندىق تارتۋ – تارالعى العان. بۇدان سىرت بەلگىلەمەگە قايشىلىق جاساعان باسقا دا ماسەلەلەرى ساقتالعان. 2017 – جىلى تامىز ايىندا، تۇرسىنجان تالىپكە پارتيادان شىعارىلىپ، مىندەتىنەن قالدىرۋ جازاسى بەرىلدى.

  ءتورتىنشى، باعىراش اۋدانى حالىق ىستەر مەكەمەسى پارتگرۋپپاسى شۋجيىنىڭ بۇرىنعى ورىنباسارى، مەكەمە باستىعى، قارتتار كەڭسەسىنىڭ مەڭگەرۋشىسى باۋ لۋدۋدىڭ ۇكىمەت اقشاسىمەن ساۋعا ۇسىنۋ ماسەلەسى

  2013 – جىلدان 2015 – جىلعا دەيىن، باۋ لۋدۋ باستىعىمەن بولعان قاتىناسىن جاقسارتۋ ءۇشىن، ۇكىمەت اقشاسىنان 153 مىڭ 200 يۋان جۇمساپ بەزەندىرۋ بۇيىمدارى، جەرگىلىكتى ەرەكشە ءونىم قاتارلىلاردى ساتىپ الىپ ساۋعاعا ۇسىنعان؛ اۆتونوميالى رايوننىڭ «ۇكىمەت ورگانى، ءىسورىندارداعى ۇكىمەت كولىگىن پايدالانۋدى باسقارۋ ەرەجەسىنە» قايشىلىق جاساپ، كورسەتكىشتەن اسىرىپ ءبىر دالا كولىگىن ساتىپ العان. 2017 – جىلى شىلدە ايىندا، باۋ لۋدۋعا پارتيادان شىعارىلىپ، مىندەتىنەن قالدىرۋ جازاسى بەرىلدى.

  بەسىنشى، ماناس اۋداندىق مادەنيەت - ساياحات، راديو – اقپارات مەكەمەسى پارتگرۋپپاسىنىڭ بۇرىنعى شۋجيى، باستىعىنىڭ ورىنباسارى حەي شياڭحۇڭنىڭ بەلگىلەمەگە قايشىلىق جاساپ تارتۋ – تارالعى الۋ ماسەلەسى

  2014 – جىلدان 2017 – جىلعا دەيىن، حەي شياڭحۇڭ قىزمەت قولايلىلىعىنان پايدالانىپ، باسقارۋ جانە قىزمەت كورسەتۋ وبيەكتىلەرىنەن العان تارتۋ – تارالعى، تۇتىنۋ كارتۋچكاسى قاتارلى زاتتارىنىڭ قۇنى 43 مىڭ 800 يۋان بولعان؛ بەلگىلەمەگە قايشىلىق جاساپ ەسەپتەن شىعارىپ العان ءٴىسساپار شىعىنى 8600 يۋان بولعان. 2017 – جىلى تامىز ايىندا، حەي شياڭحۇڭعا پارتيا ىشىندەگى مىندەتىنەن قالدىرۋ، اكىمشىلىك قىزمەتتەن الىپ تاستاۋ جازاسى بەرىلگەن. التىنشى، ءۇرىمجى اۋداندىق ەكونوميكانى دامىتۋ كوميتەتى پارتكومىنىڭ بۇرىنعى مۇشەسى ساۋ جىنچۇننىڭ ولشەمنەن اسىرىپ ۇكىمەت ىستەرىمەن قوناق كۇتۋ قاتارلى ماسەلەلەرى

  2015 – جىلدان 2017 – جىلعا دەيىن، ساۋ جىنچۇن «پارتيا، ۇكىمەت ورگاندارىنىڭ ەل ىشىندەگى ۇكىمەتتىك كۇتىپ الۋىن باسقارۋ بەلگىلەمەسىنە» قايشىلىق جاساپ، كوپ رەت ۇكىمەتتىك كۇتىپ الۋدا جۇڭحۋا ماركالى تەمەكى ۇسىنىپ، قىمبات باعالى قۋىرماشتارمەن قوناق كۇتكەن؛ قىزمەت قولايلىلىعىنان پايدالانىپ، ۇكىمەت اقشاسىنان 33 مىڭ 700 يۋان جۇمساپ، جاقسى اراق، تەمەكى ساتىپ الىپ ساۋعاعا ۇسىنعان. 2017 – جىلى تامىز ايىندا، ساۋ جىنچۇنعا پارتيا ىشىندەگى مىندەتىنەن قالدىرۋ، اكىمشىلىك قىزمەتتەن الىپ تاستاۋ جازاسى بەرىلگەن.

  جەتىنشى، قۇمىل قالالىق حالىقتىق اۋە قورعانىس كەڭسەسى پارتگرۋپپاسى شۋجيىنىڭ بۇرىنعى ورىنباسارى، مەڭگەرۋشىسى ياۋ ۋىنگاڭنىڭ ۇكىمەت اقشاسىنان ساياحات شىعىنىن كوتەرتىپ الۋى قاتارلى ماسەلەلەرى

  2013 – جىلدان 2014 – جىلعا دەيىن، ياۋ ۋىنگاڭ ىشكەرىگە ساياحاتقا بارعانداعى مەكەمەدەگى 6 كادردىڭ ءوزى كوتەرەتىن 15 مىڭ يۋاندىق شىعىنىن بەلگىلەمەگە قايشىلىق جاساپ ۇكىمەت ەسەبىنەن شىعارعان؛ ۇكىمەت اقشاسىنان 56 مىڭ 900 يۋان جۇمساپ، جاقسى اراق، تەمەكى ساتىپ الىپ ۇكىمەتتىك كۇتىپ الۋعا جۇمساعان. 2017 – جىلى تامىز ايىندا، ياۋ ۋىنگاڭعا پارتيا ىشىندە قاتاڭ ەسكەرتۋ بەرۋ جازاسى بەرىلگەن.

  سەگىزىنشى، تارباعاتاي ايماقتىق جۇڭگوشا شيپاحاناسى پارتگرۋپپاسىنىڭ شۋجيى، شيپاحانا باستىعىنىڭ ورىنباسارى باقتىباي مايقادىر ۇلىنىڭ ءوزىنىڭ جەكەلىك قاتىناس شىعىنىن ۇكىمەت اقشاسىنان كوتەرتىپ الۋ ماسەلەسى

  2015 – جىلى، باقتىباي مايقادىر ۇلى ءۇرىمجى، جىڭجوۋ قالالارىنا بارىپ كاسىپتىك تاربيەلەۋ كۋرسىنە قاتىناسقان كەزدە، ورايدان پايدالانىپ بەيجيڭ قاتارلى جەرلەردەگى دوس – جاراندارىنا بارعان، قايتىپ كەلگەننەن كەيىن بەلگىلەمەگە قايشىلىق جاساپ ءوزىنىڭ جەكەلىك قاتىناس شىعىنى 10 مىڭ يۋاندى ۇكىمەت اقشاسىنان كوتەرتىپ العان. 2017 – جىلى تامىز ايىندا، باقتىباي مايقادىر ۇلىنا پارتيا ىشىندە قاتاڭ ەسكەرتۋ بەرۋ جازاسى بەرىلگەن.

  توعىزىنشى، تۇرپان قالاسى گاۋچاڭ رايوندىق قوعام حاۋىپسىزدىك مەكەمەسىنىڭ حالىق ساقشىسى كوۋ ۋەيدىڭ بەلگىلەمەگە قايشىلىق جاساپ ۇكىمەت كولىگىن پايدالانۋ ماسەلەسى

  2017 – جىلى شىلدە ايىندا، كوۋ ۋەي بەلگىلەمەگە قايشىلىق جاساپ ساقشى كولىگىمەن دوسىن تاماق ىشۋگە اپارعان ءارى كولىك جۇرگىزۋ بارىسىندا بەلگىلەمەگە قايشىلىق جاساپ ساقشى سەگنالىن بەرگەن. 2017 – جىلى شىلدە ايىندا، كوۋ ۋەيعا اۋىر كىنا جازۋ جازاسى بەرىلگەن.

  ونىنشى، بۋىرشىن اۋداندىق استىق مەكەمەسى ارميا ازىق – تۇلىگىن قامداۋ پۋنكتىنىڭ باستىعى ۋاڭ چياڭنىڭ ۇكىمەت اقشاسىمەن الباتىءىشىپ – جەۋ ماسەلەسى

  2016 – جىلى، ۋاڭ چياڭ قىزمەت قولايلىلىعىنان پايدالانىپ، ەكى رەت جيىنى 1300 يۋان ۇكىمەت اقشاسىن جۇمساپ ءىشىپ – جەگەن ءارى «پارتيا، ۇكىمەت ورگاندارىنىڭ ەل ىشىندەگى ۇكىمەتتىك كۇتىپ الۋىن باسقارۋ بەلگىلەمەسىنە» قايشىلىق جاساپ، ۇكىمەت اقشاسىمەن تەمەكى ساتىپ العان. 2017 – جىلى تامىز ايىندا، ۋاڭ چياڭعا كىنا جازۋ جازاسى بەرىلگەن.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار