بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭحۋا حالىق رەسپۋبليكاسىنىڭ ساياحات زاڭى

2017.10.20 14:42     كەلۋ قاينارى : شينجياڭ گازەتى

  جۇڭحۋا حالىق رەسپۋبليكاسى ءتوراعاسىنىڭ بۇيرىعى 3 - ءنومىرلى «جۇڭحۋا حالىق رەسپۋبليكاسىنىڭ ساياحات زاڭى» جۇڭحۋا حالىق رەسپۋبليكاسى مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 2 - ماجىلىسىندە 2013 - جىلى 25 - ساۋىردە ماقۇلداندى.

  ءبىرىنشى تاراۋ جالپى ەرەجە

  ەكىنشى تاراۋ ساياحاتشى

  ءۇشىنشى تاراۋ ساياحات جوباسى جانە ونى جەبەۋ

  ءتورتىنشى تاراۋ ساياحات تيجاراتى

  بەسىنشى تاراۋ ساياحاتقا قىزمەت وتەۋ توقتامى

  التىنشى تاراۋ ساياحات حاۋىپسىزدىگى

  جەتىنشى تاراۋ ساياحاتتى باقىلاۋ، باسقارۋ

  سەگىزىنشى تاراۋ ساياحات داۋ - شارىن ءبىر جاقتىلى ەتۋ

  توعىزىنشى تاراۋ زاڭدىق جاۋاپكەرلىك

  ونىنشى تاراۋ قوسىمشا ەرەجە ءبىرىنشى تاراۋ جالپى ەرەجە

  1 - تارماق بۇل زاڭ ساياحاتشىلار مەن ساياحات تيجاراتشىلارىنىڭ زاڭدى ۇقىق - مۇددەسىن قامتاماسىزداندىرۋ، ساياحات بازارىنىڭ ءتارتىبىن ارناعا ءتۇسىرۋ، ساياحات بايلىعىن قورعاۋ جانە ۇيلەسىمدى پايدالانۋ، ساياحات ىستەرىنىڭ باياندى، اقاۋسىز دامۋىن جەبەۋ ءۇشىن جاسالدى.

  2 - تارماق جۇڭحۋا حالىق رەسپۋبليكاسىنىڭ شەكاراسى ىشىندە جانە جۇڭحۋا حالىق رەسپۋبليكاسىنىڭ شەكاراسى ىشىندەگى ۇيىمداردىڭ شەكارادان شىعىپ سەرۋەندەۋ، تىنىعۋ، سەيىلدەۋ سياقتى فورمالارمەن ساياحاتتاۋ قيمىلىنا، سونداي - اق ساياحاتتاۋ قيمىلىنا سايكەستى قىزمەت وتەيتىن تيجارات قيمىلىنا وسى زاڭ قولدانىلادى.

  3 - تارماق مەملەكەت ساياحات ىستەرىن دامىتىپ، ساياحاتقا الەۋمەتتىك قىزمەت وتەۋدى كەمەلدەندىرىپ، ساياحاتشىلاردىڭ ساياحات قيمىلىنداعى ۇقىعىن زاڭ بويىنشا قورعايدى.

  4 - تارماق ساياحات ىستەرىن دامىتۋدا قوعامدىق ونىمدىلىكتىڭ، ەكونوميكالىق ونىمدىلىكتىڭ جانە ەكولوگيالىق ونىمدىلىكتىڭ بىرلىگى پرينسيبىنە بويسۇنۋ كەرەك. مەملەكەت ءتۇرلى بازار سۋبيەكتىلەرىنىڭ ساياحات بايلىعىن ءونىمدى قورعاۋ العى شارتىندا ساياحات بايلىعىن زاڭ بويىنشا ۇيلەسىمدى پايدالانۋىنا شابىت بەرەدى. الەۋمەتتىك بايلىق قۇرىلىسىنان پايدالاناتىن ساياحات ورىندارى الەۋمەتتىك يگىلىك سيپاتىن ايگىلەۋى كەرەك.

  5 - تارماق مەملەكەت اقاۋسىز، وركەنيەتتى، قورشاعان ورتانى قورعايتىن ساياحات ءتاسىلىن دارىپتەپ، ءتۇرلى قوعامدىق قۇرىلىمداردىڭ ساياحات جونىندەگى الەۋمەتتىك يگىلىك ۇگىتىن ورىستەتۋىن قولداپ جانە وعان شابىت بەرىپ، ساياحات ىستەرىنىڭ دامۋىن جەبەۋگە كورنەكتى ۇلەس قوسقان ورىندار مەن جەكەلەردى سيلايدى. 6 - تارماق مەملەكەت ساياحاتقا قىزمەت وتەۋ ولشەمى مەن بازار ەرەجەسىن ورناتىپ جانە كەمەلدەندىرىپ، كاسىپتىك مونوپوليالاۋعا جانە رايوندىق مونوپوليالاۋعا تيىم سالادى. ساياحات تيجاراتشىلارى سەنىمدى تيجارات جۇرگىزىپ، ءادىل باسەكەلەسىپ، قوعامدىق جاۋاپكەرلىكتى ارقالاپ، ساياحاتشىلارعا حاۋىپسىز، اقاۋسىز، تازا، قولايلى ساياحات قىزمەتىن وتەۋى كەرەك.

  7 - تارماق مەملەكەتتىك كەڭەس ساياحاتقا جان - جاقتىلى سايكەستىرۋ مەحانيزمىن ورناتىپ جانە كەمەلدەندىرىپ، ساياحات كاسىبىنىڭ دامۋىن جان - جاقتىلى سايكەستىرەدى. اۋدان دارەجەلىدەن جوعارى جەرگىلىكتى حالىق ۇكىمەتى ساياحات قىزمەتى جونىندەگى ۇيىمدى جانە وعان باسشىلىقتى كۇشەيتىپ، قاتىستى تاراۋلاردى نەمەسە قۇرىلىمداردى ايقىنداپ، ءوز اكىمشىلىك وڭىرىندەگى ساياحات ىستەرىنىڭ دامۋىن جانە ونى باقىلاۋدى، باسقارۋدى ءبىر تۇتاس سايكەستىرەدى.

  8 - تارماق زاڭ بويىنشا قۇرىلعان ساياحات كاسىپتىك ۇيىمدارى ورىندى تەجەمدى باسقارادى. ەكىنشى تاراۋ ساياحاتشى

  9 - تارماق ساياحاتشى ساياحات ونىمدەرى مەن قىزمەت وتەۋدى ءوزى تاڭداۋعا ۇقىقتى، ساياحات تيجاراتشىلارىنىڭ كۇشتەپ ساۋدالاسۋ قيمىلىنان باس تارتۋعا ۇقىقتى. ساياحاتشى ءوزى ساتىپ الاتىن ساياحات ونىمدەرىنىڭ جانە ساياحاتقا قىزمەت وتەۋدىڭ ناقتىلى احۋالىن ۇعىسۋعا ۇقىقتى. ساياحاتشى ساياحات تيجاراتشىلارىنىڭ كەلىسىمگە ساي ساياحات ونىمدەرىمەن قامداۋىن جانە قىزمەت وتەۋىن تالاپ ەتۋگە ۇقىقتى.

  10 - تارماق ساياحاتشىلاردىڭ ار - نامىسىنا، ۇلتتىق سالت - ساناسىنا جانە ءدىني سەنىمىنە قۇرمەت ەتىلۋى كەرەك.

  11 - تارماق مۇگەدەك، ەگدە، ازامات جاسىنا تولماعان، ت. ب. ساياحاتشىلار ساياحاتتاۋ قيمىلى بارىسىندا زاڭدارعا، زاڭ - ەرەجەلەرگە جانە قاتىستى بەلگىلەمەلەرگە ساي قولايلىلىقتان جانە جەڭىلدىكتەن يگىلىكتەنەدى.

  12 - تارماق ساياحاتشىلار باس اماندىعى، مال - مۇلىك اماندىعى قاتەرگە ۇشىراعاندا، قۇتقارۋدى جانە قورعاۋدى تالاپ ەتۋگە ۇقىقتى. ساياحاتشى جەكە باسى، مال - مۇلكى سۇعاناققا ۇشىراسا، زاڭ بويىنشا تولەم الۋعا ۇقىقتى. 13 - تارماق ساياحاتشى ساياحاتتاۋ قيمىلى بارىسىندا قوعامدىق الەۋمەتتىك ءتارتىپ پەن قوعامدىق الەۋمەتتىك ءمورالعا بويسۇنىپ، سول جەردىڭ سالت - ساناسىنا، مادەنيەت داستۇرىنە جانە ءدىني سەنىمىنە قۇرمەت ەتىپ، ساياحات بايلىعىن ايالاپ، ەكولوگيالىق ورتانى قورعاپ، ساياحات وركەنيەتىنىڭ قيمىل ولشەمىنە باعىنۋى كەرەك.

  14 - تارماق ساياحاتشى ساياحات قيمىلى بارىسىندا نەمەسە داۋ - شاردى شەشكەندە، سول جەردەگى تۇرعىنداردىڭ زاڭدى ۇقىق - مۇددەسىنە زالال جەتكىزۋىنە، باسقالاردىڭ ساياحات قيمىلىنا كەدەرگىلىك جاساۋىنا، ساياحات تيجاراتشىلارى مەن ساياحات كاسىپكەرلەرىنىڭ زاڭدى ۇقىق - مۇددەسىنە زالال جەتكىزۋىنە بولمايدى.

  15 - تارماق ساياحاتشى زات ساتىپ العاندا، ساياحات جونىنەن قىزمەت وتەۋدى قابىلداعاندا، ساياحات تيجاراتشىلارىنا ساياحات قيمىلىمەن قاتىستى بولعان ءوزىنىڭ دەنساۋلىق جاعدايىن قاز - قالپىندا ايتىپ، ساياحات قيمىلى بارىسىندا حاۋىپسىزدىك ساقتىعى بەلگىلەمەلەرىنە بويسۇنۋى كەرەك. ساياحاتشى مەملەكەتتىڭ اۋىر توسىن وقيعالارعا توتەپ بەرۋدە ساياحاتتاۋ قيمىلىنا ۋاقىتشا شەك قويۋ جونىندەگى شارالارىنا، سونداي - اق قاتىستى تاراۋلاردىڭ، قۇرىلىمداردىڭ نەمەسە ساياحات تيجاراتشىلارىنىڭ قولدانعان حاۋىپسىزدىك قورعانىسىنا جانە شۇعىل ىڭعايلاۋ شارالارىنا سايكەسۋى كەرەك. ساياحاتشى حاۋىپسىزدىك ساقتاندىرۋى جونىندەگى بەلگىلەمەگە قايشىلىق جاساسا نەمەسە مەملەكەتتىڭ اۋىر توسىن وقيعالارعا توتەپ بەرۋدە ساياحاتتاۋ قيمىلىنا ۋاقىتشا شەك قويۋ شارالارىنا، حاۋىپسىزدىك قورعانىسىنا جانە شۇعىل ىڭعايلاۋ شارالارىنا سايكەسپەسە، جاۋاپكەرلىكتى زاڭ بويىنشا لايىقتى ارقالايدى. 16 - تارماق شەكارادان شىعىپ ساياحاتتاۋشىنىڭ شەكارا سىرتىندا زاڭسىز ايالداۋىنا بولمايدى، ۇيىرمەمەن بىرگە شەكارادان شىققان ساياحاتشىلاردىڭ ءوز بەتىمەن ۇيىرمەدەن بولىنۋىنە، ۇيىرمەدەن كەتىپ قالۋىنا بولمايدى. شەكارادان كىرىپ ساياحاتتاۋشىنىڭ شەكارا ىشىندە زاڭسىز ايالداۋىنا بولمايدى، ۇيىرمەمەن بىرگە شەكارادان كىرگەن ساياحاتشىلاردىڭ ءوز بەتىمەن ۇيىرمەدەن بولىنۋىنە، ۇيىرمەدەن كەتىپ قالۋىنا بولمايدى. ءۇشىنشى تاراۋ ساياحات جوباسى جانە ونى جەبەۋ.

  17 - تارماق مەملەكەتتىك كەڭەس جانە اۋدان دارەجەلىدەن جوعارى جەرگىلىكتى حالىق ۇكىمەتى ساياحات ىستەرىن دامىتۋدى حالىق شارۋاشىلىعى مەن قوعامدىق دامۋ جوباسىنا ەنگىزۋى كەرەك. مەملەكەتتىك كەڭەس جانە ولكەلىك، اۆتونوميالى رايوندىق، توتە قاراستى قالالىق حالىق ۇكىمەتى، سونداي - اق ساياحات بايلىعى مول رايونعا بولىنگەن قالالىق جانە اۋدان دارەجەلى حالىق ۇكىمەتى حالىق شارۋاشىلىعى مەن قوعامدىق دامۋ جوباسىنىڭ تالابىنا ساي ساياحاتتى دامىتۋ جوباسىن ۇيىمداستىرىپ جاساۋى كەرەك. اكىمشىلىك ءوڭىر اتتاعان ءارى تۇلعالىق پايدالانۋعا ۇيلەسەتىن ساياحات بايلىعىنان پايدالانعاندا، جوعارى دارەجەلى حالىق ۇكىمەتى ساياحاتتى دامىتۋ ءبىر تۇتاس جوباسىن ۇيىمداستىرىپ جاساۋى نەمەسە قاتىستى جەرگىلىكتى حالىق ۇكىمەتى اقىلداسىپ ءبىر تۇتاس جاساۋى كەرەك.

  18 - تارماق ساياحاتتى دامىتۋ جوباسى ساياحات ىستەرىن دامىتۋدىڭ تۇلعالىق تالابى مەن دامۋ نىساناسى، ساياحات بايلىعىن قورعاۋدىڭ جانە پايدالانۋدىڭ تالابى مەن شاراسى، سونداي - اق ساياحات ونىمدەرىن اشۋ، ساياحاتقا قىزمەت وتەۋ ساپاسىن جوعارىلاتۋ، ساياحات مادەنيەتى قۇرىلىسى، ساياحات وبرازىن جالپىلاستىرۋ، ساياحات نەگىزدىك قۇرىلعىلارى مەن الەۋمەتتىك قىزمەت وتەۋ قۇرىلعى قۇرىلىستارىنىڭ تالابى جانە ونى جەبەۋ شارالارى سياقتى مازمۇنداردى قامتۋى كەرەك. ساياحاتتى دامىتۋ جوباسىنا ساي، اۋدان دارەجەلىدەن جوعارى جەرگىلىكتى حالىق ۇكىمەتى ءتۇيىندى ساياحات بايلىعىن اشىپ پايدالانۋدىڭ ارناۋلى جوباسىن جاساپ، ەرەكشە وڭىردەگى ساياحات نىساندارى، قۇرىلعىلارى جانە قىزمەت وتەۋ يقۋاتىن تۇلعالاندىرۋ جونىنەن ارناۋلى تالاپتاردى العا قويسا بولادى.19 - تارماق ساياحاتتى دامىتۋ جوباسى جەر پايدالانۋ تۇلعالىق جوباسىمەن، قالا - اۋىل جوباسىمەن، قورشاعان ورتانى قورعاۋ جوباسىمەن، سونداي - اق باسقا دا جاراتىلىستىق بايلىق جانە مادەني مۇرا سياقتى گۋمانيتارلىق بايلىقتاردى قورعاۋ جانە پايدالانۋ جوباسىمەن ءوزارا قابىسۋى كەرەك.

  20 - تارماق ءار دارەجەلى حالىق ۇكىمەتى جەر پايدالانۋ تۇلعالىق جوباسىن، قالا - اۋىل جوباسىن جاساعاندا، قاتىستى ساياحات نىساندارىنىڭ، قۇرىلعىلارىنىڭ كەڭىستىك ورنالاسۋى مەن قۇرىلىسقا جەر پايدالانۋ تالابىن تولىق ەسكەرۋى كەرەك. قاتىناس، حابارلاسۋ، سۋمەن، توكپەن قامداۋ، ورتانى قورعاۋ سياقتى نەگىزدىك قۇرىلعىلار مەن الەۋمەتتىك قىزمەت وتەۋ قۇرىلعىلارىن جوبالاعاندا جانە سالعاندا، ساياحات ىستەرىن دامىتۋ قاجەتىنە تەڭ ءمان بەرۋى كەرەك.

  21 - تارماق جاراتىلىستىق بايلىق جانە مادەني مۇرا سياقتى گۋمانيتارلىق بايلىقتاردى ساياحاتقا پايدالانۋدا قاتىستى زاڭدارداعى، زاڭ - ەرەجەلەردەگى بەلگىلەمەلەرگە قاتاڭ بويسۇنىپ، بايلىقتى، ەكولوگيانى قورعاۋدىڭ جانە مادەني مۇرالاردىڭ حاۋىپسىزدىك تالابىنا ۇيلەسۋ، جەرگىلىكتى ورىننىڭ ءداستۇرلى مادەنيەتى مەن سالتىنا قۇرمەت ەتۋ جانە ونى قورعاۋ، بايلىقتىڭ وڭىرلىك تۇلعالىعىن، مادەنيەتكە ۋاكىلدىك سيپاتىن جانە وڭىرلىك ەرەكشەلىگىن قورعاۋ ءارى اسكەري قۇرىلعىلاردى قورعاۋدىڭ قاجەتىن ەسكەرۋ كەرەك. قاتىستى باسقارۋشى تاراۋلار بايلىقتى قورعاۋ مەن ساياحاتتان پايدالانۋ احۋالىن باقىلاۋدى، تەكسەرۋدى كۇشەيتۋى كەرەك.

  22 - تارماق ءار دارەجەلى حالىق ۇكىمەتى دارەجەلەس حالىق ۇكىمەتى جاساعان ساياحاتتى دامىتۋ جوباسىنىڭ اتقارىلۋ احۋالىن باعالاۋعا ۇيىمداستىرۋى ءارى ونى قوعامعا جاريالاۋى كەرەك. 23 - تارماق مەملەكەتتىك كەڭەس جانە اۋدان دارەجەلىدەن جوعارى جەرگىلىكتى حالىق ۇكىمەتى ساياحات ىستەرىنىڭ باياندى، اقاۋسىز دامۋىنا ءتيىمدى كاسىپ ساياساتىن جاساپ ءارى اتقارۋعا ۇيىمداستىرىپ، ساياحاتتاپ دەمالۋ جۇيەسى قۇرىلىسىن ىلگەرىلەتىپ، وڭىرلىك ساياحات ىستەستىگىن شارالار قولدانا وتىرىپ ىلگەرىلەتىپ، رايون اتتاپ ساياحاتتاۋ جەلىسى مەن ونىمدەرىن اشۋعا شابىت بەرىپ، ساياحاتتىڭ ونەركاسىپ، اۋىل شارۋاشىلىعى، ساۋدا، مادەنيەت، دەنساۋلىق ساقتاۋ، دەنە تاربيە، عىلىم - تەحنيكا، وقۋ - اعارتۋ سياقتى سالالارمەن توعىسۋىن جەبەپ، ءار ۇلت رايوندارىنىڭ، توڭكەرىستىك بايىرعى رايونداردىڭ، شەكارا، شالعاي رايونداردىڭ جانە كەدەي رايونداردىڭ ساياحات ىستەرىنىڭ دامۋىن سۇيەمەلدەۋى كەرەك.

  24 - تارماق مەملەكەتتىك كەڭەس جانە اۋدان دارەجەلىدەن جوعارى جەرگىلىكتى حالىق ۇكىمەتى ناقتى جاعدايعا قاراي قارجى ورنالاستىرىپ، ساياحات نەگىزدىك قۇرىلعىلار، قۇرىلىسىن، ساياحاتقا الەۋمەتتىك قىزمەت وتەۋدى جانە ساياحات وبرازىن جالپىلاستىرۋدى كۇشەيتۋى كەرەك.

  25 - تارماق مەملەكەت ساياحات وبرازىن جالپىلاستىرۋ ستراتەگياسىن بەلگىلەيدى ءارى اتقارادى. مەملەكەتتىك كەڭەستىڭ ساياحات باسقارۋ تاراۋى مەملەكەتتىڭ ساياحات وبرازىن شەتەلگە ۇگىتتەۋ قىزمەتىن ءبىر تۇتاس ۇيىمداستىرىپ، ساياحات وبرازىن ۇگىتتەۋ قۇرىلىمىن جانە تورابىن قۇرىپ، ساياحاتتا حالىقارالىق ىستەستىك پەن بارىس - كەلىستى ورىستەتەدى. اۋدان دارەجەلىدەن جوعارى جەرگىلىكتى حالىق ۇكىمەتى ءوز جەرىنىڭ ساياحات وبرازىن ۇگىتتەۋ قىزمەتىن ءبىر تۇتاس ۇيىمداستىرادى. 26 - تارماق مەملەكەتتىك كەڭەستىڭ ساياحات باسقارۋ تاراۋى جانە اۋدان دارەجەلىدەن جوعارى جەرگىلىكتى حالىق ۇكىمەتى قاجەتكە قاراي ساياحات الەۋمەتتىك ينفورماتسيا جانە كەڭەسشىلىك تەكشەسىن قۇرىپ، ساياحات كورىنىس رايونى، جەلىسى، قاتىناس، اۋا رايى، جاتاق، حاۋىپسىزدىك، ەمدەۋ، شۇعىل قۇتقارۋ سياقتى قاجەتتى ينفورماتسيالاردى ساياحاتشىلارعا تەگىن بەرۋى جانە تەگىن قىزمەت وتەۋى كەرەك. رايونعا بولىنگەن قالالىق جانە اۋدان دارەجەلى حالىق ۇكىمەتىنىڭ قاتىستى تاراۋلارى قاجەتكە قاراي قاتىناس تۇيىندەرىنە، ساۋدا سەنترلەرىنە جانە ساياحاتشىلار شوعىرلى ورىندارعا ساياحات كەڭەسشىلىك سەنترىن قۇرىپ، كورىنىس رايوندارى مەن باستى كورىنىس رايوندارىنا باراتىن جولدارعا ساياحاتقا جەتەكشىلىك ەتۋ كورسەتكىش بەلگىسىن ورناتۋى كەرەك. ساياحات بايلىعى مول رايونعا بولىنگەن قالالىق جانە اۋدان دارەجەلى حالىق ۇكىمەتى ءوز جەرىنىڭ ناقتىلى جاعدايىنا ساي، ساياحات جولاۋشى تاسىمال ارناۋلى جەلىسىن نەمەسە جولاۋشىلار جولشىباي كولىك اۋىستىرۋ ايالداماسىن قۇرىپ، جولاۋشىلارعا قالادا جانە ونىڭ توڭىرەگىندە ساياحاتتاۋىنا قىزمەت وتەسە بولادى.

  27 - تارماق مەملەكەت ساياحات كاسىبى جونىندەگى ءتالىم - تاربيە مەن باۋلۋدى ورىستەتۋگە شابىت بەرىپ جانە ونى قولداپ، ساياحات كاسىپكەرلەرىنىڭ ساپاسىن جوعارىلاتادى. ءتورتىنشى تاراۋ ساياحات تيجاراتى. 28 - تارماق ساياحات كووپەراتيۆىن قۇرىپ، ساياحاتشىلاردى باۋراۋدا، ۇيىمداستىرۋدا، كۇتىپ الۋدا، ولارعا ساياحاتتىق قىزمەت وتەۋدە مىناداي شارتتاردى ازىرلەپ، ساياحات باسقارۋ تاراۋىنىڭ رۇقساتىن الىپ، زاڭ بويىنشا تىزىمدەلەدى: (1) تۇراقتى تيجارات ورنى بولسا؛ (2) قاجەتتى كاسىپتىك قۇرىلعىلارى بولسا؛ (3) بەلگىلەمەگە ۇيلەسەتىن تىركەلگەن كاپيتالى بولسا؛ (4) قاجەتتى كاسىپتىك تيجارات باسقارۋشىلارى جانە باستاۋشىسى بولسا؛ (5) زاڭداردا، اكىمشىلىك زاڭ - ەرەجەلەردە بەلگىلەنگەن باسقا دا شارتتار.

  29 - تارماق ساياحات كووپەراتيۆى مىناداي كاسىپتەردى ىستەسە بولادى: (1) شەكارا ىشىندە ساياحاتتاۋدى؛ (2) شەكارادان شىعىپ ساياحاتتاۋدى؛ (3) شەكارالىق ساياحاتتاۋدى؛ (4) شەكارادان كىرىپ ساياحاتتاۋدى؛ (5) باسقا دا ساياحاتتاۋ كاسىبىن. ساياحات كووپەراتيۆى الدىڭعى تارماقشانىڭ ەكىنشى ءتۇرى مەن ءۇشىنشى تۇرىندەگى كاسىپتى ىستەگەندە، سايكەستى كاسىپتىك تيجارات رۇقساتىن الۋى كەرەك، ناقتىلى شارتىن مەملەكەتتىك كەڭەس بەلگىلەيدى.

  30 - تارماق ساياحات كووپەراتيۆى ءوزىنىڭ كاسىپتىك تيجارات رۇقسات كۋالىگىن جالعا بەرۋىنە، قارىزعا بەرۋىنە نەمەسە باسقا دا فورمالارمەن ساياحات كووپەراتيۆىنىڭ كاسىپتىك تيجارات كۋالىگىن زاڭسىز وتكەرمەلەۋىنە بولمايدى.

  31 - تارماق ساياحات كووپەراتيۆى بەلگىلەمە بويىنشا ساياحاتشىلارعا قىزمەت وتەۋ ساپاسىنا كەپىلدىك قاراجاتىن تاپسىرىپ، ونى ساياحاتشىلاردىڭ ۇقىق - مۇددەسى زيانعا ۇشىراعانداعى تولەم جانە ساياحاتشىلاردىڭ باس اماندىعى قاتەرگە جولىققاندا شۇعىل قۇتقارۋعا تولەي تۇراتىن قاراجات رەتىندە جۇمساسا بولادى. 32 - تارماق ساياحات كووپەراتيۆى ساياحاتشىلاردى باۋراۋ، ۇيىمداستىرۋ ءۇشىن جاريالاعان ينفورماتسيالارى شىن، دۇرىس بولۋى كەرەك، جالعان ۇگىت جۇرگىزىپ، ساياحاتشىلاردى الداۋىنا بولمايدى.

  33 - تارماق ساياحات كووپەراتيۆى جانە ونىڭ قىزمەتكەرلەرى ساياحاتشىلاردى ۇيىمداستىرعاندا، قابىلداعاندا، مەملەكەتتىڭ زاڭدارىنا، زاڭ - ەرەجەلەرىنە جانە قوعامدىق ءمورالعا قايشى نىسانداردى نەمەسە وسى تەكتەس قيمىلدارعا نىسانداردى قاتىناسۋعا ورنالاستىرۋىنا بولمايدى.

  34 - تارماق ساياحات كووپەراتيۆى ساياحات قيمىلىندا ساياحاتشىلاردى تولىمدى قامداۋشى ساۋداگەردەن بۇيىم ساتىپ الۋعا نەمەسە قىزمەت وتەۋدى قابىلداۋعا ۇيىمداستىرۋى كەرەك.

  35 - تارماق ساياحات كووپەراتيۆى ۇيلەسىمسىز تومەن باعا ارقىلى ساياحات قيمىلىنا ۇيىمداستىرىپ ساياحاتشىلاردى شىرعالاۋىنا بولمايدى ءارى زات ساتىپ الۋعا ورنالاستىرۋ نەمەسە ساياحات نىساندارىنا ايىرىم قاراجات تولەتىپ قولۇزدىك الۋ سياقتى ورىنسىز پايدا تۇسىرۋىنە بولمايدى. ساياحات كووپەراتيۆى ساياحاتشىلاردى ۇيىمداستىرعاندا، قابىلداعاندا، ناقتىلى زات ساتىپ الاتىن ورىندى بەلگىلەۋىنە، ايىرىم قاراجات تولەيتىن ساياحات نىساندارىنا ورنالاستىرۋىنا بولمايدى. ءبىراق ەكى جاعى كەلىسىم ارقىلى بىرلىككە كەلسە نەمەسە ساياحاتشى تالاپ ەتسە ءارى باسقا ساياحاتشىلاردىڭ ساپارىنا ىقپال جاسامايتىن ورنالاستىرۋ بولسا مۇنىڭ سىرتىندا. الدىڭعى ەكى تارماقشاداعى بەلگىلەمەگە قايشى كەلەتىن جايت تۋىلسا، ساياحاتشى ساياحات ساپارى اياقتاعاننان كەيىنگى 30 كۇن ىشىندە ساياحات كووپەراتيۆىنە زاتتى قايتارىپ بەرۋدى ءارى قايتارعان زاتتىڭ اقشاسىن الدىن الا تولەۋدى نەمەسە ايىرىم تولەگەن ساياحات نىساندارىنىڭ قاراجاتىن قايتارىپ بەرۋدى تالاپ ەتۋگە ۇقىقتى. 36 - تارماق ساياحات كووپەراتيۆى شەكارادان شىعىپ ساياحاتتاۋعا ۇيىرمە ۇيىمداستىرعاندا نەمەسە شەكارادان كىرىپ ساياحاتتاۋعا ۇيىرمە ۇيىمداستىرعاندا، قابىلداعاندا، بەلگىلەمەگە ساي جەتەكشى نەمەسە باستاۋشى ورنالاستىرىپ، بۇكىل ساپارعا جولسەرىك بولۋى كەرەك.

  37 - تارماق باستاۋشىلاردىڭ تولىمدىلىق ەمتيحانىندا تولىمدى بولىپ، ساياحات كووپەراتيۆىمەن ەڭبەك توقتامىن جاساسقانداردىڭ نەمەسە قاتىستى ساياحات كاسىپ سالا ۇيىمىنا تىركەلگەندەردىڭ باستاۋشىلىق كۋالىگىن الۋدى ءوتىنىش ەتۋىنە بولادى.

  38 - تارماق ساياحات كووپەراتيۆى ءوزى ۇسىنىس ەتكەن باستاۋشىمەن زاڭ بويىنشا ەڭبەك توقتامىن جاساسىپ، وعان ەڭبەكاقى بەرۋى، قوعامدىق قامسىزداندىرۋ قاراجاتىن تاپسىرۋى كەرەك. ساياحات كووپەراتيۆى ۋاقىتشا باستاۋشى ۇسىنىس ەتىپ، ساياحاتشىلارعا قىزمەت وتەيتىن بولسا، وسى زاڭنىڭ 60 - تارماعىنىڭ ءۇشىنشى تارماقشاسىندا بەلگىلەنگەن باستاۋشىلىق قىزمەت وتەۋ اقىسىن باستاۋشىعا تۇتاستاي بەرۋ كەرەك. ساياحات كووپەراتيۆى ۇيىرمەنى ساياحاتتاتۋعا قىزمەت وتەۋگە باستاۋشى ورنالاستىرسا، باستاۋشىدان اقشا تاپسىرۋدى تالاپ ەتۋگە نەمەسە باستاۋشىدان ءارقانداي قاراجات الۋىنا بولمايدى.

  39 - تارماق باستاۋشىلىق كۋالىگىن العان، سايكەستى ماعلۇماتى، ءتىل قابىلەتى جانە ساياحات كاسىبى جاعىندا تاجىريبەسى بار ءارى ساياحات كووپەراتيۆىمەن ەڭبەك توقتامىن جاساسقان ادامداردىڭ جەتەكشى كۋالىگىن الۋدى ءوتىنىش ەتۋىنە بولادى.

  40 - تارماق باستاۋشى مەن جەتەكشى ساياحاتشىلارعا قىزمەت وتەگەندە، ساياحات كووپەراتيۆىنىڭ ۇيعارىمىن قابىلداۋى كەرەك، باستاۋشىلىق جانە جەتەكشىلىك كاسىپتى ءوز الدىنا قابىلداۋىنا بولمايدى. 41 - تارماق باستاۋشىلىق جانە جەتەكشىلىك كاسىبى قيمىلىمەن شۇعىلدانۋدا باستاۋشىلىق كۋالىگىن، جەتەكشىلىك كۋالىگىن تاعۋى، كاسىپتىك ءمورالعا باعىنۋى، ساياحاتشىلاردىڭ عۇرىپ - ادەتىنە جانە ءدىني سەنىمىنە قۇرمەت ەتۋى، وركەنيەتتى قيمىل ولشەمىن ساياحاتشىلارعا ۇعىندىرىپ جانە ءتۇسىندىرىپ، ساياحاتشىلاردى اقاۋسىز، وركەنيەتتى ساياحاتتاۋعا جەتەلەپ، ساياحاتشىلاردىڭ قوعامدىق الەۋمەتتىك ءمورالعا قايشى ارەكەتتەرىنە ءناسيحات ايتۋى كەرەك. باستاۋشى مەن جەتەكشى ساياحات ساپارى جونىندەگى ورنالاستىرۋلاردى قاتاڭ اتقارۋى كەرەك، ساياحات ساپارىن الباتى وزگەرتۋىنە نەمەسە قىزمەت وتەۋ قيمىلىن جول ورتادا دوعارۋىنا، ساياحاتشىلاردان قولۇزدىك سۇراۋىنا بولمايدى، ساياحاتشىلاردى زات ساتىپ الۋعا نەمەسە ايىرىم قاراجات تولەيتىن ساياحات نىساندارىنا قاتىناسۋعا شىرعالاۋعا، الداۋعا، كۇشتەۋگە نەمەسە قۇبىلتىپ كۇشتەۋگە بولمايدى.

  42 - تارماق كورىنىس رايونىن اشىق ۇستاۋدا مىناداي شارتتاردى ازىرلەۋ ءارى ساياحات باسقارۋ تاراۋىنىڭ پىكىرىن تىڭداۋ كەرەك: (1) ساياحاتقا قاجەتتى تۇلعالاندىرىلعان قىزمەت وتەۋى جانە قوسالقى قۇرىلعىلارى بولۋى؛ (2) قاجەتتى حاۋىپسىزدىك قۇرىلعىلارى جانە ءتۇزىمى بولۋى، حاۋىپسىزدىك حاۋىپ - قاتەرىن باعالاۋ ارقىلى حاۋىپسىزدىك شارتىن قاناعاتتاندىرۋى؛ (3) قاجەتتى قورشاعان ورتانى قورعاۋ قۇرىلعىلارى جانە ەكولوگيانى قورعاۋ شارالارى بولۋى؛ (4) زاڭداردا، اكىمشىلىك زاڭ - ەرەجەلەردە بەلگىلەنگەن باسقا دا شارتتار.

  43 - تارماق الەۋمەتتىك بايلىقتان پايدالانىلىپ سالىنعان كورىنىس رايونىنىڭ ەسىك بەلەتى، سونداي - اق كورىنىس رايونىنداعى سەيىلدەۋ ورنى، قاتىناس قۇرالى سياقتى ايىرىم اقى الۋ نىساندارىنا ۇكىمەتتىڭ تۇراقتى باعاسى نەمەسە ۇكىمەتتىڭ جەتەكشى باعاسى اتقارىلىپ، باعانى جوعارىلاتۋعا قاتاڭ تيىم سالىنادى. اقى الىنباقشى نەمەسە باعا جوعارىلاتىلاتىن بولسا، دالەل تىڭداۋ ءماجىلىسىن اشىپ، ساياحاتشىلاردىڭ، تيجاراتشىلاردىڭ جانە قاتىستى جاقتاردىڭ پىكىرىن تىڭداپ، ونىڭ قاجەتتىلىگىن، سەنىمدىلىگىن دالەلدەۋ كەرەك. الەۋمەتتىك بايلىقتان پايدالانىپ سالىنعان كورىنىس رايوندارىنىڭ ايىرىم اقى الۋ نىسانىن مولايتۋ سياقتى تاسىلدەر ارقىلى باعاسىن قۇبىلتىپ جوعارىلاتۋعا بولمايدى؛ ايىرىم اقى الۋ نىسانى قوسىلعان قارجىنىڭ وزىندىك قۇنىن قايتارعان بولسا، باعانى سايكەستى تومەندەتۋ نەمەسە اقى الۋدى كۇشىنەن قالدىرۋ كەرەك. مادەني مۇرا رەتىندە ءتۇيىندى قورعالاتىن مەكەمە - ورنى مەن باعالى مادەني مۇرا ساقتالعان مەكەمە - ورىندارىنان سىرت، قالالارداعى الەۋمەتتىك يگىلىك سيپاتتى باقشا، مۇراجاي، ەسكەرتكىش ساراي سياقتىلار بىرتىندەپ اقىسىز اشىق ۇستالۋى كەرەك.

  44 - تارماق كورىنىس رايوندارى قاقپا بەلەتىنىڭ باعاسىن، ايىرىم اقى الىناتىن نىسانداردىڭ باعاسىن جانە كوللەكتيۆ اقى الۋ باعاسىن كورنەكتى ورىنعا اشىق جاريالاۋ كەرەك. كورىنىس رايونى ەسىك بەلەتىنىڭ باعاسىن جوعارىلاتاتىن بولسا، 6 اي ىلگەرى اشىق جاريالاۋ كەرەك. تۇرلىشە كورىنىس رايوندارىنىڭ ەسىك بەلەتى نەمەسە ۇقساس كورىنىس رايونىنداعى تۇرلىشە سەيىلدەۋ ورىندارىنىڭ ەسىك بەلەتى بىرگە ساتىلاتىن بولسا، بىرىكتىرىلگەننەن كەيىنگى باعا ايىرىم ەسىك بەلەتى باعاسىنىڭ جينتىعىنان جوعارى بولۋىنا بولمايدى ءارى ساياحاتشى وسىنىڭ ىشىندەگى ايىرىم بەلەتتەردى تاڭداپ ساتىپ الۋعا ۇقىقتى. كورىنىس رايونىنداعى ءتۇيىندى سەيىلدەۋ نىسانى ساياحاتشىلارعا اشۋ بارىسىندا شىرعالاڭ سالدارىنان ۋاقىتشا توقتاتىلسا نەمەسە قىزمەت وتەۋى دوعارىلسا، اشىق جاريالاۋ ءارى الىناتىن سايكەستى اقىنى كەمەيتۋ كەرەك.

  45 - تارماق كورىنىس رايونى ساياحاتشىلاردى قابىلداعاندا، ساياحات رايونىن باسقارۋ تاراۋى بەلگىلەگەن ەڭ كوپ سيىمدىلىق مولشەرىنەن اسىرۋعا بولمايدى. كورىنىس رايونى كورىنىس رايونىن باسقارۋ تاراۋى بەلگىلەگەن ەڭ كوپ سيىمدىلىق مولشەرىن جاريالاپ، ساياحاتشىلاردىڭ كەلۋ مولشەرىن تىزگىندەۋ جوباسىن جاساۋى جانە اتقارۋى كەرەك ءارى ەسىك بەلەتىن الدىن الا كەلىسۋ سياقتى تاسىلدەردى قولدانىپ، كورىنىس رايونىنىڭ ساياحاتشىلاردى قابىلداۋ سانىن تىزگىندەۋى كەرەك. ساياحاتشىلاردىڭ سانى ەڭ كوپ سيىمدىلىق مولشەرىنە جەتۋى مۇمكىن بولعاندا، كورىنىس رايونى كۇن ىلگەرى حابارلاندىرۋى ءارى سول جەردەگى حالىق ۇكىمەتىنە مالىمدەۋى، كورىنىس رايونى مەن سول جەردەگى حالىق ۇكىمەتى جول كورسەتۋ، بىتىراتۋ سياقتى شارالاردى دەر كەزىندە قولدانۋى كەرەك. 46 - تارماق قالا - قالاشىق جانە اۋىل - قىستاق تۇرعىندارى وزدەرىنىڭ قورا - جايىنان نەمەسە باسقا دا شارت - جاعدايىنان پايدالانىپ زاڭ بويىنشا ساياحات تيجاراتىمەن شۇعىلدانۋدا ونى باسقارۋ ءادىسىن ولكە، اۆتونوميالى رايون، توتە قاراستى قالا جاسايدى.

  47 - تارماق جوعارى كەڭىستىك، جوعارى قارقىن، سۋ ءۇستى، سۋ استى، جاھانكەزدىك سياقتى قاتەرى مول ساياحات تيجاراتىمەن شۇعىلدانعاندا، مەملەكەتتىڭ قاتىستى بەلگىلەمەسىنە ساي تيجارات رۇقساتىن الۋ كەرەك.

  48 - تارماق ساياحات كووپەراتيۆىنىڭ كاسىبىن توراپ ارقىلى ىستەيتىن بولسا، ساياحات كووپەراتيۆى كاسىبىنىڭ تيجارات رۇقساتىن زاڭ بويىنشا الۋى ءارى سول توراپ ايالداماسىنىڭ باس بەتىنىڭ كورنەكتى ورنىنا سول كاسىپتى تيجارات ەتۋ رۇقسات كۋالىگى جونىندەگى ينفورماتسيانى ەسكەرتىپ قويۋى كەرەك. ساياحات تيجاراتى جونىندەگى ينفورماتسيانى جاريالايتىن توراپ ايالداماسى سول ينفورماتسيانىڭ شىندىعىنا، دۇرىستىعىنا كەپىلدىك ەتۋى كەرەك.

  49 - تارماق ساياحاتشىلارعا قاتىناس، جاتاق، اس، سۋ، كوڭىل اشۋ سياقتىلار جونىنەن قىزمەت وتەيتىن تيجاراتشى زاڭداردا، زاڭ - ەرەجەلەردە بەلگىلەنگەن تالاپقا ۇيلەسۋى، توقتامدا كەلىسىلگەن بورىشىن وتەۋى كەرەك. 50 - تارماق ساياحات تيجاراتشىسى ءوزى قامداعان تاۋاردىڭ جانە وتەگەن قىزمەتىنىڭ باس اماندىق جانە مال - مۇلىك اماندىعى تالابىنا ۇيلەسىمدى بولۋىنا كەپىلدىك ەتۋى كەرەك. ساياحات تيجاراتشىسى قاتىستى ساپا ولشەمى دارەجەسىن السا، ونىڭ قۇرىلعىلارى جانە قىزمەت وتەۋى سايكەستى ولشەمنەن تومەن بولۋىنا بولمايدى؛ ساپا ولشەمى دارەجەسىن الماسا، قاتىستى ساپا دارەجەسىندەگى اتاق پەن بەلگىنى پايدالانۋىنا بولمايدى.

  51 - تارماق ساياحات تيجاراتشىسى تاۋار ساتقاندا، ساتىپ العاندا نەمەسە قىزمەت وتەگەندە پارا بەرۋىنە نەمەسە الۋىنا بولمايدى.

  52 - تارماق ساياحات تيجاراتشىسى ءوزىنىڭ تيجارات قيمىلى بارىسىندا ءبىلىپ العان ساياحاتشىلاردىڭ جەكە ينفورماتسيالارىن قۇپيا ساقتاۋى كەرەك.

  53 - تارماق جول ساياحات تاسىمالىمەن شۇعىلداناتىن تيجاراتشىلار جول تاسىمال حاۋىپسىزدىگىن باسقارۋ جونىندەگى ءتۇرلى تۇزىمدەرگە بويسۇنۋى ءارى اۆتوكولىكتىڭ كورنەكتى ورنىنا جول ساياحات تاسىمالىنا ارناۋلى پايدالانىلادى دەگەن بەلگى جاپسىرۋى، اۆتوكولىك ءىشىنىڭ كورنەكتى ورنىنا تيجاراتشىنىڭ جانە كولىك جۇرگىزۋشىنىڭ ينفورماتسيالارى، جول تاسىمالىن باسقارۋ قۇرىلىمىنىڭ باقىلاۋ تەلەفونى سياقتىلاردى اشىق جاريالاۋى كەرەك.

  54 - تارماق كورىنىس رايون، جاتاق تيجاراتشىلارى ءوزىنىڭ ءىشىنارا تيجارات نىساندارىن نەمەسە ورنىن باسقالاردىڭ جاتاق، اس - سۋ، زات ساتىپ الۋ، سەيىلدەۋ، كوڭىل اشۋ، ساياحات قاتىناس سياقتى تيجاراتپەن شۇعىلدانۋىنا تابىستايتىن بولسا، ناقتى تيجاراتشىنىڭ تيجارات قيمىلى ساياحاتشىعا زيان جەتكىزسە، ىلىكتەس جاۋاپكەرلىك ارقالاۋى كەرەك.55 - تارماق ساياحات تيجاراتشىسى شەكارادان شىعىپ - كىرىپ ساياحاتتاۋعا ۇيىمداستىرعاندا، قابىلداعاندا، ساياحاتشىلاردىڭ زاڭعا قايشى قيمىلدارمەن شۇعىلدانعاندىعىن نەمەسە وسى زاڭنىڭ 61 - تارماعىنداعى بەلگىلەمەگە قايشى جايتتەرىن بايقاسا، قوعام حاۋىپسىزدىگى ورگانىنا، ساياحات باسقارۋ تاراۋىنا نەمەسە ەلىمىزدىڭ شەتەلدە تۇراتىن قۇرىلىمىنا دەرەۋ مالىمدەۋى كەرەك.

  56 - تارماق مەملەكەت ساياحات قيمىلىنىڭ حاۋىپ - قاتەر دارەجەسىنە ساي، ساياحات كووپەراتيۆ جاتاق ساياحات قاتىناس، سونداي - اق وسى زاڭنىڭ 47 - تارماعىندا بەلگىلەنگەن قاتەرى جوعارى ساياحات نىساندارى سياقتىلارمەن شۇعىلداناتىن تيجاراتشىلارعا جاۋاپكەرلىك قامسىزداندىرۋى ءتۇزىمىن اتقارادى. بەسىنشى تاراۋ ساياحاتقا قىزمەت وتەۋ توقتامى.

  57 - تارماق ساياحات كووپەراتيۆى ساياحات قيمىلىنا ۇيىمداستىرعاندا جانە ورنالاستىرعاندا ساياحاتشىلارمەن توقتام جاساسۋى كەرەك.

  58 - تارماق مىندەتىنە الاتىن ساياحات توقتامى جازباشا جاسالىپ، مىناداي مازمۇنداردى قامتۋى كەرەك: (1) ساياحات كووپەراتيۆىنىڭ، ساياحاتشىنىڭ نەگىزگى ينفورماتسيالارىن؛ (2) ساياحات ساپارى جونىندەگى ورنالاستىرۋدى؛ (3) ساياحات ۇيىرمەسىندەگىلەردىڭ ەڭ از ادام سانىن؛ (4) قاتىناس، جاتاق، اس - سۋ سياقتى ساياحاتقا قىزمەت وتەۋ جونىندەگى ورنالاستىرۋدى جانە ونىڭ ولشەمىن؛ (5) سەرۋەندەۋ، كوڭىل اشۋ سياقتى نىسانداردىڭ ناقتى مازمۇنىن جانە ۋاقىتىن؛ (6) ەرىكتى قيمىلعا ورنالاستىرۋ ۋاقىتىن؛ (7) ساياحات قاراجاتىن جانە ونى تاپسىرۋ ۋاقىت شەگى مەن ءتاسىلىن؛ (8) توقتام بۇزۋ جاۋاپكەرلىگىن جانە داۋ - شاردى شەشۋدىڭ ءتاسىلىن؛ (9) زاڭداردا، زاڭ - ەرەجەلەردە بەلگىلەنگەن جانە ەكى جاق كەلىسكەن باسقا دا ىستەر. مىندەتىنە الاتىن ساياحات توقتامىن جاساسقاندا، ساياحات كووپەراتيۆى الدىڭعى تارماقشانىڭ 2 - تۇرىنەن 8 - تۇرىنە دەيىنگى ايتىلعان مازمۇنداردى ساياحاتشىلارعا اشالاپ ءتۇسىندىرۋى كەرەك. 59 - تارماق ساياحات كووپەراتيۆى ساياحات ساپارى باستالۋدان ىلگەرى ساياحاتشىلارعا ساياحات ساپارى تالونىن بەرۋى كەرەك. ساياحات ساپارى تالونى − مىندەتىنە الاتىن ساياحات توقتامىنىڭ قۇرامداس بولەگى.

  60 - تارماق ساياحات كووپەراتيۆى باسقا ساياحات كووپەراتيۆىنە مىندەتىنە الاتىن ساياحات ونىمدەرىن ۋاكىلدىك رەتىندە ساتۋدى ءارى ساياحاتشىلارمەن مىندەتىنە الىپ ساياحاتتاۋ توقتامىن جاساۋدى مىندەتتەيتىن بولسا، مىندەتىنە الاتىن ساياحات توقتامىندا مىندەتتەۋشى كووپەراتيۆ پەن ۋاكىلدىك ەتۋشى كووپەراتيۆتىڭ نەگىزگى ينفورماتسيالارىن ەسكەرتىپ قويۋى كەرەك. ساياحات كووپەراتيۆى وسى زاڭداعى بەلگىلەمەلەرگە ساي، مىندەتىنە الاتىن ساياحات توقتامىنداعى قابىلداۋ كاسىبىن جەرگىلىكتەگى قابىلدايتىن كووپەراتيۆتىڭ اتقارۋىنا مىندەتتەيتىن بولسا، مىندەتىنە الاتىن ساياحات توقتامىندا قابىلدايتىن جەرگىلىكتەگى كووپەراتيۆتىڭ نەگىزگى ينفورماتسيالارىن ەسكەرتىپ قويۋى كەرەك. ساياحاتشىلارعا قىزمەت وتەۋگە باستاۋشى ورنالاستىراتىن بولسا، مىندەتىنە الاتىن ساياحات توقتامىندا باستاۋشىنىڭ قىزمەت وتەۋ اقىسى ەسكەرتىلۋى كەرەك.

  61 - تارماق ساياحات كووپەراتيۆى ۇيىرمەگە قاتىسىپ ساياحاتتايتىن ساياحاتشىلارعا بەلگىلەمە بويىنشا باس اماندىقتى كەپىلدەندىرۋدە توسىن زاقىمدالۋ قامسىزداندىرۋىنا قاتىناسۋدى ەسكەرتۋى كەرەك. 62 - تارماق مىندەتىنە الاتىن ساياحات توقتامىن جاساسقاندا، ساياحات كووپەراتيۆى ساياحاتشىلارعا مىناداي ىستەردى ەسكەرتۋى كەرەك: (1) ساياحاتشىلاردىڭ ساياحاتتاۋ قيمىلىنا قاتىناسۋىنا ۇيلەسپەيتىن جايتتەردى؛ (2) ساياحات قيمىلى بارىسىنداعى حاۋىپسىزدىككە كوڭىل بولەتىن ىستەردى؛ (3) ساياحات كووپەراتيۆى زاڭ بويىنشا جاۋاپكەرلىگىن كەشىرىم ەتۋگە بولاتىن ينفورماتسيالاردى؛ (4) ساياحاتشىلار كوڭىل بولۋگە ءتيىستى بولعان، ساياحاتتايتىن نىسانالى جەردىڭ قاتىستى زاڭدارىن، زاڭ - ەرەجەلەرىن جانە عۇرىپ - ادەتىن، ءدىني تيىمداردى، جۇڭگونىڭ زاڭدارىنا ساي قاتىناسۋعا بولمايتىن قيمىلداردى، ت. ب؛ (5) زاڭداردا، زاڭ - ەرەجەلەردە بەلگىلەنگەن بىلۋگە ءتيىستى باسقا دا ىستەر. مىندەتىنە الاتىن ساياحات توقتامىن اتقارۋ بارىسىندا الدىڭعى تارماقشادا بەلگىلەنگەن ىستەر جولىقسا، ساياحات كووپەراتيۆى دە ساياحاتشىلارعا ەسكەرتۋى كەرەك.

  63 - تارماق ساياحات كووپەراتيۆى ساياحاتتاۋعا ۇيىرمە ۇيىمداستىرۋعا ساياحاتشىلاردى باۋراۋدا، كەلىسىمدەگى ادام سانىنا جەتپەۋى سەبەبىنەن ۇيىرمە شىعارا الماسا، ۇيىرمە ۇيىمداستىرعان كووپەراتيۆ توقتامدى كۇشىنەن قالدىرسا بولادى. ءبىراق شەكارا ىشىندەگى ساياحاتتاۋدى ساياحاتشىلارعا، ەڭ كەمىندە، 7 كۇن بۇرىن حابارلاۋى كەرەك، شەكارادان شىعىپ ساياحاتتاۋدى ساياحاتشىلارعا، كەمىندە، 30 كۇن بۇرىن حابارلاۋى كەرەك. كەلىسىمدەگى ادام سانىنا جەتپەۋى سەبەبىنەن ۇيىرمە شىعارۋعا بولماسا، ۇيىمداستىرعان كووپەراتيۆ ساياحاتشىلاردان جازباشا ماقۇلدىق الۋ ارقىلى باسقا ساياحات كووپەراتيۆىنە توقتامدى اتقارۋدى مىندەتتەسە بولادى. ۇيىرمە ۇيىمداستىرعان كووپەراتيۆ ساياحاتشىلار جونىنەن جاۋاپكەرلىك ارقالاۋدا، مىندەتىنە العان ساياحات كووپەراتيۆى ۇيىرمە ۇيىمداستىرعان كووپەراتيۆ جونىنەن جاۋاپكەرلىك ارقالايدى. ساياحاتشىلار ماقۇل بولماسا، توقتامدى كۇشىنەن قالدىرسا بولادى. كەلىسىمدەگى ۇيىرمە بولاتىن ادام سانىنا جەتپەۋى سەبەبىنەن توقتام كۇشىنەن قالاتىن بولسا، ۇيىرمە ۇيىمداستىرعان كووپەراتيۆ العان بارلىق قاراجاتتاردى ساياحاتشىلارعا قايتارۋى كەرەك.

  64 - تارماق ساياحات ساپارى باستالۋدان بۇرىن ساياحاتشى مىندەتىنە الاتىن ساياحات توقتامىندا ءوزىنىڭ ۇقىعى مەن بورىشىن 3 - ادامعا وتكەرمەلەسە بولادى، ساياحات كووپەراتيۆىنىڭ ورىندى سەبەبى بولماسا، ونان باس تارتۋىنا بولمايدى، سوندىقتان ۇستەمەلەنگەن قاراجاتتى ساياحاتشى مەن 3 - ادام ارقالايدى. 65 - تارماق ساياحات ساپارى اياقتالاردان ىلگەرى ساياحاتشى توقتامدى كۇشىنەن قالدىراتىن بولسا، ۇيىرمە ۇيىمداستىرعان كووپەراتيۆ قاجەتتى قاراجاتتى ۇستاپ قالعاننان كەيىن، ارتىق اقشانى ساياحاتشىعا قايتارۋى كەرەك.

  66 - تارماق ساياحاتشىدا مىناداي جايتتەردىڭ ءبىرى بولسا، ساياحات كووپەراتيۆى توقتامدى كۇشىنەن قالدىرسا بولادى: (1) جۇقپالى اۋرۋ سياقتى ناۋقاستارعا شالدىعىپ، باسقا ساياحاتشىلاردىڭ دەنساۋلىعىنا جانە حاۋىپسىزدىگىنە زالال جەتكىزۋى مۇمكىن بولسا؛ (2) الەۋمەتتىك حاۋىپسىزدىككە زالال جەتكىزەتىن بۇيىمداردى الىپ جۇرسە ءارى ونى قاتىستى تاراۋلاردىڭ ءبىر جاقتى ەتۋىنە تاپسىرۋعا ماقۇل بولماسا؛ (3) زاڭعا قايشى نەمەسە قوعامدىق الەۋمەتتىك ءمورالعا جات قيمىلدارمەن شۇعىلدانسا؛ (4) باسقا ساياحاتشىلاردىڭ ۇقىق - مۇددەسىنە ورەسكەل ىقپال جاسايتىن قيمىلدارمەن شۇعىلدانسا ءارى اقىلعا كونبەسە، تيىم سالسا دا تيىلماسا؛ (5) زاڭداردا بەلگىلەنگەن باسقا دا جايتتەر. الدىڭعى تارماقشادا بەلگىلەنگەن جايتتەر سەبەبىنەن توقتام كۇشىنەن قالسا، ۇيىرمە ۇيىمداستىرعان كووپەراتيۆ قاجەتتى قاراجاتتاردى تارتىپ قالعاننان كەيىنگى ارتىق اقشانى ساياحاتشىعا قايتارۋى كەرەك؛ ساياحات كووپەراتيۆىنە زيان جەتكىزسە، ساياحاتشى زاڭ بويىنشا تولەم جاۋاپكەرلىگىن ارقالاۋى كەرەك.

  67 - تارماق ىرىق بەرمەيتىن كۇش نەمەسە ساياحات كووپەراتيۆىنىڭ، كومەكتەسكەن ادامنىڭ بورىشىنا ورىندى تۇردە نازار اۋدارعانىمەن، ساقتانۋعا بولمايتىن ىستەر سەبەبىنەن ساياحات ساپارىنا ىقپال جاساسا، مىناداي جايتتەرگە ساي باسقارىلادى: (1) توقتامدى ۇزدىكسىز اتقارۋعا بولماسا، ساياحات كووپەراتيۆى نەمەسە ساياحاتشى توقتامدى كۇشىنەن قالدىرسا بولادى. توقتامدى تولىق اتقارۋعا بولماسا، ساياحات كووپەراتيۆى ساياحاتشىعا تۇسىنىك جاساپ، توقتامدى ۇيلەسىمدى كولەم ىشىندە وزگەرتسە بولادى؛ ساياحاتشى وزگەرتۋگە قوسىلماسا، توقتامدى كۇشىنەن قالدىرسا بولادى. (2) توقتامدى كۇشىنەن قالدىراتىن بولسا، ۇيىرمە ۇيىمداستىرعان كووپەراتيۆ قابىلدايتىن جەرگىلىكتى ساياحات كووپەراتيۆىنە نەمەسە كومەكتەسكەن ادامعا بەرەتىن ءارى قايتارمايتىن قاراجاتتى تارتىپ قالعاننان كەيىنگى ارتىق اقشانى ساياحاتشىعا قايتارۋى كەرەك؛ توقتامدى وزگەرتكەندىكتەن، ارتقان قاراجاتتى ساياحاتشى ارقالايدى، كەمەيگەن قاراجات ساياحاتشىعا قايتارىلادى. (3) ساياحاتشىنىڭ باس اماندىعىنا، مال - مۇلىك اماندىعىنا قاتەر تونەتىن بولسا، ساياحات كووپەراتيۆى سايكەستى حاۋىپسىزدىك شارالارىن قولدانۋى كەرەك، وسىعان بايلانىستى تولەنەتىن قاراجاتتى ساياحات كووپەراتيۆى مەن ساياحاتشى بولىپ كوتەرەدى. (4) ساياحاتشىلار بوگەلسە، ساياحات كووپەراتيۆى سايكەستى ورنالاستىرۋ شارالارىن قولدانۋى كەرەك. وسى سەبەپتەن ارتقان اس - سۋ، جاتاق قاراجاتىن ساياحاتشى ارقالايدى؛ ارتىپ كەتكەن قايتۋ قاراجاتىن ساياحات كووپەراتيۆى مەن ساياحاتشى ءبولىپ ارقالايدى. 68 - تارماق ساياحات ساپارى بارىسىندا توقتام كۇشىنەن قالدىرىلاتىن بولسا، ساياحات كووپەراتيۆى ساياحاتشىنى بۇرىنعى جەرىنە نەمەسە ساياحاتشىنى بەلگىلەنگەن ۇيلەسىمدى جەرگە جەتكىزىپ قويۋى كەرەك. ساياحات كووپەراتيۆىنىڭ نەمەسە كومەكشى ادامنىڭ سەبەبىنەن توقتام كۇشىنەن قالاتىن بولسا، قايتۋ قاراجاتىن ساياحات كووپەراتيۆى ارقالايدى.

  69 - تارماق ساياحات كووپەراتيۆى مىندەتىنە الاتىن ساياحات توقتامىنداعى كەلىسىمگە ساي بورىشىن وتەۋى كەرەك، ساياحات ساپارىنا ورنالاستىرۋدى الباتى وزگەرتۋىنە بولمايدى. ساياحاتشىنىڭ ماقۇلدىعىمەن ساياحات كووپەراتيۆى مىندەتىنە الاتىن ساياحات توقتامىنداعى قابىلداۋ كاسىبىن سايكەستى تولىمدىلىعى بار جەرگىلىكتەگى قابىلدايتىن باسقا كووپەراتيۆتىڭ ىستەۋىنە مىندەتتەيتىن بولسا، جەرگىلىكتەگى قابىلدايتىن كووپەراتيۆپەن جازباشا مىندەتتەۋ توقتامىن جاساسىپ، ەكى جاقتىڭ ۇقىعى مەن بورىشىن كەلىسۋى، جەرگىلىكتەگى قابىلداۋ كووپەراتيۆىنە ساياحاتشىمەن جاساسقان مىندەتىنە الاتىن ساياحات توقتامىنىڭ كوشىرمەسىن بەرۋى ءارى جەرگىلىكتەگى قابىلدايتىن كووپەراتيۆكە قابىلداۋ جانە قىزمەت وتەۋ وزىندىك قۇنىنان تومەندەتپەي قاراجات بەرۋى كەرەك. جەرگىلىكتەگى قابىلدايتىن كووپەراتيۆ مىندەتىنە الاتىن ساياحات توقتامى مەن مىندەتتەۋ توقتامىنا ساي قىزمەت وتەۋى كەرەك.

  70 - تارماق ساياحات كووپەراتيۆى مىندەتىنە الاتىن ساياحات توقتامىنداعى بورىشتارىن وتەمەسە نەمەسە توقتامداعى بورىشتارىن وتەۋى كەلىسىمدەگىگە ۇيلەسپەسە، زاڭ بويىنشا ۇزدىكسىز اتقارۋ، كومەكتەسۋ شارالارىن قولدانۋ نەمەسە زياندى تولەۋ سياقتى توقتام بۇزۋ جاۋاپكەرلىگىن ارقالاۋى كەرەك؛ ساياحاتشىلاردىڭ جەكە باسىنا زيان جەتكىزسە، مال - مۇلكىن زيانعا ۇشىراتسا، زاڭ بويىنشا تولەم جاۋاپكەرلىگىن ارقالاۋى كەرەك. ساياحات كووپەراتيۆى اتقارۋ شارتىن ازىرلەگەندە، ساياحاتشىلار تالاپ ەتكەن توقتامدى اتقارۋدان باس تارتىپ، ساياحاتشىلاردىڭ جەكە باسىنا زيان جەتكىزۋ، ولاردى بوگەۋ سياقتى اۋىر زارداپتار تۋدىرسا، ساياحاتشىنىڭ ساياحات كووپەراتيۆىنەن ساياحات قاراجاتىنىڭ ءبىر ەسەسىنەن جوعارى، 3 ەسەسىنەن تومەن تولەم اقشا بەرۋدى تالاپ ەتۋىنە دە بولادى. ساياحاتشىنىڭ ءوز سەبەبىنەن مىندەتىنە الاتىن ساياحات توقتامىن اتقارۋعا بولماسا، كەلىسىم بويىنشا اتقارۋعا بولماسا نەمەسە ساياحاتشىلاردىڭ جەكە باسىنا زيان جەتكىزسە، مال - مۇلكى زيانعا ۇشىراسا، ساياحات كووپەراتيۆى جاۋاپكەرلىك ارقالامايدى. ساياحاتشى ءوزى ورنالاستىرعان قيمىل مەزگىلىندە ساياحات كووپەراتيۆى حاۋىپسىزدىكتى ەسكەرتپەسە، كومەكتەسۋ بورىشىن وتەمەسە، ساياحاتشىنىڭ جەكە باسىنىڭ زيانى، مال - مۇلىك زيانى جونىنەن سايكەستى جاۋاپكەرلىك ارقالاۋى كەرەك. 71 - تارماق قابىلداعان جەرگىلىكتەگى كووپەراتيۆتىڭ، كومەكشى ادامنىڭ سەبەبىنەن توقتام بۇزىلسا، ۇيىرمە ۇيىمداستىرعان كووپەراتيۆ جاۋاپكەرلىك ارقالايدى؛ ۇيىرمە ۇيىمداستىرعان كووپەراتيۆ جاۋاپكەرلىك ارقالاعاننان كەيىن، قابىلداعان جەرگىلىكتەگى كووپەراتيۆتەن، كومەكشى ادامنان تولەم قۋزاستىرسا بولادى. قابىلداعان جەرگىلىكتەگى كووپەراتيۆتىڭ، كومەكشى ادامنىڭ سەبەبىنەن ساياحاتشىنىڭ جەكە باسى، مال - مۇلكى زيانعا ۇشىراسا، ساياحاتشى قابىلداعان جەرگىلىكتى كووپەراتيۆتەن، كومەكشى ادامنان تولەم جاۋاپكەرلىگىن ارقالاۋدى تالاپ ەتۋىنە، ۇيىرمە ۇيىمداستىرعان كووپەراتيۆتەن تولەم جاۋاپكەرلىگىن ارقالاۋدى تالاپ ەتۋىنە دە بولادى؛ ۇيىرمە ۇيىمداستىرعان كووپەراتيۆ جاۋاپكەرلىك ارقالاعاننان كەيىن، قابىلداعان جەرگىلىكتەگى كووپەراتيۆتەن، كومەكشى ادامنان تولەم قۋزاسا بولادى. ءبىراق الەۋمەتتىك قاتىناس تيجاراتشىسىنىڭ سەبەبىنەن ساياحاتشىنىڭ جەكە باسى، مال - مۇلكى زيانعا ۇشىراسا، الەۋمەتتىك قاتىناس تيجاراتشىسى زاڭ بويىنشا تولەم جاۋاپكەرلىگىن ارقالايدى، ساياحات كووپەراتيۆى ساياحاتشىنىڭ الەۋمەتتىك قاتىناس تيجاراتشىسىنان تولەم سۇراۋىنا كومەكتەسۋى كەرەك.

  72 - تارماق ساياحاتشى ساياحات قيمىلى بارىسىندا نەمەسە داۋ - شاردى شەشكەندە، ساياحات كووپەراتيۆىنىڭ، كومەكشى ادامنىڭ، ساياحات كاسىپكەرلەرىنىڭ نەمەسە باسقا دا ساياحاتشىلاردىڭ زاڭدى ۇقىق - مۇددەسىنە زالال جەتكىزسە، زاڭ بويىنشا تولەم جاۋاپكەرلىگىن ارقالايدى.

  73 - تارماق ساياحات كووپەراتيۆى ساياحاتشىنىڭ ناقتى تالابىنا ساي ساياحات ساپارىن ورنالاستىرىپ، ساياحاتشىمەن مىندەتىنە الاتىن ساياحات توقتامىن جاسايتىن بولسا، ساياحاتشى ساياحات ساپارىنىڭ ورنالاستىرۋىن وزگەرتۋدى تالاپ ەتكەندىگى سەبەپتى ارتقان قاراجاتتى ساياحاتشى ارقالايدى، كەمەيگەن قاراجات ساياحاتشىعا قايتارىلادى.

  74 - تارماق ساياحات كووپەراتيۆى ساياحاتشىلاردىڭ مىندەتتەمەسىن قابىلداعاندا، ولاردىڭ اتىندا قاتىناس، جاتاق ورىن، اس - سۋ، سەرۋەندەۋ، كوڭىل اشۋ سياقتىلار جونىنەن قىزمەت وتەپ، الاتىن اقىنى ۋاكىلدىك رەتىندە بىتىرەتىن بولسا، مىندەتتەگەن ىستەردى ءوزى ىڭعايلاۋى كەرەك. ساياحات كووپەراتيۆىنىڭ اعاتتىعى سەبەبىنەن ساياحاتشى زيانعا وتىرسا، ساياحات كووپەراتيۆى تولەم جاۋاپكەرلىگىن ارقالاۋى كەرەك. ساياحات كووپەراتيۆى ساياحاتشىنىڭ مىندەتتەمەسىن قابىلداعاندا، ولارعا ساياحات ساپارىن جوسپارلاۋ، ساياحات ينفورماتسيالارىنان كەڭەس بەرۋ سياقتىلار جونىنەن قىزمەت وتەيتىن بولسا، جوسپاردىڭ ۇيلەسىمدى، سەنىمدى، ينفورماتسيانىڭ دەر كەزىندە، دۇرىس بولۋىنا كەپىلدىك ەتۋى كەرەك. 75 - تارماق جاتاق تيجاراتشىلارى ساياحاتقا قىزمەت وتەۋ توقتامىنداعى كەلىسىمگە ساي، ۇيىرمەدەگى ساياحاتشىلارعا جاتاق ورنالاستىرۋى كەرەك. جاتاق تيجاراتشىلارى ساياحاتقا قىزمەت وتەۋ توقتامىنا ساي قىزمەت وتەي الماسا، ساياحاتشىعا بۇرىنعى ولشەمنەن تومەندەتپەي جاتاق بەرۋى كەرەك، وسى سەبەپتەن ارتقان قاراجاتتى جاتاق تيجاراتشىلارى كوتەرەدى؛ ءبىراق ىرىق بەرمەيتىن كۇش سەبەبىنەن، ۇكىمەتتىڭ الەۋمەتتىك مۇددەنىڭ قاجەتىنە بولا قولدانعان شاراسىنان قىزمەت وتەي المايتىن بولسا، جاتاق تيجاراتشىلارى ساياحاتشىلارعا جاتاق ورنالاستىرۋ كەرەك. التىنشى تاراۋ ساياحات حاۋىپسىزدىگى.

  76 - تارماق اۋدان دارەجەلىدەن جوعارى حالىق ۇكىمەتى ساياحات حاۋىپسىزدىگى قىزمەتىنە ءبىر تۇتاس جاۋاپتى بولادى. اۋدان دارەجەلىدەن جوعارى حالىق ۇكىمەتىنىڭ قاتىستى تاراۋلارى زاڭدارعا، زاڭ - ەرەجەلەرگە ساي ساياحات حاۋىپسىزدىگىن باقىلاۋ مىندەتىن اتقارادى.

  77 - تارماق مەملەكەت ساياحات نىسانالى جەرىنىڭ حاۋىپسىزدىگىن، قاتەرىن ەسكەرتۋ ءتۇزىمىن ورناتادى. ساياحات نىسانالى جەرىنىڭ حاۋىپسىزدىگىن، قاتەرىن دارەجەگە ءبولۋدى جانە اتقارۋ ءتارتىبىن مەملەكەتتىك كەڭەستىڭ ساياحات باسقارۋ تاراۋى قاتىستى تاراۋلارمەن بىرگە جاسايدى. اۋدان دارەجەلىدەن جوعارى حالىق ۇكىمەتى جانە ونىڭ قاتىستى تاراۋلارى ساياحات حاۋىپسىزدىگىن توسىن وقيعالاردى باقىلاۋدىڭ جانە باعالاۋدىڭ ماڭىزدى مازمۇنى ەتۋى كەرەك.

  78 - تارماق اۋدان دارەجەلىدەن جوعارى حالىق ۇكىمەتى زاڭ بويىنشا ساياحاتتى شۇعىل باسقارۋدى ۇكىمەتتىڭ شۇعىل باسقارۋ جۇيەسىنە ەنگىزىپ، شۇعىل جوبا جاساپ، ساياحاتتا توسىن وقيعالارعا شۇعىل توتەپ بەرۋ مەحانيزمىن ورناتۋى كەرەك. توسىن وقيعا تۋىلعاننان كەيىن، سول جەردەگى حالىق ۇكىمەتى جانە ونىڭ قاتىستى تاراۋلارى مەن قۇرىلىمدارى شارالار قولدانىپ قۇتقارۋى ءارى ساياحاتشىنىڭ قايتىپ كەتۋىنە نەمەسە ساياحاتشىنىڭ بەلگىلەنگەن جەرگە جەتۋىنە كومەكتەسۋى كەرەك. 79 - تارماق ساياحات تيجاراتشىلارى حاۋىپسىز ءوندىرىس باسقارۋ مەن ورتتەن ساقتانۋ، ءورت وشىرۋدە، ورتتەن ساقتانۋ حاۋىپسىزدىگىن باسقارۋ جاعىنداعى زاڭداردى، زاڭ - ەرەجەلەردى جانە مەملەكەتتىڭ، كاسىپ سالاسىنىڭ ولشەمىن قاتاڭ اتقارىپ، سايكەستى حاۋىپسىز ءوندىرىس شارتىن ازىرلەپ، ساياحاتشىلاردىڭ حاۋىپسىزدىگىن قورعاۋ ءتۇزىمىن جانە شۇعىل توتەپ بەرۋ جوباسىن جاساۋى كەرەك. ساياحات تيجاراتشىلارى ساياحاتشىلارعا تىكە قىزمەت وتەيتىن كاسىپكەرلەردى شۇعىل قۇتقارۋ، كومەكتەسۋ ونەرىنە ۇنەمىلىك باۋلىپ، قامداعان ونىمدەر مەن قىزمەت وتەۋدى حاۋىپسىزدىك جونىنەن تەكسەرۋى، باقىلاۋى جانە باعالاۋى، قاجەتتى شارالاردى قولدانىپ، قاتەردىڭ تۋىلۋىنان ساقتانۋى ءتيىس. ساياحات تيجاراتشىلارى جاسى ەگدەلەگەن، ازامات جاسىنا تولماعان، مۇگەدەك، ت. ب ساياحاتشىلاردى ۇيىمداستىرعاندا، قابىلداعاندا حاۋىپسىزدىكتى قامتاماسىزداندىرۋدىڭ سايكەستى شارالارىن قولدانۋى كەرەك.

  80 - تارماق ساياحات تيجاراتشىلارى ساياحات قيمىلى بارىسىنداعى مىناداي ىستەردى اشىق ەسكەرتۋ ءتاسىلى ارقىلى ساياحاتشىلارعا الدىن الا ءتۇسىندىرۋى نەمەسە ساقتاندىرۋى كەرەك: (1) قاتىستى قۇرىلعىلاردى، جابدىقتاردى دۇرىس قولدانۋءادىسىن؛ (2) قاجەتتى حاۋىپسىزدىك قورعانۋ جانە شۇعىل توتەپ بەرۋ شارالارىن؛ (3) ساياحاتشىلارعا اشىق ۇستالماعان تيجارات، قىزمەت وتەۋ ورنىن جانە قۇرىلعىلاردى، جابدىقتاردى؛ (4) قاتىستى قيمىلعا قاتىسۋعا ۇيلەسپەيتىن توپتى؛ (5) ساياحاتشىلاردىڭ باس اماندىعىنا، مال - مۇلىك اماندىعىنا قاتەر ءتوندىرۋى مۇمكىن بولعان باسقا دا جايتتەردى. 81 - تارماق توسىن وقيعا نەمەسە ساياحات حاۋىپسىزدىگى شىرعالاڭى تۋىلعاننان كەيىن، ساياحات تيجاراتشىسى قاجەتتى قۇتقارۋ جانە ىڭعايلاۋ شارالارىن دەرەۋ قولدانىپ، مالىمدەۋ بورىشىن زاڭ بويىنشا وتەۋى ءارى ساياحاتشىلاردى لايىقتى ورنالاستىرۋى كەرەك.

  82 - تارماق ساياحاتشىلار باس اماندىعى، مال - مۇلىك اماندىعى قاتەرگە جولىققاندا ساياحات تيجاراتشىلارىنان، سول جەردەگى حالىق ۇكىمەتىنەن جانە قاتىستى قۇرىلىمنان دەر كەزىندە قۇتقارۋدى، كومەكتەسۋدى ءوتىنىش ەتۋگە ۇقىقتى. جۇڭگو شەكاراسىنان شىققان ساياحاتشىلار شەكارا سىرتىندا قيىنشىلىققا جولىققاندا، ەلىمىزدىڭ سول جەردە تۇراتىن قۇرىلىمىنان ءوزىنىڭ قىزمەت مىندەتى كولەمىندە كومەك سۇراۋدى جانە قورعاۋدى ءوتىنىش ەتۋگە ۇقىقتى. ساياحاتشى قاتىستى ۇيىمنىڭ نەمەسە قۇرىلىمنىڭ قۇتقارۋىن، كومەگىن قابىلداعاننان كەيىن، ءوزى ارقالاۋعا ءتيىستى قاراجاتتى كوتەرۋى كەرەك. جەتىنشى تاراۋ ساياحاتتى باقىلاۋ - باسقارۋ.

  83 - تارماق اۋدان دارەجەلىدەن جوعارى حالىق ۇكىمەتىنىڭ ساياحات باسقارۋ تاراۋى جانە قاتىستى تاراۋلار وسى زاڭ مەن قاتىستى زاڭدارداعى، زاڭ - ەرەجەلەردەگى بەلگىلەمەلەرگە ساي، ءوز مىندەتى كولەمىندە ساياحات بازارىن باقىلاۋى، باسقارۋى كەرەك. اۋدان دارەجەلىدەن جوعارى حالىق ۇكىمەتى ساياحات باسقارۋ تاراۋىن، قاتىستى باسقارۋ تاراۋلارىن جانە ونەركاسىپ - ساۋدا اكىمشىلىك باسقارۋ، ءونىم ساپاسىن باقىلاۋ، قاتىناس سياقتى زاڭ اتقارۋ تاراۋلارىن ۇيىمداستىرىپ، قاتىستى ساياحات تيجاراتى قيمىلدارىن باقىلاۋى، تەكسەرۋى كەرەك.

  84 - تارماق ساياحات باسقارۋ تاراۋى باقىلاۋ، باسقارۋ مىندەتىن وتەگەندە، زاڭدارداعى، اكىمشىلىك زاڭ - ەرەجەلەردەگى بەلگىلەمەلەرگە قايشىلىق جاساپ، باقىلاۋ، باسقارۋ وبيەكتىلەرىنەن قاراجات الۋىنا بولمايدى. ساياحات باسقارۋ تاراۋى جانە ونىڭ قىزمەتكەرلەرى ءارقانداي فورماداعى ساياحات تيجاراتىندىق قيمىلدارعا قاتىناسۋىنا بولمايدى. 85 - تارماق اۋدان دارەجەلىدەن جوعارى حالىق ۇكىمەتىنىڭ ساياحات باسقارۋ تاراۋى مىناداي ىستەر جونىنەن باقىلاۋ، تەكسەرۋ جۇرگىزۋگە ۇقىقتى: (1) ساياحات كووپەراتيۆىنىڭ تيجارات كاسىبىن، سونداي - اق باستاۋشىلاردىڭ، جەتەكشىلەردىڭ قىزمەت وتەۋمەن شۇعىلدانۋدا تيجارات جۇرگىزۋ، كاسىپ ىستەۋ رۇقسات كۋالىگىن العان - الماعاندىعىن؛ (2) ساياحات كووپەراتيۆىنىڭ تيجارات قيمىلىن؛ (3) باستاۋشىلار مەن جەتەكشىلەر سياقتى ساياحات كاسىپكەرلەرىنىڭ قىزمەت وتەۋ قيمىلىن؛ (4) زاڭداردا، زاڭ - ەرەجەلەردە بەلگىلەنگەن باسقا دا ىستەر. ساياحات باسقارۋ تاراۋى الدىڭعى تارماقشاداعى بەلگىلەمەگە ساي باقىلاۋ، تەكسەرۋ جۇرگىزگەندە، زاڭعا قايشى دەپ كۇماندانعان توقتامداردى، تالونداردى، ەسەپ داپتەرلەردى، سونداي - اق باسقا دا ماتەريالداردى كورسە، كوبەيتىپ السا بولادى.

  86 - تارماق ساياحات باسقارۋ تاراۋى جانە قاتىستى تاراۋلار زاڭ بويىنشا باقىلاۋ، تەكسەرۋ جۇرگىزگەندە، ونىڭ باقىلاۋ، تەكسەرۋ قىزمەتكەرلەرى ەكى ادامنان كەم بولمايدى ءارى زاڭدى كۋالىگىن كورسەتۋى كەرەك. باقىلاۋ، تەكسەرۋ قىزمەتكەرلەرى ەكى ادامعا جەتپەسە نەمەسە زاڭدى كۋالىگىن كورسەتپەسە، تەكسەرىلەتىن ورىن جانە جەكە ونان باس تارتۋعا ۇقىقتى. باقىلاۋ، تەكسەرۋ قىزمەتكەرلەرى باقىلاۋ، تەكسەرۋ بارىسىندا بىلگەن تەكسەرىلەتىن ورىننىڭ ساۋدا قۇپيالىعى مەن جەكە ادامنىڭ ينفورماتسيالارىن زاڭ بويىنشا قۇپيا ساقتاۋى كەرەك.

  87 - تارماق زاڭ بويىنشا جۇرگىزىلگەن باقىلاۋعا، تەكسەرۋگە قاتىستى ورىندار مەن جەكەلەر سايكەسىپ، جاعدايدى قاز قالپىندا ءتۇسىندىرۋى ءارى حۇجاتتاردى، ماتەريالداردى بەرۋى كەرەك، باس تارتۋىنا، كەدەرگى بولۋىنا جانە جاسىرۋىنا بولمايدى. 88 - تارماق اۋدان دارەجەلىدەن جوعارى حالىق ۇكىمەتىنىڭ ساياحات باسقارۋ تاراۋى جانە قاتىستى تاراۋلار باقىلاۋ، تەكسەرۋ مىندەتىن اتقارعاندا نەمەسە اشكەرەلەۋدى، شاعىمدى ءبىر جاقتى ەتكەندە، وسى زاڭداعى بەلگىلەمەلەرگە قايشى ارەكەتتەردى بايقاسا، زاڭ بويىنشا دەر كەزىندە ءبىر جاقتى ەتۋى كەرەك؛ ءوز تاراۋىنىڭ مىندەتى كولەمىندەگى ىسكە جاتپاسا، دەر كەزىندە جازباشا حابارلاۋى ءارى قاتىستى تاراۋدىڭ تەكسەرىپ ءبىر جاقتى ەتۋىنە تاپسىرۋى كەرەك. 89 - تارماق اۋدان دارەجەلىدەن جوعارى جەرگىلىكتى حالىق ۇكىمەتى ساياحاتتا زاڭعا قايشىلىق جاساۋ ارەكەتتەرى تەكسەرىپ ءبىر جاقتى ەتىلگەن ينفورماتسيالاردان ورتاق يگىلىكتەنەتىن مەحانيزم ورناتىپ، تاراۋ، رايون اتتاپ بىرلەسىپ تەكسەرىپ ءبىر جاقتى ەتۋگە ءتيىستى زاڭعا قايشى ارەكەتتەردى ءبىر جاقتى ەتۋدى قۋزاۋى كەرەك. ساياحات باسقارۋ تاراۋى جانە قاتىستى تاراۋلار وزدەرىنىڭ مىندەتىنە ساي، باقىلاۋ، تەكسەرۋ احۋالىن قوعامعا دەر كەزىندە جاريالاۋى كەرەك.

  90 - تارماق زاڭ بويىنشا قۇرىلعان ساياحات كاسىبى ۇيىمى زاڭدارعا، اكىمشىلىك زاڭ - ەرەجەلەرگە جانە ۋستاۆتاعى بەلگىلەمەلەرگە ساي، كاسىپ سالانىڭ تيجارات ولشەمىن جانە قىزمەت وتەۋ ولشەمىن جاساپ، ءوز مۇشەلەرىنىڭ تيجارات قيمىلى مەن قىزمەت وتەۋ ساپاسىن تەجەمدى باسقارادى. كاسىپتىك ءمورال تاربيەسى مەن كاسىپتىك باۋلۋدى ورىستەتۋگە ۇيىمداستىرىپ، كاسىپكەرلەردىڭ ساپاسىن جوعارىلاتادى. سەگىزىنشى تاراۋ ساياحات داۋ - شارلارىن ءبىرجاقتى ەتۋ.

  91 - تارماق اۋدان دارەجەلىدەن جوعارى حالىق ۇكىمەتى ساياحات جونىندەگى شاعىمداردى ءبىر تۇتاس قابىلدايتىن قۇرىلىمدى بەلگىلەۋى نەمەسە قۇرۋى كەرەك. قابىلدايتىن قۇرىلىم شاعىمدى تاپسىرىپ العاندا، دەر كەزىندە ءبىر جاقتى ەتۋى نەمەسە قاتىستى تاراۋدىڭ ءبىر جاقتى ەتۋىنە تاپسىرۋى ءارى شاعىم ايتۋشىعا حابارلاۋى كەرەك.

  92 - تارماق ساياحاتشى مەن ساياحات تيجاراتشىسىندا داۋ - شار تۋىلعاندا مىناداي جولدار ارقىلى شەشسە بولادى: (1) ەكى جاق كەڭەسىپ؛ (2) تۇتىنۋشىلار قوعامىنا، ساياحات جونىندەگى شاعىمداردى قابىلداۋ قۇرىلىمىنا نەمەسە قاتىستى جاراستىرۋ ۇيىمىنا جاراستىرۋدى ءوتىنىش ەتىپ؛ (3) ساياحات تيجاراتشىلارىمەن كەلىسكەن تورەلىك ايتۋ كەلىسىمىنە ساي، تورەلىك ايتۋ قۇرىلىمىنىڭ تورەلىك ايتۋىنا ءوتىنىش ەتىپ؛ (4) حالىق سوتى مەكەمەسىنە ارىز - شاعىم ايتىپ.93 - تارماق تۇتىنۋشىلار قوعامى، ساياحات جونىندەگى شاعىمداردى قابىلداۋ قۇرىلىمى جانە قاتىستى جاراستىرۋ ۇيىمى ەكى جاعىنىڭ ەركى نەگىزىندە، ساياحاتشىلار مەن ساياحات تيجاراتشىلارىنىڭ اراسىنداعى داۋ - شاردى زاڭ بويىنشا جاراستىرسا بولادى.

  94 - تارماق ساياحاتشىلار مەن ساياحات تيجاراتشىلارى اراسىندا داۋ - شار تۋىلىپ، ساياحاتشىلار جاعىنىڭ ادام سانى كوپ بولسا ءارى ورتاق ءوتىنىش ەتسە، ۋاكىل سايلاپ، كەڭەسۋ، جاراستىرۋ، تورەلىك ايتۋ، ارىزدانۋ قيمىلىنا قاتىناسسا بولادى. توعىزىنشى تاراۋ زاڭدىق جاۋاپكەرلىك.

  95 - تارماق وسى زاڭداعى بەلگىلەمەلەرگە قايشىلىق جاساپ، رۇقسات الماي تۇرىپ، ساياحات كووپەراتيۆى كاسىبىمەن شۇعىلدانسا، ساياحات باسقارۋ تاراۋى نەمەسە ونەركاسىپ - ساۋدا اكىمشىلىك باسقارۋ تاراۋى تۇزەتۋگە بۇيىرادى، زاڭسىز تابىسىن تاركىلەيدى، 10 مىڭ يۋاننان جوعارى، 100 مىڭ يۋاننان تومەن ايىپ قوسا سالادى؛ زاڭسىز تابىسى 100 مىڭ يۋاننان اسسا، زاڭسىز تابىسىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى؛ قاتىستى جاۋاپتى ادامدارعا 200 يۋاننان جوعارى، 20 مىڭ يۋاننان تومەن ايىپ سالادى. ساياحات كووپەراتيۆى وسى زاڭداعى بەلگىلەمەلەرگە قايشىلىق جاساپ، وسى زاڭنىڭ29 - تارماعىنىڭ ءبىرىنشى تارماقشاسىنىڭ ەكىنشى، ءۇشىنشى تۇرىندەگى كاسىپتەردى رۇقسات الماي تۇرىپ ىستەسە نەمەسە ساياحات كووپەراتيۆىنىڭ كاسىپتىك تيجارات رۇقسات كۋالىگىن جالعا، قارىزعا بەرسە نەمەسە باسقا تاسىلدەر ارقىلى ساياحات كووپەراتيۆىنىڭ كاسىپتىك تيجارات رۇقساتىن زاڭعا قايشىلىق جاساپ وتكەرمەلەسە، الدىڭعى تارماقشاداعى بەلگىلەمەگە ساي جازا قولدانۋدان سىرت، كاسىپتى توقتاتىپ، رەتتەۋگە بۇيىرىلادى؛ كۇناسى اۋىر بولسا، ساياحات كووپەراتيۆىنىڭ كاسىپتىك تيجارات رۇقسات كۋالىگى كۇشىنەن قالدىرىلادى؛ تىكە جاۋاپكەرلىگى بار باسقارۋشىلارعا 0002 يۋاننان جوعارى، 02 مىڭ يۋاننان تومەن ايىپ سالىنادى. 96- تارماق ساياحات كووپەراتيۆى وسى زاڭداعى بەلگىلەمەلەرگە قايشىلىق جاساپ، مىناداي ارەكەتتەردىڭ ءبىرىن وتكىزسە، ساياحات باسقارۋ تاراۋى تۇزەتۋگە بۇيىرىلادى، زاڭسىز تابىسى تاركىلەنەدى، 5000 يۋاننان جوعارى، 50 مىڭ يۋاننان تومەن ايىپ قوسا سالىنادى؛ كۇناسى اۋىر بولسا، كاسىپتى توقتاتىپ، تۇزەتۋگە بۇيىرىلادى نەمەسە ساياحات كووپەراتيۆىنىڭ كاسىپتىك تيجارات رۇقسات كۋالىگى كۇشىنەن قالدىرىلادى؛ تىكە جاۋاپكەرلىگى بار باسقارۋشىلار مەن باسقا دا تىكە جاۋاپكەرلىگى بارلارعا 2000 يۋاننان جوعارى، 20 مىڭ يۋاننان تومەن ايىپ سالىنادى: (1) بەلگىلەمە بويىنشا شەكارادان شىعىپ نەمەسە شەكارادان كىرىپ ساياحاتتايتىن ۇيىرمەنىڭ جالپى ساپارىنا سەرىك بولاتىن جەتەكشى نەمەسە باستاۋشى ورنالاستىرماسا؛ (2) باستاۋشىلىق كۋالىك الماعان نەمەسە جەتەكشىلىك كۋالىك الماعان ادامداردى باستاۋشى نەمەسە جەتەكشى بولىپ قىزمەت وتەۋگە ورنالاستىرسا؛ (3) ۋاقىتشا ۇسىنىس ەتىلگەن باستاۋشىعا باستاۋشىلىق قىزمەت وتەۋ قاراجاتىن بەرمەسە؛ (4) باستاۋشىدان قاراجاتتى تولەي تۇرۋدى تالاپ ەتسە نەمەسە باستاۋشىدان قاراجات السا.

  97 - تارماق ساياحات كووپەراتيۆى وسى زاڭداعى بەلگىلەمەلەرگە قايشىلىق جاساپ، مىناداي ارەكەتتەردىڭ ءبىرىن وتكىزسە، ساياحات باسقارۋ تاراۋى نەمەسە قاتىستى تاراۋ تۇزەتۋگە بۇيىرادى، زاڭعا قايشى تابىسىن تاركىلەيدى، 5000 يۋاننان جوعارى، 50 مىڭ يۋاننان تومەن ايىپ قوسا سالادى؛ زاڭعا قايشى تابىسى 50 مىڭ يۋاننان جوعارى بولسا، زاڭعا قايشى تابىسىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى؛ كۇناسى اۋىر بولسا، كاسىپتى توقتاتىپ، تۇزەتۋگە بۇيىرادى نەمەسە ساياحات كووپەراتيۆىنىڭ كاسىپتىك تيجارات رۇقسات كۋالىگىن كۇشىنەن قالدىرادى؛ تىكە جاۋاپتى باسقارۋشى مەن باسقا دا تىكە جاۋاپكەرلىگى بارلارعا 2000 يۋاننان جوعارى، 20 مىڭ يۋاننان تومەن ايىپ سالادى: (1) جالعان ۇگىت جۇرگىزىپ، ساياحاتشىلاردى الجاستىرسا؛ (2) تولىمسىز ساۋداگەردىڭ ءونىمى مەن قىزمەت وتەۋىنە تاپسىرىس بەرسە؛ (3) ساياحات كووپەراتيۆىنىڭ جاۋاپكەرلىك قامسىزداندىرۋىنا بەلگىلەمە بويىنشا قاتىناستىرماسا.98 - تارماق ساياحات كووپەراتيۆى وسى زاڭنىڭ 35 - تارماعىنداعى بەلگىلەمەلەرگە قايشىلىق جاساسا، ساياحات باسقارۋ تاراۋى تۇزەتۋگە بۇيىرادى، زاڭعا قايشى تابىسىن تاركىلەيدى، كاسىپتى توقتاتىپ، رەتتەۋگە بۇيىرادى، 30 مىڭ يۋاننان جوعارى، 300 مىڭ يۋاننان تومەن ايىپ قوسا سالادى؛ زاڭعا قايشى تابىسى 300 مىڭ يۋاننان جوعارى بولسا، زاڭعا قايشى تابىسىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ قوسا سالادى؛ كۇناسى اۋىر بولسا، ساياحات كووپەراتيۆىنىڭ كاسىپتىك تيجارات رۇقسات كۋالىگىن كۇشىنەن قالدىرادى؛ تىكە جاۋاپتى باسقارۋشى مەن باسقا دا تىكە جاۋاپكەرلىگى بارلاردىڭ زاڭعا قايشى تابىسىن تاركىلەيدى، 2000 يۋاننان جوعارى، 20 مىڭ يۋاننان تومەن اقشالاي ايىپ سالادى ءارى باستاۋشىلىق كۋالىگىن جانە جەتەكشىلىك كۋالىگىن ۋاقىتشا ۇستاپ قالادى نەمەسە كۇشىنەن قالدىرادى.

  99 - تارماق ساياحات كووپەراتيۆى وسى زاڭنىڭ 55 - تارماعىندا بەلگىلەنگەن مالىمدەۋ بورىشىن وتەمەسە، ساياحات باسقارۋ تاراۋى 5000 يۋاننان جوعارى، 50 مىڭ يۋاننان تومەن ايىپ سالادى؛ كۇناسى اۋىر بولسا، كاسىپتى توقتاتىپ رەتتەۋگە بۇيىرادى نەمەسە ساياحات كووپەراتيۆىنىڭ كاسىپتىك تيجارات رۇقسات كۋالىگىن كۇشىنەن قالدىرادى؛ تىكە جاۋاپكەرلىگى بار باسقارۋشى مەن باسقا دا تىكە جاۋاپكەرلىگى بارلارعا 2000 يۋاننان جوعارى، 20 مىڭ يۋاننان تومەن ايىپ سالادى ءارى باستاۋشىلىق كۋالىگىن، جەتەكشىلىك كۋالىگىن ۋاقىتشا ۇستاپ قالادى نەمەسە كۇشىنەن قالدىرادى.

  100 - تارماق ساياحات كووپەراتيۆى وسى زاڭداعى بەلگىلەمەلەرگە قايشىلىق جاساپ، مىناداي ارەكەتتەردىڭ ءبىرىن وتكىزسە، ساياحات باسقارۋ تاراۋى تۇزەتۋگە بۇيىرادى، 30 مىڭ يۋاننان جوعارى، 300 مىڭ يۋاننان تومەن ايىپ سالادى ءارى كاسىپتى توقتاتىپ، رەتتەۋگە بۇيىرادى؛ ساياحاتشىلاردى بوگەۋ سياقتى اۋىر زارداپتاردى تۋدىرسا، ساياحات كووپەراتيۆىنىڭ كاسىپتىك تيجارات رۇقسات كۋالىگىن كۇشىنەن قالدىرادى؛ تىكە جاۋاپكەرلىگى بار باسقارۋشى مەن باسقا دا تىكە جاۋاپكەرلىگى بارلارعا 2000 يۋاننان جوعارى، 20 مىڭ يۋاننان تومەن ايىپ سالادى ءارى باستاۋشىلىق كۋالىگىن، جەتەكشىلىك كۋالىگىن ۋاقىتشا ۇستاپ قالادى نەمەسە كۇشىنەن قالدىرادى: (1) ساياحات ساپارى بارىسىندا ساياحات ساپارىنا ورنالاستىرۋدى ءوز بەتىمەن وزگەرتىپ، ساياحاتشىلاردىڭ ۇقىق - مۇددەسىنە اۋىر زالال جەتكىزسە؛ (2) توقتامدى اتقارۋدان باس تارتسا؛ (3) ساياحاتشىلاردان جازباشا ماقۇلدىق الماي تۇرىپ، مىندەتىنە الاتىن ساياحات توقتامىن باسقا ساياحات كووپەراتيۆىنىڭ اتقارۋىنا مىندەتتەسە. 101 - تارماق ساياحات كووپەراتيۆى وسى زاڭداعى بەلگىلەمەلەرگە قايشىلىق جاساپ، ساياحاتشىلاردى ەلىمىزدىڭ زاڭدارىنا، زاڭ - ەرەجەلەرىنە جانە قوعامدىق ءمورالعا قايشى نىسانداردى ەكسكۋرسيالاتسا نەمەسە سول تەكتەس قيمىلدارعا قاتىناستىرسا، ساياحات باسقارۋ تاراۋى تۇزەتۋگە بۇيىرادى، زاڭعا قايشى تابىسىن تاركىلەيدى، كاسىپتى توقتاتىپ، رەتتەۋگە بۇيىرادى، 220 مىڭ يۋاننان جوعارى، 200 مىڭ يۋاننان تومەن ايىپ قوسا سالادى؛ كۇناسى اۋىر بولسا، ساياحات كووپەراتيۆىنىڭ كاسىپتىك تيجارات رۇقسات كۋالىگىن كۇشىنەن قالدىرادى؛ تىكە جاۋاپكەرلىگى بار باسقارۋشى مەن باسقا دا تىكە جاۋاپكەرلىگى بارلارعا 2000 يۋاننان جوعارى، 20 مىڭ يۋاننان تومەن ايىپ سالادى، باستاۋشىلىق كۋالىگىن، جەتەكشىلىك كۋالىگىن ۋاقىتشا ۇستاپ قالادى نەمەسە كۇشىنەن قالدىرادى.

  102 - تارماق وسى زاڭداعى بەلگىلەمەلەرگە قايشىلىق جاساپ، باستاۋشىلىق كۋالىگىن نەمەسە جەتەكشىلىك كۋالىگىن الماي تۇرىپ باستاۋشىلىق، جەتەكشىلىك قيمىلىمەن شۇعىلدانسا، ساياحات باسقارۋ تاراۋى تۇزەتۋگە بۇيىرادى، زاڭعا قايشى تابىسىن تاركىلەيدى، 1000 يۋاننان جوعارى، 10 مىڭ يۋاننان تومەن ايىپ قوسا سالادى، حابارلاندىرۋ شىعارادى. باستاۋشى، جەتەكشى وسى زاڭداعى بەلگىلەمەلەرگە قايشىلىق جاساپ، ءوز بىلگەنىنشە كاسىپتى كوتەرىپ السا، ساياحات باسقارۋ تاراۋى تۇزەتۋگە بۇيىرادى، زاڭعا قايشى تابىسىن تاركىلەيدى، 1000 يۋاننان جوعارى، 10 مىڭ يۋاننان تومەن ايىپ سالادى، باستاۋشىلىق كۋالىگىن، جەتەكشىلىك كۋالىگىن ۋاقىتشا ۇستاپ قالادى نەمەسە كۇشىنەن قالدىرادى. باستاۋشى، جەتەكشى وسى زاڭداعى بەلگىلەمەلەرگە قايشىلىق جاساپ، ساياحاتشىلاردان قولۇزدىك سۇراسا، السا، ساياحات باسقارۋ تاراۋى قايتارىپ بەرۋگە بۇيىرادى، 1000 يۋاننان جوعارى، 10 مىڭ يۋاننان تومەن ايىپ سالادى؛ كۇناسى اۋىر بولسا، باستاۋشىلىق كۋالىگىن، جەتەكشىلىك كۋالىگىن ۋاقىتشا ۇستاپ قالادى نەمەسە كۇشىنەن قالدىرادى. 103 - تارماق وسى زاڭداعى بەلگىلەمەلەرگە قايشىلىق جاساپ، باستاۋشىلىق كۋالىگى، جەتەكشىلىك كۋالىگى كۇشىنەن قالدىرىلعان باستاۋشىلاردىڭ، جەتەكشىلەردىڭ جانە ساياحات كووپەراتيۆىنىڭ كاسىپتىك تيجارات رۇقسات كۋالىگى كۇشىنەن قالدىرىلۋ جازاسىنا ۇشىراعان ساياحات كووپەراتيۆىنىڭ قاتىستى باسقارۋشىلارىنىڭ جازا بەرىلگەن كۇننەن باستاپ 3 جىلعا دەيىن باستاۋشىلىق كۋالىگىن، جەتەكشىلىك كۋالىگىن نەمەسە ساياحات كاسىبىمەن شۇعىلدانۋدى قايتا ءوتىنىش ەتۋىنە بولمايدى.

  104 - تارماق ساياحات تيجاراتشىلارى وسى زاڭداعى بەلگىلەمەلەرگە قايشىلىق جاساپ، پارا بەرسە نەمەسە السا، ونەركاسىپ - ساۋدا اكىمشىلىك باسقارۋ تاراۋى قاتىستى زاڭدارداعى، زاڭ - ەرەجەلەردەگى بەلگىلەمەلەرگە ساي جازا قولدانادى؛ كۇناسى اۋىر بولسا، ساياحات باسقارۋ تاراۋى ساياحات كووپەراتيۆىنىڭ كاسىپتىك تيجارات رۇقسات كۋالىگىن كۇشىنەن قالدىرادى.

  105- تارماق وسى زاڭدا بەلگىلەنگەن اشۋ شارتىنا ۇيلەسپەيتىن كورىنىس رايونىنا ساياحاتشى قابىلداسا، كورىنىس رايونىن باسقارۋ تاراۋى كاسىپتى توقتاتىپ، اشۋ شارتىنا ۇيلەسكەنگە دەيىن رەتتەۋگە بۇيىرادى. 20 مىڭ يۋاننان جوعارى، 200 مىڭ يۋاننان تومەن ايىپ قوسا سالادى. كورىنىس رايونى ساياحاتشىلاردىڭ سانىن ەڭ مول قابىلداۋ سانىنا جەتۋى مۇمكىن بولعاندا، وسى زاڭداعى بەلگىلەمەگە ساي حابارلاندىرماسا نەمەسە جەرگىلىكتى حالىق ۇكىمەتىنە مالىمدەمەسە، بىتىراتۋ، ءبولىپ ورنالاستىرۋ سياقتى شارالاردى دەر كەزىندە قولدانباسا نەمەسە ساياحاتشىلار ەڭ كوپ سيىمدىلىقتان اسىپ كەتسە، كورىنىس رايونىن باسقارۋ تاراۋى تۇزەتۋگە بۇيىرادى، كۇناسى اۋىر بولسا، ءبىر ايدان 6 ايعا دەيىن كاسىپتى توقتاتىپ رەتتەۋگە بۇيىرادى.

  106 - تارماق كورىنىس رايونى وسى زاڭداعى بەلگىلەمەلەرگە قايشىلىق جاساپ، ەسىك بەلەتىن نەمەسە ايىرىم قاراجات الاتىن نىسانداردىڭ باعاسىن ءوز بەتىمەن جوعارىلاتسا نەمەسە باعا زاڭىنا قايشى باسقا دا ارەكەتتەرى بولسا، قاتىستى باسقارۋ تاراۋى قاتىستى زاڭدارداعى، زاڭ - ەرەجەلەردەگى بەلگىلەمەلەرگە ساي جازا قولدانادى.

  107 - تارماق ساياحات تيجاراتشىلارى ءوندىرىس حاۋىپسىزدىگىن جانە ءورت ءوشىرۋ، ورتتەن ساقتانۋ حاۋىپسىزدىگىن باسقارۋعا قاتىستى زاڭدارعا، زاڭ - ەرەجەلەرگە نەمەسە مەملەكەتتىڭ ولشەمىنە، كاسىپ سالا ولشەمىنە قايشىلىق جاساسا، قاتىستى باسقارۋ تاراۋى قاتىستى زاڭدارداعى، زاڭ - ەرەجەلەردەگى بەلگىلەمەلەرگە ساي جازا قولدانادى.

  108 - تارماق وسى زاڭداعى بەلگىلەمەگە قايشىلىق جاساعان ساياحات تيجاراتشىلارىن جانە ونىڭ كاسىپكەرلەرىن ساياحات باسقارۋ تاراۋى جانە قاتىستى تاراۋلار سەنىمدىلىك ارحيۆىنا جازىپ قويۋى، قوعامعا جاريالاۋى كەرەك. 109 - تارماق ساياحات باسقارۋ تاراۋىنىڭ جانە قاتىستى تاراۋلاردىڭ قىزمەتكەرلەرى باقىلاۋ، باسقارۋ مىندەتىن وتەۋ بارىسىندا، قىزمەت ۇقىعىنان الباتى پايدالانىپ، قىزمەتىنە نەمقۇرايدى قاراپ، بەتكە قاراپ جولدان تايعانىمەن، قىلمىسقا تولماسا، زاڭ بويىنشا شارا كورىلەدى.

  110 - تارماق وسى زاڭداعى بەلگىلەمەلەرگە قايشىلىق جاساپ، قىلمىسقا تولعانداردىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى. ونىنشى تاراۋ قوسىمشا ەرەجە.

  111 - تارماق وسى زاڭداعى مىنا سوزدەردىڭ ماعىناسى: (1) ساياحات تيجاراتشىلارى دەگەندە، ساياحات كووپەراتيۆى، كورىنىس رايونى، سونداي - اق ساياحاتشىلارعا قاتىناس، جاتاق، اس - سۋ، زات ساتىپ الۋ، كوڭىل اشۋ سياقتىلار جونىنەن قىزمەت وتەيتىن تيجاراتشىلار مەڭزەلەدى. (2) كورىنىس رايونى دەگەندە، ساياحاتشىلارعا سەيىلدەۋ جونىنەن قىزمەت وتەيتىن، باسقارۋ شەكاراسى ايقىن ورىندار نەمەسە وڭىرلەر مەڭزەلەدى. (3) مىندەتىنە الاتىن ساياحات توقتامى دەگەندە، ساياحات كووپەراتيۆى ساپارعا الدىن الا ورنالاستىرىپ، كومەكشى ادامنىڭ قاتىناس، جاتاق، اس - سۋ، سەيىلدەۋ، باستاۋ نەمەسە جەتەكشىلىك ەتۋ سياقتى ەكىدەن ارتىق ساياحاتقا قىزمەت وتەيتىن نەمەسە مىندەتىن اتقاراتىن، ساياحاتشىلاردىڭ جالپى باعا بويىنشا ساياحات اقىسىن تولەيتىن توقتام مەڭزەلەدى. (4) ۇيىرمە ۇيىمداستىرعان كووپەراتيۆ دەگەندە، ساياحاتشىلارمەن مىندەتىنە الاتىن ساياحات توقتامىن جاساساتىن ساياحات كووپەراتيۆى مەڭزەلەدى. (5) قابىلدايتىن جەرگىلىكتەگى كووپەراتيۆ دەگەندە، ۇيىرمە ۇيىمداستىرعان كووپەراتيۆتىڭ مىندەتتەمەسىن قابىلدايتىن، ساياحاتشىلاردى نىسانالى جەردە قابىلدايتىن ساياحات كووپەراتيۆى مەڭزەلەدى. (6) كومەكشى ادام دەگەندە، ساياحات كووپەراتيۆىمەن توقتام قاتىناسى بار، ءوزىنىڭ مىندەتىنە الاتىن ساياحات توقتامىنداعى بورىشىن وتەۋگە كومەكتەسەتىن، ءىس جۇزىندىك قاتىستى قىزمەتتەردى وتەيتىن زاڭدىق تۇلعا نەمەسە تابيعي ادام مەڭزەلەدى.

  112 - تارماق بۇل زاڭ 2013 - جىلى 1 - قازاننان باستاپ اتقارىلادى. (اۋدارماسىن اۆتونوميالى رايوندىق حالىق قۇرىلتايى تۇراقتى كوميتەتى كەڭسەسىنىڭ زاڭ - ەرەجەلەر اۋدارماسىن قاراپ بەكىتۋ گرۋپپاسى قاراپ بەكىتتى)

  (ءتاڭىرتاۋ تورابىنان الىندى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار