بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى

2017.10.20 14:46     كەلۋ قاينارى : شينجياڭ گازەتى

  (شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 28 - ماجىلىسىندە 2017 - جىلى 29 - ناۋرىز كۇنى ماقۇلداندى)

  شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ حابارلاندىرۋى

  (38 - ءنومىرلى)

  «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى» شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 28 - ماجىلىسىندە 2017 - جىلى 29 - ناۋرىز كۇنى ماقۇلداندى، قازىر جاريالاپ وتىرمىز. 2017 - جىلى 1 - ساۋىردەن باستاپ اتقارىلادى. وسىنى ەرەكشە حابارلاندىرامىز.

  شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى

  2017 - جىلى 29 - ناۋرىز

  ءبىرىنشى تاراۋ

  جالپى ەرەجە

  1 - تارماق بۇل ەرەجە ۇشقارىلىقتى شەكتەۋ جانە ونى الاستاۋ، ۇشقارىلىقتىڭ زالالىنان ساقتانۋ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن، «جۇڭحۋا حالىق رەسپۋبليكاسىنىڭ نەگىزگى زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، مەملەكەتتىك كەڭەستىڭ «ءدىن ىستەرى ەرەجەسى» سياقتى قاتىستى زاڭدارعا، زاڭ - ەرەجەلەرگە ساي، اۆتونوميالى رايونىمىزدىڭ ناقتى جاعدايىنا ۇشتاستىرىلىپ جاسالدى.

  2 - تارماق اۆتونوميالى رايونىمىزدىڭ اكىمشىلىك وڭىرىندە ۇشقارىلىقتى الاستاۋدا وسى ەرەجە قولدانىلادى.

  3 - تارماق وسى ەرەجەدە ايتىلعان ۇشقارىلىق ۇشقارىلىقتىڭ ىقپالىنا ۇشىراپ، اسىرا سىلتەنگەن ءدىني يدەيالىق كوزقاراستى جۇقتىرىپ، قالىپتى ءوندىرىستى، تۇرمىستى تەرىستەيتىن، كيلىگەتىن سوزدەر مەن ارەكەتتەردى مەڭزەيدى. وسى ەرەجەدە ايتىلعان ۇشقارىلانۋ ءدىني قاعيدالاردى بۇرمالاۋ نەمەسە باسقا دا ادىستەر ارقىلى وشپەندىلىككە، كەمسىتۋگە جەلىكتىرۋ، زورلىقتى كۇشكە ايتاقتاۋ سياقتى دارىپتەمەلەر مەن ارەكەتتەردى مەڭزەيدى. اۆتونوميالى رايون ۇشقارىلىقتان ساقتانادى، ونى شەكتەيدى جانە الاستايدى، ۇشقارى قىلمىستىق ارەكەتتەردەن ساقتانادى جانە ونى جازالايدى.

  4 - تارماق ۇشقارىلىقتى الاستاۋدا پارتيامىزدىڭ ءدىن قىزمەتى جونىندەگى نەگىزگى باعىتىندا تاباندى بولۋ، ءدىندى جۇڭگوشالاندىرۋ، زاڭ ارقىلى جونگە سالۋ بەتالىسىنان جازباۋ، ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك.

  5 - تارماق ۇشقارىلىقتى الاستاۋ قىزمەتىندە باسشىلىق جاۋاپتى بولۋ ءتۇزىمى مەن جىلدىق نىسانالىق جاۋاپكەرشىلىكتى باعالاۋ ءتۇزىمى اتقارىلادى.

  6 - تارماق اۆتونوميالى رايوندا، وبلىستاردا (قالالاردا، ايماقتاردا)، اۋدانداردا (قالالاردا، رايونداردا) ۇشقارىلىقتى الاستاۋ باسشىلىق گرۋپپاسى قۇرىلىپ، ءوز اكىمشىلىك وڭىرىندە ۇشقارىلىقتى الاستاۋعا جاۋاپتى بولادى. ۇشقارىلىقتى الاستاۋ باسشىلىق گرۋپپاسىنىڭ قاراماعىندا كەڭسە قۇرىلىپ، تەكسەرىپ - زەرتتەۋ، سايكەستىرۋگە جەتەكشىلىك ەتۋ، قۋزاپ تەكسەرۋ سياقتى قاتىستى فۋنكتسيالاردى وتەيدى.

  7 - تارماق ءارقانداي ورىن مەن جەكە ۇشقارىلىقتى سانالى تۇردە شەكتەۋى جانە وعان قارسى تۇرۋى، ۇشقارى ءسوز - ارەكەتتەردى اشكەرەلەۋى كەرەك.

  8 - تارماق ۇشقارىلىقتى الاستاۋدا ناتيجەسى كورنەكتى ورىندار مەن جەكەلەر ماداقتالادى، سيلانادى.

  ەكىنشى تاراۋ

  ۇشقارىلىقتىڭ باستى بەينەلەرى

  9 - تارماق ۇشقارىلانۋدىڭ ىقپالىنا ۇشىراعان مىناداي ءسوز - ارەكەتتەر ۇشقارىلىققا جاتادى، وعان تيىم سالىنادى: (1) ۇشقارىلىق يدەيانى ۋاعىزداۋ، تاراتۋ؛ (2) باسقالاردىڭ ءدىني سەنىم ەركىندىگىنە كيلىگۋ، باسقالاردى ءدىني قيمىلدارعا قاتىناسۋعا زورلاۋ، باسقالاردى ءدىني قيمىل ورىندارىن، ءدىني قىزمەتكەرلەردى مال - مۇلىكپەن قامداۋعا نەمەسە وعان ەڭبەك ىستەپ بەرۋگە زورلاۋ؛ (3) باسقالاردىڭ توي - تومالاق، ءولىم - ءجىتىم، مۇراعا مۇراگەرلىك ەتۋ سياقتى قيمىلدارىنا كيلىگۋ؛ (4) باسقالاردىڭ باسقا دا ۇلتتارمەن نەمەسە باسقا سەنىمدەگى ادامدارمەن ارالاسۋىنا، ىشتەسۋىنە، توعىسۋىنا، بىرگە تۇرمىس كەشىرۋىنە كيلىگۋ، باسقا ۇلتتاردى نەمەسە باسقا سەنىمدەگى ادامداردى قونىستانعان جەرىنەن قۋالاۋ؛ (5) مادەني كوڭىل اشۋ قيمىلدارىنا كەدەرگىلىك ىستەۋ، راديو، تەلەۆيزيا سياقتى الەۋمەتتىك ونىمدەر مەن قىزمەت كورسەتۋلەردى تەرىستەۋ، ودان باس تارتۋ؛ (6) مۇسىلمانشا ۇعىمىن داليتىپ، مۇسىلمانشا ۇعىمىن ازىق - تۇلىك سالاسىنان سىرت باسقا دا سالالارعا كەڭەيتۋ، مۇسىلمانشا ەمەس دەگەن جەلەۋمەن باسقالاردىڭ زايىرلى تۇرمىسىن تەرىستەۋ، وعان كيلىگۋ؛ (7) نيقاپ - بۋرقا كيۋ، ۇشقارىلىق بەلگىلەردى تاعۋ نەمەسە باسقالاردى سولاي ىستەۋگە زورلاۋ؛ (8) قالىپسىز ساقال - مۇرت قويۋ، ات قويۋ ارقىلى ءدىني اپتىقپالىقتى دابىرا قىلۋ؛ (9) زاڭدىق راسميات وتەمەي تۇرىپ، ءدىن جولىمەن نەكەلەنۋ جانە نەكەدەن اجىراۋ؛ (10) پەرزەنتتەرىنىڭ حالىقتىق وقۋ - اعارتۋدى قابىلداۋىنا رۇقسات ەتپەي، مەملەكەتتىڭ وقۋ - اعارتۋ ءتۇزىمىن اتقارۋىنا كەدەرگى بولۋ؛ (11) باسقالاردى ۇرەيلەندىرىپ، شىرعالاپ، مەملەكەت ساياساتىنان يگىلىكتەنۋىن شەكتەۋ، تۇرعىندار ازاماتتىق كۋالىگى، نوپوس داپتەرى سياقتى مەملەكەت زاڭىندا بەلگىلەنگەن كۋالىكتەردى قاساقانا ءبۇلدىرۋ، سونداي - اق حالىق اقشاسىن لاستاۋ، ءبۇلدىرۋ؛ (12) الەۋمەتتىك جانە جەكەلىك مال - مۇلىكتى قاساقانا ءبۇلدىرۋ، بۇزۋ؛ (13) ۇشقارىلىق مازمۇنداعى ماقالالاردى، باسىلىمداردى، دىبىس - كەسكىندەردى باسپادان شىعارۋ، باسۋ، تاراتۋ، ساتۋ، جاساۋ، توراپتان الۋ، ساقتاۋ، كوبەيتۋ، كورۋ، كوشىرۋ، قولىندا ۇستاۋ. (14) جوسپارلى تۋىت ساياساتىنىڭ اتقارىلۋىنا قاساقانا كيلىگۋ نەمەسە ونى ءبۇلدىرۋ؛ (15) باسقا دا ۇشقارى سوزدەر مەن ارەكەتتەر.

  ءۇشىنشى تاراۋ

  ۇشقارىلىقتان ساقتانۋ، ونى شەكتەۋ جانە الاستاۋ

  10 - تارماق ۇشقارىلىقتى الاستاۋدا ۇلتتىق سالت - سانانىڭ، قالىپتى ءدىني قيمىلدىڭ، زاڭسىز ءدىني قيمىلدىڭ ۇشقارى قيمىلدارمەن شەكاراسىن ايقىن ايىرىپ، سيپاتىن پارىقتاپ، تۇرگە ءبولىپ شارا قولدانىپ، مۇلدە كوپ سانداعىلاردى ىنتىماقتاستىرا تاربيەلەۋدەن جازباي، وتە از سانداعىلاردى وقشاۋ قالدىرىپ، اياۋسىز سوققى بەرۋ كەرەك.

  11 - تارماق ۇشقارىلىقتى الاستاۋدا جۇيەلى وڭاۋدان، كەشەندى شارا قولدانۋدان، ۇستىنەن وڭاۋ مەن تۇبىرىنەن وڭاۋدان جازباۋدى حالىق تۇرمىسىن جاقسارتۋمەن، كەدەيلىكتەن ارىلتىپ، اۋقاتتاندىرۋمەن، ۇلتتار ىنتىماعى، العاباسارلىعىندا وزات ورىن قۇرۋمەن تىعىز ۇشتاستىرىپ، ءوزارا جەبەۋدى جۇزەگە اسىرۋ كەرەك.

  12 - تارماق ۇشقارىلىقتى الاستاۋدا دۇرىس ساياسي بەتالىس پەن قوعامدىق پىكىر بەتالىسىنان جازباي، نەگىزگى اۋەندى اسقاقتاتىپ، وڭ ەنەرگيا تاراتۋ؛ يدەولوگيا سالاسىنداعى كەۋلەپ كىرۋگە، بولشەكتەۋگە قارسى تۇرۋ كۇرەسىن كۇشەيتىپ، ءتۇرلى مەديالاردان پايدالانىپ ۇشقارىلىقتى ۋاعىزداپ، قوعام ءتارتىبىن بىلىقتىرۋعا تيىم سالۋ كەرەك. ءارقانداي قۇرىلىم مەن جەكەنىڭ تاقىرىپتىق زەرتتەۋ، قوعامدىق تەكسەرۋ، ءىلمي تالقى مىنبەرى سياقتىلاردى سىلتاۋراتىپ ۇشقارىلىقتى تاراتۋىنا، ۋاعىزداۋىنا تيىم سالىنادى.

  13 - تارماق ۇشقارىلىقتى الاستاۋدا دابىرالى ۇگىت - لەكسيا جاساپ، جابال ۇيرەنىپ، زور تالقى ورىستەتىپ، جۇرتشىلىققا وسى زامانعى عىلىم، مادەنيەت بىلىمدەرى ارقىلى عىلىمدى، وركەنيەتتى قادىرلەۋ جونىندە تاربيە جۇرگىزۋ، زاڭ بىلىمدەرى ارقىلى جۇرتشىلىققا زاڭ ۇيرەنۋ، زاڭعا بويسۇنۋ جونىندە تاربيە جۇرگىزۋ، دۇرىس ءدىني سەنىم ارقىلى ءتۇپ - توركىنىن قاينارىنان ايقىنداۋ، تەرىس ۋاعىزدار مەن ساندىراقتارعا تويتارىس بەرۋ، دىنگە سەنەتىن جۇرتشىلىقتى دۇرىس سەنىم ورناتىپ، دۇرىس جول ۇستانىپ، ۇشقارىلىقتى سانالى شەكتەۋگە جەتەلەۋ كەرەك.

  14 - تارماق ۇشقارىلىقتى الاستاۋدا تاربيەلەۋ - وزگەرتۋ قىزمەتىن تىڭعىلىقتى ىستەپ، ايىرىم تاربيەلەۋ مەن شوعىرلى تاربيەلەۋدى ءوزارا ۇشتاستىرۋ، زاڭمەن جونگە سالۋ تاربيەسى مەن اقىل ايتۋ قيمىلىن ءوزارا ۇشتاستىرۋ، يدەيالىق تاربيەنى، پسيحولوگيالىق جەتەلەۋدى، قيمىلدى تۇزەتۋدى ونەر جاعىنان باۋلۋمەن ءوزارا ۇشتاستىرۋ، تاربيەلەپ - وزگەرتۋدى گۋمانيتارلىق قامقورلىقپەن ءوزارا ۇشتاستىرىپ، تاربيەلەپ - وزگەرتۋدىڭ ونىمدىلىگىن جوعارىلاتۋ كەرەك.

  15 - تارماق ۇشقارىلىقتى الاستاۋدا جىلجىمالى حالىققا قىزمەت كورسەتۋدى، ولاردى باسقارۋدى كۇشەيتىپ، الەۋمەتتىك اۋماقتاردىڭ، كاسىپ سالاسى تاراۋلارىنىڭ، سونداي - اق ءتۇرلى كاسىپورىنداردىڭ رولىن ساۋلەلەندىرىپ، جىلجىمالى حالىق اراسىندا ۇشقارىلىقتى الاستاۋ قىزمەتىن تىڭعىلىقتى ىستەۋ كەرەك.

  ءتورتىنشى تاراۋ

  ۇكىمەتتىڭ جانە قاتىستى تاراۋلاردىڭ باستى قىزمەت جاۋاپكەرشىلىگى

  16 - تارماق ءار دارەجەلى حالىق ۇكىمەتى جانە ونىڭ تاراۋلارى، ورىندارى ءوز قىزمەت جاۋاپكەرشىلىگى بويىنشا ۇشقارىلىقتى الاستاۋ قىزمەتىن تىڭعىلىقتى ىستەۋى كەرەك.

  17 - تارماق ۇلت، ءدىن ىستەرى تاراۋلارى ۇلت، ءدىن ساياساتى مەن ۇلتتار ىنتىماعى ۇگىت - تاربيەسى قيمىلىن، ۇلتتار ىنتىماعى، العاباسارلىعىندا وزات ورىن قۇرۋ قيمىلىن ورىستەتىپ، ءدىني قايراتكەرلەردى تاربيەلەۋ، باۋلۋ جانە قىزمەت كورسەتۋ، باسقارۋ مەحانيزمىن بەكەمدەپ، جاقسارتىپ، ءدىني قىزمەتكەرلەرگە، ءدىني قيمىل ورىندارىنا، ءدىني قيمىلدارعا قىزمەت وتەۋدى جانە ونى باسقارۋدى كۇشەيتىپ، ءدىني باسىلىمداردى تەكسەرۋدى قاتايتىپ، ءدىني قىزمەتكەرلەردى ۇيىمداستىرىپ، شاريعات ايتىپ، سۇرە - ءتاپسىر ءتۇسىندىرۋ قىزمەتىن تىڭعىلىقتى ىستەپ، دۇرىس سەنىم ورناتۋعا، دۇرىس جول ۇستانۋعا جەتەلەۋى كەرەك. قاتىستى تاراۋلارمەن بىرگە زاڭسىز ءدىني قيمىلداردى، زاڭسىز ءدىني ۇگىت بۇيىمدارىن، زاڭسىز ءدىني تور ۇگىتىن زاڭ بويىنشا جونگە سالۋ كەرەك.

  18 - تارماق ءادىليا اكىمشىلىك تاراۋلارى قاتىستى زاڭداردى، زاڭ - ەرەجەلەردى ۇگىتتەۋ قىزمەتىنە ۇيىمداستىرىپ، جەتەكشىلىك ەتىپ، سايكەستىرىپ، زاڭ جالپىلاستىرۋ قيمىلىن ورىستەتىپ، ءار ۇلت جۇرتشىلىعىنىڭ زاڭدى قادىرلەۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ تانىمىن جەتىلدىرۋى جانە ءوسىرۋى كەرەك. تۇرمە باسقارۋدى كۇشەيتىپ، ۇشقارىلىقتىڭ تۇرمەدە تارالۋىنان ساقتانىپ، ونى تىزگىندەپ، وزگەرتۋگە، تاربيەلەۋگە، رايىنان قايتارۋعا قاتىستى قىزمەتتەردى تىڭعىلىقتى ىستەۋى كەرەك.

  19 - تارماق قوعام حاۋىپسىزدىگى ورگاندارى زاڭعا قايشى ۇشقارى قىلمىستىق ارەكەتتەردەن زاڭ بويىنشا ساقتانىپ، زاڭ بويىنشا وعان سىلەيتە سوققى بەرىپ، قاتىستى تاراۋلارعا سايكەسىپ، زاڭسىز ءدىني قيمىلداردى، زاڭسىز ءدىني ۇگىت بۇيىمدارىن، زاڭسىز ءدىني تور ۇگىتىن جاپپاي جونگە سالۋ قىزمەتىن تىڭعىلىقتى ىستەۋى كەرەك، ينتەرنەت، جىلجىمالى ساقتاۋ دانەكەرى سياقتىلاردان پايدالانىپ، زاڭعا قايشى ۇشقارى قىلمىستىق ارەكەتتەرمەن، شەكارا سىرتىنداعى ۇشقارى كۇشتەردىڭ كەۋلەپ كىرۋ، ءبۇلدىرۋ ارەكەتىمەن، شەكارادان زاڭسىز كىرىپ - شىعۋ ارەكەتتەرىمەن شۇعىلدانۋدان ساقتانىپ، وعان سوققى بەرىپ، ءتۇيىندى ادامداردى باسقارۋدى، تىزگىندەۋدى كۇشەيتۋى كەرەك.

  20 - تارماق وقۋ - اعارتۋ تاراۋلارى ۇشقارىلىقتىڭ حالىقتىق وقۋ - اعارتۋعا كيلىگۋىنەن ساقتانىپ، وقىتۋشىلار مەن وقۋشىلارعا ۇلت - ءدىن ساياساتى تاربيەسىن، قاتىستى زاڭ، زاڭ - ەرەجە جانە عىلمي ءبىلىم تاربيەسىن جۇرگىزۋدى كۇشەيتىپ، وقىتۋشىلار مەن وقۋشىلاردى ءدىندى دۇرىس تانۋعا جانە وعان دۇرىس مامىلە جاساۋعا جەتەلەپ، وقۋلىقتاردى، وقىتۋ پىسىقتاۋ ماتەريالدارىن تەكسەرۋدى كۇشەيتىپ، ۇشقارىلىقتىڭ مەكتەپ اۋلاسىنا كەۋلەپ كىرۋىنەن ساقتانۋى جانە ونى شەكتەۋى كەرەك.

  21 - تارماق مادەنيەت تاراۋلارى سوتسياليستىك وزەكتى قۇن كوزقاراسىن اسقاقتاتىپ، العاباسار، اشىق، سيىسىمدى، وركەنيەتتى، عىلمي بولۋ ۇستانىمىن دارىپتەپ، مادەنيەت قيمىلىندا جاڭالىق اشىپ، وركەنيەتتى سالت - سانانى جەتەكشى ەتۋى كەرەك. نەگىزگى ساتىلاردا مادەنيەت قۇرىلىعى قۇرىلىستارىن كۇشەيتىپ، مادەنيەت ونىمدەرىن مولىقتىرىپ، الەۋمەتتىك مادەنيەت قىزمەت كورسەتۋ ونىمدىلىگىن ءوسىرۋى كەرەك. مادەنيەت بازارلارىن باقىلاۋدى، باسقارۋدى كۇشەيتىپ، قاتىستى تاراۋلارمەن بىرگە زاڭسىز ءدىني ۇگىت بۇيىمدارىن زاڭ بويىنشا جونگە سالۋ كەرەك.

  22 - تارماق اقپارات - باسپا ءسوز، راديو - كينو - تەلەۆيزيا تاراۋلارى نەگىزگى اۋەندى اسقاقتاتىپ، ۇشقارىلىقتى الاستاۋ ۇگىت - تاربيەسىن نىعايتىپ، باسىلىمداردىڭ، راديو - كينو - تەلەۆيزيا باعدارلامالارىنىڭ سانى مەن ساپاسىن جوعارىلاتىپ، ءتۇرلى باعدارلامالاردى تەكسەرۋدى، ۇنامدى جاقتان جەتەلەۋدى كۇشەيتىپ، ءار ۇلت جۇرتشىلىعىنىڭ ۇشقارىلىقتىڭ كەۋلەپ كىرۋىن سانالى تۇردە شەكتەۋ تانىمىن ءوسىرۋى كەرەك. 23 - تارماق قاتىناس - تاسىمال تاراۋلارى ۇشقارىلىقتى الاستاۋ ۇگىت - تاربيەسىن كۇشەيتىپ، كاسىپ سالالارىن باسقارۋدى نىعايتىپ، ۇشقارىلىقتىڭ تارالۋىنان جانە كەۋلەپ كىرۋىنەن ساقتانۋى كەرەك.

  24 - تارماق دەنساۋلىق ساقتاۋ، جوسپارلى تۋىت تاراۋلارى ۇشقارىلىقتى الاستاۋ ۇگىت - تاربيەسىن ورىستەتۋگە ۇيىمداستىرىپ، ۇشقارىلىقتىڭ جوسپارلى تۋىت ساياساتىنىڭ اتقارىلۋىن بۇلدىرۋدەن جانە ەمدەۋ - دەنساۋلىق ساقتاۋ ورىندارىندا تارالۋىنان ساقتانۋى كەرەك.

  25 - تارماق ينتەرنەت - ينفورماتسيا، ەكونوميكا - ينفورماتسيالاندىرۋ جانە قوعام حاۋىپسىزدىگى سياقتى تاراۋلار قىزمەت جاۋاپكەرشىلىگى ءبولىسى بويىنشا ينتەرنەت سايتى، تالقى مىنبەرى، ميكرو بلوگ، QQ، ءۇنحات سياقتى جەكە مەديالار مەن جىلدام حابارلاسۋ جۇمساق بولشەكتەرىن باسقارۋدى كۇشەيتىپ، ۇشقارىلىق مازمۇنداعى ناشار ينفورماتسيالاردى دەر كەزىندە بايقاپ، قاتىستى ورىندار مەن جەكەلەردى ونى جولداۋدى دوعارۋعا، قاتىستى ينفورماتسيالاردى وشىرۋگە نەمەسە قاتىستى ينتەرنەت سايتىن جابۋعا، قاتىستى قىزمەت وتەۋدى توقتاتۋعا بۇيىرۋى كەرەك. قاتىستى ورىندار مەن جەكەلەر دەرەۋ اتقارۋى ءارى قاتىستى ەستەلىكتەردى ساقتاپ، تەكسەرۋگە سايكەسۋى كەرەك.

  26 - تارماق تەلەگراف باسقارۋ تاراۋلارى تەلەگراف كاسىبى تيجاراتشىلارىنىڭ قول تەلەفون، حابارلاندىرۋ ستانسياسى، تۇراقتى تەلەفون سياقتى حابارلاسۋ جابدىقتارىنداعى ۇشقارىلىق مازمۇن بار دىبىس - بەينە، قالدىرىلعان ءسوز، سويلەسۋ ەستەلىگى سياقتىلاردى باقىلاۋ ءتۇزىمى مەن حاۋىپسىزدىك تەحنيكالارى جونىنەن ساقتانۋ شارالارىنىڭ تياناقتانۋىن قۋزاپ، ۇشقارىلىق مازمۇنداعى ينفورماتسيالاردىڭ تارالۋىنان ساقتانۋى كەرەك. تەلەگراف كاسىبىنىڭ تيجاراتشىلارى ۇشقارىلىق مازمۇنداعى ينفورماتسيالاردى بايقاسا، جولداۋدى دەرەۋ توقتاتىپ، قاتىستى ينفورماتسيالاردى ءوشىرىپ، دالەلدەردى ساقتاپ قالىپ، دەر كەزىندە دەلو مالىمدەۋى كەرەك؛ ينتەرنەت ارقىلى شەكارا اتتاپ جولدانعان ۇشقارىلىق مازمۇنداعى ينفورماتسيالاردى تەحنيكالىق شارالاردى قولدانىپ ءۇزىپ تاستاپ، قوعام حاۋىپسىزدىگى تاراۋىنىڭ زاڭ بويىنشا ءبىر جاقتى ەتۋىنە سايكەسۋى كەرەك.

  27 - تارماق حالىق ىستەرى تاراۋى نەكە جۇمىسىن، قوعامدىق ۇيىمداردى تىزىمدەۋدى جانە باسقارۋدى زاڭ بويىنشا كۇشەيتىپ، ۇشقارىلىقتىڭ كەۋلەپ كىرۋىنەن ساقتانۋى جانە وعان قارسى تۇرۋى كەرەك.

  28 - تارماق ونەركاسىپ - ساۋدا اكىمشىلىك باسقارۋ، ساپانى تەحنيكالىق باقىلاۋ سياقتى تاراۋلار تيجارات رۇقساتىن بەرۋدى، تىركەپ تىزىمدەۋدى جانە ءونىم ءوندىرۋدى، تيجارات ەتۋدى، باسقارۋدى كۇشەيتىپ، قاينار كوزىنەن توسىپ، ۇشقارىلىق ۋاعىزدالعان بۇيىمداردىڭ بازارعا كىرۋىنەن ساقتانۋى ءارى بازارداعى ۇشقارىلىق ۋاعىزدالعان بۇيىمداردى زاڭ بويىنشا تەكسەرىپ ءبىر جاقتى ەتۋى كەرەك.

  29 - تارماق اۋىل - قالاشىق حالىق ۇكىمەتتەرى، ءمالى ءىس باسقارمالارى جوعارى دارەجەلى حالىق ۇكىمەتىنىڭ باسشىلىعىندا جانە قاتىستى تاراۋلاردىڭ جەتەكشىلىگىندە، ءدىن ىستەرىن باسقارۋدى زاڭ بويىنشا كۇشەيتىپ، زاڭسىز ءدىني قيمىل، زاڭسىز ءدىني ۇگىت بۇيىمدارى سياقتىلاردى جونگە سالىپ، قىستاقتاردىڭ، تۇرعىندار كوميتەتتەرىنىڭ جاڭا قىستاق قاعيداسى مەن ازاماتتىق ۋادە، تۇرعىندار سەرتى سياقتىلاردى جاساپ اتقارۋىنا جەتەكشىلىك ەتىپ، زاڭ ارقىلى جونگە سالۋ ورەسىن ءوسىرىپ، ۇنەمىلىك جونگە سالۋ مەحانيزمىن ورناتىپ، ۇشقارىلىقتى الاستاۋ قىزمەتىن زاڭ بويىنشا تىڭعىلىقتى ىستەۋى كەرەك.

  بەسىنشى تاراۋ

  قوعامداعى ءارقايسى جاقتاردىڭ وتەۋگە ءتيىستى جاۋاپكەرشىلىگى

  30 - تارماق بۇكىل قوعام ۇشقارىلىقتى الاستاۋ قىزمەتىنە جابال ات سالىسۋى كەرەك. ءار ۇلت جۇرتشىلىعى زاڭ ۇيرەنىپ، زاڭعا بويسۇنىپ، ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە ورتاق تانىم ورناتىپ، مەملەكەت تانىمىن، ازاماتتىق تانىمدى، زاڭ تانىمىن، جۇڭحۋا ۇلتتارى ورتاق تۇلعاسى تانىمىن كۇشەيتىپ، سوتسياليستىك وزەكتى قۇن كوزقاراسىن امالياتتا ايگىلەپ، ۇشقارىلىقتى سانالى تۇردە شەكتەۋى جانە ونان اۋلاق بولۋى كەرەك.

  31 - تارماق جۇمىسشى ۇيىمى جۇمىسشى ۇيىمىندا، جۇمىسشى ۇيىمى مۇشەلەرى اراسىندا قاتىستى زاڭداردى، زاڭ - ەرەجەلەردى، ساياساتتى ۇگىتتەۋ تاربيەسىن جۇرگىزىپ، ۇشقارىلىقتى الاستاۋ قيمىلىن ورىستەتۋگە ۇيىمداستىرىپ، ۇشقارىلىقتىڭ جۇمىسشى ۇيىمى مۇشەلەرى اراسىندا تارالۋىنان ساقتانۋى كەرەك.

  32 - تارماق كوممۋنيستىك جاستار وداعى جاستار مەن ورەندەرگە ۇلت، ءدىن ساياساتى مەن قاتىستى زاڭدار، زاڭ -ەرەجەلەر جونىندە تاربيە جۇرگىزىپ، ءار ۇلت جاستارى مەن ورەندەرىن ارالاسۋعا، ىشتەسۋگە، توعىسۋعا شابىتتاندىرىپ، ءار ۇلت جاستارى مەن ورەندەرىن ۇشقارىلىقتى شەكتەۋگە، وزىق مادەنيەتتى قاستەرلەۋگە، وسى زامانعى تۇرمىسقا ۇيلەسۋگە جەتەلەۋى كەرەك.

  33 - تارماق ايەلدەر بىرلەستىگى ايەلدەرگە وزىق مادەنيەت تاربيەسىن جۇرگىزىپ، ۇشقارىلىقتىڭ ىقپالىنا ۇشىراعان ايەلدەردى تاربيەلەۋدى، باسقارۋدى كۇشەيتىپ، ولاردى وسى زامانعى وركەنيەتتى قوعامعا ارالاسىپ، زاڭسىز ءدىني قيمىلدار مەن ۇشقارىلىقتى سانالى تۇردە شەكتەۋگە باستاۋى جانە كومەكتەسۋى كەرەك.

  34 - تارماق عىلىم - تەحنيكا قوعامى بۇكىل قوعامدا عىلمي بىلىمدەردى جالپىلاستىرىپ، عىلمي رۋحتى ساۋلەلەندىرىپ، عىلمي يدەيانى تاراتىپ، عىلمي ءادىستى دارىپتەپ، عىلمي اڭگىمەلەردى جاقسى سويلەپ، ءار ۇلت جۇرتشىلىعىن عىلمي، اقاۋسىز، وركەنيەتتى ءوندىرىس، تۇرمىس ءتاسىلىن قاستەرلەپ، عىلمي تانىم قابىلەتىن ءوسىرىپ، ۇشقارىلىقتى سانالى تۇردە شەكتەۋگە جانە وعان قارسى تۇرۋعا جەتەلەۋى كەرەك.

  35 - تارماق ءدىني ۇيىمدار ءدىني شاريعاتتاردى، ءدىني قاعيدالاردى ءداۋىردىڭ العا باسۋ تالابىنا سايكەستىرە ءتۇسىندىرىپ، ۇشقارى ءدىني يدەيالىق كوزقاراسقا تويتارىس بەرىپ، ۇشقارىلىقتى الاستاۋ قىزمەتىندەگى رولىن ساۋلەلەندىرىپ، دىنگە سەنەتىن جۇرتشىلىقتى زاڭ مەن ءدىني قاعيدالاردىڭ قاتىناسىن دۇرىس ءبىر جاقتى ەتىپ، دۇرىس سەنىم ورناتىپ، ۇشقارىلىقتى شەكتەپ، زاڭعا بويسۇناتىن ازامات بولۋعا جەتەلەۋى كەرەك. 36 - تارماق ساۋدا - ونەركاسىپشىلەر بىرلەستىگى، ادەبيەت - كوركەمونەرشىلەر بىرلەستىگى، قوعامدىق عىلىمدار بىرلەستىگى، ءىلمي قوعامدار، قوعامدار، قور قوعامدارى سياقتى قوعامدىق توپتار مەن قوعامدىق ۇيىمدار وزدەرىنىڭ ارتىقشىلىقتارى مەن باسىمدىقتارىنا ساي ۇشقارىلىقتى الاستاۋ قىزمەتىن تىڭعىلىقتى ىستەۋى كەرەك.

  37 - تارماق مەكتەپتەر وقىتۋشىلارعا، وقۋشىلارعا، جۇمىسشى - قىزمەتشىلەرگە ۇلت، ءدىن ساياساتى تاربيەسىن كۇشەيتىپ، بولشەكتەۋشىلىككە قارسى تۇرۋ، كەۋلەپ كىرۋگە قارسى تۇرۋ تانىمىن ءوسىرۋى كەرەك. وقىتۋشىلاردىڭ ۇشقارىلىقتى الاستاۋداعى جەتەكشىلىك رولىن جاقسى ساۋلەلەندىرىپ، وقۋشىلارعا عىلىمدى قاستەرلەۋ، اقيقاتقا تالپىنۋ، سوقىر سەنىمگە قارسى تۇرۋ، ۇشقارىلىقتى شەكتەۋ تاربيەسىن جۇرگىزۋى كەرەك.

  ءارقانداي ۇيىم مەن جەكەنىڭ مەكتەپتەردەگى ساباق ءوتۋ مىنبەرى، لەكسيا مىنبەرى، تالقى مىنبەرى سياقتىلاردان پايدالانىپ، ۇشقارى سوزدەردى ۋاعىزداۋىنا، تاراتۋىنا بولمايدى.

  38 - تارماق ءار دارەجەلى پارتيا مەكتەپتەرى، اكىمشىلىك ينستيتۋتتار، سوتسياليزم ينستيتۋتتارى، سونداي - اق ءار ءتۇرلى تاربيەلەۋ قۇرىلىمدارى ۇشقارىلىقتى الاستاۋ ءتالىم - تاربيەسىن كۇشەيتىپ، ۇشقارىلىقتى الاستاۋ ۇگىت - تاربيەسىن اۋىل - قىستاقتارعا، مال شارۋاشىلىق رايوندارعا، الەۋمەتتىك اۋماقتارعا، كاسىپورىندارعا دەيىن جالپىلاستىرۋدى جەدەلدەتۋى كەرەك.

  39 - تارماق جوعارى وقۋ ورىندارى مەن قاتىستى قوعامدىق عىلىم زەرتتەۋ قۇرىلىمدارى ۇلت، ءدىن جونىندەگى نازاريالار مەن ساياساتتاردى زەرتتەۋدى، ۇشقارىلىقتى الاستاۋ جونىندەگى زەرتتەۋدى كۇشەيتۋى كەرەك.

  40 - تارماق ءدىني مەكتەپتەر ءدىندى جۇڭگوشالاندىرۋ بەتالىسىنان جازباي، ءدىني قىزمەتكەرلەردى تاربيەلەۋ، باۋلۋ قىزمەت جاۋاپكەرشىلىگىن مۇقيات اتقارىپ، ۇشقارىلىقتىڭ كەۋلەپ كىرۋىنەن ساقتانۋى كەرەك.

  41 - تارماق بۇقارالىق اقپارات قۇرالدارى جاڭا مەديالار تاراتۋدا جانە تاسىلدە جاڭالىق اشىپ، تۇرلىشە وبيەكتىلەر مەن قابىلداۋشىلاردىڭ ەرەكشەلىگىنە باعىتتاي وتىرىپ، كوپ ءتۇرلى ارنالارمەن ۇشقارىلىقتى الاستاۋ ۇگىتى قيمىلىن ورىستەتۋى كەرەك.

  42 - تارماق الەۋمەتتىك ورىنداردىڭ باسقارۋشىلارى، الەۋمەتتىك قاتىناس قۇرالدارى، اۆتوكولىك - پويەز بەكەتتەرى، اۋەجاي سياقتىلارداعى قىزمەتكەرلەر نيقاپ، بۋرقا كيگەندەردىڭ، ۇشقارىلىق بەلگىلەردى تاققانداردىڭ الەۋمەتتىك ورىندارعا كىرۋىن نەمەسە الەۋمەتتىك قاتىناس قۇرالدارىنا شىعۋىن توسۋى ءارى قوعام حاۋىپسىزدىگى ورگانىنا دەرەۋ مالىمدەۋى كەرەك.

  43 - تارماق كاسىپورىندار ۇشقارىلىقتى الاستاۋ جاۋاپكەرشىلىگىن اتقارىپ، جۇمىسشى - قىزمەتشىلەردى جۇمىس ورنىن سۇيۋگە، كاسىبىن قادىرلەۋگە، زاڭ - تۇزىمگە بويسۇنۋعا، ىنتىماقتى، تاتۋ بولۋعا، ۇشقارى سوزدەر مەن ارەكەتتەرگە قارسى تۇرۋعا تاربيەلەۋى جانە جەتەكتەۋى كەرەك.

  44 - تارماق وتباسىلارى جانە ونىڭ مۇشەلەرى زاڭدى قۇرمەتتەۋى، زاڭعا بويسۇنۋى كەرەك. اتا - انالار تاماشا مىنەز - قۇلىق ارقىلى پەرزەنتتەرىنە ىقپال جاساپ، پەرزەنتتەرىنە عىلىمدى قاستەرلەۋ، وركەنيەتكە تالپىنۋ، ۇلتتار ىنتىماعىن قورعاۋ، ۇشقارىلىقتى شەكتەۋ جانە وعان قارسى تۇرۋ جونىندە تاربيە بەرۋى كەرەك.

  45 - تارماق ءدىني قىزمەتكەرلەر دىنگە سەنەتىن جۇرتشىلىققا ءوزارا سيىسىمدى بولۋ، بەرەكەلى، ىنتىماقتى، تاتۋ - ءتاتتى بولۋ يدەياسىن ۇگىتتەۋدى، وتاندى ءسۇيۋ، بەيبىتشىلىكتى ءسۇيۋ، ىنتىماقتى بولۋ، ورتا جول ۇستانۋ، كەڭ پەيىل بولۋ، ساۋاپتى ءىس ىستەۋ سياقتى ءدىني قاعيدالاردى شاريعات سويلەۋ، سۇرە - ءتاپسىر ءتۇسىندىرۋ قيمىلدارىنا دەيىن ءسىڭىرىپ، ۇشقارىلىققا تۋى ايقىن تۇردە تويتارىس بەرىپ، دىنگە سەنەتىن جۇرتشىلىقتى دۇرىس سەنىم، دۇرىس جول ۇستانىپ، ۇشقارىلىقتىڭ كەۋلەپ كىرۋىنە قارسى تۇرۋعا باستاۋ كەرەك. التىنشى تاراۋ

  زاڭدىق جاۋاپكەرشىلىك

  46 - تارماق وسى ەرەجەنىڭ 9 - تارماعىنداعى بەلگىلەمەگە قايشىلىق جاساپ، كۇناسى جەڭىلدەۋ بولسا، قوعام حاۋىپسىزدىگى ورگانى قاتىستى تاراۋلارمەن، ورىندارمەن بىرگە تۇزەتۋگە بۇيىرادى، سىن ايتىپ تاربيە بەرەدى نەمەسە زاڭ ارقىلى جونگە سالۋ تاربيەسى بەرىلەدى؛ كۇناسى اۋىرلاۋ بولعانىمەن، قىلمىس قالىپتاستىرماسا، قوعام حاۋىپسىزدىگى ورگانى «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىنا»، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭىنا»، سونداي - اق «شينجياڭ ۇيعۇر اۆتونوميالى رايونىنىڭ جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن اتقارۋ ادىسىنە» ساي جازا قولدانادى، زاڭعا قايشى تابىسى بولسا، زاڭعا قايشى تابىسىن تاركىلەيدى، باسقالارعا زيان جەتكىزگەندەر زاڭ بويىنشا ازاماتتىق ىستەر جاۋاپكەرشىلىگىن ارقالايدى.

  47 - تارماق ۇشقارىلىقتى الاستاۋ قىزمەتىنە باسشىلىق ەتۋ گرۋپپالارى، تاراۋلارى، ورىندار جانە ونىڭ قىزمەتكەرلەرى ۇشقارىلىقتى الاستاۋ قىزمەتىندە قىزمەت جاۋاپكەرشىلىگىن وتەمەسە، ونىڭ تۇرعان ورنى نەمەسە جوعارى دارەجەلى باسقارۋشى تاراۋ سىن ايتىپ تاربيە بەرەدى، تۇزەتۋگە بۇيىرادى؛ كۇناسى اۋىر بولسا، قىزمەت ورنىنىڭ نەگىزگى جاۋاپتىسىنا، تىكە جاۋاپتى باسقارۋشىلارىنا جانە تىكە جاۋاپتىلارىنا زاڭ بويىنشا اكىمشىلىك شارا قولدانىلادى.

  48 - تارماق وسى ەرەجەدەگى بەلگىلەمەلەرگە قايشىلىق جاساپ، جازالانۋعا ءتيىستى باسقا دا ارەكەتى بارلار قاتىستى زاڭدارعا، زاڭ - ەرەجەلەرگە ساي جازالانادى، قىلمىس قالىپتاستىرعاندارىنىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى. جەتىنشى تاراۋ

  قوسىمشا ەرەجە

  49 - تارماق اۆتونوميالى رايوندىق حالىق ۇكىمەتى وسى ەرەجەگە ساي لاڭكەستىكتى الاستاۋدىڭ ناقتى بەلگىلەمەسى مەن ءادىسىن جاسايدى.

  50 - تارماق بۇل ەرەجە 2017 - جىلى 1 - ساۋىردەن باستاپ اتقارىلادى.

  (ءتاڭىرتاۋ تورابىنان الىندى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار