بەيجيڭ ساقشى جاعى حۇڭحۋاڭلان بالالار باقشاسىنداعى بالالاردىڭ زاقىمدالۋ ۋاقيعاسىنىڭ تەكسەرىلۋ جاعدايىن جاريالادى
2017.11.29 15:36 كەلۋ قاينارى : حالىق تورابى
حالىق تورابى، 29 – قاراشا، بەيجيڭ. بەيجيڭ ساقشى جاعى 28 – قاراشا كەشتە چاۋياڭ رايونىنداعى حۇڭحۋاڭلان بالالار باقشاسىنداعى بالالاردىڭ زاقىمدالۋ ۋاقيعاسىنىڭ تەكسەرىلۋ جاعدايىن جاريالادى.
ساقشى جاقتىڭ جاريالاعان مالىمدەمەسىندە، قوعام حاۋىپسىزدىك ورگانى تەكسەرۋ ارقىلى، چاۋياڭ رايونىنداعى حۇڭحۋاڭلان بالالار جاڭا الەم باقشاسىنداعى مۇعالىم ليۋ XX (ايەل، 22 جاس، حىبەي ولكەسىنىڭ ادامى) ءبىر ءبولىم بالالار ۋاعىندا ۇيىقتاماعانى سەبەپتى، ولاردى ينەمەن ءپىسۋ ءادىسىن قولدانىپ «جونگە سالعان». قاراۋىنداعى ادامدى جابىرلەۋ قىلمىس كۇمانىمەن، ليۋ XX قىلمىستىق ىستەر زاڭى بويىنشا قاماققا الىندى.
بالالار باقشاسىندا جالپى 78 قىزمەتكەر بار بولىپ، بۇلاردىڭ ىشىندە 8ى ەر قىزمەتكەر، قىزمەت بارىسىندا ولاردىڭ بالالارمەن جەكەلەي كەزدەسۋى مۇمكىندىگى جوق. مامانداردىڭ قايتالاي تەكسەرۋىمەن، ءۇشىنشى جاق زاڭدىق باقىلاۋ ورتالىعى اتا – انالاردىڭ ءوتىنىشى بويىنشا ۋاقيعاعا قاتىستى قىز بالالارعا تەكسەرۋ جۇرگىزۋ بارىسىندا، بوگدە ءجايت بايقالماعان. بالالاردىڭ باقشاداعى كەزىندە ىشەتىن دارىلەرىنە قاتىستى قاتاڭ بەلگىلەمەلەرى بار بولىپ، اتا – انالار دارىلەردىڭ اتىن، ىشەتىن ۋاقىتى مەن ءىشۋ مولشەرىن انىق جازعاننان كەيىن، بالالار باقشاسىنداعى بالالاردىڭ دەنساۋلىعىنا جاۋاپتى دارىگەر ارنايى بۇل ىسكە جاۋاپتى بولعان.
تەكسەرۋ ارقىلى ۋاقيعاعا قاتىستى كلاستىڭ كەسكىن مازمۇنىن ساقتايتىن قاتتى تاباعىنىڭ بۇزىلعانى بايقالعان. كاسىپتىك سەرىكتىكتىڭ تەحنيكالىق تەكسەرۋ جاساۋى ارقىلى، قاتتى تاباقتىڭ كوپ رەت زورلىقتى تۇردە ەلەكتردەن ءۇزۋ سەبەبىنەن بۇزىلعانى انىق بولدى. اتالعان باقشانىڭ ساقتىق قويماسىنا جاۋاپتى ادامى جاۋ XXتىڭ (ايەل، 45 جاس، حىنان ولكەسىنىڭ ادامى، باقىلاۋ بولىمىندە جاتقان) باقىلاۋ اسپابىنىڭ شۋىلى قاتتى بولعاندىقتان، ۇنەمى وقۋدان تۇسكەننەن كەيىن اتالعان اسپاپتى زورلىقتى تۇردە ەلەكتردەن ۇزەتىنى انىقتالدى. تەكسەرۋ تاراۋلارىنىڭ قىزمەتىنە قاراعاندا، قازىر 113 ساعاتتىق كەسكىننىڭ مازمۇنى قالپىنا كەلتىرىلگەن، ءبىراق بالالاردى جابىرلەۋگە قاتىستى مازمۇن بايقالماعان.
توراپتا تارالعان بالالار باقشاسىنداعى «بالالارعا تۇرپايىلىق ىستەۋگە» قاتىستى مازمۇنعا تەكسەرۋ جاساۋ ارقىلى، ليۋ X (ايەل، 31 جاس، بەيجيڭ قالاسىنىڭ ادامى)، لي XX (ايەل، 29 جاس، حىبەي ولكەسىنىڭ ادامى) قاتارلى ەكى ادامنىڭ جالعاننان وسەك تاراتقانى انىقتالدى. ليۋ X جالعاننان وسەك تاراتىپ، قوعام ءتارتىبىن بۇزعانى سەبەپتى اكىمشىلىك ىستەرى بويىنشا قولعا الىندى؛ لي XX قوعام حاۋىپسىزدىك ورگانى جاعىنان قاتاڭ تاربيە بەرىلدى، 25 – قاراشا كۇنى ول ءوزىنىڭ جەكەلىك بلوگىندا اشىق كەشىرىم سۇرادى.
23 – قاراشا كۇنگى ءمالىم ءبىر تەلەۆيزيا ستانسياسىنىڭ حابارىنداعى اتالعان بالالار باقشاسىنداعى بالالاردىڭ ءدارى ىشۋ جاعدايىنا ارنايى تەكسەرۋ جۇرگىزۋ ارقىلى، بالانىڭ اتا – اناسى گوۋ X (ەر، 28 جاس، سىچۋان ولكەسىنىڭ ادامى) بالالار باقشاسىندا بالاسىنىڭ بۇل ءدارىنى ىشپەگەنىن مويىندادى، كەسكىندەگى ءدارى اتا – اناسىنىڭ ۇيىندە تۇتىناتىن ءدارىسى بولىپ، تىلدىك جەتەلەۋ ءادىسى ارقىلى بالاعا سۇراۋ قويىپ، كەسكىندى ءتۇسىرىپ بولعاننان كەيىن، بالالار باقشاسىنداعى اتا – انالار ۋيچات توبىنا جولداعان. قاتىستى تەلەۆيزيانىڭ ءتىلشىسى ليۋ X (ەر، 36 جاس، بەيجيڭ قالاسىنىڭ ادامى) تىلشىلىك انىقتاۋدان وتكىزبەي تۇرىپ، اتالعان كەسكىندى توراپتان ءتۇسىرىپ جاساپ تاراتقان.
ۋاقيعاعا قاتىستى قىز بالانىڭ اناسى جاۋ XX (ايەل، 31 جاس، حەيلۇڭجياڭ ولكەسىنىڭ ادامى) جولداعان «شيپاگەر اتاي، شيپاگەر اعاي تىرجالاڭاشتانىپ الىپ، قىزىمدى تەكسەردى» دەگەن مازمۇنعا ارنايى تەكسەرۋ جۇرگىزۋ ارقىلى جاۋ XX جالعان وسەك ايتقانى بەلگىلى بولدى، ول قوعامعا بۇل ءىستىڭ شىن ءمان – جايىن ءپاش ەتىپ، اشىق كەشىرىم سۇراۋعا پەيىلدى ەكەنىن بىلدىرگەن.
قوعام حاۋىپسىزدىك ورگانى اتالعان دەلوعا جالعاستى ىشكەرىلەي تەكسەرۋ جۇرگىزىپ جاتقانىن، بالاعاتقا تولماعاندارعا جابىرلەۋ جۇرگىزگەن زاڭعا قايشى قىلمىستىق ارەكەتكە قوعام حاۋىپسىزدىك ورگانىنىڭ سوڭىنا دەيىن تەكسەرۋ جۇرگىزەتىنىن، زاڭ بويىنشا قاتاڭ جازالايتىنىن ءبىلدىردى؛ سونىمەن قاتار، جاماعاتقا توراپتاعى ينفورماتسيالارعا دەن قويا قاراۋدى، ادەيى جاسالعان وسەك – اياڭ ارەكەتتەرىن قوعام حاۋىپسىزدىك ورگانى زاڭ بويىنشا قاتاڭ جازالايتىنىن ەسكەرتتى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
