«سۋىق قولدار» مەملەكەتتىڭ كەدەيلەردى سۇيەمەلدەۋ، قيىنشىلىعى بارلارعا كومەكتەسۋ ارناۋلى قاراجاتىنا قول سۇقتى
شينجياڭ ءوندىرىس – قۇرىلىس بيڭتۋانىنىڭ نەگىزگى ساتىداعى كادرى ۇكىمەت اقشاسىنان ميلليون يۋاندى قىمقىرعانى سەبەپتى ۇستالدى
2017.12.08 14:15 كەلۋ قاينارى : حالىق تورابى
حالىق تورابى، 8 – جەلتوقسان، بەيجيڭ. شينجياڭ ءوندىرىس – قۇرىلىس بيڭتۋانى نەگىزگى ساتى تۋانىنداعى ورىنباسار ءبولىم دارەجەلى كادر بولا تۇرا، قىزمەت قولايلىلىعىنان پايدالانىپ، مەملەكەتتىڭ ءتيىمدى ساياساتىنان يگىلىكتەنبەگەن نەشە ادامنىڭ اتىن جالعان تىزىمدەپ، وسى ءادىس ارقىلى مەملەكەتتىڭ كەدەيلەردى سۇيەمەلدەۋ، قيىنشىلىعى بارلارعا كومەكتەسۋ ارناۋلى قاراجاتىنان ميلليون يۋان اقشانى قىمقىرىپ، ءوزىنىڭ جەكەلىك قوراجاي، اۆتوكولىك ساتىپ الۋىنا ىستەتكەن. جاقىندا، بيڭتۋان 5 – ديۆيزياسىنىڭ ورتا دارەجەلى حالىق سوتى سوڭعى ۇكىمىن شىعارىپ، ايىپتالۋشىنى 5 جىلدىق مەرزىمدى قاماق جازاسىنا بۇيىردى ءارى 250 مىڭ يۋان ايىپ پۇل سالدى.
ايىپتالۋشى شى گاڭ 1973 – جىلى تۋىلعان، 5 – ديۆيزيا 87 – تۋان الەۋمەتتىك اۋماق قۇرىلىسى جەتەكشى كوميتەتى كەڭسەسىنىڭ مەڭگەرۋشىسى (ورىنباسار ءبولىم دارەجەلى). 2017 – جىلى 4 – مامىر كۇنى، بيڭتۋان حالىق پروكۋراتۋراسى ايىپتالۋشى شى گاڭنىڭ ۇستىنەن شىرىكتەسۋ قىلمىسىن وتكىزگەن دەپ ارىز كوتەردى.
حالىق پروكۋراتۋراسىنىڭ تەكسەرۋى ارقىلى، 2009 – جىلدان 2014 – جىلعا دەيىن، ايىپتالۋشى شى گاڭ بيڭتۋان 5 – ديۆيزيا 87 – تۋان الەۋمەتتىك اۋماق قۇرىلىسى جەتەكشى كوميتەتى كەڭسەسىنىڭ مەڭگەرۋشىسىنىڭ ورىنباسارى، مەڭگەرۋشىسى مىندەتىن اتقارىپ جۇرگەن كەزدە، تۋانداعى ەڭ تومەنگى تۇرمىسى قامتاماسىزداندىرىلاتىندارعا، ەڭبەك سىڭىرگەندەرگە، ۇلكەن اۋرۋى بارلارعا كومەكتەسۋ قاتارلى حالىق ىستەرى قارجىسىن ءوتىنىش ەتۋ جانە تاراتۋ قىزمەتىنە جاۋاپتى بولعان.
مەملەكەتتىڭ كەدەيلەردى سۇيەمەلدەۋ، قيىنشىلىعى بارلارعا كومەكتەسۋ ارناۋلى قاراجاتىن قىمقىرۋ ءۇشىن، شى گاڭ مەملەكەتتىڭ ءتيىمدى ساياساتىنان يگىلىكتەنبەگەن جاۋ XX قاتارلى 94 ادامنىڭ اتىن جالعاننان تىزىمدەپ، ولاردىڭ سالاۋات ينفورماتسيالارى ارقىلى 94 ادامنىڭ اتىندا 96 بانكە كارتۋچكاسىن ءبىتىرىپ، كوپ رەت ەڭ تومەنگى تۇرمىسى قامتاماسىزداندىرىلاتىندارعا، ەڭبەك سىڭىرگەندەرگە، ۇلكەن اۋرۋى بارلارعا كومەكتەسۋ قارجىسىن قىمقىرىپ، سوڭىنان بۇكىل اقشانى ءوزى اتىنا اۋدارعان، زاڭسىز قىمقىرعان قارجى سوماسى ٴءبىر ميلليون 350 مىڭ 380 يۋانعا جەتىپ، قوراجاي، كولىك، فينانس ونىمدەرىن ساتىپ الۋعا جۇمساعان.
بيڭتۋان 5 – ديۆيزيا 87 – تۋانىنداعى نەگىزگى ساتىداعى ورىنداردىڭ شىعارعان ەڭ تومەنگى تۇرمىستىق قامتاماسىزداندىرۋ قارجىسىنان يگىلىكتەنۋ ىسپاتتاماسى 87 – تۋانىنداعى جاۋ XX قاتارلى 94 ادامنىڭ بۇل ساياساتتان يگىلىكتەنۋگە ساي كەلمەيتىنىن دالەلدەدى.
2016 – جىلى جەلتوقسان ايىندا، 87 – تۋان ءتارتىپ تەكسەرۋ كوميتەتى شى گاڭنىڭ تارتىپكە قايشىلىق جاساعان ماسەلەسىن حالىق پروكۋراتۋراسىنا وتكىزىپ بەرگەن. حالىق پروكۋراتۋراسى شى گاڭعا تەكسەرۋ جۇرگىزۋ بارىسىندا، شى گاڭ باسقالاردىڭ اتىن جالعاننان تىزىمدەپ ەڭ تومەنگى تۇرمىستىق قامتاماسىزداندىرۋ قارجىسىن ۇكىمەتتىك كۇتىپ الۋعا جۇمساعانىن مويىنداعان، ءبىراق جەكە ءوزىنىڭ زاڭسىز قىمقىرىپ العانىن تەرىسكە شىعارعان. سوڭىنان يدەيالىق تاربيە جۇرگىزۋ ارقىلى ول ءوزىنىڭ بۇل اقشالاردى قوراجاي، كولىك، فينانس ونىمدەرىن ساتىپ الۋعا جۇمساعانىن مويىنداعان ءارى 390 مىڭ يۋان اقشانى قايتارىپ بەرگەن.
ءبىرىنشى ۇكىم شىعارىلعاننان كەيىن، ايىپتالۋشى شى گاڭ مويىنسال بولماي، قايتالاي ارىز بەرگەن.
2017 – جىلى 16 – قازاندا، بيڭتۋان 5 – ديۆيزياسىنىڭ ورتا دارەجەلى حالىق سوتى ەڭ سوڭعى ۇكىمىن شىعارىپ، شى گاڭنىڭ ارىزىن تويتارىپ، بۇرىنعى ۇكىمىنىڭ كۇشىن ساقتايتىنىن بۇيىرعان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
