قىزمەتكە ماس بولىپ بارىپ باقىلاۋ – جەتەكشىلىك ەتۋ گرۋپپاسىن قارسى العان ءمانساپتى جازاعا تارتىلدى
2018.04.11 13:33 كەلۋ قاينارى : حالىق تورابى
حالىق تورابى، 11 – ءساۋىر، بەيجيڭ. سىچۋان ولكەسى جيڭشان وبلىسى پۋگىشيان اۋدانىنداعى ءٴبىر قالاشىقتىڭ پارتكوم شۋجيى قىزمەتكە ماس بولىپ بارىپ، باقىلاۋ – جەتەكشىلىك ەتۋ گرۋپپاسىن قارسى العاندىقتان ءتارتىپ تەكسەرۋ كوميتەتى جاعىنان جازاعا تارتىلدى، بۇل ءىس جەرگىلىكتەگى جۇرتشىلىق اراسىندا ۇلكەن اڭىس قوزعاعان. 5 – ءساۋىر، پۋگىشيان اۋداندىق پارتكوم اتالعان اۋداننىڭ چياۋو قالاشىق پارتكوم شۋجيى لي زۇڭچياڭنىڭ ۇستىنەن دەلو تۇرعىزىپ، تەكسەرۋگە العان. 7 – ءساۋىر، پۋگىشيان اۋداندىق پارتكوم لي زۇڭچياڭدى چياۋو قالاشىق پارتكوم شۋجيى مىندەتىنەن قالدىرعان.
مەملەكەتتىڭ كەدەيلەردى سۇيەمەلدەۋ قىزمەتىندەگى ماڭىزدى اۋدان رەتىندە، پۋگىشيان اۋدانىندا كەدەيشىلىكتەن ارىلماعان تاعى دا 56 قىستاق بار، اۋداندىق پارتكوم نە ءۇشىن ءبىر اۋىل – قالاشىق پارتكوم شۋجيىن جازاعا تارتادى؟
بۇل ءىستىڭ ءمان – جايىن 27 – ناۋرىزدان باستاپ ايتۋعا تۋرا كەلەدى. اۋىل – قالاشىقتاعى كادرلاردىڭ ءوزىنىڭ وتباسىنداعى كەپتىرىلگەن تەمەكى وندىرىسىنە جاساعان قولداۋىنا العىس ايتۋ ءۇشىن، چياۋو قالاشىعى يۇنپانشان قىستاعىنداعى تەمەكى ءوندىرۋشى حى زاۋرى 1740 يۋان اقشاعا ءبىر قوي، اراق – شاراپ قاتارلى ىشپەك – جەمەكتەردى ساتىپ الىپ، قالاشىقتاعى اسحانادا داستارقان جايعان. سول كۇنى، چياۋو قالاشىعىنىڭ پارتكوم شۋجيى لي زۇڭچياڭ، قالاشىق جوسپارلى تۋىت ءبولىمىنىڭ كادرى لى ىرشاچۇي، قالاشىق دەنساۋلىق ساقتاۋ ءبولىمىنىڭ بۇرىنعى باستىعى مەن قازىرگى باستىعى، انمۋجياۋ قىستاعىنىڭ ياچيكا شۋجيى مەن قىستاق بۇعالتىرى، شيجيا قىستاعىنىڭ ياچيكا شۋجيى مەن قىستاق بۇعالتىرى قاتارلى 11 ادامدى قوناعاسىعا شاقىرىپ، تۇسكى ساعات 1دەن باستاپ اراق ءىشىپ، ەت قاقتاپ جەگەن.
سول كۇنى، جيڭشان وبلىستىق پارتكومىنىڭ كەدەيشىلىكتەن ارىلتۋدا قامال الۋ شايقاسىنا جاۋاپتى ءبىرىنشى باقىلاۋ – جەتەكشىلىك ەتۋ گرۋپپاسى پۋگىشيان اۋدانىنا باقىلاۋ – تەكسەرۋ قىزمەتىن جۇرگىزگەن، تۇستەن كەيىنگى ساعات 4تە ولار چياۋو قالاشىعىنا جەتىپ، الدىن الا تاپسىرعان مىندەت بويىنشا اتالعان قالاشىقتىڭ شەكتەلگەن ۋاقىت ىشىندە وزگەرىس جاساعان ون ماسەلەسى جونىندە تەكسەرۋ ورىستەتكەن. ءون بويىنان اراق ءيىسى مۇڭكىگەن لي زۇڭچياڭ ماس كۇيىندە باقىلاۋ – جەتەكشىلىك ەتۋ گرۋپپاسىنىڭ الدىنان شىققان. تالاپ بويىنشا كەدەيشىلىكتەن ارىلتۋدا قامال الۋ شايقاسى جونىندەگى وزگەرتىلگەن قاتىستى ماتەريالدى تاپسىرماي، ونىمەن قوسا تۇراقتاندىرىلعان سەگىز ٴتۇرلى قاتىستى مازمۇن بويىنشا قىزمەتىنەن انىق دوكلات جاساماعان. باقىلاۋ – جەتەكشىلىك ەتۋ گرۋپپاسى قالاشىقتان كەتكەنگە دەيىن، لي زۇڭچياڭ ەشقانداي ماتەريال تاپسىرماعان. لي زۇڭچياڭ قاربالاس بولىپ جاتقاندا، قوناعاسىداعى قالعان ادامدار اسحانادا جالعاستى ءىشىپ – جەپ، ءماز – مايرام بولىپ، كەشكى ساعات 7دە تاراعان.
9 – ءساۋىر، پۋگىشيان اۋداندىق ءتارتىپ تەكسەرۋ كوميتەتى لي زۇڭچياڭعا پارتيا ىشىندە ەسكەرتۋ بەرۋ جازاسىن بەرگەن؛ قالاشىق جوسپارلى تۋىت ءبولىمىنىڭ كادرى لى ىرشاچۇيگە پارتيا ىشىندە ەسكەرتۋ بەرۋ جازاسىن بەرگەن؛ شياۋتيانبا قىستاعىنىڭ ۋاقىتتىق پارتكوم شۋجيى مەن ۋاقىتتىق قىستاق كوميتەتى باستىعىنا پارتيا ىشىندە ەسكەرتۋ بەرۋ جازاسىن بەرگەن. قالاشىق پارتكوم شۋجيىنىڭ ورىنباسارى، ءتارتىپ تەكسەرۋ كوميتەتىنىڭ شۋجيى ليۋ شۋەسۇڭنىڭ باقىلاۋ جاۋاپكەرشىلىگىنىڭ جەتەرسىز بولۋىنا بايلانىستى ونىمەن اڭگىمەلەسكەن. باسقا كادرلەرگە سىن ايتىپ، تاربيە بەرگەن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
