شينجياڭدا ورتالىقتىڭ سەگىز تارماقتى بەلگىلەمەسىنىڭ رۋحىنا قايشى 5 ماسەلە جاريالاندى
2018.04.25 14:54 كەلۋ قاينارى : حالىق تورابى
حالىق تورابى، 25 – ءساۋىر، بەيجيڭ. جۋىردا شينجياڭ ۇيعۇر اۆتونوميالى رايوندىق ءتارتىپ تەكسەرۋ - باقىلاۋ كوميتەتى ورتالىقتىڭ سەگىز تارماقتى بەلگىلەمەسىنىڭ رۋحىنا قايشى 5 ماسەلەنى جاريالادى. بۇل بەس ماسەلە تومەندەگىدەي:
1. باركول اۋداندىق مادەنيەت سارايىنىڭ بۇرىنعى باستىعى نيۋ شۇنچيڭنىڭ ۇكىمەت قاراجاتىنان پايدالانىپ تارتۋ ۇسىنۋ، بەلگىلەمەگە قايشىلىق جاساپ قوسىمشا قاراجات تاراتۋ ماسەلەسى. 2013 – جىلى قاڭتاردان 2017 – جىلى ماۋسىمعا دەيىن، نيۋ شۇنچيڭ كوپ رەت ۇكىمەت قاراجاتىنان پايدالانىپ، 63 مىڭ 400 يۋانعا جەرگىلىكتى ونىمدەردى ساتىپ الىپ تارتۋعا ۇسىنعان؛ جۇمىسقا تولىق كەلۋ دەگەن سياقتى اتپەن بەلگىلەمەگە قايشىلىق جاساپ جۇمىسشىلارعا جيىنى 63 مىڭ 800 يۋان قوسىمشا قاراجات تاراتقان، ٶزى 2400 يۋانىن العان. مۇنان سىرت نيۋ شۇنچيڭدە بەلگىلەمەگە قايشى باسقا دا ماسەلەلەر بار. 2018 – جىلى اقپاندا نيۋ شۇنچيڭگە ەكى جىل پارتيادا قالدىرىپ باقىلاۋ، قىزمەت ورنىنىڭ دارەجەسىن تومەندەتۋ جازاسى بەرىلدى.
2. كوكتوعاي اۋدانى قاراتۇڭكە قالاشىعى تاستاق قىستاعىنىڭ پارتيا ياچەيكاسىنىڭ شۋجيى، قىزمەت كوميتەتىنىڭ مەڭگەرۋشىسى لان شياۋچيننىڭ بەلگىلەمەگە قايشىلىق جاساپ جاڭا ۇيگە كوشۋ تويىن جاساۋ ماسەلەسى. 2017 – جىلى 7 – اقپاندا لان شياۋچين جاڭا ۇيگە كوشتىم دەگەن اتپەن دوس – جاراندارىن، سونداي – اق، اتالعان قىستاقتاعى 160قا تارتا قىستاق تۇرعىندارىن شاقىرىپ قوناعاسى بەرگەن، العان تارتۋ – تارالعىسىنىڭ اقشاعا سىندىرىلىمى 17 مىڭ 300 يۋانعا جەتىپ، قوعامدا جامان ىقپال قالدىرعان. 2017 – جىلى جەلتوقساندا لان شياۋچينگە پارتيا ىشىندە قاتاڭ ەسكەرتۋ بەرۋ جازاسى بەرىلدى.
3. قورعاس قالالىق تۇرعىن ءۇي جانە قالا – اۋىل قۇرىلىسى مەكەمەسىنىڭ كادرلارى تۇڭ بوسۇڭ مەن ليۋ ۋەيدىڭ بەلگىلەمەگە قايشىلىق جاساپ باسقارۋ – قىزمەت وتەۋ وبيەكتىسىنىڭ قوناعاسىسىنا قاتىناسۋ ماسەلەسى. 2018 – جىلى قاڭتاردا تۇڭ بوسۇڭ مەن ليۋ ۋەي بەلگىلەمەگە قايشىلىق جاساپ، ءمالىم ءۇي قۇرىلىس سەرىكتەستىگى ۇيىمداستىرعان كوڭىل اشۋ قيمىلىنا قاتىناسىپ، قوعامدىق ىقپالى جامان بولعان. 2018 – جىلى اقپاندا تۇڭ بوسۇڭگە پارتيا ىشىندە قاتاڭ ەسكەرتۋ بەرۋ، قىزمەت ورىن دارەجەسىن تومەندەتۋ جازاسى، ليۋ ۋەيگە اكىمشىلىك جاقتان ۇلكەن قاتەلىك جازۋ جازاسى بەرىلگەن.
4. شينجياڭ ۇيعۇر اۆتونوميالى رايوندىق ساۋدا ىستەر مەڭگەرمەسى ورگانىنىڭ قىزمەت وتەۋ ورتالىعى پارتكوم شۋجينىڭ بۇرىنعى ورىنباسارى ياڭ شياۋحۋانىڭ بەلگىلەمەگە قايشىلىق جاساپ ۇكىمەت اۆتوكولىگىن پايدالانۋ ماسەلەسى. 2016 – جىلى تامىزدان 2017 – جىلى اقپانعا دەيىن ياڭ شياۋحۋا بەلگىلەمەگە قايشىلىق جاساپ ۇكىمەت اۆتوكولىگىن زات تاسۋ، جەكەلىك شارۋالارىن ءبىتىرۋ، وتباسىنداعىلارىن جەتكىزۋ، تۋىستارىن كوشىرۋ قاتارلى جۇمىستارعا پايدالانعان. مۇنان سىرت، ياڭ شياۋحۋادا بەلگىلەمەگە قايشى باسقا دا ماسەلەلەر بار. 2018 – جىلى قاڭتاردا ياڭ شياۋحۋاعا پارتيا ىشىندەگى قىزمەت مىندەتىنەن قالدىرۋ، اكىمشىلىك دارەجەسىن تومەندەتۋ جازاسى بەرىلدى.
5. مارالباسى اۋدانى شامال اۋىلدىعى پارتكوم شۋجيىنىڭ ورىنباسارى، اۋىل باستىعى ۇمير ۇسىپتىڭ پايدالانعان قىزمەت كەڭسەسىنىڭ بەلگىلەمەدەن اسۋ ماسەلەسى. 2017 – جىلى قاراشادا، ۇمير ۇسىپ بەلگىلەمەگە قايشىلىق جاساپ قىزمەتكە كەڭسە، قابىلداۋ ءبولىمى، دەمالۋ ءبولىمى قاتارلى جالپى جەر كولەمى 41.4 شارشى مەترلىك ءۇش بولمە پايدالانعان. 2018 – جىلى اقپاندا ۇمير ۇسىپكە پارتيا ىشىندە ەسكەرتۋ بەرۋ جازاسى بەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
