بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەڭ جوعارى حالىق سوتىنىڭ ءۇشىنشى كوشپەلى سوتى الدىڭعى عاسىردىڭ 80 -جىلدارىنداعى الدامكوستىك دەلوسى جونىندە قايتا سوت اشىپ، بۇرىنعى ۇكىمدى وزگەرتتى

2018.06.06 13:57     كەلۋ قاينارى : حالىق تورابى

  شينحۋا اگەنتتىگى، 5 – ماۋسىم، بەيجيڭ (ديڭ شياۋشي، لو شا) ءتىلشىنىڭ 5 – ماۋسىمدا ەڭ جوعارى حالىق سوتىنان ۇعىسۋىنشا، ەڭ جوعارى حالىق سوتىنىڭ ءۇشىنشى كوشپەلى سوتى بۇرىنعى سوتتاعى ايىپكەر گىڭ ۋانشيدىڭ الدامكوستىك دەلوسىن قايتا قاراۋ بارىسىندا اشىق سوت اشتى ءارى سوت ۇستىندە بۇرىنعى سوتتىڭ ۇكىمىن كۇشىنەن قالدىرىپ، گىڭ ۋانشيدى قىلمىسسىز دەپ جاريالادى.


  1986 – جىلى 25 – ماۋسىمدا جياڭسۋ ولكەسى بينحاي اۋداندىق حالىق پروكۋراتۋراسى بينحاي اۋداندىق حالىق سوتىنا الەۋمەتتىك ايىپتاۋ كوتەرىپ، گىڭ ۋانشيدى الدامكوستىك قىلمىسىن وتكىزدى دەپ ايىپتاعان. 1986 – جىلى 7 – قازاندا جياڭسۋ ولكەسى بينحاي اۋداندىق حالىق سوتى ءبىرىنشى سوت ۇكىمىن جاريالاعان: 1985 – جىلى 21 – قازاننان 26 – قازانعا دەيىن، گىڭ ۋانشي اپەلسين كونسەرۋاسىن ۋاكىلدىك ساتىپ الۋدى سىلتاۋ ەتىپ، ىلگەرىندى – كەيىندى ەكى رەت بينحاي اۋداندىق جەرگىلىكتى جەمىس ونىمدەرى سەرىكتەستىگىنەن 30 مىڭ يۋان الىپ، الداپ العان اقشانى سىچۋان ولكەسى جياڭجين اۋدانىنداعى جەمىس ونىمدەرى سەرىكتەستىگىنە بەرگەن، وسى ارقىل ءوزىنىڭ اپەلسىن ساتىپ العان قاراجاتىنىڭ ورنىن جاۋىپ، بينحاي اۋدانىنداعى جەرگىلىكتى جەمىس ونىمدەرى سەرىكتەستىگى وسىنىڭ سالدارىنان بەلگىلى مولشەردە شىعىنعا ۇشىراعان. كوپ جاقتىڭ قاراجاتتى قۋزاستىرۋىمەن، 1986 – جىلى ناۋرىز ايىندا الداپ اكەتكەن اقشا يەسىنە قايتارىلعان. وسىعان بايلانىستى، گىڭ ۋانشي الدامكوستىك قىلمىسى بويىنشا 5 جىلدىق مەرزىمدى قاماق جازاسىنا ۇكىم ەتىلىپ، ساياسي ۇقىعىنان ءبىر جىلعا ماحرۇم ەتىلگەن.


  ۇكىم جاريالانعاننان كەيىن، گىڭ ۋانشي بۇعان مويىنسال بولماي، جوعارىعا ارىزداندى. جياڭسۋ ولكەسى يانچىڭ قالالىق ورتا دارەجەلى حالىق سوتى 1986 – جىلى 24 – قاراشادا قىلمىستىق ءىس جونىندە كەسىم جاريالاپ، جوعارىعا ارىزدانۋدى كەرى قايتارىپ، بۇرىنعى ۇكىمدى ساقتاپ قالعان. اتالعان كەسىم زاڭدىق كۇشكە يە بولعان سوڭ، گىڭ ۋانشي مويىنسال بولماي، شاعىم كوتەرگەن.


  ەڭ جوعارى حالىق سوتى 2016 – جىلى 3 – ناۋرىزدا تاعى دا سوت اشۋدى ماقۇلداپ، جياڭسۋ ولكەلىك جوعارى حالىق سوتىنا تاعى دا سوت اشۋدى بۇيىرعان. جياڭسۋ ولكەلىك جوعارى حالىق سوتى تاعى دا سوت اشۋ ارقىلى 2017 – جىلى 10 – ساۋىردە قىلمىستىق ءىس بويىنشا كەسىم جاساپ، ارىزدى كەرى قايتارىپ، بۇرىنعى ۇكىمدى ساقتاپ قالعان. گىڭ ۋانشي سوندا دا مويىنسال بولماي، تاعى دا ەڭ جوعارى حالىق سوتىنا ارىزدانعان. 2018 – جىلى 26 – قاڭتاردا ەڭ جوعارى حالىق سوتى تەكسەرۋ ارقىلى قايتا سوت اشىپ، بۇل دەلونى قايتا قاراۋدى ماقۇلدايدى ءارى زاڭ بويىنشا بىرلەسپە سوت قۇرىپ، بۇل دەلونى قايتا قارايدى.


  دەلونى قايتا قاراۋ بارىسىندا، بۇرىنعى دەلوداعى ايىپكەر گىڭ ۋانشي مەن ونىڭ اقتاۋشىسى دەلودا الدامكوستىك قىلمىسى قالىپتاسپاعان، بۇرىنعى سوت ۇكىمى قاتە، گىڭ ۋانشيدى قىلمىسسىز دەپ ۇكىم شىعارۋ كەرەك دەپ قارايدى. ەڭ جوعارى حالىق پروكۋراتۋراسىنىڭ پروكۋرورى گىڭ ۋانشي جالعان ءىستى ويدان قيىستىرماعان، ياكي، ءىستىڭ جاي - جاپسارىن جاسىرماعان، زاڭسىز يەلەپ الۋ ماقساتى بولماعان، باسقالاردىڭ مال - مۇلكىن زاڭسىز يەلەپ الماعان، ءىس تۋىلعاننان كەيىن بەلسەندى تۇردە وڭالتۋعا شارا قولدانعان، بينحاي اۋداندىق جەرگىلىكتى جەمىس ونىمدەرى سەرىكتەستىگىنە ەكونوميكالىق زيان تۋدىرماعان، ەكونوميكالىق توقتامداعى داۋ - شاردى كەلىستىرۋ ارقىلى شەشىم ەتكەننەن كەيىن قىلمىستىق ءىس بويىنشا جاۋاپكەرشىلىگىن تاعى دا قۋزاستىرۋ ۇيلەسىمسىز، بۇرىنعى سوتتا فاكتتى تۇراقتاندىرۋ دۇرىس بولماعان دەپ قارادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار