بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كەدەن مەكەمەسى تۇقىمى قۇرۋعا اينالعان حايۋاناتتاردان جاسالعان بۇيىمداردى اتكەزشىلىك ەتۋ ءىرى دەلوسىن تەكسەرىپ انىقتادى

دەلو سوماسى 106 ميلليون يۋانعا جەتكەن

2018.07.18 15:13     كەلۋ قاينارى : حالىق تورابى

  حالىق تورابى، 18 – شىلدە، بەيجيڭ. ءتىلشىنىڭ كەدەن باس مەكەمەسىنەن ۇعىسۋىنشا، جاقىندا حاربين كەدەن مەكەمەسى حۋلين ءىس باسقارماسى تۇقىمى قۇرۋعا اينالعان حايۋاناتتاردان جاسالعان بۇيىمداردى اتكەزشىلىك ەتۋ ءىرى دەلوسىن تەكسەرىپ انىقتاعان، قاتىستى تاراۋلاردىڭ انىقتاۋىنا قاراعاندا، دەلوعا قاتىستى سوما 106 ميلليون يۋانعا جەتكەن. بۇل جۇڭگو كەدەن مەكەمەسى جاقىنعى جىلداردان بەرى تەكسەرىپ انىقتاعان، تۇقىمى قۇرۋعا اينالعان حايۋاناتتاردان جاسالعان بۇيىمداردى اتكەزشىلىك ەتۋ ءىرى دەلولارىنىڭ ءبىرى بولعان.

  26 – ءساۋىر كۇنى تۇستەن بۇرىن، حەيلۇڭجياڭ ولكەسى حۋلين وتكەلىندە كەدەن قىزمەتكەرى تۇستەن بۇرىنعى شەكارادان كىرىپ – شىققان جولاۋشىلار كولىگى مەن بىرنەشە جۇك كولىگىن تەكسەرىپ جونەلتكەننەن كەيىن، ءبىر رەسەي جۇك اۆتوموبيلىنىڭ شەكارا وتكەلىنەن وتپەكشى بولعانىن بايقاعان. كەزەكشى ءبولىم باستىعى مەن كەزەكشى قىزمەتكەر بۇل شەتەل جۇك كولىگىنىڭ الدىڭعى رەت شەكارادان كىرگەننەن بەرى شەكارا ىشىندە 24 كۇن ايالداعانىن بايقاعان، بۇل قالىپتى جاعداي ەمەس ەدى، سونىمەن ولار بۇل جۇك كولىگىنە تەكسەرۋ جۇرگىزۋگە بەكىگەن.

  سول كۇنى ساعات 19دا، كەدەننىڭ اتكەزشىلىككە سوققى بەرۋ قىزمەتكەرى جۇك كولىگىنىڭ ىشىنەن ۇزىندىعى 3 مەتر، كەڭدىگى 2.8 مەتر، قالىڭدىعى 0.5 مەتر جاسىرىن جۇك ساندىعىن بايقاعان، ساندىقتىڭ ىشىندە قالىڭ سۋلياۋمەن وراعان اتكەزشىلىك ەتكەن زاتتار، ياعني، ءپىل تىسىنەن ەكەۋ، بوكەن مۇيىزىنەن 1276 تال، تەڭىز ءپىلى تىسىنەن 406 تال، ايۋ تىسىنەن 70 تال، كيت تىسىنەن 226 تال، ايۋ وتىنەن 44 دانا، بۇعى شىبىعىنان 4 تال جانە مامونت تىسىنەن 156 تال سالىنعان.

  27 – ءساۋىر تاڭعا جۋىق ساعات 2 كەزىندە، كەدەن اتكەزشىلىككە سوققى بەرۋ قىزمەتكەرى حۋلين وتكەلىنە جەتىپ، وتكەل باقىلاۋ رايونى سىرتىنداعى كولىك ىشىنە جاسىرىنعان رەسەيلىك شوفەردى قولعا العان. قازىرگە دەيىن، ەل ىشىنەن اتالعان اتكەزشىلىك دەلوسىنا قاتىسى بار 8 ادام ۇستالعان، دەلو ىشكەرىلەي تەكسەرىلۋ ۇستىندە.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار