ورتالىق ءتارتىپ تەكسەرۋ كوميتەتىنىڭ قازىنا مينيسترلىگىندە تۇراتىن ءتارتىپ تەكسەرۋ گرۋپپاسىنىڭ بۇرىنعى باستىعى مو جيانچىڭعا قاتىستى دەلوعا ءبىرىنشى رەتكى سوت اشىلدى: مو جيانچىڭ 42 ميلليون 590 مىڭ يۋان پارا العان
2018.09.13 14:41 كەلۋ قاينارى : حالىق تورابى
حالىق تورابى، 12 – قىركۇيەك، بەيجيڭ. بەيجيڭ قالالىق ورتا دارەجەلى ءبىرىنشى حالىق سوتىنىڭ رەسمي ميكروبلوگىنداعى حابارعا قاراعاندا، 12 – قىركۇيەكتە بەيجيڭ قالالىق ورتا دارەجەلى ءبىرىنشى حالىق سوتى ورتالىق ءتارتىپ تەكسەرۋ كوميتەتىنىڭ قازىنا مينيسترلىگىندە تۇراتىن ءتارتىپ تەكسەرۋ گرۋپپاسىنىڭ بۇرىنعى باستىعى، قازىنا مينيسترلىگى پارتگرۋپپاسىنىڭ بۇرىنعى مۇشەسى مو جيانچىڭنىڭ پارا الۋ دەلوسىنا ءبىرىنشى رەت اشىق سوت اشتى.
بەيجيڭ قالالىق حالىق پروكۋراتۋراسىنىڭ ءبىرىنشى بولىمشە مەكەمەسى ونىڭ ۇستىنەن مىناداي ايىپتاۋ كوتەردى: 2000 – جىلدان 2017 – جىلعا دەيىن، ايىپكەر مو جيانچىڭ ج ك پ تۇڭلياۋ قالالىق پارتكومى شۋجيىنىڭ ورىنباسارى، تۇڭلياۋ قالالىق حالىق ۇكىمەتى قالا باستىعىنىڭ ورىنباسارى، قالا باستىعى، ج ك پ تۇڭلياۋ قالالىق پارتكومنىڭ شۋجيى، ج ك پ ىشكى موڭعۇل اۆتونوميالى رايوندىق پارتكومنىڭ تۇراقتى مۇشەسى، ج ك پ باۋتوۋ قالالىق پارتكومنىڭ شۋجيى، ج ك پ جياڭشي ولكەلىك پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، جياڭشي ولكەلىك حالىق ۇكىمەتى ولكە باستىعىنىڭ ورىنباسارى، ج ك پ جياڭشي ولكەلىك پارتكومى شۋجيىنىڭ ورىنباسارى، ورتالىق ءتارتىپ تەكسەرۋ كوميتەتىنىڭ قازىنا مينيسترلىگىندە تۇراتىن ءتارتىپ تەكسەرۋ گرۋپپاسىنىڭ باستىعى، قازىنا مينيسترلىگى پارتگرۋپپاسىنىڭ مۇشەسى سىندى مىندەتتەردى وتەگەن مەزگىلدە، قىزمەت قولايلىلىعىنان، سونداي – اق، ءوزىنىڭ قىزمەتتىك ۇقىعى مەن بەدەلىنەن قالىپتاسقان قولايلى شارت – جاعدايدان پايدالانىپ، باسقا ۇكىمەت قىزمەتكەرلەرىنىڭ قىزمەت بارىسىنداعى ارەكەتتەرى ارقىلى قاتىستى ورىندار مەن جەكەلەرگە سەرىكتەستىكتىڭ تيجاراتى، نەسيە ىستەرىن ءبىتىرۋ، نىساندى كوتەرەگە الۋ، قىزمەت دارەجەسىن جوعارىلاتۋ سىندى ىستەردە كومەكتەسىپ، قاتىستى ورىندار مەن جەكەلەردەن تىكەلەي نەمەسە ءوز ۇلى ارقىلى قۇنى 42 ميلليون 590 مىڭ يۋاننان استام كەلەتىن مال – مۇلىكتى زاڭسىز تۇردە قابىلداعان.
سوت بارىسىندا، پروكۋراتۋرا جاق قاتىستى فاكتىلەردى كورسەتتى، ايىپكەر مو جيانچىڭ مەن ونىڭ اقتاۋشىسى ايعاق كورسەتتى، تالاپكەر مەن ايىپكەر ەكى جاق پىكىرلەرىن تولىق بايانداعاننان كەيىن، مو جيانچىڭ ەڭ سوڭعى رەت بايانداۋ جاساپ، سوت ۇستىندە قىلمىسىن مويىنداپ، وكىنەتىنىن ءبىلدىردى.
مو جيانچىڭنىڭ تۋىستارى، حالىق قۇرىلتايى ۋاكىلدەرى، ساياسي كەڭەس مۇشەلەرى، اقپارات سالاسىنداعى تىلشىلەر جانە ءار سالاداعى بۇقارا بولىپ، 70 نەشە ادام سوتقا قاتىناسىپ، سىرتتاي تىڭدادى.
سوت اياقتاعاننان كەيىن، سوت ءۇزىلىس جاريالادى، سوت ۇكىمى ۇيلەسىمدى ۋاقىتتا جاريالانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
