تەگىن «بىلەزىك» تاراتامىز دەپ 2 ميلليون ادام – رەت الدامكوستىك ىستەگەن
ۋيچاتتاعى مىناداي الدامكوستىكتەن ساق بولىڭىز
حاربيندە جەلىلەس تەلەگراف الدامكوستىگى دەلوسى انىقتالدى
2018.09.14 14:15 كەلۋ قاينارى : حالىق تورابى
حالىق گازەتى، 13 – قىركۇيەك، حاربين (ءتىلشى: فاڭ يۋان) ءتىلشىنىڭ ۇعىسۋىنشا، حاربين قالالىق قوعام حاۋىپسىزدىگى مەكەمەسى جۋىردا «تەگىن بۇيىم تاراتامىز» دەگەن جالعان ينفورماتسيانى ۋيچاتتا تاراتۋ ارقىلى الدامكوستىك ىستەگەن جەلىلەس تەلەگراف الدامكوستىك دەلوسىن انىقتاعان.
حاربين قالالىق قوعام حاۋىپسىزدىگى مەكەمەسى 30 – شىلدە كۇنى مالىمدەۋدى تاپسىرىپ العان، مالىمدەۋگە قاراعاندا، بىرەۋلەر ۋيچاتتا «حۋاۋەي ماركالى بىلەزىكتى (ءىس جۇزىندە جالعان بۇيىم) تەگىن تاراتامىز» دەگەن ينفورماتسيانى ۋيچاتتا تاراتىپ، الدامكوستىك دەلوسى كۇمانىن تۋدىرعان. العاشقى تەكسەرۋ ناتيجەسىنە قاراعاندا، بۇل تەلەگراف الدامكوستىگى توبىنىڭ ىستەگەن الدامكوستىگى بولىپ شىققان. حاربين قالالىق قوعام حاۋىپسىزدىگى مەكەمەسى دەلونى ارناۋلى تۇردە تەكسەرۋ گرۋپپاسىن دەرەۋ قۇرىپ، بارلاۋ قىزمەتىن ورىستەتكەن. دەلونى ارناۋلى تەكسەرۋ گرۋپپاسى 37 كۇن بويى ماشاقاتتى دا مۇقيات قىزمەت ىستەۋ ارقىلى اتالعان توپتىڭ نەگىزگى قىلمىستىق فاكتىلەرىن انىقتاپ شىققان. حاربين قالالىق قوعام حاۋىپسىزدىگى مەكەمەسى 5 – قىركۇيەك كۇنى 800 نەشە ساقشىنى جۇمىلدىرىپ، گۋ Xيىڭ باستاعان دەلوعا قاتىستى ادامداردان 658 ادامدى ءبىر جولدا ۇستاپ، 4 جەردەگى قىلمىستىق ىستەر اپانىن تالقانداپ، دەلوعا قاتىستى 2000نان استام قولفوندى،قىلمىس وتكىزۋ بارىسىندا ىستەتكەن 10 نەشە اۆتوكولىكتى قولعا تۇسىرگەن.
ۇعىسۋعا قاراعاندا، اتالعان الدامكوستىك توبىنىڭ دەلو تۋدىرۋ ءتاسىلى وڭاي پارىقتالمايتىنداي جاسىرىن بولىپ، ادامدى وڭاي الجاستىرادى. قىلمىسكەرلەر الدىمەن ءتۇرلى تاسىلدەر ارقىلى الداماقشى بولعان ادامنىڭ ۋيچاتىن قوسىپ، وعان «ەكىلىك ءنومىردى جايمالاۋ ارقىلى حۋاۋەي زەردەلى بىلەزىگىن الىڭىز» دەگەن ينفورماتسيانى جىبەرىپ، تەك 29 يۋاندىق پوچتا اقىسىن تولەسە عانا بىلەزىكتى جولداپ بەرەتىنىن ايتادى. اتالمىش بىلەزىك دەپ وتىرعانى جالعان بۇيىم، ءىس جۇزىندەگى قۇنى 2 يۋانعا دا جەتپەيدى، پوچتا اقىسى ورتا ەسەپپەن 3.5 يۋان، سوندا ساتىپ الۋشىنىڭ 23.5 يۋان اقشاسىن الدامكوستەر الداپ اكەتكەن ەسەپتەلەدى.
تەكسەرۋ ناتيجەسىنە قاراعاندا، اتالعان دەلوعا قاتىستى زيانعا ۇشىراعان ادامداردىڭ سانى 2 ميلليون ادام – رەتتەن اسىپ، بۇكىل ەلىمىزدىڭ جەر – جەرىنەن الدانعاندار بار، الداپ اكەتكەن اقشانىڭ جالپى سوماسى 80 ميلليون يۋاننان اسقان، ءبىراق، الدانعانداردىڭ ءبارى نەگىزىنەن ساقشىعا مالىمدەمەگەن. الدانعانداردىڭ كەيبىرەۋى بىلەزىكتىڭ ساپاسىندا ماسەلە بار دەپ قاراپ، ءوزىنىڭ الدانىپ قالعانىن بىلمەي، حۋاۋەي سەرىكتەستىگىنە ارىزدانعان؛ كەيبىرەۋى الدانعان اقشانىڭ سوماسى از بولعاندىقتان، الدانعانىن بىلسە دە ساقشىعا مالىمدەمەگەن.
ساقشى جاق كوپشىلىككە از پايداعا بولا الدانىپ قالماۋدى ەسكەرتەدى. تەر توكپەي تەگىن قول جەتكىزەتىن بايلىق جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
