بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قىزىل ءتۇستى قۋعىنداۋ بۇيرىعى شىعارىلعان حۋاڭ يانلاننىڭ قيانات جاساۋ دەلوسىنا ءبىرىنشى رەتكى سوت ۇكىمى شىعارىلدى

كەزىندە ۇكىمەت قاراجاتىمەن 52 ءۇي ساتىپ العان

2018.11.16 15:45     كەلۋ قاينارى : حالىق تورابى

  حالىق تورابى، 11 – ايدىڭ 16 – كۇنى، بەيجيڭ. ورتالىق ءتارتىپ تەكسەرۋ كوميتەتى باقىلاۋ ءبولىمى تورابىنىڭ حابارلاۋىنشا، ورتالىقتىڭ قاشقىنداردىڭ ىزىنە ءتۇسۋ كەڭسەسىنىڭ ءبىرتۇتاس سايكەسۋىندە، ەڭ جوعارى حالىق سوتى قاتارلى ورىنداردىڭ ۇيىمدىق جاقتان جەتەكشىلىكتى كۇشەيتۋىمەن، گۋاڭشي جۋاڭزۋ اۆتونوميالى رايوندىق پارتكوم مەن ءتارتىپ تەكسەرۋ كوميتەتى «قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ» ىشىندەگى 33 – ءنومىرلى حۋاڭ يانلانعا قاتىستى قاشقىننىڭ ىزىنە ءتۇسۋ جانە قىمقىرعان قارجىنى قايتارىپ الۋ قىزمەتىن بەلسەندى تۇردە ىلگەرىلەتتى.


  گۇيلين قالالىق ورتا دارەجەلى حالىق سوتى 11 – ايدىڭ 15 – كۇنى حۋاڭ يانلاننىڭ قيانات جاساۋ سىندى زاڭعا قايشى جولدارمەن قول جەتكىزگەن كىرىستەرىن ءمۇسادىرالاۋ ءوتىنىشى دەلوسىنا ءبىرىنشى سوتتا اشىق سوت اشىپ، حۋاڭ يانلاننىڭ شاڭحاي قالاسى پۋتو رايونى چاڭشوۋ جولى 748 – كوشەسى 1 – اۋلاسىنداعى حۋنان سارايى، مينشيڭ رايونى حۇڭشۇي جولى 788 – كوشەسىندەگى ميڭدۋ قالاشىعى، مينشيڭ رايونى جۇڭچۇن جولى 8988 – كوشەسى 79 – اۋلاسى، مينشيڭ رايونى جۇڭچۇن جولى 8988 – كوشەسى 84- اۋلاسى قاتارلى ورىندارداعى دەلوعا قاتىستى 23 ءۇيىن، سونداي – اق، دەلوعا قاتىستى ءىشىنارا قورا – جايلارىن ساتۋ مەن مايعا بەرۋدەن تاپقان تابىسىن ءمۇسادىرالاۋ كەسىمىن شىعاردى؛ حۋاڭ يانلاننىڭ قيانات جاساۋ قىلمىسىنان تۋىنداعان زاڭعا قايشى كىرىستەرىن قايتارىپ الۋ بارىسىندا تولماي قالعان بولەگى ۇزدىكسىز قايتارىلادى؛ جوعارىداعى دەلوعا قاتىستى قورا – جايلاردىڭ كەپىلدى قارىز اقشالارىنىڭ تولەنبەگەن بولەگى مەن ونىڭ ءوسىمى قاتارلى قاتىستى قاراجاتتار زاڭ بويىنشا قاتىستى بانكەلەرگە تولەنەدى.


  تەكسەرۋ ناتيجەسىنە قاراعاندا، قىلمىس كۇماندىسى حۋاڭ يانلان قيانات جاساۋ قىلمىسىن وتكىزگەننەن كەيىن شەكارا سىرتىندا تاسالانىپ قاشىپ جۇرگەن. حۋاڭ يانلان 52 ءۇيدى مەملەكەت مەنشىگىندەگى سەرىكتەستىكتەرگە قاراستى ۇكىمەت قاراجاتىن جۇمساپ ساتىپ العان، پروكۋراتۋرا تاراۋلارى ءمۇسادىرالاۋدى ءوتىنىش ەتكەن قورا – جايى مەن قاتىستى بانكە اككاۋنتتارىنداعى بانكەگە قويعان اقشاسى حۋاڭ يانلاننىڭ قيانات جاساۋ ارقىلى قول جەتكىزگەن تابىسى ەسەپتەلەدى. مۇنىڭ ىشىندە دەلوعا قاتىستى ءىشىنارا قورا – جايلاردى بانكەدەن كەپىلدىك قارىز اقشا تاسىلىمەن ساتىپ العان، قاتىستى بانكەلەر كەپىلدىك قارىز اقشامەن العان قورا – جايلاردى زاڭ بويىنشا كەپىلگە قويىپ، الاشاقتى كەپىلدەندىرۋ كولەمىن بەلگىلەگەن.


  ۇعىسۋعا قاراعاندا، حۋاڭ يانلانعا قاتىستى قاشقىننىڭ ىزىنە ءتۇسۋ جانە قيانات جاساعان قاراجاتتارىن قايتارىپ الۋ قىزمەتى ۇزدىكسىز ىشكەرىلەي جۇرگىزىلۋدە.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار