10 جىل جاسىرىن قاشىپ جۇرگەن قىستاق كادرى ءوزىن – ءوزى مالىمدەدى
كەزىندە كەدەيلەردى سۇيەمەلدەۋ قاراجاتىنان 86 مىڭ يۋاندى قىمقىرعان
2018.12.19 13:35 كەلۋ قاينارى : حالىق تورابى
«بۇگىن سەندەردى كورىپ، كوڭىلىم ورنىقتى، سونشا جىل جاسىرىنىپ قاشىپ ءجۇردىم، ۇنەمى ىشكەنىم اس بولماي، ۇيقىم ۇيقى بولماي جۇرەتىن ...»، — دەپ شيۇڭ چۋانتيڭ كوڭىلىندەگى ءسوزىن ايتتى.
شيۇڭ چۋانتيڭ يۇننان ولكەسى لانپيڭ اۋدانى لاگۋ قىستاعىنىڭ ادامى. 2009 – جىلى قىستاق كوميتەتى مەڭگەرۋشىسىنىڭ ورىنباسارى مىندەتىن اتقارىپ تۇرعان كەزدە، ول قىزمەتىندەگى قولايلىلىقتان پايدالانىپ، قىستاقتىڭ ەڭ تومەنگى تۇرمىس دەڭگەيىن قامتاماسىزداندىرۋعا بەرەتىن بانكەدەگى قاراجاتىنان 86 مىڭ يۋاندى ءوز بەتىمەن شىعارىپ الىپ، ءوزىنىڭ قاجەتىنە پايدالانعان. كەيىن بۇل اقشانى قايتارا الماي، قاشىپ كەتكەن.
2018 – جىلى 1 – ايدىڭ 14 – كۇنى لانپيڭ اۋداندىق باقىلاۋ كوميتەتى قۇرىلعان سوڭ، اۋداندىق ءتارتىپ تەكسەرۋ جانە باقىلاۋ كوميتەتىنىڭ باسشىلىق القاسى بۇرىنعى دەلولاردى قايتالاي ءبىر – بىرلەپ تەكسەردى. شيۇڭ چۋانتيڭنىڭ ەڭ تومەنگى تۇرمىس دەڭگەيىن قامتاماسىزداندىرۋ قاراجاتىن باسقاعا پايدالانۋ كۇمانىمەن قاشىپ كەتكەنى جونىندەگى دەلو ولاردىڭ نازارىن اۋداردى.
شيۇڭ چۋانتيڭنىڭ دەلوسى نەگىزگى ساتىداعى كەدەي جۇرتشىلىقتىڭ ۇقىق – مۇددەسىنە اۋىر دارەجەدە زيان جەتكىزگەن، ونىڭ ۇستىنە ول 10 جىل قاشىپ جۇرگەن، بۇل ءىستىڭ قوعامداعى ىقپالى دا وتە ناشار بولعان. سوندىقتان، اۋداندىق ءتارتىپ تەكسەرۋ كوميتەتى باقىلاۋ كوميتەتى اۋىل جانە قىستاق كادرلەرىن جۇمىلدىرىپ، شيۇڭ چۋانتيڭنىڭ دەرەگىن ىزدەستىرەدى.
اۋداندىق ءتارتىپ تەكسەرۋ كوميتەتى باقىلاۋ كوميتەتى قىزمەت گرۋپپاسىن قۇرىپ، تالاي رەت شيۇڭ چۋانتيڭنىڭ تۋىس – تۋعاندارى مەن قىستاق كادرلەرىنە قاتىستى زاڭ – ساياساتتاردى ۇگىتتەيدى.
9 – ايدىڭ 10 كۇنى شيۇڭ چۋانتيڭ تۋىستارىنىڭ سەرىك بولۋىندا اۋداندىق ءتارتىپ تەكسەرۋ كوميتەتى باقىلاۋ كوميتەتىنە كەلىپ ءوزىن – ءوزى مالىمدەيدى. جۋىردا شيۇڭ چۋانتيڭدى پارتيادان شىعارىپ، ونىڭ قىزمەتتىك قىلمىس وتكىزگەنىنە قاتىستى ماسەلەسىن پرۋكۋراتورا ورگانىنىڭ زاڭ بويىنشا تەكسەرىپ شاعىم ايتۋىنا وتكىزىپ بەرگەن.
شيۇڭ چۋانتيڭ تىلشىمەن سويلەسكەن كەزدە: «مەن قاشىپ كەتكەن كەزدە بالام ءالى ەرجەتپەگەن، دەگەن وقىپ – ۇيرەنەتىن، جەتىلەتىن كەزى بولاتىن. بىرنەشە جىلدان بەرى، اكە – شەشەم، اعا – باۋىرلارىم ومىردەن ءوتتى، مەنىڭ ارەكەتىم ولارعا اۋىر باسىم بولدى، مەن قاتتى وكىنەمىن، مەن جۇمساپ قويعان قاراجاتتىڭ ءبارىن قايتارۋعا ءارى سايكەستى جاۋاپكەرشىلىكتى ارقالاۋعا دايىنمىن»، — دەپ كوزىنە جاس الدى.
ۇعىسۋعا قاراعاندا، باقىلاۋ تۇزىلىسىنە رەفورما جۇرگىزىلگەننەن بەرى، لانپيڭ اۋداندىق ءتارتىپ تەكسەرۋ كوميتەتى باقىلاۋ كوميتەتى كەدەيلەردى سۇيەمەلدەۋ جاعىنداعى زاڭعا قايشى دەلولاردان جيىنى 16 دەلوعا قاتىستى 17 ادامدى انىقتاپ شىققان، مۇنىڭ ىشىندە زاڭعا قايشىلىق جاسادى دەگەن كۇمان بويىنشا 2 دەلوعا قاتىستى 2 ادامدى ءادىليا تاراۋلارىنا وتكىزىپ بەرگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
