جۇڭگو اۋىر ونەركاسىپ كەمە جاساۋ توبى شەكتى سەرىكتەستىگى پارتگرۋپپاسى شۋجيىنىڭ بۇرىنعى ورىنباسارى، بۇرىنعى باس ديرەكتورى سۇن بو تارتىپكە جانە زاڭعا اۋىر دارەجەدە قايشىلىق جاساعاندىقتان، پارتيادان شىعارىلىپ، قىزمەتىنەن بوساتىلدى
2018.12.20 14:02 كەلۋ قاينارى : حالىق تورابى
حالىق گازەتى، 12 – ايدىڭ 13 – كۇنى، بەيجيڭ (ءتىلشى: جياڭ جيە) ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى مەملەكەتتىك باقىلاۋ كوميتەتى جۇڭگو اۋىر ونەركاسىپ كەمە جاساۋ توبى شەكتى سەرىكتەستىگى پارتگرۋپپاسى شۋجيىنىڭ بۇرىنعى ورىنباسارى، بۇرىنعى باس ديرەكتورى سۇن بو تارتىپكە جانە زاڭعا اۋىر دارەجەدە قايشىلىق جاساعاندىقتان، ونىڭ ماسەلەسى جونىندە دەلو تۇرعىزىلىپ، تەكسەرۋ جۇرگىزىلدى.
تەكسەرۋ ناتيجەسىنە قاراعاندا، سۇن بو ساياسي ءتارتىپ پەن ساياسي قاعيداعا قايشىلىق جاساپ، پارتيا ورتالىق كوميتەتىنىڭ تالابىنا قايشى كەلىپ، الاياقتىق ىستەگەن، مەملەكەت مەنشىگىندەگى كاسىپورىننىڭ مۇددەسىنە زيان جەتكىزگەن؛ ارالاپ تەكسەرۋدى قابىلداۋ مەزگىلىندە، ناقتى احۋالدى جاسىرىپ، ۇيىمدى الداعان؛ مۇرات پەن سەنىمنەن اۋىتقىپ، ۇزاق ۋاقىت بويى فەودالدىق سوقىر سەنىم قيمىلدارىن وتكىزگەن. ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلىپ، ۇكىمەت ىستەرىن ءادىل اتقارۋعا ىقپال ەتۋى مۇمكىن قوناعاسىلارعا بارعان. ۇيىمدىق تارتىپكە قايشىلىق جاساپ، ۇيىمنىڭ اڭگىمەلەسۋىن قابىلداعان كەزدە، ۇيىمعا ماسەلەنى شىنايى تۇسىندىرمەگەن، قىزمەتىندەگى قولايلىلىقتان پايدالانىپ، تۋىسىنىڭ قىزمەتىن بەلگىلەمەگە قايشى تۇردە جوتكەگەن. پاكتىك تارتىبىنە قايشىلىق جاساپ، تۋىس – تۋعانى مەن دوس – جارانىنىڭ تيجارات قيمىلىنا پايدا جەتكىزگەن. قىزمەت ۇقىعىن الباتى پايدالانىپ، مەملەكەتتىڭ مۇددەسىنە ەرەكشە اۋىر دارەجەدە زيان سالعان، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان الباتى پايدالانۋ قىلمىسى كۇمانىن قالىپتاستىرعان؛ قىزمەت قولايلىلىعىنان پايدالانىپ، باسقالاردىڭ مۇددەسىن كۇيتتەگەن ءارى ولاردان مال – مۇلىك العان، بۇل پارا الۋ قىلمىس كۇمانىن قالىپتاستىرعان.
سۇن بو پارتيانىڭ جوعارى دارەجەلى باسشى كادرى، مەملەكەت مەنشىگىندەگى سەرىكتەستىكتىڭ جاۋاپتىسى بولا تۇرا جەكە ءوزى بيلەپ – توستەپ، پارتياعا ادال بولماعان، الاياقتىق ىستەگەن، ۇقىقتى اقشاعا ساۋدالاعان، پارا العان، ونىڭ ۇستىنە، پارتيانىڭ 18 – قۇرىلتايىنان كەيىن دە تىزگىنىن تارتپاعان، پارتيا تارتىبىنە اۋىر دارەجەدە قايشىلىق جاساعان، قىزمەتتىك جاقتا زاڭعا قايشىلىق جاساعان ءارى قىلمىس كۇمانىن قالىپتاستىرعان، سوندىقتان، ونى قاتاڭ ءبىرجاقتىلى ەتۋ كەرەك. «جۇڭگو كوممۋنيستىك پارتياسى ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسى زەرتتەپ - كەڭەسۋ ءارى ج ك پ ورتالىق كوميتەتىنە جولداپ بەكىتتىرۋ ارقىلى سۇن بوعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ كوميتەتى وعان ۇكىمەت قىزمەتىنەن بوساتۋ جازاسىن بەردى؛ ونىڭ بەلگىلەمەگە جانە زاڭعا قايشى جولمەن تاپقان تابىسىن وتكىزىپ الدى؛ ونىڭ قىلمىس كۇمانى ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋ كوتەرۋىنە وتكىزىپ بەردى، بۇعان قاتىستى مال – مۇلكى دەلومەن بىرگە جوتكەپ بەرىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
