سىرتقى ىستەر مينيسترلىگىنىڭ مالىمدەمەشىسى تىلشىلەردىڭ سۇراۋىنا جاۋاپ بەردى
ەسىرتكى اتكەزشىلىگى جۇڭگودا تۋىلسا، ءسوزسىز، جۇڭگو زاڭىنا ساي ءبىر جاقتى ەتىلەدى
2019.01.17 14:05 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 16 – كۇنى، بەيجيڭ (ءتىلشى حۋ شياۋچىن). سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 1 – ايدىڭ 16 – كۇنى كانادا ازاماتى چەلەنبەرگتىڭ ەسىرتكى اتكەزشىلىگىنە ءولىم جازاسىن بەرۋ جونىنەن قاتىستى ماسەلەلەرگە جاۋاپ بەرگەندە بىلاي دەدى: ۋاقيعا جۇڭگو جەرىندە تۋىلدى، سول ءۇشىن، ءسوزسىز، جۇڭگو زاڭىنا ساي ءبىر جاقتى ەتىلەدى، جۇڭگو جاق ءارقانداي شەتەلدىك ەسىرتكى اتكەزشىسىنىڭ جۇڭگو حالقىنىڭ ءومىرىن زيانعا ۇشىراتۋىنا رۇقسات ەتپەيدى.
وسى كۇنى وتكىزىلگەن داعدىلى اقپار جاريالاۋ ماجىلىسىندە ءبىر ءتىلشى بىلاي دەپ سۇرادى: كانادا ازاماتى چەلەنبەرگتىڭ ەسىرتكى اتكەزشىلىگىنە داليان قالالىق ورتا حالىق سوتى مەكەمەسى ءولىم جازاسىن بەرگەننەن كەيىن، كانادا باسشىلارى جۇڭگو ءولىم جازاسىن «ءوز بىلگەنىنشە» شىعاردى، دەدى. كانادا سىرتقى ىستەر مينيسترى فرەلاند ءولىم جازاسىنىڭ ادامگەرشىلىككە ۇيلەسپەيتىنىن اتاپ ءوتتى. كاناداداعى ءىرى مەديالاردىڭ حابارىنا قاراعاندا، چەلەنبەرگ 2003 - جىلى جانە 2012 – جىلدارى ەسىرتكى اتكەزشىلىگى جانە ەسىرتكى ساۋداسىنا بايلانىستى كانادا سوتى جاعىنان جازالانعان ەكەن. كوپ ساندى كانادالىق توراپتاستاردىڭ قاراۋىنشا، 200 كيلوگرامنان استام كريستال ەسىرتكىنى اتكەزشىلىك ەتۋ اۋىر قىلمىس، بۇعان بولا كانادا ۇكىمەتىنىڭ جامان اتى جايىلعان ەسىرتكى اتكەزشىسى ءۇشىن شىر – پىر بولۋىنىڭ قاجەتى دە جوق ەكەن. بۇعان جۇڭگو جاق قالاي باعا بەرەدى؟
حۋا چۇنيىڭ بىلاي دەدى: «كانادا باسشىلارىنىڭ ازاماتتارىنا تۇسىندىرگەن – تۇسىندىرمەگەنىنە ءجىپ تاعا الماي وتىرمىن، 222 كيلوگرام ەسىرتكى قانشا ادامنىڭ ءومىرىن جالمايدى؟ قانشالاعان وتباسىنىڭ باقىتتى تۇرمىسىن ويراندايدى؟ 222 كيلوگرام ەسىرتكىنى اتكەزشىلىك ەتكەن چەلەنبەرگكە بەرىلگەن ءولىم جازاسى ادامگەرشىلىك سانالماسا، ورىندى بولماسا، وندا ەسىرتكىنىڭ قۇربانىنا اينالعان ادامداردىڭ ءومىرى ادامگەرشىلىك نەمەسە ورىندى ءجايت سانالا ما؟»
ول بىلاي دەدى: جۇڭگولىقتار 1840 – جىلعى اپيىن سوعىسىنان كەيىن ەسىرتكىنىڭ زاردابىن مەيلىنشە تارتتى، سول ءۇشىن ءارقانداي شەتەلدىك ەسىرتكى اتكەزشىسىنىڭ جۇڭگو حالقىنىڭ ءومىرىن زيانداۋىنا رۇقسات ەتىلمەيدى. «ەگەر چەلەنبەرگ كانادادا ەسىرتكى اتكەزشىلىگىمەن شۇعىلدانىپ، ونى كانادا قانداي جولمەن ءبىر جاقتى ەتسە، وعان بۇيرەگىمىز بۇلك ەتپەيدى. الايدا قىلمىس جۇڭگودا تۋىلدى، ءسوزسىز، جۇڭگو زاڭىنا ساي ءبىر جاقتى ەتىلەدى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
