2 – ايداعى جاڭا بەلگىلەمەلەر: حالىق ساقشىلارىنىڭ مىندەتىن زاڭ بويىنشا اتقارۋىنا كەپىلدىك ەتىپ، مەملەكەت زاڭىنىڭ بەدەلىن قورعاۋ كەرەك
حالىق تورابى چىن يۇي
2019.01.28 15:07 كەلۋ قاينارى : حالىق تورابى
قوعام حاۋىپسىزدىگى مينيسترلىگى ورتاعا قويعان جاڭا بەلگىلەمە حالىق ساقشىلارىنىڭ مىندەتىن زاڭ بويىنشا اتقارۋىنا كەپىلدىك ەتەدى؛ چاڭجياڭ قىلقۇيرىق بالىعى قاتارلىلاردى ءوندىرىس سيپاتىندىق اۋلاۋعا تيىم سالىنادى ... 2 – ايدان باستاپ، ءبىر توپ جاڭا زاڭ – تۇزىمدەر تۇرمىسىمىزعا ىقپال ەتەدى.
قوعام حاۋىپسىزدىگى حالىق ساقشىلارىنىڭ مىندەتىن زاڭ بويىنشا اتقارۋىنا، قىزمەتتىك ۇقىعىن جۇرگىزۋىنە كەپىلدىك ەتىپ، مەملەكەت زاڭىنىڭ بەدەلىن جانە حالىق ساقشىلارىنىڭ زاڭ اتقارۋ بەدەلىن قورعاۋ ءۇشىن، ىشكەرىلەي تەكسەرۋ – زەرتتەۋ جۇرگىزۋ جانە كەڭ كولەمدە پىكىر الۋ نەگىزىندە، قوعام حاۋىپسىزدىگى مينيسترلىگى «قوعام حاۋىپسىزدىگى ورگاندارى حالىق ساقشىلارىنىڭ زاڭ اتقارۋ بەدەلىن قورعاۋ قىزمەتى جونىندەگى بەلگىلەمەنى» جاسادى، مەملەكەتتىك كەڭەس مۇشەسى، قوعام حاۋىپسىزدىگى مينيسترلىگىنىڭ مينيسترى جاۋ كىجىنىڭ مينيستر بۇيرىعىنا قول قويىپ ماقۇلداۋىمەن، اتالعان بەلگىلەمە 2 – ايدىڭ 1 – كۇنىنەن باستاپ رەسمي اتقارىلادى.
«بەلگىلەمەدە» «جۇڭحۋا حالىق رەسپۋبليكاسى حالىق ساقشىسى زاڭى»، «قوعام حاۋىپسىزدىگى تاراۋلارىنىڭ باقىلاۋ ەرەجەسى» قاتارلى زاڭ – تۇزىمدەرگە نەگىزدەلە وتىرىپ، حالىق ساقشىلارىنىڭ زاڭ اتقارۋ بەدەلىن قورعاۋ قىزمەتىنىڭ كوز الداعى ناقتى قاجەتى تولىق ويلاستىرىلعان، قاتىستى ساياساتتار جانە زاڭ – تۇزىمدەرمەن ۇشتاستىرۋ جانە سايكەستىرۋ تولىق ويلاستىرىلعان. «بەلگىلەمە» 33 تارماقتان قۇرالادى، عىلميلىعى، باعىتتامالىلىعى ءبىرشاما كۇشتى جانە اتقارىلۋ مۇمكىندىگى دە زور.
«بەلگىلەمەدە» مىنالار ايقىن بەلگىلەنگەن: قوعام حاۋىپسىزدىگى حالىق ساقشىلارىنىڭ زاڭ بويىنشا قىزمەت جاۋاپكەرشىلىگىن اتقارۋى، قىزمەت ۇقىعىن جۇرگىزۋى زاڭنىڭ قورعاۋىنا الىنادى، وعان زالال جەتكىزۋگە، كەدەرگى جاساۋعا بولمايدى، حالىق ساقشىلارى مەن ولاردىڭ جاقىن تۋىستارىنىڭ ءومىرى مەن مال – مۇلكىنىڭ حاۋىپسىزدىگى حالىق ساقشىلارىنىڭ زاڭ بويىنشا قىزمەت جاۋاپكەرشىلىگىن اتقارىپ، قىزمەت ۇقىعىن جۇرگىزۋى ارەكەتى سەبەبىنەن قوقانلوقىعا، قول سۇعۋعا ۇشىراماۋى كەرەك، حالىق ساقشىلارى مەن ولاردىڭ جاقىن تۋىستارىنىڭ ادامدىق ار – نامىسى حالىق ساقشىلارىنىڭ زاڭ بويىنشا قىزمەت جاۋاپكەرشىلىگىن اتقارىپ، قىزمەت ۇقىعىن جۇرگىزۋى ارەكەتى سەبەبىنەن قورلاۋعا، كەمسىتۋگە ۇشىراماۋى كەرەك. ارەكەت جۇرگىزۋشىنىڭ حالىق ساقشىلارىنىڭ زاڭ اتقارۋ بەدەلىنە قول سۇققان ارەكەتى قىلمىس قالىپتاستىرسا، زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك؛ قىلمىس قالىپتاستىرماي، قوعام اماندىعىن جونگە سالۋدى باسقارۋ بەلگىلەمەلەرىنە قايشى كەلگەن بولسا، زاڭ بويىنشا قوعام اماندىعىن جونگە سالۋدى باسقارۋ جازاسىن بەرۋ كەرەك.
حالىق ساقشىلارى مىندەتىن زاڭ بويىنشا اتقارۋ بارىسىندا ازاماتتاردىڭ، زاڭدى تۇلعالاردىڭ جانە باسقا ۇيىمداردىڭ زاڭدى ۇقىق – مۇددەسىنە زيان جەتكىزسە، حالىق ساقشىسىنىڭ جەكە باسى زاڭدىق جاۋاپكەرشىلىك ارقالامايدى، حالىق ساقشىسى قاراماعىندا قىزمەت ىستەيتىن قوعام حاۋىپسىزدىگى ورگانى مەملەكەتتىڭ قاتىستى بەلگىلەمەرىنە ساي، تۋىنداعان زيانعا تولەم بەرەدى. قوعام حاۋىپسىزدىگى ورگاندارى زاڭ اتقارۋ بارىسىندا قاتەلىك وتكىزۋ جاۋاپكەرشىلىگىن قۋزاستىرۋ قىزمەتىن زاڭ – ءتۇزىم بويىنشا قاتاڭ ورىستەتۋى كەرەك، زاڭدا بەلگىلەنگەنبەگەن سەبەپتەرمەن، زاڭدا بەلگىلەنگەن تارتىپتەردەن وتپەي تۇرىپ، حالىق ساقشىلارىنا قىزمەت مىندەتىن اتقارۋىن توقتاتۋ، قاماۋعا الۋ قاتارلى شارالاردى اتقارۋعا بولمايدى، جازا بەرۋ نەمەسە قىزمەتىنەن قالدىرۋ، قىزمەت دارەجەسىن تومەندەتۋ، قىزمەتىنەن بوساتۋ قاتارلى ءبىرجاقتى ەتۋ تاسىلدەرىن قولدانۋعا بولمايدى.
2 – ايدىڭ 1 – كۇنىنەن باستاپ، چاڭجياڭ وزەنىنەن قىلقۇيرىق بالىعى قاتارلىلاردى ءوندىرىس سيپاتىندىق اۋلاۋعا تيىم سالىنادى
جۋىردا اۋىل شارۋاشىلىعى جانە اۋىل – قىستاق مينيسترلىگى عىلمي ساراپتاما جۇرگىزۋ جانە كەڭ كولەمدە پىكىر الۋ ارقىلى، ارناۋلى تۇردە اۋلاۋدى باسقارۋ، بالىق شارۋاشىلىعى بايلىق قاينارىن قورعاۋ جانە چاڭجياڭنىڭ ەكولوگيالىق جۇيەسىن وڭالتۋ قاتارلى تۇرعىدان جان – جاقتىلى ويلاستىرا وتىرىپ، «چاڭجياڭ وزەنى اعارىندا ارناۋلى تۇردە اۋلاۋدى باسقارۋ ءتۇزىمىن رەتكە سالۋ جونىندەگى ۇقتىرۋدى» جاريالادى، 2 – ايدىڭ 1 – كۇنىنەن باستاپ سەمسەر بالىق، انچۇس بالىعى جانە جۇڭحۋا تۇكتى سۋ شايانى قاتارلىلاردى ارناۋلى اۋلاۋعا رۇقساتناما بەرۋدى توقتاتادى، سونىمەن بىرگە، بۇل چاڭجياڭ وزەنى الابىنىڭ ءتۇيىندى سۋ ايدىندارىندا بالىق اۋلاۋعا جاپپاي تيىم سالۋ ساياساتىنىڭ قاجەتى بولىپ تابىلادى.
بولاشاقتا چاڭجياڭنىڭ ەكولوگيالىق جۇيەسىن جونگە سالۋ - جاقسارتۋ جانە بالىق اۋلاۋعا تيىم سالۋدىڭ ناتيجەسىنىڭ بىرتىندەپ كورىنە باستاۋىنا ىلەسە، چاڭجياڭ وزەنىندەگى بالىق شارۋاشىلىعى بايلىق قاينارى دا بەلگىلى مەرزىمنەن كەيىن قالپىنا كەلۋ سيپاتىندىق ارتاتىن بولادى، سول كەزدە بايلىق قاينارىنىڭ جاعدايىنا جانە باقىلاۋ جاعدايىنا قاراي وتىرىپ، بالىق اۋلاۋعا تيىم سالۋ رايونى، بالىق اۋلاۋعا تيىم سالۋ مەرزىمى، ارناۋلى تۇردە بالىق اۋلاۋعا ەرەكشە رۇقسات بەرۋ قاتارلى ءتۇرلى تاسىلدەر ارقىلى چاڭجياڭ وزەنىندەگى بالىق شارۋاشىلىعى قاينارىن ءونىمدى تۇردە قورعاۋ مەن ۇيلەسىمدى تۇردە پايدالانۋعا ويداعىداي ۇيىمداستىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
