مەملەكەتتىك ازىق – تۇلىك جانە ءدارى – دارمەكتى باقىلاۋ – باسقارۋ باس مەكەمەسى باستىعىنىڭ بۇرىنعى ورىنباسارى ۋ جىننىڭ پارا الۋ، مىندەت ۇقىعىن الباتى پايدالانۋ دەلوسىنا ءبىرىنشى سوت اشىلدى
2019.05.31 15:15 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 30 – كۇنى، چىڭدۋ. 2019 – جىلى 5 – ايدىڭ 30 – كۇنى سىچۋان ولكەسى چىڭدۋ قالالىق ورتا دارەجەلى حالىق سوتى مەملەكەتتىك ازىق – تۇلىك جانە ءدارى – دارمەكتى باقىلاۋ – باسقارۋ باس مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، مەكەمە باستىعىنىڭ بۇرىنعى ورىنباسارى ءارى مەملەكەتتىك دەنساۋلىق ساقتاۋ جانە جوسپارلى تۋىت كوميتەتى مەڭگەرۋشىسىنىڭ بۇرىنعى ورىنباسارى ۋ جىننىڭ پارا الۋ، مىندەت ۇقىعىن الباتى پايدالانۋ دەلوسىنا ءبىرىنشى سوتتا اشىق سوت اشتى. سىچۋان ولكەسى چىڭدۋ قالالىق پروكۋراتۋرا مەكەمەسى جىبەرگەن قىزمەتكەر سوتقا قاتىناسىپ، الەۋمەتتىك ايىپتاۋدى قولدادى، ايىپكەر ۋ جىن جانە ونىڭ اقتاۋشىسى سوتقا كەلىپ، ارىز – شاعىمعا قاتىناستى.
چىڭدۋ قالالىق حالىق سوت مەكەمەسىنىڭ ايىپتاماسى: 1996 – جىلدان 2018 – جىلعا دەيىن، ايىپكەر ۋ جىن ىلگەرىندى – كەيىندى جياڭشي ولكەلىك دەنساۋلىق ساقتاۋ مەڭگەرمەسى ءدارى – دارمەك ىستەرىن باسقارۋ مەكەمەسىنىڭ باستىعى، جياڭشي ولكەلىك ءدارى – دارمەكتى باقىلاۋ – باسقارۋ مەكەمەسىنىڭ باسىتعى، مەملەكەتتىك ازىق – تۇلىك جانە ءدارى – دارمەكتى باقىلاۋ – باسقارۋ مەكەمەسى باستىعىنىڭ ورىنباسارى، سونداي – اق، مەملەكەتتىك ازىق – تۇلىك جانە ءدارى – دارمەكتى باقىلاۋ – باسقارۋ باس مەكەمەسى باستىعىنىڭ ورىنباسارى قاتارلى مىندەتتەردى اتقارعان كەزدە، مىندەتتەگى قولايلىلىعىنان پايدالانىپ، قاتىستى ورىندار مەن جەكەلەرگە ءدارى – دارمەكتى بەكىتۋ، پەرزەنتتەرىنىڭ كاسىپتەنۋى قاتارلى ىستەردە كومەك كورسەتىپ، ولاردان تىكەلەي نەمەسە تۋىستاردى ارقىلى جيىنى 21 ميلليون 711 مىڭ 106 يۋاندىق مال – مۇلىكتى زاڭسىز قابىلداعان.
ايىپكەر ۋ جىن 2009 – جىلى مەملەكەتتىك ازىق – تۇلىك جانە ءدارى – دارمەكتى باقىلاۋ – باسقارۋ مەكەمەسى باستىعىنىڭ ورىنباسارى مىندەتىن اتقارعان مەزگىلدە، سونداي – اق، 2017 – جىلدان 2018 – جىلعا دەيىن مەملەكەتتىك ازىق – تۇلىك جانە ءدارى – دارمەكتى باقىلاۋ – باسقارۋ باس مەكەمەسى باستىعىنىڭ ورىنباسارى ءارى مەملەكەتتىك دەنساۋلىق ساقتاۋ جانە جوسپارلى تۋىت كوميتەتى مەڭگەرۋشىسىنىڭ ورىنباسارى قاتارلى مىندەتتەردى اتقارعان كەزدە، بەتكە قاراپ جولدان تايىپ، مىندەت ۇقىعىن الباتى پايدالانعان، مەملەكەت پەن حالىقتىڭ مۇددەسىن اۋىر دارەجەدە زيانعا ۇشىراتقان، قىلمىسى وتە اۋىر بولعان. پارا الۋ، مىندەت ۇقىعىن الباتى پايدالانۋ قىلمىسى بويىنشا ايىپكەر ۋ جىننىڭ قىلمىستىق ىستەر جاۋاپكەرشىلىگىن قۋزاستىرۋدى وتىنەمىز.
سوتتا پروكۋراتۋرا ورگانى قاتىستى فاكتىلەردى كورسەتتى، ايىپكەر ۋ جىن مەن ونىڭ اقتاۋشىسى فاكتىلەر جونىندە اقتالدى، ايىپتاۋشى جاق پەن ايىپكەر ەكى جاق پىكىرلەرىن تولىق ءبىلدىردى، ۋ جىن ەڭ سوڭعى بايانداۋ ءسوزىن ايتىپ، سوت ۇستىندە ءوزىنىڭ قلىمىسىن مويىنداپ، وكىنەتىنىن ءبىلدىردى. ەڭ سوڭىندا سوت ءۇزىلىس جاريالاپ، ۇيلەسىمدى ۋاقىتتا سوت ۇكىمىن جاريالايتىن بولدى.
حالىق قۇرىلتايى ۋاكىلدەرى، ساياسي كەڭەس مۇشەلەرى، اقپارات تىلشىلەرى جانە ءار سالاداعى جۇرتشىلىق بولىپ، 50 نەشە ادام سوتتى سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
