حۋنانداعى دىڭ شىپيڭنىڭ دەرەكسىز كەتۋى دەلوسىندا تىڭ ىلگەرىلەۋ بولدى
شينحۋاڭ 1 – ورتا مەكتەبىنىڭ باستىعى تەكسەرۋگە الىندى
2019.06.25 13:02 كەلۋ قاينارى : حالىق تورابى
حالىق تورابى، 6 – ايدىڭ 24 – كۇنى، بەيجيڭ. ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى تورابىنىڭ حابارلاۋىنشا، حۋنان ولكەلىك قوعام حاۋىپسىزدىگى ورگاندارى كۇش سالا تەكسەرۋ ورىستەتكەن، الەۋمەت ايرىقشا نازار اۋدارىپ وتىرعان شينحۋاڭ 1 – ورتا مەكتەبىندەگى «دەنە تاربيە الاڭىنا كومىلگەن مۇردە» دەلوسىندا جاڭا ىلگەرىلەۋ بولعان.
«دەنە تاربيە الاڭىنا كومىلگەن مۇردە» دەلوسى جونىندە جاڭا ءجىپ ۇشى بايقالعاننان كەيىن، حۋنان ولكەسى باستىعىنىڭ ورىنباسارى، ولكەلىك قوعام حاۋىپسىزدىگى مەڭگەرمەسىنىڭ باستىعى شۇي شيانحۇي ايرىقشا ءمان بەرىپ، قىلمىستىق ىستەر جونىندە بارلاۋ جۇرگىزەتىن ماماندار گرۋپپاسىن جىبەرىپ، شينحۋاڭ دۇڭزۋ اۆتونوميالى اۋدانىندا تەكسەرۋ قىزمەتىن ورىستەتۋگە ورنالاستىردى، ول «ورتالىق كوميتەت پەن ولكەلىك كوميتەتتىڭ قارا – سۇرقيا كۇشتەرگە سوققى بەرۋ قىزمەتى جونىندەگى ورنالاستىرۋلارىن باتىل تياناقتاندىرىپ، قارا – سۇرقيا سيپاتتاعى زاڭعا قايشى قىلمىستارعا، مەيلى، قانشا ۋاقىت وتسە دە، مەيلى، كىمگە قاتىستى بولسا دا، ىشكەرىلەي، مۇقيات تەكسەرۋ جۇرگىزۋدى، سۇرقيا كۇشتەردى الاستاۋعا بار كۇشتى جۇمىلدىرۋدى، تۇگەلدەي زاڭ بويىنشا قاتاڭ جازالاۋدى، مۇلدە كەڭشىلىك ەتپەۋدى تالاپ ەتتى. قازا بولعان ادامنىڭ وتباسىنداعىلاردى جۇباتىپ، ولارعا قامقورلىق كورسەتۋدى، قوعامنىڭ ادىلدىگىن جانە زاڭنىڭ بەدەلىن شىنايى قورعاۋدى تالاپ ەتتى».
2003 – جىلى 1 – ايدىڭ 25 – كۇنى تۇستەن بۇرىن ساعات 9دا، شينحۋاڭ 1 – ورتا مەكتەبىنىڭ قىزمەتكەرى دىڭ شىپيڭنىڭ ايەلى تان X قوعام حاۋىپسىزدىگى مەكەمەسىنە بارىپ دەلو مالىمدەپ، كۇيەۋى دىڭ شىپيڭنىڭ 1 – ايدىڭ 22 – كۇنى تۇستەن بۇرىن جوعالىپ كەتكەنىن ايتادى. ساقشى جاق مالىمدەۋدى تاپسىرىپ العان سوڭ، اۋداندىق قوعام حاۋىپسىزدىگى ورگاندارى قىزمەتكەرلەردى دەرەۋ ۇيىمداستىرىپ، ىزدەۋ قىزمەتىن ورىستەتەدى، سوندا دا دىڭ شىپيڭنىڭ دەرەگىن تابا المايدى، ونىڭ قاستاندىققا ۇشىراعانى تۋرالى قاتىستى سپاتتار دا بايقالمايدى.
مەملەكەتتىك قارا – سۇرقيا كۇشتەرگە ارناۋلى سوققى بەرۋ كۇرەسى ورىستەتىلگەننەن بەرى، شينحۋا قوعام حاۋىپسىزدىگى مەكەمەسى قارا – سۇرقيا كۇشتەرگە قاتىستى ءجىپ ۇشتارىن اداقتاۋ بارىسىندا، بيىل 4 – ايدا اتالعان اۋداننىڭ حۋاڭجوۋ قالاشىعىنداعى دۋ شاۋپيڭ قاتارلى قارا – سۇرقيا قىلمىستىق توپتىڭ قاساقانا زيانداۋ، زاڭسىز قاماۋعا الۋ، توپتاسىپ توبەلەس شىعارۋ قاتارلى قىلمىستىق ارەكەتتەرىن انىقتايدى. قۋاتتى ساياسات جانە زاڭ پارمەنىمەن قوعام حاۋىپسىزدىگى ورگاندارى تەرگەۋ جۇرگىزىپ، ىشكەرىلەي قازبالاپ، دۋ شاۋپيڭ جانە ونىڭ توبىنىڭ مۇشەلەرى لو XX، گاۋ XXدىڭ شىپيڭدى ولتىرگەنى جانە ونىڭ مۇردەسىن كومىپ تاستاعانى جونىندەگى قىلمىستىق فاكتىلەرىن مويىندايدى.
6 – ايدىڭ 23 – كۇنى حۋايحۋا قالالىق قوعام حاۋىپسىزدىگى مەكەمەسى قىلمىستىق ىستەر جونىندەگى عىلىم – تەحنيكالىق زەرتتەۋ بولىمشەسى DNA ينفورماتسيالارىن تەكسەرۋ ارقىلى شينحۋاڭ 1 – ورتا مەكتەبىنىڭ دەنە تاربيە الاڭىنان قازىپ العان مۇردەنىڭ 2003 – جىلى دەرەكسىز كەتكەن دىڭ شىپيڭ ەكەنىن تۇراقتاندىردى. سونىمەن، دىڭ شىپيڭنىڭ دەرەكسىز كەتۋى دەلوسىندا زور ىلگەرىلەۋشىك بولدى، قاتىستى قىلمىس كۇماندىلارى تۇتقىندالدى.
قازىر ولكەلىك قوعام حاۋىپسىزدىگى مەڭگەرمەسىنىڭ ۇيىمداستىرۋى، جەتەكشىلىك ەتۋى جانە حۋايحۋا قالالىق پارتكومنىڭ ءبىرتۇتاس باسشىلىق ەتۋىندە، حۋايحۋا قالالىق ءتارتىپ تەكسەرۋ كوميتەتى، قالالىق ساياسي – زاڭ كوميتەتى، قالالىق قوعام حاۋىپسىزدىگى مەكەمەسى قاتارلى ورىنداردىڭ نەگىزگى باسشىلارى جەتەكشىلىك ەتىپ، ىسكەر قىزمەتكەرلەردى ورنالاستىرۋ ارقىلى ارناۋلى دەلو گرۋپپاسىن كۇشەيتىپ، تەرگەۋ تەبىنىن ارتتىرىپ، دەلونى انىقتاۋدى جەدەلدەتىپ، تياناقتى فاكتىلەردى جان – جاقتى جيناقتاۋدا، سونىمەن بىرگە، دۋ شاۋپيڭ مەن ونىڭ قىلمىستىق توبىنىڭ «بايلانىس تورابى» مەن «باسقالقالارىن» ىشكەرىلەي انىقتاۋدا.
6 – ايدىڭ 23 – كۇنى شينحۋاڭ دۇڭزۋ اۆتونوميالى اۋدانى ءتارتىپ تەكسەرۋ كوميتەتى شينحۋاڭ 1 – ورتا مەكتەبىنىڭ بۇرىنعى مەكتەپ باستىعى حۋاڭ بيڭسۇڭدى ءتارتىپ جاعىنداعى تەكسەرۋگە جانە باقىلاۋ جاعىنداعى تەكسەرۋگە الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
