شينجياڭ حالىق تۇرمىسى سالاسىنداعى بۇقارانىڭ مۇددەسىنە زيان جەتكىزگەن ماسەلەلەرگە قاتىستى 10 تيپتىك دەلونى جاريالادى
2019.08.21 15:31 كەلۋ قاينارى : شينجياڭ گازەتى
شينجياڭ گازەتىنىڭ حابارى. جاقىندا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى حالىق تۇرمىسى سالاسىنداعى بۇقارانىڭ مۇددەسىنە زيان جەتكىزگەن ماسەلەلەرگە قاتىستى 10 تيپتىك دەلونى اشىق جاريالادى. بۇل 10 تيپتىك دەلو مىنالار:
1. ساۋان اۋداندىق اۋىل شارۋاشىلىعى، اۋىل - قىستاق مەكەمەسىنىڭ مەڭگەرۋشى قىزمەتكەرى ۋاڭ ۋيميننىڭ اپاتتان كەيىنگى قايتا قۇرۋ قارجىسىن باقىلاۋ - باسقارۋى قاتاڭ بولماۋ قاتارلى ماسەلەلەرى. 2016 - جىلى 11 - ايدا ساۋان اۋدانى دۇڭۋان قالاشىعىنىڭ نيڭجياحى وزەنىندە سەل اپاتى تۋىلىپ، ءبىر ءبولىم قىستاق گرۋپپالارىنىڭ جەرىن سۋ باسىپ كەتەدى، اۋداندىق قازىنا مەكەمەسى وسى قالاشىق ۇكىمەتكە 100 مىڭ يۋاندىق اپاتتان كەيىنگى قايتا قۇرۋ قارجىسىن بولەدى. دۇڭۋان قالاشىعى ارناۋلى قارجىنىڭ پايدالانىلاتىن ورنىن ءوز بەتىنشە وزگەرتىپ، قارجىنىڭ 60 مىڭ يۋانىن قالاشىقتىڭ كۇندەلىكتى ۇكىمەت ءىسى شىعىسىنا ىستەتەدى. سول كەزدە دۇڭۋان قالاشىق پارتكومنىڭ شۋجيى مىندەتىن وتەيتىن ۋاڭ ۋيمين جوعارىدا اتالعان ماسەلە جونىنەن نەگىزگى باسشىلىق جاۋاپكەرشىلىگىن ارقالايدى. بۇدان تىس، ۋاڭ ۋيميندە باسقا دا تارتىپكە قايشىلىق جاساۋ ماسەلەلەرى ساقتالعان. 2019 - جىلى 6 - ايدا ۋاڭ ۋيمينگە پارتيا ىشىندە قاتاڭ ەسكەرتۋ بەرۋ جازاسى بەرىلدى.
2. حوتان قالاسى ناۋاع ءمالىسى شينچۋان الەۋمەتتىك اۋماعىنىڭ مەڭگەرۋشىسى روزىنيسا وشۇردىڭ ەڭ تومەنگى تۇرمىستى قامتاماسىزداندىرۋ قىزمەت مىندەتىن وتەمەۋ، جاۋاپكەرشىلىگىن اتقارماۋ قاتارلى ماسەلەلەرى. 2018 - جىلى 12 - ايدان 2019 - جىلى 4 - ايعا دەيىن روزىنيسا وشۇر شينچۋان الەۋمەتتىك اۋماعىنىڭ حالىق ىستەرى قىزمەتىن جاۋاپتى بولىپ باسقارعان كەزدە، ناۋاع ءمالىسىنىڭ حالىق ىستەرى كەڭسەسى ءارقايسى الەۋمەتتىك اۋماقتى ەڭ تومەنگى تۇرمىستى قامتاماسىزداندىرۋدى يكەمدى باسقارۋ جۇيەسىن دەر كەزىندە جاڭالاۋعا تالاي رەت قۋزاپ، ەڭ تومەنگى تۇرمىستى قامتاماسىزداندىرۋ شارتىنا ۇيلەسپەيتىندەردى اداقتايدى. روزىنيسا وشۇر قۋزاۋ، تياناقتاندىرۋدى تىڭعىلىقتى ىستەمەي، قىزمەت مىندەتىن وتەمەي، جاۋاپكەرشىلىگىن اتقارماي، وسى الەۋمەتتىك اۋماقتىڭ 45 وتباسىنداعى ەڭ تومەنگى تۇرمىستى قامتاماسىزداندىرۋدان يگىلىكتەنۋگە شارتى ۇيلەسپەيتىن 87 ادامنىڭ 83 مىڭ 600 يۋان ەڭ تومەنگى تۇرمىستى قامتاماسىزداندىرۋ قارجىسىن بەلگىلەمەگە قايشى الۋىنا سەبەپشى بولادى. بۇدان تىس، روزىنيسا وشۇردا باسقا دا تارتىپكە قايشىلىق جاساۋ ماسەلەلەرى ساقتالعان. 2019 - جىلى 6 - ايدا روزىنيسا وشۇرعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
3. فۋكاڭ قالالىق 1 - ورتا مەكتەپتىڭ وقىتۋشىسى ءزۇلپيا ءيۇسۇپتىڭ كەدەي وقۋشىلارعا بەرىلەتىن وقۋعا كومەك قاراجاتىن ۇستاپ قالۋ، باسقاعا جۇمساۋ، بەتالدى اقى الۋ، بەتالدى ايىپ سالۋ قاتارلى ماسەلەلەرى. 2016 - جىلدان 2018 - جىلعا دەيىن ءزۇلپيا ءيۇسۇپ وسى مەكتەپتىڭ تولىق ورتا 18 - كلاسىنىڭ كلاس جەتەكشىسى مىندەتىن ارقالاۋداي قىزمەت قولايلىلىعىنان پايدالانىپ، 7 كەدەي وقۋشىعا بەرىلەتىن 4200 يۋان وقۋعا كومەك قاراجاتتى يگىلىكتەنۋ تالابىنا ۇيلەسپەيتىن وقۋشىلارعا تاراتىپ بەرگەن، 6 كەدەي وقۋشىنىڭ 1400 يۋان وقۋعا كومەك قاراجاتىن يەمدەنىپ الىپ، كەدەي وقۋشىلاردىڭ مۇددەسىنە زيان جەتكىزگەن؛ جيىلعان قاردى دەر كەزىندە تازالاماۋ، ساباققا كەشىگىپ كەلۋ، جاتاقحانانى باسقارۋ جاعىنان حابارلاندىرۋ شىعارىلدى دەگەن سىلتاۋلارمەن وقۋشىلارعا 5 يۋاننان 50 يۋانعا دەيىن ايىپ سالىپ، جيىنى 800 يۋان جيىپ، جەكە تۇتىنۋىنا ىستەتكەن. بۇدان تىس، ءزۇلپيا يۇسۇپتە باسقا دا تارتىپكە قايشى ماسەلەلەر ساقتالعان. 2019 - جىلى 2 - ايدا ءزۇلپيا يۇسۇپكە فۋكاڭ قالالىق وقۋ - اعارتۋ مەكەمەسى قىزمەت ورنى دارەجەسىن تومەندەتۋ جازاسىن بەرىپ، 9 - دارەجەدەن 10 - دارەجەگە تومەندەتتى.
4. توقسۇن اۋداندىق جولاۋشى تاسىمال بەكەتىنىڭ باستىعى (تۇرپان چىشى اۆتوكولىك تاسىمال شەكتى جاۋاپكەرشىلىك سەرىكتەستىگىنىڭ باس جوراسى) ءانۋار مۇحامەتتىڭ بەلگىلەمەگە قايشى شەشىم جاساپ، بەتالدى اقى الۋ ماسەلەسى. 2010 - جىلى 4 - ايدان 2018 - جىلى 3 - ايعا دەيىن تۇرپان چىشى اۆتوكولىك تاسىمال شەكتى جاۋاپكەرشىلىك سەرىكتەستىگى قاتىستى بەلگىلەمە تالاپتارىنا قايشى كەلىپ، وتكەرمەلەنگەن 26 اۆتوكولىكتىڭ 241 مىڭ يۋاندىق قاتىناۋ توقتامىن وزگەرتۋ راسميات اقىسىن الۋ جونىندە ءوز بىلگەنىنشە شەشىم جاساپ، ونى جولاۋشى تاسىمال بەكەتىنىڭ قىزمەتكە ۋاقىتشا قابىلداعان قىزمەتكەرلەرىنىڭ ەڭبەكاقىسى سياقتى شىعىمدارعا پايدالانعان. ءانۋار مۇحامەت جولاۋشى تاسىمال بەكەتىنىڭ باستىعى، چىشى اۆتوكولىك تاسىمال شەكتى جاۋاپكەرشىلىك سەرىكتەستىگىنىڭ باس جوراسى رەتىندە، جوعارىدا اتالعان ماسەلە جونىنەن نەگىزگى باسشىلىق جاۋاپكەرشىلىگىن ارقالايدى. 2019 - جىلى 6 - ايدا ءانۋار مۇحامەتكە پارتيا ىشىندە قاتاڭ ەسكەرتۋ بەرۋ جازاسى بەرىلدى.
5. ءدوربىلجىن اۋداندىق مەملەكەت مەنشىگىندەگى جەرلەردەگى ۇيلەردى الۋ جانە تولەم بەرۋ قىزمەت وتەۋ ورتالىعىنىڭ بۇرىنعى مەڭگەرۋشىسى ۋاڭ يانجوۋدىڭ شاعىلاتىن ءۇيدى بەلگىلەمەگە قايشى ساتىپ الىپ، پايداسىن كورۋ قاتارلى ماسەلەلەرى. 2017 - جىلى 8 - ايدان 2018 - جىلى 1 - ايعا دەيىن ۋاڭ يانجوۋ مىندەت قولايلىلىعىنان پايدالانىپ، بەلگىلەمەگە قايشى تۇردە ۋاڭ XXپەن بىرلەسىپ 791 مىڭ يۋان شىعارىپ، شاعىلاتىن اۋماقتان 2 ءۇي ساتىپ العان ءارى ۋاڭ XXتىڭ اتىندا شاعىلاتىن ۇيگە تولەم بەرۋ توقتامىنا قول قويعان. ءۇي قايتارىپ الىنعاننان كەيىن، ۋاڭ يانجوۋ جيىنى 317 مىڭ 800 يۋان پايداعا كەنەلگەن. بۇدان تىس، ۋاڭ يانجوۋدا باسقا دا تارتىپكە قايشى ماسەلەلەر ساقتالعان. 2019 - جىلى 5 - ايدا ۋاڭ يانجوۋعا پارتيادا قالدىرىپ ءبىر جىل بايقاپ كورۋ، ۇكىمەت قىزمەتى مىندەتىنەن قالدىرۋ جازاسى بەرىلىپ، مەڭگەرۋشى قىزمەتكەردەن قىزمەتكەرگە تومەندەتىلدى.
6. شيحۋ قالالىق جۇڭگوشا شيپاحانا ەمدەۋ ىستەرى ءبولىمىنىڭ كادرى جاڭ شياۋرۇيدىڭ بەلگىلەمەگە قايشى اقى الۋ ماسەلەسى. 2016 - جىلدان 2018 - جىلعا دەيىن جاڭ شياۋرۇي شيحۋ قالالىق جۇڭگوشا شيپاحانانىڭ ەمدەۋ ىستەرى بولىمىندە قىزمەت ىستەگەن كەزىندە، اۆتونوميالى رايوندىق دەنساۋلىق ساقتاۋ، جوسپارلى تۋىت ارناۋلى تەحنيكا قىزمەتكەرلەرىنىڭ ۇستەپ وقۋ ءنومىرىن باسقارۋ ءادىسى قاتارلى بەلگىلەمەلەرىنە قايشىلىق جاساپ، ۇستەپ وقۋ باۋلۋىنا قاتىناسپاعان 21 ەمدەۋ قىزمەتكەرىنە ءوز بەتىمەن بەلگىلەمەگە قايشىلىق جاساپ قاعاز جۇزىندەگى ءنومىر بەرىپ، جەكە ءوزى جيىنى 15 مىڭ 500 يۋاندىق جۇمىس ءبىتىرۋ قاراجاتىن الىپ، ناشار قوعامدىق ىقپال تۋدىرعان. 2019 - جىلى 5 - ايدا جاڭ شياۋرۇيعا پارتيا ىشىندە قاتاڭ ەسكەرتۋ بەرۋ جازاسى بەرىلدى، تارتىپكە قايشى العان اقشا قايتارىپ الىندى.
7. قاراقاش اۋدانى بۇرشاقشي اۋىلى اياققى جاي قىستاعىنىڭ بۇعالترى مامەتتوقتى جۇمانىڭ كەدەي وتباسىلارىنا بەرىلگەن كومەك قاراجاتتى قىستىرىلىپ كىرىپ يەمدەنىپ الۋ، باسقاعا جۇمساۋ ماسەلەسى. 2018 - جىلى 11 - ايدان 2019 - جىلى 1 - ايعا دەيىن مامەتتوقتى جۇما قىستاق تۇرعىندارىنىڭ سەلبەسىپ ەمدەلۋ قاراجاتىن تاپسىرۋ مىندەتىن بەلگىلەنگەن ۋاقىتتا ورىنداۋ ءۇشىن، قولىندا ساقتاپ تۇرعان 4 كەدەي وتباسىنىڭ بانكە كارتچكاسىنان جانە ەمدەلۋ كارتچكاسىنان ءوز بەتىنشە 16 مىڭ 600 يۋان شىعارىپ الىپ، ونى باسقا قىستاق تۇرعىندارى تولەمەگەن سەلبەسىپ ەمدەلۋ قاراجاتىنىڭ ورنىنا تولەپ جانە قىستاق تۇرعىندار كوميتەتىنىڭ جۇمىس جۇرگىزۋ قاراجاتى شىعىسىنا پايدالانىپ، كەدەي بۇقارانىڭ مۇددەسىنە زيان جەتكىزگەن. 2019 - جىلى 6 - ايدا مامەتتوقتى جۇماعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
8. ءۇرىمجى قالالىق ساۋدا ىستەرى مەكەمەسى (استىق) اداقتاپ تەكسەرۋ تارماق اترەتى اشكەرەلەۋدى، شاعىم ايتۋدى قابىلداۋ ءبولىمىنىڭ بۇرىنعى ورىنباسار مەڭگەرۋشى قىزمەتكەرى لي حايجۇننىڭ باسقارۋ، قىزمەت وتەۋ وبيەكتىلەرىنەن سىرىڭكەلىك اقى سۇراۋ قاتارلى ماسەلەلەرى. 2018 - جىلى 1 - ايدا لي حايجۇن مىندەت قولايلىلىعىنان پايدالانىپ، بەلگىلى ساۋدا شەكتى سەرىكتەستىگىنىڭ زاڭدىق ۋاكىلى لي XXتىڭ ءوز يەلىگىندەگى 2 كوكونىستى تىكە ساتۋ دۇكەنىن باسقالارعا كوتەرمەگە بەرۋىنە كومەكتەسكەن. 2018 - جىلى 3 - ايدا لي حايجۇن تۋىسىم ءۇي ساتىپ العالى جاتىر دەگەندى سىلتاۋراتىپ، لي XXتەن 20 مىڭ يۋان سىرىڭكەلىك سۇرايدى. مۇنان سىرت، لي حايجۇندە باسقا دا تارتىپكە قايشى ماسەلەلەر ساقتالعان. 2019 - جىلى 4 - ايدا لي حايجۇنگە پارتيا ىشىندە قاتاڭ ەسكەرتۋ بەرۋ، ۇكىمەت قىزمەتى مىندەتىنەن الىپ تاستاۋ جازاسى بەرىلىپ، ورىنباسار مەڭگەرۋشى قىزمەتكەردەن قىزمەتكەرگە تومەندەتىلدى.
9. جاڭاءشار اۋدانى ياپچان قالاشىعى تالقۇرىق قىستاعى قىستاق تۇرعىندار كوميتەتىنىڭ بۇرىنعى مەڭگەرۋشىسى سىمايىل ابلەتتىڭ قايتىس بولعانداردىڭ اتىن جامىلىپ قارتتاردى كۇتىمدەۋ قامسىزداندىرۋ قاراجاتىن الۋ ماسەلەسى. 2011 - جىلى 12 - ايدان 2017 - جىلى 3 - ايعا دەيىن سىمايىل ابلەت قىزمەت قولايلىلىعىنان پايدالانىپ، قايتىس بولعانداردىڭ قارتتاردى كۇتىمدەۋ قامسىزداندىرۋ كارتچكاسىن ءبىتىرۋ، قايتىس بولعانداردىڭ بانكە كارتچكاسىن ساقتاۋ سياقتى تاسىلدەرمەن قايتىس بولعان 5 ادامنىڭ اتىن جامىلىپ جيىنى 30 مىڭ يۋاندىق قارتتاردى كۇتىمدەۋ قامسىزداندىرۋ قاراجاتىن الىپ، جەكە تۇتىنۋ شىعىسىنا ىستەتەدى. 2019 - جىلى 7 - ايدا سىمايىل ابلەتكە پارتيادا قالدىرىپ ءبىر جىل بايقاپ كورۋ جازاسى بەرىلدى.
10. شاپشال سىبە اۆتونوميالى اۋدانى قاينۇق اۋىلى قاينۇق قىستاعىنىڭ جوسپارلى تۋىت ۇگىتشىسى زىنيلام قۇرباننىڭ جوسپارلى تۋىت سيلىق قاراجاتىن الداپ الۋ قاتارلى ماسەلەلەرى. 2012 - جىلدان 2017 - جىلعا دەيىن زىنيلام قۇربان قىزمەت قولايلىلىعىنان پايدالانىپ، مەملەكەتتىڭ باتىس بولىك وڭىرلەردىڭ جوسپارلى تۋىت بويىنشا بەرەتىن ”از بالالى بولىپ، تەز اۋقاتتانۋ“ سيلىق قاراجاتىنان جانە اۆتونوميالى رايوننىڭ شەكارا اۋداندارداعى، كەدەي اۋداندارداعى اۋىل - قىستاقتارداعى جوسپارلى تۋىتتى ورىنداعان وتباسىلارىنا بەرىلەتىن ەرەكشە سيلىق قاراجاتىنان جيىنى 15 مىڭ يۋاندى بەلگىلەمەگە قايشىلىق جاساپ يگىلىكتەنگەن. 2019 - جىلى 6 - ايدا زىنيلام قۇربانعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
جوعارىداعى 10 تيپتىك دەلودا بۇقارامەن بايلانىس جاساۋ، ولارعا قىزمەت وتەۋ بارىسىندا قىزمەت مىندەتىن پارمەندى اتقارماعان، قىزمەت مىندەتىن وتەمەگەن، جاۋاپكەرشىلىگىن اتقارماعاندار دا، قىزمەت قولايلىلىعىنان پايدالانىپ، قارا باسىنىڭ قامىن كۇيتتەگەن، قىمقىرىپ قالعان، ۇستاپ قالعان، قيانات جاساعان، يەمدەنىپ العاندار دا بار، بۇل ماسەلەلەر بۇقارانىڭ ءوندىرىسىنىڭ، تۇرمىسىنىڭ جان - جاعىنا سايىپ، بۇقارانىڭ ءتول مۇددەسىنە اۋىر دارەجەدە زيان جەتكىزىپ، بۇقارانىڭ تابىس سەزىمىنە اۋىز سالىپ، پارتيانىڭ اۋەلگى ماقساتى مەن بورىشىنا مۇلدە قارسى كەلگەن، ءسوز جوق، اياۋسىز قاتاڭ جازالاۋ كەرەك.
تۇتاس رايونىمىزداعى ءار دارەجەلى پارتيا ۇيىمدارى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىقتى وزەك ەتۋ سىندى دامۋ يدەياسىن سانالىلىقپەن امالياتتا ايگىلەپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ارناۋلى رەتتەۋ - جونگە سالۋ تالابىنا ساي، بۇقارانىڭ باسىن قاتىرعان، بۇقارانى كوڭىلسىزدەندىرگەن، ۋايىمداتقان ىستەردى مىقتاپ ارقاۋ ەتىپ، كىرىسۋ ءتۇيىنىن، كۇش سالۋ ءتۇيىنىن دالمە - ءدال تاۋىپ، بۇقارا ەڭ كوڭىل بولگەن، ەڭ تىكە، ەڭ رەال مۇددە ماسەلەسىن كۇش سالا شەشىپ، پارتيانىڭ حالىق بۇقاراسىمەن ەتەنە بايلانىسىن نىعايتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى تۇتاس رايونىمىزدىڭ حالىق تۇرمىسى سالاسىن ارناۋلى رەتتەۋ - جونگە سالۋ جونىندەگى ورنالاستىرۋى مەن تالابىنا ساي، دالمە - ءدال باقىلاۋ، زاڭ اتقارۋ، جاۋاپكەرشىلىگىن قۋزاستىرۋ تەبىنىن ارتتىرىپ، قيانات جاساپ يەمدەنىپ الۋ، جالعان مالىمدەپ، اتىن جامىلىپ الىپ الۋ، ۇستاپ قالۋ، باسقاعا جۇمساۋ، تۋىس - تۋعانىنا، دوس - جارانىنا پايدا جەتكىزۋ سياقتى بۇقارانىڭ مۇددەسىنە زيان سالاتىن شىرىكتەسۋ ماسەلەلەرىنە، بۇقارانىڭ مۇددەسىن قورعاۋدا ءىس تىندىرماۋ، سوزبۇيدالىققا سالىنۋ، بەتالدى ىستەۋ سياقتى فورماشىلدىق، تورەشىلدىك ماسەلەلەرىنە باستان - اياق جوعارى قىسىممەن قاتاڭ جازالاپ ساقتاندىرۋ جاعدايىن ساقتاپ، حالىق تۇرمىسى سالاسىنداعى ارناۋلى رەتتەۋ - تۇزەتۋدىڭ ءىس جۇزىندىك ناتيجەلەرىمەن حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
