قوعام حاۋىپسىزدىگى تاراۋلارى ازاماتتىق كۋالىكتى جالعاننان جاساۋ جانە ساۋدالاۋعا قاتىستى 32 مىڭنان استام دەلونى انىقتادى
2019.08.23 13:18 كەلۋ قاينارى : حالىق تورابى
حالىق تورابى، 8 – ايدىڭ 22 – كۇنى، بەيجيڭ (جۋ زىياڭ) قوعام حاۋىپسىزدىگى مينيسترلىگى بۇگىن بەيجيڭدە اقپار جاريالاۋ جيىنىن اشىپ، بۇكىل ەلىمىزدەگى قوعام حاۋىپسىزدىگى ورگاندارىنىڭ ازاماتتىق كۋالىكتى جالعاننان جاساۋ، ساۋدالاۋ سىندى زاڭعا قايشى قىلمىستىق ارەكەتتەرگە ارناۋلى سوققى بەرۋ ارەكەتىن ورىستەتۋ قىزمەتىنىڭ جاعدايىن حابارلادى. قوعام حاۋىپسىزدىگى مينيسترلىگىنىڭ مالىمدەمەشىسى گو لين اقپار جاريالاۋ جيىنىن باسقاردى، قوعام حاۋىپسىزدىگى مينيسترلىگى اماندىق ساقتاۋدى باسقارۋ مەكەمەسىنىڭ باستىعى لي جيڭشىڭ، نوپوس ىستەرىن باسقارۋ – زەرتتەۋ ورتالىعىنىڭ مەڭگەرۋشىسى، اماندىق ساقتاۋدى باسقارۋ مەكەمەسى باستىعىنىڭ ورىنباسارى حۋاڭ شۋاڭچۋان، قىلمىستىق ىستەردى بارلاۋ مەكەمەسى شارلاۋشىسىنىڭ ورىنباسارى جىڭ شياڭ، ينتەرنەت حاۋىپسىزدىگى جاعىنداعى اماندىق قورعاۋ مەكەمەسى باستىعىنىڭ ورىنباسارى جاڭ حۇڭيە، زاڭ – ءتۇزىم مەكەمەسىنىڭ باستىعى سۇن پيڭ، عىلىم – تەحنيكا جانە ينفورماتسيالاندىرۋ مەكەمەسىنىڭ شارلاۋشىسى ۋ حىڭ اقپار جاريالاۋ جيىنىنا قاتىناستى.
گو لين بىلاي دەپ تانىستىردى: ازاماتتىق كۋالىك — ەلىمىز ازاماتتارىنىڭ زاڭدىق سالاۋات كۋالىگى، جۇرتشىلىقتىڭ كۇندەلىكتى تۇرمىستا، قىزمەتتە ەڭ كوپ پايدالاناتىن، ەڭ ماڭىزدى كۋالىگى. قوعام حاۋىپسىزدىگى مينيسترلىگى تۇرعىنداردىڭ ازاماتتىق كۋالىگى جاعىنداعى قىزمەت وتەۋ مەن باسقارۋعا قاشان دا توتەنشە ءمان بەرەدى، ازاماتتىق كۋالىك الۋعا سىرت جەردە ءوتىنىش بەرۋدى قابىلداۋ، ازاماتتىق كۋالىك سۋرەتىن «كوپ رەت تارتىپ، ەڭ جاقسىسىن پايدالانۋ» قاتارلى ءبىرقىدىرۋ حالىققا قولايلى شارالاردى اتقارۋمەن بىرگە، ازاماتتىق كۋالىكتىڭ ءنومىرى قاتە بولۋ، ءنومىرى قايتالانۋ، ازاماتتىق كۋالىكتى جالعاننان جاساۋ قاتارلى حالىق جۇرتشىلىعىنىڭ اڭىسى كۇشتى بولعان كورنەكتى ماسەلەلەردى مىقتى ۇستاپ، ازاماتتىق كۋالىكتىڭ دۇرىس بولۋى، قايتالانباۋى جانە بەدەلدى بولۋى سىندى نىسانانى نەگىزىنەن ىسكە اسىردى.
الايدا، قوعامنىڭ ينفورماتسيالانۋىنىڭ، ينتەرنەتتەنۋىنىڭ جەدەل دامۋىنا، ينفورماتسيانى ورتاق پايدالانۋ جانە ينفورماتسيانى اشىق ۇستاۋ ورەسىنىڭ بارعان سايىن جوعارىلاۋىنا ىلەسە، ازاماتتىق كۋالىكتى جالعاننان جاساۋ، ساۋدالاۋ، وزگەلەردىڭ ازاماتتىق كۋالىگىن پايدالانۋ قاتارلى ماسەلەلەر دە تۋىندادى. 2018 – جىلدان بەرى، قوعام حاۋىپسىزدىگى مينيسترلىگى بۇكىل ەلىمىز بويىنشا قوعام حاۋىپسىزدىگى تاراۋلارىنىڭ ازاماتتىق كۋالىكتى جالعاننان جاساۋ، ساۋدالاۋ سىندى زاڭسىز قىلمىستىق ارەكەتتەرگە ارناۋلى سوققى بەرۋ، جونگە سالۋ ارەكەتىن ورىستەتۋگە ورنالاستىرۋ جاساپ، وسى تەكتەس زاڭعا قايشى قىلمىستىق ارەكەتتەرگە تۇتاس جەلى، بۇكىل ءتۇيىن بويىنشا دالمە – ءدال سوققى بەردى.
لي جيڭشىڭنىڭ تانىستىرۋىنشا، قازىرگە دەيىن، جەر – جەردەگى قوعام حاۋىپسىزدىگى ورگاندارى ازاماتتىق كۋالىكتى جالعاننان جاساۋ، ساۋدالاۋعا قاتىستى دەلولاردان 32 مىڭنان استام دەلونى انىقتاپ، 16 مىڭنان استام قىلمىس كۇماندىسىن قولعا الىپ، جالعان كۋالىك جاساۋ اپاندارىنان 1900 ورىندى تالقانداپ، جالعاننان جاسالعان قىرۋار ازاماتتىق كۋالىكتەردى جيناپ العان، ينتەرنەتتەگى ازاماتتىق كۋالىككە قاتىستى زاڭعا قايشى ينفورماتسيالاردان 4460 نەشە ينفورماتسيانى تازالاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
