بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اكىمشىلىك شارا كورۋ زاڭى جوباسىنا اشىق پىكىر الىنىپ، 6 ءتۇرلى اكىمشىلىك جازا ءتۇرى بەلگىلەندى

2019.10.09 15:15     كەلۋ قاينارى : حالىق تورابى

  شينحۋا اگەنتتىگى، 10 - ايدىڭ 8 - كۇنى، بەيجيڭ (ءتىلشى جۋ جيچاي). «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن باسقارۋ زاڭى (جوبا)» 10 - ايدىڭ 8 - كۇنى جۇڭگو حالىق قۇرىلتايى تورابىندا جاريالانىپ، قوعامنان پىكىر الدى.

  بيىل 8 - ايدا اكىمشىلىك ىستەردى باسقارۋ زاڭ جوباسى مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 12 - ءماجىلىسىنىڭ قاراۋىنا تۇڭعىش رەت ۇسىنىلدى. 10 - ايدىڭ 8 – كۇنى تولىق جاريالانعان اكىمشىلىك ىستەردى باسقارۋ زاڭ جوباسى 7 تاراۋعا بولىنگەن، بۇلار: جالپى ەرەجە، اكىمشىلىك جازانىڭ ءتۇرى جانە قولدانىلۋى، زاڭعا قايشى ارەكەتتەر جانە وعان قولدانىلاتىن شارا، اكىمشىلىك جازا ءتارتىبى، قايتا قاراۋ، قايتا تەكسەرۋ، ارىزدانۋ، زاڭدىق جاۋاپكەرلىك جانە قوسىمشا ەرەجە، جالپى 66 تارماقتان قۇرالادى. جۇڭگو حالىق قۇرىلتايى تورابى اكىمشىلىك ىستەردى ءبىر جاقتى ەتۋ زاڭ جوباسى جونىندەگى تۇسىنىكتى ءبىر ۋاقىتتا جاريالادى.

  جوبانىڭ تۇسىندىرمەسىنە نەگىزدەلگەندە، اكىمشىلىك جازا بەرۋ − زاڭعا قايشىلىق جاساعان ۇكىمەت قىزمەتكەرلەرىن جازالاپ ساقتاندىرۋ شاراسى. باقىلاۋ زاڭىندا اكىمشىلىك جازا ۇعىمى تۇڭعىش رەت ايتىلدى ءارى ول «اكىمشىلىك ءتارتىپ جازاسىنىڭ» ورنىنا قويىلدى، ونىڭ قولدانىلۋ كولەمى اكىمشىلىك ۇقىق جۇرگىزەتىن بارلىق ۇكىمەت قىزمەتكەرىنە دەيىن كەڭەيتىلدى. اكىمشىلىك ىستەردى ءبىر جاقتى ەتۋ زاڭى جاسالىپ، باقىلاۋ زاڭىنىڭ پرينسيپتىك بەلگىلەمەلەرى ناقتىلاندىرىلدى، زاڭدا بەلگىلەنگەن وبيەكتىلەر جاپپاي جازالاۋ كولەمىنە ەنگىزىلىپ، اكىمشىلىك ىستەردى ءبىر جاقتى ەتۋ پارتيانىڭ ءتارتىپ جازاسىمەن سايكەستىرىلىپ، قىلمىستىق ىستەر جازاسىمەن ۇشتاستىرىلىپ، قىزمەتتە زاڭعا قايشى كەلۋدەگى جازالاۋ – ساقتاندىرۋدىڭ قاتاڭ تورابى قۇرىلدى، بۇل ەرتە باستان، ۇساق ىستەردەن باستاپ يگەرىپ، اسقىنۋدان ساقتانىپ، ادال، كىرشىكسىز، جاۋاپكەرلىك ارقالايتىن ۇكىمەت قىزمەتكەرلەرى قوسىنىن قۇرۋعا ءتيىمدى.جوبادا اكىمشىلىك جازا بەرۋ سۋبيەكتى ايقىندالدى. جازا بەرۋدى ۇيعارعان ورگان، ورىندار مىندەتكە تاعايىنداۋ، مىندەتىنەن قالدىرۋ ورگاندارىن جانە باقىلاۋ ورگاندارىن قامتيدى ءارى ەكى ءتۇرلى سۋبيەكتىنىڭ رولى مەن جاۋاپكەرلىگى ايقىندالدى؛ كادرلاردى پارتيا باسقارۋ، زاڭ – ەرەجەگە نەگىزدەلۋ، شىندىقتى ءىس جۇزىنەن ىزدەۋ، دەموكراتيالىق ورتالىقتاندىرۋ، وتكەندەگىدەن ساباق الىپ، كەيىنگىگە عيبىرات ەتۋ، اۋرۋدى ەمدەپ، ادامدى قۇتقارۋ سياقتى 5 ءتۇرلى اكىمشىلىك جازا پرينسيبى ايقىندالدى.

  جوبادا اكىمشىلىك جازا بەرۋ تۇرلەرى مەن ونى قولدانۋ ەرەجەلەرى بەلگىلەندى. ەسكەرتۋ بەرۋ، كۇنا جازۋ، اۋىر كۇنا جازۋ، دارەجەسىن تومەندەتۋ، مىندەتىنەن الىپ تاستاۋ، قىزمەتتەن ايداۋ سىندى 6 ءتۇرلى اكىمشىلىك جازا بەلگىلەندى. سايكەستى شارا كورۋ مەرزىمى: ەسكەرتۋ بەرۋ 6 اي؛ كىنا جازىلسا، 12 اي؛ اۋىر كىنا جازىلسا، 18 اي؛ دارەجەسى تومەندەتىلسە، مىندەتىنەن الىنسا، 24 اي بولادى. قىزمەتتەن ايداۋ جازاسى بەرىلسە، جازا ۇيعارىمى كۇشكە يە بولعان كۇننەن باستاپ، ونىڭ قىزمەت ورنىمەن اراداعى ەڭبەك - كادرلار قاتىناسى كۇشىنەن قالدىرىلادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار