ساۋدا ورتاسىن جاقسارتۋ جونىندەگى تۇڭعىش زاڭ - ەرەجە شىعارىلدى (بەدەلدى جاريالاۋ)
شەتەل ساۋداگەرلەرىنىڭ قارجى قوسۋداعى زاڭدى ۇقىق - مۇددەسىن قورعاۋعا اناعۇرلىم ءمان بەرىلدى
«حالىق گازەتىنىڭ» تىلشىلەرى لي شينپيڭ، ۋەي جىجى
2019.10.24 13:15 كەلۋ قاينارى : حالىق تورابى
«مەيلى ىشكى كاپيتالىمەن قۇرىلعان كاسىپورىندار بولسىن، الدە شەتەل كاپيتالىمەن قۇرىلعان كاسىپورىندار بولسىن، جۇڭگودا تىركەلسە بولعانى، ءبارىن بىردەي كورىپ، بىردەي مامىلە جاسايمىز. ءبىز ءار ەل كاسىپورىندارىنىڭ جۇڭگومەن ەكونوميكا - ساۋدا، قارجى قوسۋ سەلبەستىگىن كەڭەيتىپ، ءوزارا تيىمدىلىك جەتكىزىپ، تەڭ يگىلىككە كەنەلۋىن قارسى الامىز». مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى نيڭ جيجى 10 - ايدىڭ 23 - كۇنى اشىلعان ساياساتتىق كەزەكتى قۇلاق قاعىس ەتۋ ماجىلىسىندە وسىلاي دەدى.
سول كۇنى ەلىمىز ساۋدا ورتاسىن ساپالىلاندىرۋعا باعىتتالعان تۇڭعىش اكىمشىلىك زاڭ – ەرەجە − «ساۋدا ورتاسىن جاقسارتۋ ەرەجەسىن» جاريالادى. «ەرەجەدە» قانداي ماسەلەلەر كۇش سالا شەشىلەدى؟ جۇڭگوداعى كاسىپورىندار قانداي تيىمدىلىكتەردەن يگىلىكتەنەدى؟
ساۋدا ورتاسىن جاقسارتۋدى زاڭمەن جونگە سالۋ ارناسىنا ەنگىزۋ كەرەك
سوڭعى جىلداردان بەرى ەلىمىزدىڭ ساۋدا ورتاسى كورنەكتى جاقساردى.
تەكسەرىپ بەكىتۋ ماتەريالدارى ءۇرتىس ازايتىلىپ، بازارعا كىرۋگە رۇقسات ەتۋدىڭ شارتى ۇزدىكسىز تومەندەدى. مىسالى، 2019 - جىلعى باسىلىمداعى بۇكىل ەل كولەمىندەگى جانە ەركىن ساۋدا سىناق رايونىنداعى شەتەل ساۋداگەرلەرىنىڭ قارجى قوسۋداعى شەكتەلگەن سالالار تىزىمدىگى اناعۇرلىم ىقشامدالىپ، قىزمەت وتەۋ كاسىبى، جاساۋ كاسىبى، كەن اشۋ كاسىبى سياقتى سالالاردا 11 ءتۇرلى اشىق ۇستاۋ شاراسى اتقارىلدى. كاسىپورىنداردىڭ جۇمىس باستاۋ، سۋ، ەلەكتر قۇرىلعىلارىن ورناتۋ، جىلجىمايتىن مۇلىكتى تىزىمگە الدىرۋ سياقتى ىستەرىن ءبىتىرۋ ۋاقىتى %50 تەن استام قىسقاردى.
باجىنى، اقىنى ازايتۋ ومىرشەڭدىك قۋاتىن ارتتىرىپ، اۋىرتپالىقتى جەڭىلدەتۋ تەبىنى ۇزدىكسىز نىعايدى. بيىل تاعى دا ەكى توپتا ادەتتەگى ونەركاسىپ - ساۋدا ەلەكتر باعاسىن تومەندەتۋ ساياساتتىق قۇجاتى باسىپ تاراتىلىپ، بۇكىل ەلدەگى ادەتتەگى ونەركاسىپ - ساۋدا ەلەكتر باعاسىن ورتا ەسەپپەن %10 تومەندەتۋ مىندەتى ارتىعىمەن ورىندالدى. سونىمەن بىرگە، حالىقارالىق قوعام جاپپاي نازار اۋدارىپ وتىرعان ءبىلىم مەنشىك ۇقىعىن قورعاۋدا ەلىمىز ارشىندى قاداممەن العا باستى. مىسالى، زاڭ اتقارۋ تۇرعىسىنان قاراعاندا، بيىل الدىڭعى جارىم جىلدا بۇكىل ەلدەگى جەرگىلىكتى حالىق سوت مەكەمەلەرى ءبىلىم مەنشىك ۇقىعى ازاماتتىق ىستەر ءبىرىنشى سوت دەلوسىنان 150 مىڭنان استامىن قاراپ اياقتاتتى، بۇل وتكەن جىلدىڭ ۇقساس مەزگىلىندەگىدەن %80 جوعارىلادى، ءبىلىم مەنشىك ۇقىعىنا قول سۇعۋ قىلمىسىنان 2 مىڭنان استام دەلونى قاراپ اياقتاتتى، بۇل ۇقساس مەزگىلدەگىدەن شامامەن %23 جوعارىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
