قوعام حاۋىپسىزدىگى مينيسترلىگى: تەلەگراف، توراپ الدامشىلىعىمەن شۇعىلدانعان 759 قىلمىس كۇدىكتىسى ەلگە قايتارىپ اكەلىندى
2019.11.08 15:47 كەلۋ قاينارى : حالىق تورابى
حالىق تورابى، 11 - ايدىڭ 7 - كۇنى، بەيجيڭ. قوعام حاۋىپسىزدىگى مينيسترلىگى توراپ بەكەتىنىڭ حابارىنا قاراعاندا، تاياۋدا جۇڭگو مەن موڭعۇليانىڭ شەكارا اتتاعان تەلەگراف، توراپ الدامكوستىگىنە بىرلەسىپ سوققى بەرۋ جونىندە جاساسقان ورتاق تانىمى بويىنشا، موڭعۇليانىڭ زاڭ اتقارۋ تاراۋلارى تەلەگراف، توراپ الدامكوستىگىنە ىلىككەن ءبىر توپ جۇڭگو قاراستىلىعىنداعى قىلمىس كۇدىكتىسىن تەكسەرىپ انىقتاعان ءارى بۇلاردىڭ ىشىنەن 759 ادامدى ەلىمىزگە وتكىزىپ بەرگەن. 11 - ايدىڭ 7 - كۇنى ساعات 12 مولشەرىندە قوعام حاۋىپسىزدىگى مينيسترلىگىنىڭ ءبىر تۇتاس ۇيىمداستىرىپ، قولباسشىلىق ەتۋىندە ىشكى موڭعۇل، جياڭسۋ سىندى ەكى جەردەگى قوعام حاۋىپسىزدىگى ورگاندارى جوعارىداعى قىلمىس كۇدىكتىلەرىن پويەز ارقىلى جياڭسۋ ولكەسىنىڭ نانجيڭ قالاسىنا ايداپ اپاردى. بۇل بيىل جىل باسىنان بەرى قوعام حاۋىپسىزدىگى ورگاندارىمىز حالىقارالىق ساقشى ىستەرى بويىنشا زاڭ اتقارۋ سەلبەستىگىن ورىستەتىپ ۇستاعان تەلەگراف، توراپ الدامشىلىعىمەن شۇعىلدانۋشى قىلمىس كۇدىكتىلەرىنىڭ سانى ەڭ كوپ بولعان ءبىر رەتكى ارەكەت سانالادى، وسىلايشا وسى تەكتەس زاڭعا قايشى قىلمىستىق ارەكەتتەرگە پارمەندى سەس كورسەتىلدى.
بيىل 9 - ايدان بەرى كەيبىر تەلەگراف، توراپ الدامكوستىگى قىلمىستىلار توبىنىڭ اتاماندارى ادامداردى توپقا ءبولىپ شاقىرىپ، موڭعۇليانىڭ ۇلانباتىر قالاسىنا جينايدى، ولار قوناقجايدا بۇقپانتايلاپ، ەلىمىز بۇقاراسىن الداپ - ارباۋ ارەكەتىن جۇرگىزەدى. 10 - ايدىڭ 29 - كۇنى موڭعۇليانىڭ زاڭ اتقارۋ تاراۋى بيىل 5 - ايدا جۇڭگو مەن موڭعۇليانىڭ شەكارا اتتاعان تەلەگراف، توراپ الدامكوستىگىنە بىرلەسىپ سوققى بەرۋ جونىندە جاساسقان ورتاق تانىمى بويىنشا ۇلانباتىردىڭ 4 قوناق ۇيىنەن 790 جۇڭگو ازاماتتىعىنداعى قىلمىس كۇدىكتىسىن تەكسەرىپ تاۋىپ، مىڭعا جۋىق كومپيۋتەر جانە نەشە مىڭ قولفون سياقتى دەلو تۋدىرۋ قۇرالدارىن قولعا تۇسىرەدى. قوعام حاۋىپسىزدىگى مينيسترلىگى بۇعان ايرىقشا ءمان بەرىپ، ەلىمىزدىڭ موڭعۇليادا تۇراتىن ەلشىحاناسىنىڭ زور كۇشپەن قولداۋىندا، دەلونى ءبىر جاقتى ەتۋ جانە كۇدىكتى ادامداردى قايتارۋ سياقتى قىزمەتتەردى بار كۇشپەن ىلگەرىلەتەدى. 11 - ايدىڭ 2 - كۇنى موڭعۇليانىڭ كوشپەندىلەر تاراۋى موڭعۇليانىڭ قاتىستى زاڭدارىنا ساي، پويەزبەن ولاردىڭ ىشىنەن 759 قىلمىس كۇدىكتىسىن ەلىمىزگە قايتارادى. 11 - ايدىڭ 3 - كۇنى قوعام حاۋىپسىزدىگى مينيسترلىگى ىشكى موڭعۇل مەن جياڭسۋدىڭ قوعام حاۋىپسىزدىگى ورگانىن ۇيىمداستىرىپ، ىشكى موڭعۇلدىڭ ىرلەنحوت وتكەلىندە جوعارىداعى قىلمىس كۇدىكتىلەرىن ءساتتى قابىلدادى. بارلىق دەلو فاكتىسىن انىقتاپ، قىلمىس كۇدىكتىلەرىن زاڭ بويىنشا قاتاڭ جازالاۋ ءۇشىن، قوعام حاۋىپسىزدىگى مينيسترلىگى جياڭسۋ ولكەلىك قوعام حاۋىپسىزدىگى مەكەمەسىن وسى دەلونى بارلاۋ قىزمەتىنە جاۋاپتى ەتىپ بەلگىلەدى. 11 - ايدىڭ 7 - كۇنى قوعام حاۋىپسىزدىگى مينيسترلىگىنىڭ ءبىر تۇتاس ورنالاستىرۋى مەن جەتەكشىلىگىندە ىشكى موڭعۇل، جياڭسۋ ەكى جەردەگى قوعام حاۋىپسىزدىگى ورگاندارى پويەز ارقىلى 759 قىلمىس كۇدىكتىسىن تولىعىمەن نانجيڭگە ايداپ اپاردى. قازىر دەلونى تەكسەرۋ جانە بارلاۋ قىزمەتى جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
