ەكولوگيالىق ورتا مينيسترلىگى جۇڭۋي قالاسىنداعى ورتانىڭ لاستانۋ ماسەلەسىنە قاراتا ماڭدايشالىق ءىلىپ قۋزاۋ سالدى
2019.11.14 16:19 كەلۋ قاينارى : حالىق تورابى
حالىق تورابى، 11 - ايدىڭ 13 – كۇنى، بەيجيڭ. ەكولوگيالىق ورتانى قورعاۋ مينيسترلىگى توراپ بەكەتىنىڭ حابارىنا قاراعاندا، تاياۋدا كەيبىر اقپارات قۇرالدارى نيڭشيا حۇيزۋ اۆتونوميالى رايونى جۇڭۋي قالاسىنىڭ «تەڭگىر ءشولىنىڭ جيەگىندە كەڭ اۋماقتا بىلعانىش زاتتاردىڭ قايتا بايقالۋى» جونىندە حابار حابارلاعان. ەكولوگيالىق ورتا مينيسترلىگى بۇعان ايرىقشا ءمان بەرىپ، قىزمەت گرۋپپاسىن تۇندەلەتىپ ناق مايدانعا جىبەردى. العاشقى تەكسەرۋگە قاراعاندا، اقپارات قۇرالدارى اڭىس ەتكەن مەيلي ورمان ءوڭىرىنىڭ بىلعانۋ ماسەلەسى راس ەكەن. 11 - ايدىڭ 13 - كۇنى ەكولوگيالىق ورتا مينيسترلىگى جۇڭۋي قالاسىنىڭ ورتانىڭ لاستانۋ ماسەلەسىنە ماڭدايشالىق ءىلىپ اشىق قۋزاۋ سالۋدى ۇيعاردى.
العاشقى تەكسەرۋدە مىنالار انىقتالدى: بىلعانىش زاتتار 1998 - جىلدان 2004 - جىلعا دەيىنگى ارالىقتا جۇڭيە قاعاز كاسىبى توبى شەكتى سەرىكتەستىگىنىڭ توركىنى سانالاتىن نيڭشيا مەيلي قاعاز كاسىبى توبى شەكتى جاۋاپكەرلىك سەرىكتەستىگىنە قاراستى نيڭشيا مەيلي قاعاز كاسىبى توبى ورتانى قورعاۋ، ەنەرگيا ۇنەمدەۋ شەكتى سەرىكتەستىگى توككەن قاعاز جاسايتىن قارا سۇيىقتىق ەكەن. ناق مايداندا 120 مىڭ شارشى مەتر (180 مۋ) ءوڭىر كولەمىندە 14 ورىندا شاشىرامالى، بولەكتەمەلى لاستانعان جەر بايقالعان.
11 – ايدىڭ 12 - كۇنىنە دەيىن جيىنى 64 مىڭ 691 توننا قاتتى جاراقسىز زاتتار قازىلىپ، 14 لاستانعان ءوڭىر بولەگىنىڭ 4 بولەگى (شامامەن 12 مىڭ 800 شارشى مەتر) قازىپ تازالانىپ بولدى. قازىر ناق مايداندا جيناپ الىنعان جابىسقاق، قويۋ زات ۇلگىسىنىڭ قاسيەتى سارالانۋدا، ەڭ سوڭعى ناتيجەسى بارلىق كورسەتكىش تەكسەرىلىپ بولعاننان كەيىن تۇراقتاندىرىلادى.
ەكولوگيالىق ورتا مينيسترلىگى جۇڭۋي قالاسىنىڭ قورشاعان ورتانىڭ لاستانۋ ماسەلەسىنە ماڭدايشالىق ءىلىپ اشىق قۋزاۋ سالىپ، نيڭشيا اۆتونوميالى رايوندىق ەكولوگيالىق ورتا مەڭگەرمەسىنەن جۇڭۋي قالالىق حالىق ۇكىمەتىنىڭ مىناداي قىزمەتتەردى ويداعىداي ىستەۋىنە قۋزاۋشىلىق ەتۋدى تالاپ ەتتى:
ءبىرىنشى، بىلعانىشتى ۇزدىكسىز تازالاپ، عىلمي ءبىر جاقتى ەتۋ. ەكىنشى، جاپپاي تەكسەرۋ جۇرگىزىپ، قاتاڭ ءبىر جاقتى ەتۋ. ءۇشىنشى، ءبىرى ارقىلى وزگەسىن تۇسپالداپ، كومەسكى كىناراتتاردى انىقتاۋ. قاتاڭ تاجىريبە - ساباق الىپ، تەڭگىر ءشولى مەن توڭىرەكتەگى وڭىرلەردىڭ قورشاعان ورتاسىنىڭ لاستانۋ ماسەلەسىن جاپپاي تەكسەرىپ، قورشاعان ورتانى لاستاعان زاڭعا قايشى ارەكەتتەرگە زاڭ بويىنشا باتىل سوققى بەرىپ، ەكولوگيالىق ورتانىڭ حاۋىپسىزدىگىن قامتاماسىز ەتۋ كەرەك.
ەكولوگيالىق ورتا مينيسترلىگىنىڭ قىزمەت گرۋپپاسى لاستانۋدى جونگە سالۋ قىزمەتىنە جۇمىس ورنىندا ۇزدىكسىز قۋزاۋشىلىق ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
