جياڭسۋ ولكەلىك حالىق ۇكىمەتى ولكە باستىعىنىڭ بۇرىنعى ورىنباسارى ميۋ رۇيليننىڭ پارا الۋ دەلوسىنا ءبىرىنشى سوتتىڭ ۇكىمى جاريالاندى
2019.11.20 15:31 كەلۋ قاينارى : حالىق تورابى
حالىق تورابى، 11 – ايدىڭ 19 – كۇنى، بەيجيڭ. شاندۇڭ ولكەسى چيڭداۋ قالالىق ورتا دارەجەلى حالىق سوتى مەكەمەسىنىڭ رەسمي ميكروبلوگىنداعى حابارعا قاراعاندا، 2019 – جىلى 11 – ايدىڭ 19 – كۇنى تۇستەن بۇرىن، شاندۇڭ ولكەسى چيڭداۋ قالالىق ورتا دارەجەلى حالىق سوتى جياڭسۋ ولكەلىك حالىق ۇكىمەتى ولكە باستىعىنىڭ بۇرىنعى ورىنباسارى ميۋ رۇيليننىڭ پارا الۋ دەلوسىنا قاتىستى سوت ۇكىمىن اشىق جاريالاپ، ايىپكەر ميۋ رۇيليندى پارا الۋ قىلمىسى بويىنشا ون جىل التى ايلىق مەرزىمدى قاماق جازاسىنا ۇكىم ەتتى ءارى حالىق اقشاسى بويىنشا 700 مىڭ يۋان اقشالاي ايىپ سالدى؛ ميۋ رۇيليننىڭ پاراعا العان مال – مۇلكىن تۇگەل قايتارىپ الىپ، ۇكىمەت قازىناسىنا تاپسىردى. ميۋ رۇيلين سوت ۇكىمىنە مويىنسال ەكەنىن، جوعارىلاپ ارىزدانبايتىنىن سوت ۇستىندە ءبىلدىردى.
تەكسەرۋ ناتيجەسىنە قاراعاندا، 2005 – جىلدان 2016 – جىلعا دەيىن، ايىپكەر ميۋ رۇيلين جياڭسۋ ولكەسى سۋچيان قالالىق حالىق ۇكىمەتى قالا باستىعىنىڭ ورىنباسارى، قالا باستىعى، ج ك پ سۋچيان قالالىق پارتكومىنىڭ شۋجيى، جياڭسۋ ولكەلىك حالىق ۇكىمەتى ولكە باستىعىنىڭ ورىنباسارى، نانجيڭ قالالىق حالىق ۇكىمەتى قالا باستىعى قاتارلى مىندەتتەردى وتەگەن كەزدەگى قولايلىلىقتان پايدالانىپ، قاتىستى ورىندار مەن جەكەلەرگە كاسىپورىن نىسانىن تەكسەرىپ - بەكىتۋ، بانكەدەن قارىز الۋ، ينجەنەريا نىسانىن كوتەرەگە الۋ، اقى ەسەپتەۋ جانە تۋىستارىنىڭ قىزمەتىن اۋىستىرۋ، پەرزەنتتەرىن وقۋعا ءتۇسىرۋ قاتارلى ىستەردە كومەكتەسىپ، تىكەلەي نەمەسە ايەلى ارقىلى قاتىستى ادامداردان حالىق اقشاسى بويىنشا قۇنى 7 ميلليون 200 مىڭ يۋان كەلەتىن مال – مۇلىكتى زاڭسىز قابىلداعان.
چيڭداۋ قالالىق ورتا دارەجەلى حالىق سوتى بىلاي دەپ قارادى: زاڭ بويىنشا ايىپكەر ميۋ رۇيليننىڭ جوعارىداعى ارەكەتتەرى قىلمىس قالىپتاستىرعان بولىپ ەسەپتەلەدى. ميۋ رۇيليننىڭ العان پاراسىنىڭ سوماسى قوماقتى، قاتىستى تاراۋلار دەلونى تەكسەرگەننەن كەيىن، ول ءوزىنىڭ قىلمىستارىن شىنايى بايانداپ، دەلو تەكسەرۋ تاراۋلارى ونىڭ پارا الۋ قىلمىسىنا قاتىستى ءالى دە تەكسەرىپ يگەرە قويماعان قىلمىستىق فاكتىلەرىن دە ءوزى ىرىقتىلىقپەن مالىمدەپ، قىلمىسىن مويىنداپ، وكىنەتىنىن ءبىلدىرىپ، پاراعا العان مال – مۇلىكتى تۇگەلدەي تاپسىرىپ بەرگەندىكتەن، زاڭ بويىنشا جازا جەڭىلدەتىپ بەرىلدى. وسىعان بايلانىستى، زاڭ بويىنشا جوعارىداعىداي ۇكىم شىعارىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved