ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى تاقىرىپتىق تاربيە كەزىندە تەكسەرىپ ءبىر جاقتى ەتىلگەن 8 تيپتىك دەلونى اشىق جاريالادى
2019.12.02 16:47 كەلۋ قاينارى : حالىق تورابى
«حالىق گازەتى»، 12 - ايدىڭ 1 - كۇنى، بەيجيڭ (ءتىلشى جياڭ جيە). پارتيا ورتالىق كوميتەتىنىڭ «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى جونىندەگى ورنالاستىرۋ تالابىنا ساي، ءار دارەجەلى ءتارتىپ تەكسەرۋ، باقىلاۋ ورگاندارى باس شۋجي شي جينپيڭنىڭ نەگىزگى تاقىرىپتىق تاربيە جونىندەگى ماڭىزدى نۇسقاۋىنىڭ رۋحىن جانە پارتيا 19 -كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، نەگىزگى تاقىرىپتىق تاربيەنى ورىستەتۋدى قوزعاۋشى كۇش، قىزمەت جاۋاپكەرلىگىن تياناق ەتىپ، نەگىزگى تاقىرىپتىق تاربيەنى، ارناۋلى وڭاۋدى مىقتى يگەرۋدى ماڭىزدى ساياسي مىندەت، ساياسي باقىلاۋدىڭ ماڭىزدى مازمۇنى ەتىپ، نازاردى پارتيا ورتالىق كوميتەتىنىڭ شەشىم، ورنالاستىرۋلارىن دايەكتى تياناقتاندىرىپ، ىسكە توتەپ بەرۋ، كورىنىستە بويسۇنعانسىپ، كومەسكىدە قايشىلىق جاساۋ، سونداي - اق فورماشىلدىققا، تورەشىلدىككە سالىنۋ، مىندەتىن اتقارماۋ، ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋ، بۇقارانىڭ مۇددەسىنە زيان جەتكىزۋ سياقتى 8 جاقتاعى كورنەكتى ماسەلەگە شوعىرلاندىردى. باقىلاۋدى، ءتارتىپتى اتقارۋدى، جاۋاپقا تارتۋدى جانە باقىلاۋ، تەكسەرۋ، ءبىر جاقتى ەتۋدى كۇشەيتىپ، تارتىپكە، زاڭعا قايشى ءبىر توپ ماسەلەنى قاتاڭ تەكسەرىپ ءبىر جاقتى ەتىپ، ارناۋلى وڭاۋ قىزمەتىن پارمەندى تارتىپپەن قامتاماسىز ەتتى. تاياۋدا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى 8 تيپتىك دەلونى اشىق جاريالادى. ولار مىنالار:
حىبەي ولكەسى باۋديڭ قالاسى شۇيشۇي رايوندىق پارتكومنىڭ بۇرىنعى شۋجيى سۋ شۋفىڭ قاتارلىلاردىڭ پارتيانى باسقارۋ، پارتيانى جونگە سالۋ جاۋاپكەرلىگىن تياناقتاندىرۋى پارمەندى بولماۋىنان وسى وڭىردە كوپتەگەن پارتيالى باسشى كادرلاردىڭ بەلگىلەمەگە قايشى ءىشىپ - جەۋ ماسەلەسى ارت - ارتىنان تۋىلۋى.
جياڭشي ولكەسى پيڭشياڭ قالاسى ليانحۋا اۋداندىق پارتكومنىڭ بۇرىنعى شۋجيى ليۋ شياڭنىڭ مەملەكەتتىك كەدەي اۋدانداردىڭ كەدەيلىك قالپاعىن الىپ تاستاۋ، تەكسەرىپ وتكىزىپ الۋ بارىسىندا كوز بوياۋشىلىق ىستەۋ سياقتى ماسەلەلەرى.
حىنان ولكەسى سانمىنشيا قالاسى ميانچى اۋدانى دۋانسۇن اۋىلدىق پارتكومنىڭ بۇرىنعى شۋجيى يۋان ليدۇڭنىڭ مىندەتىن اۋىر دارەجەدە اتقارماي، جاۋاپكەرسىزدىك ىستەپ، قارا كۇشتەردىڭ اۋىل - قىستاق نەگىزگى ساتى ۇيىمدارىنا ءسىڭىپ كىرۋىنە سەبەپشى بولۋ سياقتى ماسەلەلەرى.
گانسۋ ولكەلىك سۋ ىستەرى مەڭگەرمەسى پارتيا باسشىلىق گرۋپپاسىنىڭ بۇرىنعى شۋجيى، مەڭگەرمە باستىعى ۋي باۋجۇن قاتارلىلاردىڭ اۋىل - قىستاق اۋىز سۋ حاۋىپسىزدىگى قىزمەتىندە جاۋاپكەرلىك ارقالاماۋ، ىسكەرلىك ىستەمەۋ سياقتى ماسەلەلەرى.
يۇننان ولكەسى حۇڭحى وبلىسى جيانشۇي اۋدانىنىڭ ورىنباسار اكىمى شۇي لەي قاتارلىلاردىڭ مىندەتىن اتقارماۋى، جاۋاپكەرسىزدىك ىستەۋى سالدارىنان اۋداندىق بازار باقىلاۋ - باسقارۋ مەكەمەسىندە ۇقىعىنان الباتى پايدالانۋ، الباتى اقى الۋ، ساۋدا ورتاسىنا ىقپال جاساۋ سياقتى ماسەلەلەردىڭ تۋىلۋى.
گۇيجوۋ ولكەسى تۇڭرىن قالاسى يانحى تۋجيا اۆتونوميالى اۋدانى تۋانجيە ءمالىسى فۋشيڭ قىستاعىنىڭ بۇرىنعى قىستاق كوميتەتى مەڭگەرۋشىسى تيان يۇڭشياننىڭ قالا - اۋىل تۇرعىندارىنىڭ ەڭ تومەنگى تۇرمىسىن قامتاماسىزداندىرۋ ساياساتىن تياناقتاندىرۋدا تۋىس - تۋعانىنا، دوس - جارانىنا قامقورلىق جاساۋ سياقتى ماسەلەلەرى.
جياڭسۋ ولكەسى ۋشي قالاسى شيشان رايوندىق وقۋ - اعارتۋ مەكەمەسىنىڭ پارتكوم شۋجيى، مەكەمە باستىعى فىڭ دۇڭيان قاتارلىلاردىڭ ءىس جۇزىندىكتەن قول ءۇزىپ، الباتى قۇجات تاراتىپ، نەگىزگى ساتىنىڭ اۋىرتپالىعىن اۋىرلاتۋ ماسەلەسى.
شانشي ولكەسى شيانياڭ قالالىق پارتكومنىڭ بۇرىنعى تۇراقتى مۇشەسى، قالالىق ءتارتىپ تەكسەرۋ كوميتەتىنىڭ شۋجيى، قالالىق باقىلاۋ كوميتەتىنىڭ مەڭگەرۋشىسى چۋان ۋاڭجۇننىڭ قارا، سۇرقيا كۇشتەرگە ساياتىن قىلمىستىلاردى قورعاشتاۋ ماسەلەسى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
