مەملەكەتتىك دامۋ جانە رەفورما كوميتەتى مەڭگەرۋشىسىنىڭ بۇرىنعى ورىنباسارى، مەملەكەتتىك ەنەرگيا مەكەمەسىنىڭ بۇرىنعى باستىعى نۇر باكىردىڭ پارا الۋ دەلوسىنا ءبىرىنشى سوتتا ۇكىم شىعارىلدى
2019.12.03 16:59 كەلۋ قاينارى : حالىق تورابى
«حالىق گازەتى»، 12 - ايدىڭ 2 - كۇنى، بەيجيڭ (ءتىلشى شۇي جۇن). 12 - ايدىڭ 2 - كۇنى لياۋنيڭ ولكەسى شىنياڭ قالالىق ورتا حالىق سوتى مەكەمەسى مەملەكەتتىك دامۋ جانە رەفورما كوميتەتى مەڭگەرۋشىسىنىڭ بۇرىنعى ورىنباسارى، مەملەكەتتىك ەنەرگيا مەكەمەسىنىڭ بۇرىنعى باستىعى نۇر باكىردىڭ پارا الۋ دەلوسىنا اشىق ۇكىم شىعارىپ، جاۋاپكەر نۇر باكىردى پارا الۋ قىلمىسى بويىنشا مەرزىمسىز قاماق جازاسىنا ۇكىم ەتىپ، ساياسي ۇقىعىنان ومىرلىك ماقرۇم ەتتى، وعان قوسا بارلىق جەكە مال - مۇلكىن ءمۇسادىرالادى؛ نۇر باكىردىڭ پارا الۋ قىلمىسىنان تاپقان ارام اقشاسىن جانە ونىڭ ءوسىمىن قۋزاپ قايتارىپ الىپ، مەملەكەت قازىناسىنا تاپسىردى. نۇر باكىر سوتتا ۇكىمگە بويسۇناتىنىن، نارازىلىق ارىزىن بەرمەيتىنىن ءبىلدىردى.
تەكسەرۋ ارقىلى مىنالار انىقتالدى: 1998 - جىلدان 2018 - جىلعا دەيىن جاۋاپكەر نۇر باكىر ج ك پ شينجياڭ ۇيعۇر اۆتونوميالى رايونى ءۇرىمجى قالالىق پارتكومى شۋجيىنىڭ ورىنباسارى، قالا باستىعى، ج ك پ شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، شۋجيىنىڭ ورىنباسارى، شينجياڭ ۇيعۇر اۆتونوميالى رايوندىق حالىق ۇكىمەتىنىڭ ۋاقىتتىق ءتوراعاسى، ءتوراعاسى، مەملەكەتتىك دامۋ جانە رەفورما كوميتەتى مەڭگەرۋشىسىنىڭ ورىنباسارى، مەملەكەتتىك ەنەرگيا مەكەمەسىنىڭ باستىعى قاتارلى مىندەتتەردى وتەگەن كەزىندەگى قولايلىلىقتاردان نەمەسە قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ قاتىستى ورىندار مەن جەكەلەردىڭ قۇرىلىستى كوتەرىپ الۋى، ءونىمدى جالپىلاستىرۋى، ءتيىمدى ساياساتتاردان يگىلىكتەنۋى سياقتى ىستەردە كومەك كورسەتىپ، جوعارىدا ايتىلعان ورىندار مەن جەكەلەردەن تىكەلەي نەمەسە باسقالار ارقىلى زاڭسىز قابىلداعان مال - مۇلكى حالىق اقشاسىنا سىندىرعاندا جالپى 79 ميلليون 100 مىڭ يۋاننان اسقان.
شىنياڭ قالالىق ورتا حالىق سوت مەكەمەسى بىلاي دەپ قارايدى: ايىپكەر نۇر باكىر پارا الۋ قىلمىسىن وتكىزگەن، سوماسى توتەنشە كوپ، زاڭ بويىنشا جازالاۋ كەرەك. نۇر باكىر دەلو تۇرعىزىلعاننان كەيىن باقىلاۋ – تەكسەرۋ ورگاندارى ءالى يگەرە قويماعان كوپ ساندى قىلمىس فاكتىسىن ىرىقتىلىقپەن تاپسىرعاندىقتان، قىلمىسىن ءوز قالپىندا بايانداپ، قىلمىسىن تانىعاندىقتان، وكىنىش بىلدىرگەندىكتەن، دەلوعا قاتىستى ارام اقشا مەن ارام ولجانىڭ كوبىن بەلسەندىلىكپەن قايتارىپ بەرگەندىكتەن، زاڭداعى جاعدايعا قاراي جەڭىل جازالاۋعا بولادى دەگەن بەلگىلەمەگە ساي زاڭ بويىنشا جازانى جەڭىلدەتۋگە بولادى. سونىمەن سوت مەكەمەسى جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
