بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ بۇقارانىڭ مۇددەسىنە نەمقۇرايدى قاراپ، زيان جەتكىزگەن 8 ماسەلەنى حابارلاندىردى

2019.12.11 14:53     كەلۋ قاينارى : حالىق تورابى

  حالىق تورابى، 12 – ايدىڭ 11 – كۇنى، بەيجيڭ. تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى بۇقارانىڭ مۇددەسىنە نەمقۇرايدى قاراپ، زيان جەتكىزگەن 8 ماسەلەنى اشىق جاريالادى، ولار جەكە ـ جەكە مىناداي:

  1.ءۇرىمجى قالالىق ەڭبەك - كادرلار داۋ - شارىنا تورەلىك ايتۋ مەكەمەسى پارتيا ياچەيكاسىنىڭ بۇرىنعى شۋجيى، باستىعىنىڭ بۇرىنعى ورىنباسارى چىن يۇڭدىنىڭ نەمقۇرايدى قاراۋىنان بۇقارانىڭ مۇددەسىنە زيان جەتكىزۋى سياقتى ماسەلەلەرى. 2007 – جىلى 10 – ايدان 2018 – جىلى 6 – ايعا دەيىن چىن يۇڭدى قالالىق ەڭبەك باقىلاۋ - تەكسەرۋ تارماق اترەتىنىڭ باستىعى، قالالىق ەڭبەك - كادرلار داۋ - شارىنا تورەلىك ايتۋ مەكەمەسى پارتيا ياچەيكاسىنىڭ شۋجيى، باستعىنىڭ ورىنباسارى بولىپ مىندەت اتقارعان كەزىندە، «ەڭبەك - كادرلار ىسىنە تورەلىك ايتۋ، دەلو باسقارۋ ەرەجەسىنە» قايشىلىق جاساپ، قىزمەت مىندەتىن دۇرىس اتقارماي، ءادىل اتقارماي، ەڭبەكشىلەردىڭ قالىپتى ارىز - شاعىم بەرۋىنە كوپ رەت ارالاسىپ، كەدەرگىلىك جاساپ، بەلگىلەمەگە، زاڭعا قايشىلىق جاساپ، ەڭبەككۇش جىبەرۋ سەرىكتىگى، قۇرىلىس كاسىپورنى، ءىرى ساۋدا، ەرەن بازار ورىندارى قاتارلى ورىنداردا تۋىلعان ەڭبەك - كاپيتال داۋ - شارىن قورعاشتاپ، بۇقارانىڭ ءتول مۇددەسىنە اۋىر زيان جەتكىزىپ، ناشار قوعامدىق ىقپال تۋدىردى؛ قىزمەت قولايلىلىعىنان پايدالانىپ، ليۋ x قاتارلى 16 ادامنىڭ سەرىكتىگىنىڭ بەلگىلەمەگە قايشى جۇمىسشى ىستەتۋ جازاسىنان كەشىرۋ، بەلگىلەمەگە قايشى جۇمىسشى ىستەتكەندە جىلدىق تەكسەرۋ، ديقان جۇمىسكەرلەردىڭ ەڭبەكاقى كەپىلدىك اقشاسىن تاپسىرماۋ قاتارلى جاقتاردان كومەك كورسەتىپ، العان ناق اقشاسى مەن زاتىنىڭ قۇنى جيىنى 451 مىڭ يۋانعا جەتكەن. 2019 – جىلى 8 – ايدا چىن يۇڭدىعا پارتيادان ايداۋ، قىزمەتتەن ايداۋ جازاسىن بەرىپ، زاڭعا قايشى قىلمىس كۇمانى تاعىلعان ماسەلەلەرىن ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىردى.

  2. تارباعاتاي ايماعى شيحۋ قالاسى شيحۋ قالاشىعى داچۋان قىستاعى تۇرعىندار كوميتەتىنىڭ بۇرىنعى مەڭگەرۋشىسى گاۋ شيۋيۇننىڭ بۇقارانىڭ قاتىستى ىستەردى بىتىرۋىنە كومەكتەسكەندىگىن سىلتاۋ ەتىپ، بەلگىلەمەگە قايشىلىق جاساپ، قول اقى الۋى سياقتى ماسەلەلەرى. 2015 – جىلى 1 – ايدان 2018 – جىلى 11 – ايعاعا دەيىن، گاۋ شيۋيۇن بۇقاراعا مول قارىز اقشا الىپ بەرۋدى سىلتاۋ ەتىپ، 23 قىستاق تۇرعىنىنان جيىنى 115 مىڭ يۋان قول اقى العان؛ قىستاق تۇرعىندارىنىڭ اۋىل شارۋاشىلىق ماشينالارىن ساتىپ الۋىنا قوسىمشا قاراجات بەرۋدى سىلتاۋ ەتىپ، 5 قىستاق تۇرعىنىنان جيىنى 25 مىڭ يۋان قول اقى سۇراپ العان؛ 2017 ـ جىلى 6 ـ ايدا، 2018 ـ جىلى 6 ـ ايدا گاۋ شيۋيۇن قىزمەت قولايلىلىعىنان پايدالانىپ، جەكە ماقتا ەگىلگەن 591.02 مۋ جەر اۋدانىن قايتالاي جولداۋ ارقىلى، 76 مىڭ 200 يۋان قوسىمشا قاراجاتتى قىمقىرىپ قالعان. مۇنان سىرت، گاۋ شيۋيۇننىڭ باسقا دا تارتىپكە، زاڭعا اۋىر دارەجەدە قايشىلىق جاساۋ ماسەلەلەرى بايقالعان. 2019 – جىلى 9 – ايدا گاۋ شيۋيۇنعا پارتيادان ايداۋ جازاسى بەرىلدى، زاڭعا قايشى قىلمىس كۇمانى تاعىلعان ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە جولداندى.

  3. التاي ايماعى التاي قالاسى ىنتىماق جولى ءمالى باسقارماسى بينحى جولى الەۋمەتتىك اۋماعى پارتيا باس ياچەيكاسىنىڭ بۇرىنعى شۋجيى گۇلميرا ياحيانىڭ ەمدەۋ كومەك قاراجاتى، اپاتتان قۇتقارۋ كومەك اقشاسى، قۇتقارۋ قارجىسىن قىمقىرۋى سياقتى ماسەلەلەر. 2009 – جىلى 8 – ايدان 2013 – جىلى 12 – ايعا دەيىن گۇلميرا ياحيا التاي قالالىق حالىق ىستەر مەكەمەسىنىڭ بۇعالترلىق مىندەتىن وتەگەن كەزدە قىزمەت قولايلىلىعىنان پايدالانىپ، شىعىمدى جالعان مالىمدەۋ، ءتىزىمدى جالعان مالىمدەۋ سياقتى تاسىلدەر ارقىلى بۇقارانىڭ ەمدەۋ كومەك قاراجاتى، اپاتتان قۇتقارۋ كومەك ۇن اقشاسى، قوسىمشا كومەك قاراجاتى قاتارلىلاردان جينى 525 مىڭ يۋان جيناعان ٵرى ونى ٶزى يەمدەنىپ العان. مۇنان سىرت، گۇلميرا ياحيا دا تارتىپكە، زاڭعا اۋىر قايشىلىق جاساعان باسقا دا ماسەلەلەر بايقالعان. 2019 ـ جىلى 9 -ايدا گۇلميرا ياحيانى پارتيادان ايداپ، ۇكىمەت قىزمەتىنەن قالتىرعان، زاڭعا قايشى قىلمىس كۇمانى تاعىلعان ماسەلەلەرىن ءادىليا ورگاندارىنىڭ زاڭ بويىنشا ءبىر جاقتى ەتۋىنە وتكىزىپ بەرگەن.

  4. قۇمىل قالاسى باركول قازاق اۆتونوميالى اۋدانى شاننان اشۋ رايونى 1 ـ بولىمشە رايونى پارتيا ياچەيكاسىنىڭ بۇرىنعى شۋجيى، بۇرىنعى مەڭگەرۋشىسى ياڭ يانميڭنىڭ قوعامدىق قامسىزداندىرۋ زەينەتاقىسىن جالعان مالىمدەپ ، الداپ الۋ ماسەلەسى. 2004 - جىلى 10 - ايدان 2019 - جىلى 5 – ايعا دەيىن، ياڭ يانميڭ قىزمەت قولايلىلىعىنان پايدالانىپ، وسى رايونعا بولىنگەن زەينەتكە شىققان جۇمىسشى - قىزمەتكەر لۇيx، تيان xتىڭ جەكە - جەكە 2004 - جىلى 9 - ايدا، 2008 - جىلى 12 - ايدا قازا بولعان فاكتىن جاسىرىپ، ەكەۋى ءالى دە ءتىرى دەگەن جالعان ارحيۆ ماتەريالدارىن جاساۋ ءتاسىلى ارقىلى بەلگىلەمەگە قايشىلىق جاساپ، ەكى ادامنىڭ قوعامدىق قامسىزداندىرۋ زەينەتاقىسى 573 مىڭ 100 يۋاندى الادى ءارى ءوزى يەمدەنىپ الادى. 2019 - جىلى 8 - ايدا ياڭ يانميڭعا پارتيادان ايداۋ، قىزمەتتەن ايداۋ جازاسىن بەرەدى، زاڭعا قايشى قىلمىس كۇمانى تاعىلعان ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلعان.

  5. حوتان ايماعى حوتان اۋداندىق ۇيعۇر دارىگەرلىگى شيپاحاناسىنىڭ پارتيا ياچەيكاسى شۋجيىنىڭ بۇرىنعى ورىنباسارى، بۇرىنعى مەكەمە باستىعى ءمۇتالىپ ابدۋاينيدىڭ كادرلار مەن جۇمىسشى ـ قىزمەتكەرلەردىڭ ونىمدىلىك ەڭبەكاقىسىن يەمدەنىپ الۋى سياقتى ماسەلەلەر. 2015 – جىلى 3 – ايدان 8 – ايعا دەيىن دەيىن ءمۇتالىپ ابدۋايني قىزمەت قولايلىلىعىنان پايدالانىپ، وسى اكادەميانىڭ بۇعالتىرى ا xنى ورنالاستىرۋ ارقىلى وسى اكادەمياداعى 11 كادر، جۇمىسشى ـ قىزمەتكەردىڭ قىزمەت ناتيجەسى بويىنشا بەرىلەتىن 23 مىڭ 700 يۋان ەڭبەكاقىسىن الادى ءارى مۇنىڭ 17 مىڭ 700 يۋانىن ءوزى يەمدەنىپ الادى. مۇنان سىرت، ءمۇتالىپ ابدۋاينيدا تارتىپكە، زاڭعا اۋىر قايشىلىق جاساعان باسقا دا ماسەلەلەر بايقالعان. 2019 ـ جىلى 10 ـ ايدا ءمۇتالىپ ابدۋاينيگە پارتيادان ايداۋ، قىزمەتتەن ايداۋ جازاسى بەرىلدى.

  6. اقسۋ ايماعى باي اۋدانى باي قالاشىعى شياليك ءمالى الەۋمەتتىك اۋماعى پارتيا ياچەيكاسىنىڭ بۇرىنعى شۋجيى چىن جيڭنىڭ بەلگىلەمەگە قايشى سالىق سالىپ بۇقارانىڭ اۋىرتپالىعىن اۋىرلاتۋ سياقتى ماسەلەلەر. 2018 – جىلى 2 – ايدان 2019 – جىلى 4 – ايعا دەيىن، چىن جيڭ اعاش ەگۋگە قاجەتتى جۇمىس ۋاقىتى اقىسىن الۋ دەگەندى سىلتاۋ ەتىپ، وزىنە قاراستى رايونداعى تۇرعىنداردان، ساۋداگەرلەردەن 41 مىڭ 100 يۋان اعاش ەگۋ جۇمىس ۋاقىتى قاراجاتىن الادى ءارى مۇنىڭ ىشىندەگى 23 مىڭ 600 يۋاندى جەكەلىك ۇكىمەت قىزمەتى كارتوچكاسىنا قويدى؛ 2019 ـ جىلى 1 - ايدا چىن جيڭ مەيىر ـ شاپاعات ەرەن بازارىنىڭ الەۋمەتتىك اۋماقتاعى قيىنشىلىعى بار بۇقاراعا بەرگەن 25 توپ كۇرىش مايىن بەلگىلەمەگە قايشىلىق جاساپ 25 الەۋمەتتىك اۋماق كادرىنە ءبولىپ بەرەدى، قيىنشىلىعى بار بۇقارانىڭ مۇددەسىنە زيان جەتكىزەدى. 2019 ـ جىلى 8 – ايدا چىن جيڭعا پارتيا ىشىندە قاتاڭ ەسكەرتۋ جازاسى بەرىلدى.

  7. ىلە قازاق اۆتونوميالى وبلىسى شاپشال سىبە اۆتونوميالى اۋدانى سۇنزاش قالاشىعى شورپان قىستاعى ايەلدەر بىرلەستىگىنىڭ مەڭگەرۋشىسى التىناي رامازان قىزىنىڭ بۇقارانىڭ اۋىل ـ قىستاق سەلبەستىك ەمدەۋ قاراجاتىن يەمدەنىپ الۋ ماسەلەسى. 2018 – جىلى 9 - ايدا، التىناي رامازان قىزى شورپان قىستاعىنىڭ اۋىل - قىستاق سەلبەسىپ ەمدەۋ قىزمەتىنە جاۋاپتى بولعان كەزدە، قىزمەت قولايلىلىعىنان پايدالانىپ، بۇقارانىڭ اۋىل - قىستاق سەلبەسىپ ەمدەلۋ قاراجاتىنان 10 مىڭ 400 يۋاندى يەمدەنىپ الىپ، جەكەلىك شىعىسىنا جۇمسادى. 2019 ـ جىلى 10 ـ ايدا التىناي رامازان قىزىنا پارتيا ىشىندە قاتاڭ ەسكەرتۋ جازاسى بەرىلدى.

  8. سانجى حۇيزۋ اۆتونوميالى وبلىسى شونجى اۋدانى بيليۋحى قالاشىعى قالا - اۋىل تۇرعىندارىنىڭ زەينەتكەرلىك قامسىزداندىرۋ ارناۋلى قىزمەتكەرى حى جىشياننىڭ بۇقارانىڭ زەينەتكەرلىك قامسىزداندىرۋ قاراجاتىن ۇستاپ قالىپ، ۋاعىندا جوعارىعا تاپسىرماۋ ماسەلەسى. 2016 – جىلى 11 - ايدا حى جىشيان اتالعان قالاشىقتىڭ دۇڭزىگۋ قىستاعىنىڭ تۇرعىنى لۋ × × تاپسىرعان 14 مىڭ يۋاندىق زەينەتكەرلىك قامسىزداندىرۋ قاراجاتىنان 13 مىڭ يۋاندى ءوز بەتىمەن ۇستاپ قالىپ، جەكە شىعىسىنا جۇمسايدى. 2019 - جىلى 5 - ايدا لۋ x كوپ رەت زەينەتكە شىعۋعا قۋزاۋ سالعان جاعدايدا، حى جىشيان ۇستاپ قالعان 13 مىڭ يۋاندىق زەينەتكەرلىك قامسىزداندىرۋ قاراجاتىن جوعارىعا تاپسىرعاندىقتان، لۋ x زەينەتاقىسىن 5 اي كەشىگىپ الىپ، بۇقارانىڭ مۇددەسىنە زيان جەتكىزەدى. 2019 ـ جىلى 11 – ايدا حى جىشيانعا پارتيا ىشىندە قاتاڭ ەسكەرتۋ جازاسى بەرىلدى.

  جوعارىداعى 8 ماسەلە بۇقارانىڭ مۇددەسىنە نەمقۇرايدى قاراپ زيان جەتكىزۋ ماسەلەسى بۇقارانىڭ ءوندىرىس، تۇرمىس سياقتى بارلىق جاعىنا سايادى، بۇقارانىڭ ءتول مۇددەسىنە اۋىر زيان جەتكىزگەن، بۇقارانىڭ تابىس سەزىمىن جەپ، پارتيانىڭ اۋەلگى ماقساتى مەن بورىشىنا قايشى كەلگەن، ءسوز جوق، ەرەجە، ءتارتىپ بويىنشا، زاڭ بويىنشا قاتاڭ ءبىر جاقتى ەتۋ كەرەك. (شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ – تەكسەرۋ كوميتەتى)

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار