جات نيەتپەن تولەم سۇراعان جاعدايدا، ارىز - شاعىم قابىلدانبايدى

«حالىق گازەتىنىڭ» تىلشىلەرى لي شينپيڭ، لين ليلي

2019.12.12 16:12 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　بىرنەشە كۇننىڭ الدىندا بازار باقىلاۋ - باسقارۋ باس مەكەمەسى «بازار باقىلاۋ - باسقارۋداعى ارىز - شاعىم ايتۋ، اشكەرەلەۋ، ءبىر جاقتى ەتۋ ۋاقىتتىق ءادىسىن» (تومەندە «ءادىس» دەلىنەدى) جاساپ شىقتى، بۇل 2020 – جىلى 1 - ايدىڭ 1 - كۇنىنەن باستاپ اتقارىلادى. «ادىستە» بازار باقىلاۋ - باسقارۋ تاراۋلارىنىڭ الەۋمەتتىڭ ارىز - شاعىم اشكەرەلەۋىن ءبىر جاقتى ەتۋ ءتارتىبى بىرلىككە كەلتىرىلدى ءارى بۇرىنعى قاتىستى تاراۋلار اشقان 12315، 12365، 12331، 12358، 12330 سياقتى ارىز - شاعىم ايتۋ، اشكەرەلەۋ ارناۋلى لەنيالارى 12315 ارناۋلى لەنياسى بويىنشا بىرىكتىرىلدى.

　　جاڭا «ءادىس» بويىنشا تۇتىنۋشىلار تولىمسىز تاۋارلاردى ساتىپ السا، قايدا ارىزدانۋى كەرەك؟ «كاسىپتىك تولەم تالاپ ەتۋشىنىڭ» ارام نيەتپەن ارىزدانۋ ارقىلى پايدا تابۋ ارەكەتىن قالاي ءبىر جاقتى ەتۋ كەرەك؟ ءتىلشى بازار باقىلاۋ - باسقارۋ باس مەكەمەسى توراپ باقىلاۋ تارماق مەكەمەسىنىڭ قاتىستى جاۋاپتىلارى مەن ماماندارىنا تىلشىلىك ىستەدى.

　　تۇتىنۋشىلار قالاي ارىزدانادى

　　12315: ءبىر تۇتاس ارىزدانۋ جولى

　　تاۋار ساتىپ العاننان كەيىن ساۋداگەرلەر جوندەپ بەرۋ، اۋىستىرىپ بەرۋ، قايتارىپ الۋ، اقشانى قايتارۋ، تولەم بەرۋ سياقتى جاقتاردا كەدەرگىلىك جاساسا، تۇتىنۋشىلار بازار باقىلاپ - باسقارۋ تاراۋلارىنىڭ كومەگىنە قالاي يە بولادى؟

　　مۇندا 12315 تور تەكشەسىنە شىعۋ، 12315 نومىرىنە تەلەفون سوعىپ ارىز - شاعىم ايتۋ، اشكەرەلەۋ ۇتىمدى ءادىس سانالادى. «قازىر بۇكىل ەل بويىنشا 12315 تور تەكشەسى ىسكە قوسىلدى، سونداي - اق تور بەتى، ۋيچات، اليپەي، بايدۋ سياقتى كوپ ءتۇرلى قولايلى شىعۋ تاسىلدەرىن قولدايدى، تۇتىنۋشىلاردىڭ كەز كەلگەن ۋاقىتتا، كەز كەلگەن جەردە ءارقانداي ءبىر كاسىپورىنعا توردا ارىز بەرىپ، اشكەرەلەۋىنە بولادى». بازار باقىلاۋ - باسقارۋ باس مەكەمەسى توراپ باقىلاۋ - باسقارۋ تارماق مەكەمەسىنىڭ قاتىستى جاۋاپتىسى بىلاي دەدى: 12315 نومىرىندە 5 لەنيانى بىرىكتىرۋ نەگىزىنەن ورىندالدى، باسىم كوپ ساندى رايونداردا 12315 سىندى ءبىر نومىرمەن عانا سىرتقا قىزمەت وتەۋ ىسكە اسىرىلدى.

　　ساندى مالىمەتتە كورسەتىلۋىنشە، 2019 - جىلدىڭ العاشقى جارتىسىندا جەر - جەردەگى بازار باقىلاۋ - باسقارۋ تاراۋلارى تۇتىنۋشىلاردىڭ ارىز - شاعىمىنان ءبىر ميلليون 85 مىڭ پارشاسىن ءبىر جاقتى ەتكەن. «كەلەسى قادامدا بازار باقىلاۋ - باسقارۋ باس مەكەمەسى جەر - جەردەگى 12315 ارناۋلى تەلەفون ساندى مالىمەتتەرىن بۇكىل ەلدەگى 12315 تور تەكشەسىنە جيناقتاپ، 12315 ءنومىرىنىڭ جەلىدەگى جانە جەلىدەن تىس ءبىر تۇلعالانعان قىزمەت وتەۋىن ىسكە اسىرادى» دەدى وسى جاۋاپتى.

　　ارىز - شاعىم بارىسىندا «ادىستەگى» بەلگىلەمەگە ساي، ارىزدانۋشى ءوزىنىڭ اتى - ءجونى، تەلەفون ءنومىرى، حابارلاسۋ مەكەن - جايى، ۇستىنەن ارىز بەرىلۋشىنىڭ اتى (اتى - ءجونى)، مەكەن - جايى، سونداي - اق ناقتى ارىز - شاعىم ءوتىنىشى، سونداي - اق تۇتىنۋشىلاردىڭ ۇقىق - مۇددەسى جونىندەگى تالاس - تارتىس فاكتىلەرى سياقتىلارمەن قامداۋى كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved