بايىنعولين موڭعۇل اۆتونوميالى وبلىستىق حالىق ۇكىمەتىنىڭ بۇرىنعى ورىنباسار شارلاۋشىسى جاڭ دۇڭبيڭ تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان جانە قىزمەتتەن ايدالدى
2020.01.20 15:49 كەلۋ قاينارى : حالىق تورابى
حالىق تورابى، 1 – ايدىڭ 20 – كۇنى، بەيجيڭ. تاياۋدا شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بايىنعولين موڭعۇل اۆتونوميالى وبلىستىق حالىق ۇكىمەتىنىڭ بۇرىنعى ورىنباسار شارلاۋشىسى جاڭ دۇڭبيڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋگە قاراعاندا، جاڭ دۇڭبيڭ مۇرات - سەنىمنەن ايرىلىپ، ساياسي تانىمنان جۇرداي بولىپ، توپتاسىپ، توپ قۇرعان، ۇيىمنىڭ تەكسەرۋىنە قارسى تۇرعان، دالەل - سىپاتتاردى جاسىرعان، سوقىر سەنىم قيمىلدارىنا قاتىناسقان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، تارتۋ - تارالعى، اقشا العان؛ اقىلداسۋ ەرەجەسىنە قايشىلىق جاساپ، ەلەۋلى ماسەلەلەرگە جەكە شەشىم جاساعان؛ قىزمەتتەگى ىقپالىنان پايدالانىپ، جەكە ءوزى تولەۋگە ءتيىستى اقىلاردى قاراستىلىعىنداعى ورىندارعا تولەتكەن، بەلگىلەمەگە قايشىلىق جاساپ، قوسىمشا مىندەت وتەپ، ەڭبەكاقى العان؛ تۇرمىستا ءىرىپ - ءشىرىپ، ءمورالدان ازعان؛ قىزمەتتەگى قولايلىلىعىنان پايدالانىپ، الەۋمەتتىك مال - مۇلىكتى زاڭسىز يەمدەنگەن، باسقالارعا پايدا جەتكىزگەن ءارى قوماقتى مال - مۇلىك العان، قىزمەت ۇقىعىن بەتالدى پايدالانىپ، مەملەكەتتىڭ مۇددەسىنە اۋىر زيان سالعان.
جاڭ دۇڭبيڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، تۇرمىس تارتىبىنە اۋىر قايشىلىق جاساپ، قىزمەت مىندەتى كولەمىندە زاڭعا قايشىلىق جاساۋدى قالىپتاستىرعان ءارى قيانات جاساۋ، پارا الۋ، قىزمەت ۇقىعىن بەتالدى پايدالانۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى ەرەكشە اۋىر، ىقپالى ايرىقشا ناشار، قاتاڭ ءبىر جايلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتى قاتىستى بەلگىلەمەلەر بويىنشا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەت ماجىلىسىندە اقىلداسىپ ءارى شينجياڭ ۇيعۇر اۆتونوميالى رايوندىق پارتكومعا جولداپ بەكىتتىرىپ، جاڭ دۇڭبيڭگە پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەرۋدى؛ تارتىپكە، زاڭعا قايشىلىق جاساپ تاپقان كىرىسىن ءمۇسادىرالاۋدى؛ ونىڭ قىلمىسقا سايعان ماسەلەلەرىن پروكۋراتۋرا ورگانىنىڭ زاڭ بويىنشا تەكسەرىپ، ايىپتاۋىنا تاپسىرۋدى، بۇعان ساياتىن مال - مۇلىكتى دەلومەن بىرگە وتكىزىپ بەرۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
