بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى

2020.02.26 14:44     كەلۋ قاينارى : حالىق تورابى

  جۇڭحۋا حالىق رەسپۋبليكاسى ءتوراعاسىنىڭ بۇيرىعى

  16№

  «مەملەكەتتىك حالىق قۇرىلتايى تۇراقتى كوميتەتىنىڭ ‹جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى› قاتارلى 15 زاڭعا وزگەرىس ەنگىزۋ تۋرالى قاۋلىسى» جۇڭحۋا حالىق رەسپۋبليكاسى 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 6-رەتكى ماجىلىسىندە 2018-جىلى 10-ايدىڭ 26-كۇنى قابىلداندى، ەندى جاريالانسىن، جاريالانعان كۇننەن باستاپ اتقارىلسىن.

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

  2018-جىلى 10-ايدىڭ 26-كۇنى

  جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى

  (7-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 4-ماجىلىسىندە 1988-جىلى 11-ايدىڭ 8-كۇنى قابىلداندى

  10-كەزەكتى مەملەكەتتىك حالىق قۇرىلتايى تۇراقتى كوميتەتى 11-ءماجىلىسىنىڭ 2004-جىلى 8-ايدىڭ 28-كۇنگى «‹جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىنا› وزگەرىس ەنگىزۋ تۋرالى قاۋلىسىنا» ساي، ءبىرىنشى رەت وزگەرىس ەنگىزىلدى

  11-كەزەكتى مەملەكەتتىك حالىق قۇرىلتايى تۇراقتى كوميتەتى 10-ءماجىلىسىنىڭ 2009-جىلى 8-ايدىڭ 27-كۇنگى «ءىشىنارا زاڭدارعا وزگەرىس ەنگىزۋ تۋرالى قاۋلىسىنا» ساي، ەكىنشى رەت وزگەرىس ەنگىزىلدى

  12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21-ماجىلىسىندە 2016-جىلى 7-ايدىڭ 2-كۇنى وزگەرتىلدى

  13-كەزەكتى مەملەكەتتىك حالىق قۇرىلتايى تۇراقتى كوميتەتى 6-ءماجىلىسىنىڭ 2018-جىلى 10-ايدىڭ 26- كۇنگى «‹جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى› قاتارلى 15 زاڭعا وزگەرىس ەنگىزۋ تۋرالى قاۋلىسىنا» ساي، ءۇشىنشى رەت وزگەرىس ەنگىزىلدى)

  مازمۇنى

  ءبىرىنشى تاراۋ جالپى ەرەجە

  ەكىنشى تاراۋ جابايى حايۋاناتتار مەن ولاردىڭ

  تىرشىلىك ەتەتىن مەكەنىن قورعاۋ

  ءۇشىنشى تاراۋ جابايى حايۋاناتتار جونىندەگى باسقارۋ

  ءتورتىنشى تاراۋ زاڭدىق جاۋاپكەرشىلىك

  بەسىنشى تاراۋ قوسىمشا ەرەجە

  ءبىرىنشى تاراۋ جالپى ەرەجە

  1-تارماق جابايى حايۋاناتتاردى قورعاۋ، باعالى، تۇقىمى قۇرىپ بارا جاتقان جابايى حايۋاناتتاردى قۇتقارۋ، ورگانيزمدەردىڭ الۋان تۇرلىلىگى مەن ەكولوگيالىق تەڭدىكتى ساقتاۋ، ەكولوگيالىق وركەنيەت قۇرىلىسىن ىلگەرىلەتۋ ءۇشىن، وسى زاڭ جاسالدى.

  2-تارماق جۇڭحۋا حالىق رەسپۋبليكاسىنىڭ تەرريتورياسىندا جانە قاراستىلىعىنداعى باسقا دا تەڭىز ايدىندارىندا جابايى حايۋاناتتاردى قورعاۋدا جانە وعان قاتىستى قيمىلدارمەن شۇعىلدانۋدا وسى زاڭ قولدانىلادى.

  بۇل زاڭدا قورعالادى دەپ بەلگىلەنگەن جابايى حايۋاناتتار ــــ قۇرلىقتا، سۋدا جاسايتىن باعالى، تۇقىمى قۇرىپ بارا جاتقان جابايى حايۋاناتتار جانە قۇرلىقتا جاسايتىن ماڭىزدى ەكولوگيالىق، عىلىمي، قوعامدىق قۇنى بار جابايى حايۋاناتتار.

  وسى زاڭنىڭ بەلگىلەمەلەرىندە ايتىلعان جابايى حايۋاناتتار جانە ولاردان جاسالعان بۇيىمدار ــــ جابايى حايۋاناتتاردىڭ جالپى تۇلعاسى (انالىق ۇرىعىن، جۇمىرتقاسىن قامتيدى)، ءىشىنارا بولەگى مەن ولاردىڭ تۋىندىسى.

  سۋدا جاسايتىن باعالى، تۇقىمى قۇرىپ بارا جاتقان جابايى حايۋاناتتاردان تىس، باسقا دا سۋدا جاسايتىن جابايى حايۋاناتتاردى قورعاۋدا «جۇڭحۋا حالىق رەسپۋبليكاسىنىڭ بالىق شارۋاشىلىعى زاڭى» قاتارلى قاتىستى زاڭدارداعى بەلگىلەمەلەر قولدانىلادى.

  3-تارماق جابايى حايۋاناتتار بايلىعى مەملەكەتتىڭ مەنشىگىندە بولادى.

  مەملەكەت جابايى حايۋاناتتاردى زاڭ بويىنشا عىلىمي زەرتتەۋ، جاساندى جولمەن باعىپ-ءوسىرۋ ارقىلى قورعايتىن جانە ونىمەن قاتىستى قيمىلدارمەن شۇعىلداناتىن ۇيىمدار مەن جەكەلەردىڭ زاڭدى ۇقىق-مۇددەسىن قامتاماسىزداندىرادى.

  4-تارماق مەملەكەت جابايى حايۋاناتتاردى الدىمەن قورعاۋ، نورما بويىنشا پايدالانۋ، قاتاڭ باقىلاۋ-باسقارۋ پرينسيبىن قولدانىپ، جابايى حايۋاناتتار جونىندەگى عىلىمي زەرتتەۋدى ورىستەتۋگە دەم بەرىپ، ازاماتتاردىڭ جابايى حايۋاناتتاردى قورعاۋ ساناسىن ءوسىرىپ، ادام مەن تابيعاتتىڭ جاراسىمدى دامۋىن جەبەيدى.

  5-تارماق مەملەكەت جابايى حايۋاناتتار مەن ولاردىڭ تىرشىلىك ەتەتىن مەكەنىن قورعايدى. اۋدان دارەجەلىدەن جوعارى حالىق ۇكىمەتتەرى جابايى حايۋاناتتار مەن ولاردىڭ تىرشىلىك ەتەتىن مەكەنىن قورعاۋعا قاتىستى پلان مەن شارالاردى بەلگىلەۋى، سونداي-اق جابايى حايۋاناتتاردى قورعاۋ قاراجاتىن مەجە ەسەپكە ەنگىزۋى كەرەك.

  مەملەكەت ازاماتتاردى، زاڭدىق تۇلعالاردى جانە باسقا ۇيىمداردى زاڭ بويىنشا جىلۋ-تارتۋ، قارجىلاي كومەك بەرۋ، ەرىكتى قىزمەت وتەۋ قاتارلى تاسىلدەرمەن جابايى حايۋاناتتاردى قورعاۋ قيمىلىنا اتسالىسىپ، جابايى حايۋاناتتاردى قورعاۋ سىندى الەۋمەتتىك يگىلىك ءىسىن قولداۋعا ىنتالاندىرادى.

  بۇل زاڭدا بەلگىلەنگەن جابايى حايۋاناتتاردىڭ تىرشىلىك ەتەتىن مەكەنى ــ جابايى حايۋاناتتاردىڭ دالالىق تۇرلەرى ءوسىپ-ءوربيتىن ماڭىزدى وڭىرلەر.

  6-تارماق ءار قانداي ۇيىم مەن جەكە حايۋاناتتار مەن ولاردىڭ تىرشىلىك ەتەتىن مەكەنىن قورعاۋعا بورىشتى. جابايى حايۋاناتتاردى زاڭعا قايشى اۋلاۋعا، ولاردىڭ تىرشىلىك ەتەتىن مەكەنىن بۇلدىرۋگە تيىم سالىنادى.

  ءارقانداي ۇيىم مەن جەكە قاتىستى تاراۋلار مەن ورگاندارعا وسى زاڭعا قايشى ارەكەتتەردى اشكەرەلەۋگە جانە ول جونىندە شاعىم ايتۋعا ۇقىقتى. جابايى حايۋاناتتاردى قورعاۋدى باسقارۋشى تاراۋلار مەن باسقا دا قاتىستى تاراۋلار، ورگاندار اشكەرەلەۋ مەن شاعىمداردى زاڭ بويىنشا دەركەزىندە ءبىرجاقتىلى ەتۋ كەرەك.

  7-تارماق مەملەكەتتىك كەڭەستىڭ ورمان شارۋاشىلىعىن، جايىلىم مەن بالىق شارۋاشىلىعىن باسقارۋشى تاراۋلارى جەكە-جەكە بۇكىل ەلدەگى قۇرلىقتا، سۋدا جاسايتىن جابايى حايۋاناتتاردى قورعاۋ قىزمەتىن باسقارادى.

  اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ ورمان، بالىق شارۋاشىلىعىن باسقارۋشى تاراۋلارى جەكە-جەكە ءوز اكىمشىلىك وڭىرىندەگى قۇرلىقتا، سۋدا جاسايتىن جابايى حايۋاناتتاردى قورعاۋ قىزمەتىن باسقارادى.

  8-تارماق ءار دارەجەلى ۇكىمەتتەر جابايى حايۋاناتتاردى قورعاۋ جونىندەگى ۇگىت-تاربيەنى جانە عىلىمي بىلىمدەردى جالپىلاستىرۋ قىزمەتىن كۇشەيتۋى، نەگىزگى ساتىداعى ءوزىن ءوزى باسقاراتىن بۇقارالىق ۇيىمداردى، قوعامدىق ۇيىمداردى، كاسىپورىن، ءىسورىنداردى، ەرىكتىلەردى جابايى حايۋاناتتاردى قورعاۋ جونىندەگى زاڭدار مەن زاڭدىق ەرەجەلەردى جانە بىلىمدەردى ۇگىتتەۋ قيمىلىن ورىستەتۋگە ىنتالاندىرۋى جانە وعان قولداۋ بەرۋى كەرەك.

  وقۋ-اعارتۋ اكىمشىلىك تاراۋلارى، مەكتەپتەر وقۋشىلارعا جابايى حايۋاناتتاردى قورعاۋ ءبىلىمى جونىندە تاربيە جۇرگىزۋلەرى كەرەك.

  اقپارات-مەديالار جابايى حايۋاناتتاردى قورعاۋ جونىندەگى زاڭدار مەن زاڭدىق ەرەجەلەردى جانە بىلىمدەردى ۇگىتتەۋدى ورىستەتىپ، زاڭعا قايشى ارەكەتتەرگە جۇرتشىلىق پىكىرى ارقىلى باقىلاۋ جۇرگىزۋى كەرەك.

  9-تارماق

  جابايى حايۋاناتتاردى قورعاۋدا جانە ولارعا عىلىمي زەرتتەۋ جۇرگىزۋ جاقتارىندا ناتيجەسى كورنەكتى بولعان ۇيىمدار مەن جەكەلەردى اۋدان دارەجەلىدەن جوعارى حالىق ۇكىمەتتەرى ماراپاتتايدى.

  ەكىنشى تاراۋ جابايى حايۋاناتتار مەن ولاردىڭ تىرشىلىك ەتەتىن مەكەنىن قورعاۋ

  10-تارماق مەملەكەت جابايى حايۋاناتتاردى تۇرگە جانە دارەجەگە ءبولىپ قورعايدى.

  مەملەكەت باعالى، تۇقىمى قۇرىپ بارا جاتقان جابايى حايۋاناتتاردى ءتۇيىندى تۇردە قورعايدى. مەملەكەت ءتۇيىندى تۇردە قورعايتىن جابايى حايۋاناتتار 1-دارەجەلى، 2-دارەجەلى قورعاۋعا الىناتىن جابايى حايۋاناتتار دەپ ەكىگە بولىنەدى. مەملەكەت ءتۇيىندى تۇردە قورعايتىن جابايى حايۋاناتتاردىڭ ءتىزىمىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋى عىلىمي باعالاۋ ۇيىمداستىرعاننان كەيىن بەلگىلەيدى، سونداي-اق ءار 5 جىلدا باعالاۋ جاعدايىنا قاراي وعان رەتتەۋ جۇرگىزىپ وتىرادى. مەملەكەت ءتۇيىندى تۇردە قورعايتىن جابايى حايۋاناتتاردىڭ ءتىزىمى مەملەكەتتىك كەڭەستىڭ بەكىتىپ جاريالاۋىنا جولدانادى.

  جەرگىلىكتى ورىندار ءتۇيىندى تۇردە قورعايتىن جابايى حايۋاناتتار دەپ مەملەكەت ءتۇيىندى تۇردە قورعايتىن جابايى حايۋاناتتاردان باسقا، ولكە، اۆتونوميالى رايون، توتە قاراستى قالالار ءتۇيىندى تۇردە قورعايتىن جابايى حايۋاناتتار ايتىلىپ وتىر. جەرگىلىكتى ورىندار ءتۇيىندى تۇردە قورعايتىن جابايى حايۋاناتتاردىڭ ءتىزىمىن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى عىلىمي باعالاۋ ۇيىمداستىرعاننان كەيىن بەلگىلەپ، رەتتەيدى جانە جاريالايدى.

  ماڭىزدى ەكولوگيالىق، عىلىمي، قوعامدىق قۇنى بار قۇرلىقتا جاسايتىن جابايى حايۋاناتتاردىڭ ءتىزىمىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋى عىلىمي باعالاۋ ۇيىمداستىرعاننان كەيىن بەلگىلەپ، رەتتەيدى جانە جاريالايدى.

  11-تارماق اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى قاتىستى عىلىمي زەرتتەۋ قۇرىلىمدارىن جابايى حايۋاناتتار مەن ولاردىڭ تىرشىلىك ەتەتىن مەكەنىنىڭ احۋالىن تەكسەرۋگە، باقىلاۋعا جانە باعالاۋعا مەرزىم بويىنشا ۇيىمداستىرىپ وتىرۋى نەمەسە مىندەتتەۋى، جابايى حايۋاناتتار مەن ولاردىڭ تىرشىلىك ەتەتىن مەكەنى جونىندە ارحيۆ تۇرعىزۋى جانە ونى كەمەلدەندىرۋى كەرەك.

  جابايى حايۋاناتتار مەن ولاردىڭ تىرشىلىك ەتەتىن مەكەنىنىڭ احۋالىن تەكسەرۋ، باقىلاۋ جانە باعالاۋ مىنا مازمۇنداردى قامتۋى كەرەك:

  1 ) جابايى حايۋاناتتاردىڭ دالادا تىرشىلىك ەتەتىن وڭىرلەرى، تۇقىم توبىنىڭ سانى جانە قۇرىلىمى؛

  2) جابايى حايۋاناتتاردىڭ تىرشىلىك ەتەتىن مەكەنىنىڭ اۋدانى، ەكولوگيالىق جاعدايى؛

  3) جابايى حايۋاناتتار مەن ولاردىڭ تىرشىلىك ەتەتىن مەكەنىنە تونەتىن باستى حاۋىپ فاكتورلارى؛

  4) جابايى حايۋاناتتاردى جاساندى جولمەن باعىپ-ءوسىرۋ احۋالى سىندى تەكسەرۋ، باقىلاۋ جانە باعالاۋ قاجەت بولعان باسقا دا مازمۇندار.

  12-تارماق مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋى مەملەكەتتىك كەڭەستىڭ قاتىستى تاراۋلارىمەن بىرگە، جابايى حايۋاناتتار مەن ولاردىڭ تىرشىلىك ەتەتىن مەكەنىنىڭ احۋالىنا تەكسەرۋ، باقىلاۋ جانە باعالاۋ جۇرگىزۋ ناتيجەسىنە نەگىزدەلىپ، جابايى حايۋاناتتار تىرشىلىك ەتەتىن باستى مەكەندەر ءتىزىمىن جاساپ جاريالايدى.

  ولكە دارەجەلىدەن جوعارى حالىق ۇكىمەتتەرى زاڭ بويىنشا قاتىستى جاراتىلىستىق قورىق بەلگىلەپ، جابايى حايۋاناتتار مەن ولاردىڭ باستى تىرشىلىك ەتەتىن مەكەنىن قورعاپ، جابايى حايۋاناتتار جاسايتىن ورتانى قورعايدى، قالپىنا كەلتىرەدى جانە جاقسارتادى. قاتىستى جاراتىلىستىق قورىق بەلگىلەۋ شارتى ازىرلەنبەگەندەر جونىنەن اۋدان دارەجەلىدەن جوعارى حالىق ۇكىمەتتەرىنىڭ اڭ (بالىق) اۋلاۋعا تيىم سالىناتىن وڭىرلەردى بەلگىلەۋ، اڭ (بالىق) اۋلاۋعا تيىم سالۋ مەرزىمىن بەلگىلەۋ سىندى باسقا دا فورمالارمەن قورعاۋىنا بولادى.

  قاتىستى جاراتىلىستىق قورىقتارعا سىرتتان ورگانيزم ءتۇرىن ەنگىزۋ، جالاڭ تۇردەگى ورمان جەتىلدىرۋ، اۋىل شارۋاشىلىق دارىلەرىن شامادان تىس ىستەتۋ سىندى جابايى حايۋاناتتاردىڭ ءوسىپ-وربۋىنە كەدەرگى بولاتىن، حاۋىپ توندىرەتىن ارەكەتتەرگە تيىم سالىنادى نەمەسە شەك قويىلادى.

  قاتىستى جاراتىلىستىق قورىق قاتىستى زاڭدار مەن زاڭدىق ەرەجەلەردەگى بەلگىلەمەلەر بويىنشا بەلگىلەنەدى جانە باسقارىلادى.

  13-تارماق اۋدان دارەجەلىدەن جوعارى حالىق ۇكىمەتتەرى مەن ولاردىڭ قاتىستى تاراۋلارى اشۋ، پايدالانۋعا قاتىستى پلاندار جاساعان كەزدە، جابايى حايۋاناتتار مەن ولاردىڭ تىرشىلىك ەتەتىن مەكەنىن قورعاۋ قاجەتتىلىگىن تولىق ەسكەرۋ، پلاننىڭ اتقارىلۋىنىڭ جابايى حايۋاناتتار مەن ولاردىڭ تىرشىلىك ەتەتىن مەكەنىن قورعاۋعا جاسايتىن جالپى تۇلعالىق ىقپالىنا تالداۋ جاساپ، ونى مەجەلەپ جانە باعالاپ، پلاننىڭ اتقارىلۋىنان تۋاتىن ءتيىمسىز سالداردىڭ الدىن الۋ نەمەسە ونى ازايتۋ ءتيىس.

  قاتىستى جاراتىلىستىق قورىقتاردىڭ ىشىنەن زاڭدار مەن زاڭدىق ەرەجەلەردە سالۋعا بولمايدى دەپ بەلگىلەنگەن نىسانداردى سالۋعا تيىم سالىنادى. اۋەجاي، تەمىر جول، تاس جول، سۋ يگىلىگى، سۋ ەلەكتر، توسپا جاساۋ، تەڭىزدى قورشاپ تىندىرۋ قاتارلى قۇرىلىس نىساندارىنا ورىن مەن جولدى تاڭداعان كەزدە، قاتىستى جاراتىلىستىق قورىقتاردان، جابايى حايۋاناتتار قونىس اۋدارعاندا وتەتىن وتكەلدەردەن شەتتەۋ ءتيىس؛ شەتتەۋ مۇمكىن بولماسا، جابايى حايۋاناتتار، بالىق وتەتىن وتكەل سىندى قۇرىلعىلار جاساۋ شارالارىن قولدانىپ، جابايى حايۋاناتتارعا جەتكىزۋى مۇمكىن بولعان ءتيىمسىز ىقپالداردى الاستاۋ نەمەسە ازايتۋ كەرەك.

  قۇرىلىس نىساندارى قاتىستى جاراتىلىستىق قورىققا، جابايى حايۋاناتتاردىڭ قونىس اۋدارۋ وتكەلدەرىنە ىقپال جاساۋى مۇمكىن بولىپ، ورتاعا جاسايتىن ىقپالىن باعالاۋ قۇجاتىن تەكسەرىپ بەكىتۋشى تاراۋ قۇجاتتى تەكسەرىپ بەكىتكەندە، مەملەكەت ءتۇيىندى تۇردە قورعايتىن جابايى حايۋاناتتارعا ساياتىن بولسا، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋىنان پىكىر الۋ كەرەك؛ جەرگىلىكتى ورىندار ءتۇيىندى تۇردە قورعايتىن جابايى حايۋاناتتارعا ساياتىن بولسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋىنان پىكىر الۋ كەرەك.

  14-تارماق جابايى حايۋاناتتاردى قورعاۋدى باسقارۋشى ءار دارەجەلى تاراۋلار ورتانىڭ جابايى حايۋاناتتارعا بولعان ىقپالىن باقىلاپ، تەكسەرىپ وتىرۋلارى كەرەك. ورتانىڭ ىقپالىنان جابايى حايۋاناتتارعا قاتەر تونسە، جابايى حايۋاناتتاردى قورعاۋدى باسقارۋشى تاراۋلار قاتىستى تاراۋلارمەن بىرگە ونى تەكسەرىپ ءبىرجاقتىلى ەتۋى كەرەك.

  15-تارماق مەملەكەت نەمەسە جەرگىلىكتى ورىندار ءتۇيىندى تۇردە قورعايتىن جابايى حايۋاناتتارعا تابيعي اپات، ورتا اۋىر دارەجەدە لاستانۋ سىندى توسىن وقيعالار سەبەبىنەن حاۋىپ تونسە، جەرگىلىكتى حالىق ۇكىمەتتەرى دەركەزىندە شۇعىل قۇتقارۋ شارالارىن قولدانۋى كەرەك.

  اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋلارى مەملەكەتتىڭ قاتىستى بەلگىلەمەلەرى بويىنشا جابايى حايۋاناتتاردى جيىپ الىپ قۇتقارۋ جۇمىسىن ورىستەتۋگە ۇيىمداستىرۋ كەرەك.

  جابايى حايۋاناتتاردى جيىپ الىپ قۇتقارۋدى جەلەۋ ەتىپ، جابايى حايۋاناتتاردى جانە ولاردان جاسالعان بۇيىمداردى ساۋدالاۋعا تيىم سالىنادى.

  16-تارماق اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى، مال شيپاگەرلىگىن باسقارۋشى تاراۋى وزدەرىنىڭ جۇمىس مىندەتى مەن جۇمىس ءبولىسى بويىنشا جابايى حايۋاناتتاردىڭ اۋرۋ قوزدىرعىشتارى مەن ىندەتتەرىن قاداعالاپ، مەجەلەۋ، الدىن الا حابارلاۋ ت. ب. قىزمەتتەردى ورىستەتۋگە ۇيىمداستىرۋ، سونداي-اق بەلگىلەمە بويىنشا جابايى حايۋاناتتاردىڭ ىندەت جاعدايىنا شۇعىل توتەپ بەرۋ جوباسىن بەلگىلەپ، وزىمەن دارەجەلەس حالىق ۇكىمەتىنە جولداپ بەكىتتىرۋ نەمەسە ەستەلىككە الدىرۋ كەرەك.

  اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى، مال شيپاگەرلىگىن باسقارۋشى تاراۋى، دەنساۋلىق ساقتاۋدى باسقارۋشى تاراۋى وزدەرىنىڭ جۇمىس مىندەتى مەن جۇمىس ءبولىسى بويىنشا ادامعا دا، مالعا دا جۇعاتىن قاتىستى حايۋاناتتار جۇقپالى اۋرۋىنىڭ الدىن الۋ جانە ونى جونگە سالۋدى باسقارۋ قىزمەتىنە جاۋاپتى بولۋ كەرەك.

  17-تارماق مەملەكەت جابايى حايۋاناتتاردىڭ گەنەتيكالىق بايلىعىن قورعاۋدى كۇشەيتەدى، تۇقىمى قۇرىپ بارا جاتقان جابايى حايۋاناتتاردى قۇتقارۋ سيپاتىندىق قورعاۋعا الادى.

  مەملەكەتتىڭ كەڭەستىڭ جابايى حايۋاناتتاردى قورعاۋدى باسقارۋشى تاراۋى مەملەكەتتىك كەڭەستىڭ قاتىستى تاراۋلارىمەن بىرگە قاتىستى جابايى حايۋاناتتاردىڭ گەنەتيكالىق بايلىعىن قورعاۋ جانە ودان پايدالانۋ پلانىن جاساپ، مەملەكەتتىڭ جابايى حايۋاناتتاردىڭ گەنەتيكالىق بايلىعى گەنى قويماسىن قۇرىپ، ەلىمىزدەگى باعالى، تۇقىمى قۇرىپ بارا جاتقان جابايى حايۋاناتتاردىڭ گەنەتيكالىق بايلىعىنءتۇيىندى تۇردە قورعاۋى كەرەك.

  18-تارماق قاتىستى جەرگىلىكتى حالىق ۇكىمەتتەرى شارالار قولدانىپ، جابايى حايۋاناتتار تۋدىرۋى مۇمكىن بولعان زالالدىڭ الدىن الىپ، ونى تىزگىندەپ، ادام مەن مالدىڭ اماندىعىن جانە اۋىل شارۋاشىلىعى، ورمان شارۋاشىلىعى ءوندىرىسىن قامتاماسىزداندىرۋ كەرەك.

  19-تارماق

  وسى زاڭدا قورعالادى دەپ بەلگىلەنگەن جابايى حايۋاناتتاردى قورعاۋ سەبەبىنەن ادام جارالانسا، ولسە، ەگىس داقىلدارى نەمەسە باسقا دا مال-مۇلىك زياندالسا، جەرگىلىكتى حالىق ۇكىمەتى تولەم بەرەدى. ونىڭ ناقتى ءادىسىن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى بەلگىلەيدى. قاتىستى جەرگىلىكتى حالىق ۇكىمەتتەرىنىڭ قامسىزداندىرۋ قۇرىلىمدارىن جابايى حايۋاناتتار تۋدىرعان زيان تولەمىن قامسىزداندىرۋ كاسىبىن جۇرگىزۋگە جەبەۋىنە بولادى.

  قاتىستى جەرگىلىكتى حالىق ۇكىمەتتەرىنىڭ مەملەكەت ءتۇيىندى تۇردە قورعايتىن جابايى حايۋاناتتاردىڭ زالال تۋدىرۋىنىڭ الدىن الۋ، ونى تىزگىندەۋ شارالارىن قولدانۋىنا جانە تولەم بەرۋگە قاجەتتى قارجىسىن ورتالىق قازىنا مەملەكەتتىڭ قاتىستى بەلگىلەمەلەرى بويىنشا تولىقتاپ بەرەدى.

   ءۇشىنشى تاراۋ جابايى حايۋاناتتار جونىندەگى باسقارۋ

  20-تارماق قاتىستى جاراتىلىستىق قورىقتار مەن اڭ (بالىق) اۋلاۋعا تيىم سالىنعان وڭىرلەردە، اڭ (بالىق) اۋلاۋعا تيىم سالىنعان مەزگىلدە اڭ اۋلاۋعا جانە جابايى حايۋاناتتاردىڭ ءوسىپ-وربۋىنە كەدەرگى بولاتىن باسقا دا قيمىلدار جۇرگىزۋگە تيىم سالىنادى، الايدا، زاڭدار مەن زاڭدىق ەرەجەلەردە ايىرىم بەلگىلەمە بارلارى بۇعان كىرمەيدى.

  جابايى حايۋاناتتار قونىس اۋدارعان مەزگىلدە الدىڭعى تارماقشادا بەلگىلەنگەن وڭىردەن سىرتقى جەردەگى قونىس اۋدارۋ وتكەلدەرىندە اڭ اۋلاۋعا تيىم سالىنادى جانە جابايى حايۋاناتتاردىڭ ءوسىپ-وربۋىنە كەدەرگى بولاتىن قيمىلدار جۇرگىزۋگە قاتاڭ شەك قويىلادى. قونىس اۋدارۋ وتكەلدەرىنىڭ كولەمى مەن جابايى حايۋاناتتاردىڭ ءوسىپ-وربۋىنە كەدەرگى بولاتىن قيمىلداردىڭ مازمۇنىن اۋدان دارەجەلىدەن جوعارى حالىق ۇكىمەتتەرى نەمەسە ولاردىڭ جابايى حايۋاناتتاردى قورعاۋدى باسقارۋشى تاراۋى بەلگىلەيدى جانە جاريالايدى.

  21-تارماق مەملەكەت ءتۇيىندى تۇردە قورعايتىن جابايى حايۋاناتتاردى اۋلاۋعا، ولتىرۋگە تيىم سالىنادى.

  عىلىمي زەرتتەۋ، تۇقىم توبىن تىزگىندەۋ، اۋرۋ قوزدىرعىشتار مەن ىندەتتەردى قاداعالاۋ نەمەسە باسقا دا ەرەكشە جاعدايلار سەبەبىمەن مەملەكەتتىك 1-دارەجەلى قورعالاتىن جابايى حايۋاناتتاردى اۋلاۋ قاجەت بولسا، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋىنان اڭ اۋلاۋ ەرەكشە رۇقسات كۋالىگىن بەرۋدى ءوتىنىش ەتۋ كەرەك؛ مەملەكەتتىك 2-دارەجەلى قورعالاتىن جابايى حايۋاناتتاردى اۋلاۋ قاجەت بولسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋىنان اڭ اۋلاۋ ەرەكشە رۇقسات كۋالىگىن بەرۋدى ءوتىنىش ەتۋ كەرەك.

  22-تارماق مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى اۋلاۋدا، زاڭ بويىنشا اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى بەكىتىپ تاراتقان اڭ اۋلاۋ كۋالىگىن الۋ، سونداي-اق اۋلاناتىن سان شەكتەمەسىمەن باسقارۋعا بويسۇنۋ شارت.

  23-تارماق اڭ اۋلاۋشى اڭ اۋلاۋ ەرەكشە رۇقسات كۋالىگىندە، اڭ اۋلاۋ كۋالىگىندە بەلگىلەنگەن تۇقىم ءتۇرى، سانى، ورىنى، قۇرالى، ءادىسى جانە شەكتى مەرزىمى بويىنشا اڭ اۋلاۋ كەرەك.

  مىلتىقپەن اڭ اۋلايتىندار زاڭ بويىنشا قوعام حاۋىپسىزدىك ورگانى تەكسەرىپ تاراتقان مىلتىق الىپ ءجۇرۋ كۋالىگىن الۋى كەرەك.

  24-تارماق ۋلى ءدارى، پارتىلاتقىش، ەلەكترمەن سوعۋ نەمەسە ەلەكتروندىق شىرعالاپ ۇستاۋ جابدىعى، سونداي-اق تۇزاق، قاقپان، قولدان جاسالعان مىلتىق، بىتىرا مىلتىق قاتارلى قۇرالدارمەن، تۇندە كوزىنە قاراتىپ شام جاعۋ، ءۇيىرىمەن قورشاپ ۇستاۋ، اپانىن بۇزۋ، ورتەۋ، ءتۇتىن سالۋ، تور جايۋ سياقتى ادىستەرمەن اڭ اۋلاۋعا تيىم سالىنادى، الايدا عىلىمي زەرتتەۋدىڭ قاجەتىنە بولا تورمەن، ەلەكتروندىق شىرعالاۋمەن اڭ اۋلاۋ بۇعان كىرمەيدى.

  الدىڭعى تارماقشادا بەلگىلەنگەننەن باسقا ىستەتۋگە تيىم سالىنعان اڭ اۋلاۋ قۇرالدارى مەن ادىستەرىن اۋدان دارەجەلىدەن جوعارى حالىق ۇكىمەتتەرى بەلگىلەيدى جانە جاريالايدى.

  25-تارماق مەملەكەت قاتىستى عىلىمي زەرتتەۋ قۇرىلىمدارىنىڭ ورگانيزمدەر ءتۇرىن قورعاۋ ماقساتىندا، مەملەكەت ءتۇيىندى تۇردە قورعايتىن جابايى حايۋاناتتاردى جاساندى جولمەن باعىپ-ءوسىرۋىن قولدايدى.

  مەملەكەت ءتۇيىندى تۇردە قورعايتىن جابايى حايۋاناتتاردى الدىڭعى تارماقشادا بەلگىلەنگەننەن باسقا جاساندى جولمەن باعىپ-وسىرۋدە، رۇقسات الۋ ءتۇزىمى اتقارىلادى. مەملەكەت ءتۇيىندى تۇردە قورعايتىن جابايى حايۋاناتتاردى جاساندى جولمەن باعىپ-ءوسىرۋدى ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋىنىڭ بەكىتۋىنەن وتكىزىپ، جاساندى جولمەن باعىپ-ءوسىرۋ رۇقسات كۋالىگىن الۋ كەرەك، الايدا، مەملەكەتتىك كەڭەستىڭ بەكىتۋ ورگانى جونىندە ايىرىم بەلگىلەمە بارلارى بۇعان كىرمەيدى.

  مەملەكەت ءتۇيىندى تۇردە قورعايتىن جابايى حايۋاناتتاردى جاساندى جولمەن باعىپ-وسىرگەندە، جاساندى جولمەن باعىپ-وسىرۋدەگى ۇرپاق تۇقىمنان پايدالانۋ، ورگانيزمدەر تەگىن، باعىپ-ءوسىرۋ ارحيۆى مەن جەكەلەي ساندىق مالىمەتتەرىن ورناتۋ كەرەك. ورگانيزمدەر ءتۇرىن قورعاۋ ماقساتىندا دالالىق تۇقىمدى الۋعا تۋرا كەلسە، وسى زاڭنىڭ 21-، 23-تارماقتارىنداعى بەلگىلەمەلەر قولدانىلادى.

  بۇل زاڭدا ۇرپاقتى جاساندى جولمەن باعىپ-ءوسىرۋ دەپ جاساندى جولمەن تىزگىندەگەن جاعدايدا جاساندى جولمەن ءوسىپ-وربىگەن جەكە ۇرپاق پەن ونىڭ اتالىق-انالىقتارىنىڭ دا جاساندى جولمەن تىزگىندەگەن جاعدايدا تۋىلۋى ايتىلىپ وتىر.

  26-تارماق مەملەكەت ءتۇيىندى تۇردە قورعايتىن جابايى حايۋاناتتاردى جاساندى جولمەن باعىپ-ءوسىرۋ ورگانيزمدەر ءتۇرىن قورعاۋعا جانە ونى عىلىمي زەرتتەۋگە ءتيىمدى بولۋى ءتيىس، دالا تۇقىمدار توبى بايلىعىن بۇلدىرۋگە بولمايدى، ءارى جابايى حايۋاناتتاردىڭ تىرشىلىك ادەتىنە نەگىزدەلىپ ولاردى قاجەتتى قيمىل ورىسىمەن جانە ءوسىپ-ءوربۋ، تازالىق، دەنساۋلىق شارت-جاعدايلارىمەن قامتاماسىزداندىرۋ، ءوسىپ-ءوربۋ ماقساتىنا، تۇرلەرىنە، ءوسىپ-ءوربۋ كولەمىنە سايكەسەتىن ورىن، قۇرىلعى، تەحنيكا ازىرلەۋ ءتيىس، ولار قاتىستى تەحنيكالىق ولشەمدەر مەن ىندەتتىڭ الدىن الۋ تالابىنا ۇيلەسۋ كەرەك، جابايى حايۋاناتتاردى جابىرلەۋگە بولمايدى.

  ولكە دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋىنىڭ مەملەكەت ءتۇيىندى تۇردە قورعايتىن جابايى حايۋاناتتاردى قورعاۋ قاجەتىنە نەگىزدەلىپ، مەملەكەت ءتۇيىندى تۇردە قورعايتىن جابايى حايۋاناتتاردى دالاعا قويا بەرۋ ورتاسى قىزمەتىن ورىستەتۋدى ۇيىمداستىرۋىنا بولادى.

  27-تارماق

  مەملەكەت ءتۇيىندى تۇردە قورعايتىن جابايى حايۋاناتتاردى جانە ولاردان جاسالعان بۇيىمداردى ساتۋعا، ساتىپ الۋعا، پايدالانۋعا تيىم سالىنادى.

  عىلىمي زەرتتەۋ، جاساندى جولمەن باعۋ-ءوسىرۋ، كورمەگە قويۋ، مادەني مۇرالاردى قورعاۋ نەمەسە باسقا دا ەرەكشە جاعدايلارعا بايلانىستى مەملەكەت ءتۇيىندى تۇردە قورعايتىن جابايى حايۋاناتتاردى جانە ولاردان جاسالعان بۇيىمداردى ساتۋعا، ساتىپ الۋعا، پايدالانۋعا تۋرا كەلسە، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋلارىنىڭ بەكىتۋىنەن وتكىزۋ، ءارى بەلگىلەمە بويىنشا ارناۋلى بەلگى الىپ جانە ىستەتىپ، ونى تەكتەۋگە كەپىلدىك ەتۋ كەرەك، الايدا، مەملەكەتتىك كەڭەستىڭ بەكىتۋ ورگانى جونىندە ايىرىم بەلگىلەمە بارلارى بۇعان كىرمەيدى.

  مەملەكەت ءتۇيىندى تۇردە قورعايتىن جابايى حايۋاناتتاردىڭ جانە ولاردان جاسالعان بۇيىمداردىڭ ارناۋلى بەلگىسىن قولدانۋ كولەمى مەن باسقارۋ ءادىسىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋى بەلگىلەيدى.

  مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى ساتۋدا، پايدالانۋدا، اڭ اۋلاۋ، ەكسپورت-يمپورت ەتۋ جاقتارىنداعى كەلۋ قاينارى زاڭدى ەكەنىن دالەلدەيتىن كۋالىكتەر كورسەتۋ كەرەك.

  وسى تارماقتىڭ 2-، 4-تارماقشالارىندا بەلگىلەنگەن جابايى حايۋاناتتاردى ساتۋدا، زاڭ بويىنشا كارانتين كۋالىگىن قوسارلاۋ كەرەك.

  28-تارماق جاساندى جولمەن باعىپ-ءوسىرۋ تەحنيكاسى پىسىپ جەتىلىپ ورنىقتى بولعان مەملەكەت ءتۇيىندى قورعايتىن جابايى حايۋاناتتار عىلىمي دالەلدەۋدەن وتكىزۋ ارقىلى مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋى جاساعان جاساندى جولمەن باعىپ-ءوسىرىپ مەملەكەت ءتۇيىندى تۇردە قورعايتىن جابايى حايۋاناتتار تىزىمىنە ەنگىزىلەدى. تىزىمگە ەنگىزىلگەن جابايى حايۋاناتتار مەن ولاردان جاسالعان بۇيىمداردى جاساندى جولمەن باعىپ-ءوسىرۋ رۇقسات كۋالىگى ارقىلى ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋلارىنىڭ تەكسەرۋىنەن وتكەن جىلدىق ءوندىرۋ سانىنا قاراي ارناۋلى بەلگى الىپ، وسى ارناۋلى بەلگى ارقىلى ساتىپ جانە پايدالانىپ، ونى تەكتەۋگە كەپىلدىك ەتۋگە بولادى.

  وسى زاڭنىڭ 10-تارماعىندا بەلگىلەنگەن مەملەكەت ءتۇيىندى تۇردە قورعايتىن جابايى حايۋاناتتار ءتىزىمىن رەتتەگەندە، قاتىستى دالالىق تۇقىم توبىن قورعاۋ احۋالىنا نەگىزدەلىپ، الدىڭعى تارماقشادا بەلگىلەنگەن جاساندى جولمەن باعىپ-ءوسىرۋ تەحنيكاسى پىسىپ جەتىلىپ ورنىقتى بولعان جابايى حايۋاناتتارعا قاتىستى جاساندى تۇقىم توبىن مەملەكەت ءتۇيىندى تۇردە قورعايتىن جابايى حايۋاناتتار تىزىمىنە ەندىگارى ەنگىزبەۋگە بولادى، ولار جونىنەن دالالىق تۇقىم توبىنان باسقاشا باسقارۋ ءادىسى قولدانىلادى، الايدا، وسى زاڭنىڭ 25-تارماعىنىڭ 2-تارماقشاسى مەن وسى تارماقتىڭ 1-تارماقشاسىنداعى بەلگىلەمەلەر بويىنشا جاساندى جولمەن باعىپ-ءوسىرۋ رۇقسات كۋالىگىن جانە ارناۋلى بەلگىسىن الۋ كەرەك.

  29-تارماق

  جابايى حايۋاناتتاردى جانە ولاردان جاسالعان بۇيىمداردى پايدالانۋدا، جاساندى جولمەن باعىپ-وسىرىلگەن تۇقىم توبىن نەگىز ەتۋ، دالالىق تۇقىم توبىن قورعاۋعا تيىمدىلىك جاساۋ، ەكولوگيالىق وركەنيەت قۇرىلىسىنىڭ تالابىنا ۇيلەسۋ، قوعامدىق الەۋمەتتىك ءمورالعا قۇرمەت ەتۋ، زاڭدار مەن زاڭدىق ەرەجەلەرگە جانە مەملەكەتتىڭ قاتىستى بەلگىلەمەلەرىنە بويسۇنۋ كەرەك.

  جابايى حايۋاناتتاردى جانە ولاردان جاسالعان بۇيىمداردى ءدارى-دارمەك رەتىندە تيجارات ەتكەندە جانە پايدالانعاندا، ءدارى-دارمەك باسقارۋعا قاتىستى زاڭدار مەن زاڭدىق ەرەجەلەرگە بويسۇنۋ كەرەك.

  30-تارماق مەملەكەت ءتۇيىندى تۇردە قورعايتىن جابايى حايۋاناتتاردان جانە ولاردان جاسالعان بۇيىمداردان پايدالانىپ ازىق-تۇلىك وندىرۋگە، تيجارات ەتۋگە،، نەمەسە مەملەكەت ءتۇيىندى تۇردە قورعايتىن جابايى حايۋاناتتاردان باسقا كەلۋ قاينارى زاڭدى ەكەنىن دالەلدەيتىنكۋالىگى جوق جابايى حايۋاناتتاردان جانە ولاردان جاسالعان بۇيىمداردان پايدالانىپ ازىق-تۇلىك وندىرۋگە، تيجارات ەتۋگە تيىم سالىنادى.

  مەملەكەت ءتۇيىندى تۇردە قورعايتىن جابايى حايۋاناتتاردى جانە ولاردان جاسالعان بۇيىمداردى ازىق ەتۋ ءۇشىن زاڭسىز ساتىپ الۋعا تيىم سالىنادى.

  31-تارماق جابايى حايۋاناتتاردى نەمەسە ىستەتۋگە تيىم سالىنعان اڭ اۋلاۋ قۇرالدارىن ساتۋ، ساتىپ الۋ، پايدالانۋ ءۇشىن جارناما شىعارۋعا تيىم سالىنادى. جابايى حايۋاناتتاردان جاسالعان بۇيىمداردى زاڭسىز ساتۋ، ساتىپ الۋ، پايدالانۋ ءۇشىن جارناما شىعارۋعا تيىم سالىنادى.

  32-تارماق توراپ ساۋدا تەكشەسى، تاۋار ساۋدا بازارى قاتارلى ساۋدا ورىندارىندا جابايى حايۋاناتتاردى جانە ولاردان جاسالعان بۇيىمداردى نەمەسە ىستەتۋگە تيىم سالىنعان اڭ اۋلاۋ قۇرالدارىن زاڭسىز ساتۋ، ساتىپ الۋ، پايدالانۋ ءۇشىن ساۋدالىق قىزمەت وتەۋگە تيىم سالىنادى.

  33-تارماق مەملەكەت ءتۇيىندى تۇردە قورعايتىن جابايى حايۋاناتتاردى جانە ولاردان جاسالعان بۇيىمداردى، وسى زاڭنىڭ 28-تارماعىنىڭ 2-تارماقشاسىندا بەلگىلەنگەن جابايى حايۋاناتتاردى جانە ولاردان جاسالعان بۇيىمداردى تاسۋ، الىپ ءجۇرۋ، جىبەرۋ ارقىلى اۋدان شەكاراسىنان شىعارۋدا، وسى زاڭنىڭ 21-، 25-، 27- نەمەسە 28-تارماقتارىندا بەلگىلەنگەن رۇقسات كۋالىگىنىڭ، بەكىتۋ قۇجاتىنىڭ كوشىرمەسى نەمەسە ارناۋلى بەلگىسى، سونداي-اق كارانتين كۋالىگى بولۋ نەمەسە قوسارلانۋ كەرەك.

  مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى تاسۋ ارقىلى اۋدان شەكاراسىنان شىعارۋدا، اڭ اۋلاۋ، الىپ كىرۋ-شىعۋ قاتارلى كەلۋ قاينارىنىڭ زاڭدى ەكەنىن دالەلدەيتىن كۋالىگى جانە كارانتين كۋالىگى بولۋ كەرەك.

  34-تارماق اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى جابايى حايۋاناتتار جانە ولاردان جاسالعان بۇيىمدار جونىندەگى عىلىمي زەرتتەۋ، جاساندى جولمەن باعۋ-ءوسىرۋ، كورمەگە قويۋ سىندى پايدالانۋ قيمىلدارىنا باقىلاۋ-باسقارۋ جۇرگىزۋى كەرەك.

  اۋدان دارەجەلىدەن جوعارى حالىق ۇكىمەتتەرىنىڭ باسقا دا قاتىستى تاراۋلارى وزدەرىنىڭ جۇمىس مىندەتى مەن جۇمىس ءبولىسى بويىنشا جابايى حايۋاناتتاردى جانە ولاردان جاسالعان بۇيىمداردى ساتۋ، ساتىپ الۋ، پايدالانۋ، تاسۋ، جىبەرۋ قيمىلدارىنا باقىلاۋ-تەكسەرۋ جۇرگىزۋى كەرەك.

  35-تارماق جۇڭحۋا حالىق رەسپۋبليكاسى جاساسقان نەمەسە قاتىناسقان حالىقارالىق بىتىمدەردە ساۋدالاۋعا تيىم سالىنعان نەمەسە شەك قويىلعان جابايى حايۋاناتتاردىڭ نەمەسە ولاردان جاسالعان بۇيىمداردىڭ ءتىزىمىن مەملەكەتتىڭ تۇقىمى قۇرىپ بارا جاتقان ورگانيزم تۇرلەرىن يمپورت-ەكسپورت ەتۋدى باسقارۋ قۇرىلىمى بەلگىلەيدى، رەتكە سالادى جانە جاريالايدى.

  الدىڭعى تارماقشاداعى تىزىمگە ەنگىزىلگەن جابايى حايۋاناتتاردى نەمەسە ولاردان جاسالعان بۇيىمداردى يپمورت-ەكسپورت ەتكەندە، مەملەكەت ءتۇيىندى تۇردە قورعايتىن جابايى حايۋاناتتاردى نەمەسە ولاردان جاسالعان بۇيىمداردى ەكسپورت ەتسە، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋىنىڭ نەمەسە مەملەكەتتىك كەڭەستىڭ بەكىتۋىنەن وتكىزۋ، ءارى مەملەكەتتىڭ تۇقىمى قۇرىپ بارا جاتقان ورگانيزم تۇرلەرىن يمپورت-ەكسپورت ەتۋدى باسقارۋ قۇرىلىمى بەكىتىپ تاراتقان يمپورت-ەكسپورت رۇقسات كۋالىگىن الۋ كەرەك. كەدەن زاڭ بويىنشا يمپورت-ەكسپورت كارانتينىن جاساعاندا، يمپورت-ەكسپورت رۇقسات كۋالىگى، كارانتين كۋالىگى ارقىلى بەلگىلەمە بويىنشا كەدەننەن وتكىزۋ رەسميەتىن وتەيدى.

  عىلىم-تەحنيكا قۇپيالىعىنا ساياتىن جابايى حايۋاناتتار تۇقىمىن ەكسپورت ەتۋ مەملەكەتتىك كەڭەستىڭ قاتىستى بەلگىلەمەلەرى بويىنشا باسقارىلادى.

  وسى تارماقتىڭ 1-تارماقشاسىنداعى تىزىمگە ەنگىزىلگەن جابايى حايۋاناتتاردى مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋىنىڭ بەكىتۋىمەن، وسى زاڭ قولدانىلاتىن كولەمدە مەملەكەت ءتۇيىندى تۇردە قورعايتىن جابايى حايۋاناتتار رەتىندە باسقارۋعا بولادى.

  36-تارماق مەملەكەت جابايى حايۋاناتتاردى قورعاۋ جانە وعان قاتىستى زاڭ اتقارۋ قيمىلدارى جونىندەگى حالىقارالىق سەلبەستىك پەن اۋىس-ءتۇيىستى ورىستەتۋگە ۇيىمداستىرادى؛ جابايى حايۋاناتتار جانە ولاردان جاسالعان بۇيىمدار اتكەزشىلىگىنەن جانە زاڭسىز ساۋداسىنان ساقتانۋ، وعان سوققى بەرۋ تاراۋلارىنىڭ سەلبەستىك مەحانيزمىن ورناتىپ، اتكەزشىلىكتەن جانە زاڭسىز ساۋدادان ساقتانۋ، وعان سوققى بەرۋ قيمىلىن ورىستەتەدى.

  37-تارماق شەكارا سىرتىنان جابايى حايۋاناتتار تۇقىمىن كىرگىزگەندە، مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋىنىڭ بەكىتۋىنەن وتكىزۋ ءتيىس. شەكارا سىرتىنان وسى زاڭنىڭ 35-تارماعىنىڭ 1-تارماقشاسىنداعى تىزىمگە ەنگىزىلگەن جابايى حايۋاناتتاردى كىرگىزگەندە، زاڭ بويىنشا يمپورت-ەكسپورت رۇقسات كۋالىگىن دە الۋ كەرەك. كەدەن زاڭ بويىنشا شەكارادان كىرگىزۋ كارانتينىن جاساعاندا، يمپورت ەتۋدى بەكىتۋ قۇجاتى نەمەسە يمپورت-ەكسپورت رۇقسات كۋالىگى، سونداي-اق كارانتين كۋالىگى ارقىلى بەلگىلەمە بويىنشا كەدەننەن وتكىزۋ رەسميەتىن وتەيدى.

  شەكارا سىرتىنان جابايى حايۋاناتتار تۇقىمىن كىرگىزگەندە حاۋىپسىز، سەنىمدى الدىن الۋ شارالارىن قولدانىپ، ولاردىڭ دالالىق ورتاعا كىرىپ كەتۋىنىڭ الدىن الىپ، ەكولوگيالىق جۇيەنىڭ زالالعا ۇشىراۋىنان ساقتانۋ كەرەك. ولاردى دالاعا قويا بەرۋ شىنىندا قاجەت بولسا، مەملەكەتتىڭ قاتىستى بەلگىلەمەلەرى بويىنشا اتقارىلادى.

  38-تارماق ءارقانداي ۇيىم مەن جەكە جابايى حايۋاناتتاردى دالالىق ورتاعا قويا بەرەردە، قويا بەرىلەتىن جەردە ءومىر سۇرە الاتىن جەرگىلىكتى تۇقىم تۇرلەرىن تاڭداۋى ءتيىس، سول جەردەگى تۇرعىنداردىڭ قالىپتى تۇرمىسىنا، وندىرىسىنە اسەر ەتۋگە بولمايدى، ەكولوگيالىق جۇيەگە زالال جەتكىزۋدەن ساقتانۋ كەرەك. جابايى حايۋاناتتاردى بەتالدى قويا بەرىپ، ادامنىڭ زاقىمدالۋىن، مال-مۇلىكتىڭ زياندالۋىن نەمەسە ەكولوگيالىق جۇيەنىڭ زالالدانۋىن كەلتىرىپ شىعارسا، زاڭ بويىنشا زاڭدىق جاۋاپكەرشىلىك ارقالايدى.

  39-تارماق ەرەكشە رۇقسات ەتىلگەن اڭ اۋلاۋ كۋالىگىن، اڭ اۋلاۋ كۋالىگىن، جاساندى جولمەن باعۋ-ءوسىرۋ رۇقسات كۋالىگىن جانە ارناۋلى بەلگىنى جالعاننان جاساۋعا، وزگەرتىپ جاساۋعا، ساتىپ الۋعا، ساتۋعا، باسقالارعا وتكەرۋگە، مايعا بەرۋگە تيىم سالىنادى، مەملەكەت ءتۇيىندى تۇردە قورعايتىن جابايى حايۋاناتتار جانە ولاردان جاسالعان بۇيىمدار جونىندەگى بەكىتۋ قۇجاتى، نەمەسە يمپورت-ەكسپورت رۇقسات كۋالىگى،يمپورت-ەكسپورت قاتارلى بەكىتۋ قۇجاتتارىن ساتۋعا، ساتىپ الۋعا، پايدالانۋعا تيىم سالىنادى.

  الدىڭعى تارماقشادا بەلگىلەنگەن قاتىستى رۇقسات كۋالىكتەرى، ارناۋلى بەلگىلەر، بەكىتۋ قۇجاتتارىنىڭ بەرىلۋ احۋالى زاڭ بويىنشا جاريا بولۋ ءتيىس.

  40-تارماق شەتەلدىكتەر ەلىمىزدە مەملەكەت ءتۇيىندى تۇردە قورعايتىن جابايى حايۋاناتتارعا دالالىق تەكسەرۋ جۇرگىزبەكشى بولسا نەمەسە جابايى حايۋاناتتاردى دالادا كينوعا، كەسكىنگە الماقشى بولسا، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋىنىڭ نەمەسە ول ۇقىق بەرگەن ورىنداردىڭ بەكىتۋىنەن وتكىزۋ، ءارى قاتىستى زاڭدار مەن زاڭدىق ەرەجەلەرگە بويسۇنۋ كەرەك.

  41-تارماق جەرگىلىكتى ورىندار ءتۇيىندى تۇردە قورعايتىن جابايى حايۋاناتتاردى جانە مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى باسقارۋ ءادىسىن ولكەلىك، اۆتونوميالى رايوندىق، توتە قاراستى قالالىق حالىق قۇرىلتايلارى جانە ونىڭ تۇراقتى كوميتەتتەرى بەلگىلەيدى.

  ءتورتىنشى تاراۋ زاڭدىق جاۋاپكەرشىلىك

  42-تارماق جابايى حايۋاناتتاردى قورعاۋدى باسقارۋشى تاراۋ نەمەسە باسقا دا قاتىستى تاراۋلار، ورگاندار اكىمشىلىك رۇقسات ۇيعارىمىن زاڭ بويىنشا شىعارماسا، زاڭعا قايشى ارەكەتتەردى بايقاعاندا نەمەسە زاڭعا قايشى ارەكەت جونىندەگى اشكەرەلەۋدى تاپسىرىپ العاندا، ونى تەكسەرىپ ءبىرجاقتىلى ەتپەسە نەمەسە زاڭ بويىنشا تەكسەرىپ ءبىرجاقتىلى ەتپەسە، ياكي قىزمەت ۇقىعىن الباتى ىستەتۋ سىندى مىندەت-جاۋاپكەرشىلىگىن زاڭ بويىنشا وتەمەۋ ارەكەتتەرى كورىلسە، دارەجەلەس حالىق ۇكىمەتىنىڭ نەمەسە جوعارى دارەجەلى حالىق ۇكىمەتىنىڭ قاتىستى تاراۋى، ورگانى تۇزەتۋگە بۇيىرادى، جاۋاپكەرشىلىگى بار باسقارۋشىلارى مەن تىكەلەي جاۋاپكەرشىلىگى بار باسقا دا قىزمەتكەرلەرىنە زاڭ بويىنشا كىنا جازادى، اۋىر كىنا جازادى نەمەسە دارەجەسىن تومەندەتۋ شاراسىن قولدانادى؛ اۋىر زارداپ تۋدىرسا، مىندەتىنەن الۋ نەمەسە قىزمەتتەن شىعارۋ شاراسىن قولدانادى، ونىڭ نەگىزگى جاۋاپتىسى كىناسىن تانىپ مىندەتىنەن بوساۋ ءتيىس؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  43-تارماق

  وسى زاڭنىڭ 12-تارماعىنىڭ 3-تارماقشاسىنداعى، 13-تارماعىنىڭ 2-تارماقشاسىنداعى بەلگىلەمەلەرگە قايشىلىق جاساعاندار قاتىستى زاڭدار مەن زاڭدىق ەرەجەلەردەگى بەلگىلەمەلەر بويىنشا جازالانادى.

  44-تارماق وسى زاڭنىڭ 15-تارماعىنىڭ 3-تارماقشاسىنداعى بەلگىلەمەگە قايشىلىق جاساپ، جيىپ الىپ قۇتقارامىز دەگەن جەلەۋمەن جابايى حايۋاناتتاردى جانە ولاردان جاسالعان بۇيىمدى ساۋدالاسا، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى جابايى حايۋاناتتاردى جانە ولاردان جاسالعان بۇيىمداردى، زاڭسىز تابىسىن ءمۇسادىرالايدى، وعان قوسا سول جابايى حايۋاناتتاردىڭ جانە ودان جاسالعان بۇيىمداردىڭ قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ تارتتىرادى، زاڭعا قايشى قاتىستى ينفورماتسياسى قوعامدىق سەنىمدىلىك ارحيۆىنە ەنگىزىلىپ، قوعامعا جاريا ەتىلەدى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  45-تارماق وسى زاڭنىڭ 20-، 21-تارماقتارىنداعى، 23-تارماقتىڭ 1-تارماقشاسىنداعى، 24-تارماقتىڭ 1-تارماقشاسىنداعى بەلگىلەمەلەرگە قايشىلىق جاساپ، قاتىستى جاراتىلىستىق قورىقتاردا، اڭ (بالىق) اۋلاۋعا تيىم سالىنعان وڭىرلەردە، اڭ (بالىق) اۋلاۋعا تيىم سالىنعان مەزگىلدە مەملەكەت ءتۇيىندى تۇردە قورعايتىن جابايى حايۋاناتتاردى اۋلاسا، اڭ اۋلاۋ ەرەكشە رۇقسات كۋالىگىن الماي، اڭ اۋلاۋ ەرەكشە رۇقسات كۋالىگىندەگى بەلگىلەمە بويىنشا اڭ اۋلاماي، مەملەكەت ءتۇيىندى تۇردە قورعايتىن جابايى حايۋاناتتاردى ولتىرسە، نەمەسە تيىم سالىنعان قۇرالداردى، ادىستەردى ىستەتىپ، مەملەكەت ءتۇيىندى تۇردە قورعايتىن جابايى حايۋاناتتاردى اۋلاسا، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى، تەڭىز-مۇحيتتا زاڭ اتقارۋ تاراۋى نەمەسە قاتىستى قورىق باسقارۋ قۇرىلىمى وزدەرىنىڭ جۇمىس مىندەتى مەن جۇمىس ءبولىسى بويىنشا اۋلانعان اڭداردى، اڭ اۋلاۋ قۇرالدارىن جانە زاڭسىز تابىسىن ءمۇسادىرالايدى، اڭ اۋلاۋ ەرەكشە رۇقسات كۋالىگىن كۇشىنەن قالدىرادى، وعان قوسا اۋلانعان اڭ قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ تارتتىرادى؛ اۋلاعان اڭى بولماسا، 10 مىڭ يۋاننان جوعارى، 50 مىڭ يۋاننان تومەن اقشالاي ايىپ تارتتىرادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  46-تارماق وسى زاڭنىڭ 20-، 22-تارماقتارىنداعى، 23-تارماقتىڭ 1-تارماقشاسىنداعى، 24-تارماقتىڭ 1-تارماقشسىنداعى بەلگىلەمەلەرگە قايشىلىق جاساپ، قاتىستى جاراتىلىستىق قورىقتاردا، اڭ (بالىق) اۋلاۋعا تيىم سالىنعان وڭىرلەردە، اڭ (بالىق) اۋلاۋعا تيىم سالىنعان مەزگىلدە مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى اۋلاسا، اڭ اۋلاۋ كۋالىگىن الماي، اڭ اۋلاۋ كۋالىگىندەگى بەلگىلەمە بويىنشا اڭ اۋلاماي، مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى اۋلاسا، نەمەسە تيىم سالىنعان قۇرالداردى، ادىستەردى ىستەتىپ، مەملەكەت ءتۇيىندى تۇردە قورعايتىن جابايى حايۋاناتتاردان باسقا حايۋاناتتاردى اۋلاسا، اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى، نەمەسە قاتىستى قورىق باسقارۋشى قۇرىلىمى وزدەرىنىڭ جۇمىس مىندەتى مەن جۇمىس ءبولىسى بويىنشا اۋلانعان اڭداردى، اۋلاۋ قۇرالدارىن جانە زاڭسىز تابىسىن ءمۇسادىرالايدى، اڭ اۋلاۋ كۋالىگىن كۇشىنەن قالدىرادى، وعان قوسا اۋلانعان اڭ قۇنىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ تارتتىرادى؛ اۋلاعان اڭى بولماسا، 2 مىڭ يۋاننان جوعارى، 10 مىڭ يۋاننان تومەن اقشالاي ايىپ تارتتىرادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  وسى زاڭنىڭ 23-تارماعىنىڭ 2-تارماقشاسىنداعى بەلگىلەمەگە قايشىلىق جاساپ، مىلتىق الىپ ءجۇرۋ كۋالىگىن الماي تۇرىپ مىلتىقپەن جابايى حايۋانات اۋلاپ، اماندىق باسقارۋعا قايشى ارەكەت وتكىزسە، قوعام حاۋىپسىزدىك ورگانى زاڭعا ساي اماندىق باسقارۋ ەرەجەسى بويىنشا جازالايدى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  47-تارماق وسى زاڭنىڭ 25-تارماعىنىڭ 2-تارماقشاسىنداعى بەلگىلەمەگە قايشىلىق جاساپ، جاساندى جولمەن باعىپ-ءوسىرۋ رۇقسات كۋالىگىن الماي تۇرىپ، مەملەكەت ءتۇيىندى تۇردە قورعايتىن جابايى حايۋاناتتاردى نەمەسە وسى زاڭنىڭ 28-تارماعىنىڭ 2-تارماقشاسىندا بەلگىلەنگەن جابايى حايۋاناتتاردى باعىپ-وسىرسە، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى جابايى حايۋاناتتاردى جانە ولاردان جاسالعان بۇيىمداردى ءمۇسادىرالايدى، وعان قوسا جابايى حايۋاناتتار جانە ولاردان جاسالعان بۇيىمدار قۇنىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ تارتتىرادى.

  48-تارماق وسى زاڭنىڭ 27-تارماعىنىڭ 1-، 2-تارماقشالارىنداعى، 28-تارماعىنىڭ 1-تارماقشاسىنداعى، 33-تارماعىنىڭ 1-تارماقشاسىنداعى بەلگىلەمەلەرگە قايشىلىق جاساپ، بەكىتۋدەن وتكىزبەي تۇرىپ، ارناۋلى بەلگى الماي نەمەسە بەلگىلەمە بويىنشا ارناۋلى بەلگى ىستەتپەي، نەمەسە جاساندى جولمەن باعىپ-ءوسىرۋ رۇقسات كۋالىگىنىڭ، بەكىتۋ قۇجاتىنىڭ كوشىرمەسىن نەمەسە ارناۋلى بەلگىنى الماي نەمەسە قوسارلاماي، مەملەكەت ءتۇيىندى تۇردە قورعايتىن جابايى حايۋاناتتاردى جانە ولاردان جاسالعان بۇيىمداردى نەمەسە وسى زاڭنىڭ 28-تارماعىنىڭ 2-تارماقشاسىندا بەلگىلەنگەن جابايى حايۋاناتتاردى جانە ولاردان جاسالعان بۇيىمداردى ساتسا، ساتىپ السا، پايدالانسا، تاسىسا، الىپ جۇرسە، جىبەرسە، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى، نەمەسە بازار باقىلاۋ-باسقارۋ تاراۋى وزدەرىنىڭ جۇمىس مىندەتى مەن جۇمىس ءبولىسى بويىنشا جابايى حايۋاناتتاردى جانە ولاردان جاسالعان بۇيىمداردى، زاڭسىز تابىسىن ءمۇسادىرالايدى، وعان قوسا جابايى حايۋانات جانە ولاردان جاسالعان بۇيىمدار قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ تارتتىرادى؛ ءىسى اۋىر بولسا، جاساندى جولمەن باعىپ-ءوسىرۋ رۇقسات كۋالىگىن، بەكىتۋ قۇجاتىن كۇشىنەن قالدىرادى، ارناۋلى بەلگىنى قايتارىپ الادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  وسى زاڭنىڭ 27-تارماعىنىڭ 4-تارماقشاسىنداعى، 33-تارماعىنىڭ 2-تارماقشاسىنداعى بەلگىلەمەلەرگە قايشىلىق جاساپ، كەلۋ قاينارىنىڭ زاڭدى ەكەنىن دالەلدەيتىن كۋالىگى بولماي تۇرىپ، مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردى ساتسا، پايدالانسا، تاسىسا، اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى نەمەسە بازار باقىلاۋ-باسقارۋ تاراۋى وزدەرىنىڭ جۇمىس مىندەتى مەن جۇمىس ءبولىسى بويىنشا جابايى حايۋاناتتاردى ءمۇسادىرالايدى، وعان قوسا جابايى حايۋانات قۇنىنىڭ ءبىر ەسەسىنەن جوعارى، 5 ەسەسىنەن تومەن اقشالاي ايىپ تارتتىرادى.

  وسى زاڭنىڭ 27-تارماعىنىڭ 5-تارماقشاسىنداعى، 33-تارماعىنداعى بەلگىلەمەلەرگە قايشىلىق جاساپ، قاتىستى جابايى حايۋاناتتاردى جانە ولاردان جاسالعان بۇيىمداردى ساتۋدا، تاسۋدا، الىپ جۇرۋدە، جىبەرۋدە كارانتيندەۋ كۋالىگى بولماسا نەمەسە قوسارلانباسا، «جۇڭحۋا حالىق رەسپۋبليكاسىنىڭ حايۋاناتتاردا بولاتىن جۇقپالى اۋرۋلاردان ساقتانۋ زاڭىنىڭ» بەلگىلەمەلەرى بويىنشا جازالانادى.

  49-تارماق وسى زاڭنىڭ 30-تارماعىنداعى بەلگىلەمەگە قايشىلىق جاساپ، مەملەكەت ءتۇيىندى تۇردە قورعايتىن جابايى حايۋاناتتاردان جانە ولاردان جاسالعان بۇيىمداردان نەمەسە كەلۋ قاينارى زاڭدى ەكەنىن دالەلدەيتىن كۋالىگى جوق مەملەكەت ءتۇيىندى تۇردە قورعايتىن جابايى حايۋاناتتاردان باسقا جابايى حايۋاناتتاردان جانە ولاردان جاسالعان بۇيىمداردان پايدالانىپ ازىق-تۇلىك وندىرسە، تيجارات ەتسە، ياكي مەملەكەت ءتۇيىندى تۇردە قورعايتىن جابايى حايۋاناتتاردى جانە ولاردان جاسالعان بۇيىمداردى ازىق ەتۋ ءۇشىن زاڭسىز ساتىپ السا، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى نەمەسە بازار باقىلاۋ-باسقارۋ تاراۋى وزدەرىنىڭ جۇمىس مىندەتى مەن جۇمىس ءبولىسى بويىنشا زاڭعا قايشى ارەكەتىن توقتاتۋعا بۇيىرادى، جابايى حايۋاناتتاردى جانە ولاردان جاسالعان بۇيىمداردى، زاڭسىز تابىسىن ءمۇسادىرالايدى، وعان قوسا جابايى حايۋانات جانە ولاردان جاسالعان بۇيىمدار قۇنىنىڭ 2 ەسەسىنەن جوعارى، 10 ەسەسىنەن تومەن اقشالاي ايىپ تارتتىرادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  50-تارماق وسى زاڭنىڭ 31-تارماعىنداعى بەلگىلەمەگە قايشىلىق جاساپ، جابايى حايۋاناتتاردى جانە ولاردان جاسالعان بۇيىمداردى نەمەسە ىستەتۋگە تيىم سالىنعان اڭ اۋلاۋ قۇرالدارىن ساتۋ، ساتىپ الۋ، پايدالانۋ ءۇشىن، جارناماعا شىعارسا، «جۇڭحۋا حالىق رەسپۋبليكاسىنىڭ جارناما زاڭىنىڭ» بەلگىلەمەلەرى بويىنشا جازالانادى.

  51-تارماق وسى زاڭنىڭ 32-تارماعىنداعى بەلگىلەمەگە قايشىلىق جاساپ، جابايى حايۋاناتتاردى جانە ولاردان جاسالعان بۇيىمداردى نەمەسە ىستەتۋگە تيىم سالىنعان اڭ اۋلاۋ قۇرالدارىن زاڭسىز ساتۋ، ساتىپ الۋ، پايدالانۋ ءۇشىن، ءۇشىن ساۋدالىق قىزمەت وتەسە، اۋدان دارەجەلىدەن جوعارى حالىق ۇكىمەتتەرىنىڭ بازار باقىلاۋ-باسقارۋ تاراۋى زاڭعا قايشى ارەكەتىن توقتاتىپ، شەكتى مەرزىمدە تۇزەتۋگە بۇيىرادى، زاڭسىز تابىسىن ءمۇسادىرالايدى، وعان قوسا زاڭسىز تابىسىنىڭ 2 ەسەسىنەن جوعارى، 5 ەسەسىنەن تومەن اقشالاي ايىپ تارتتىرادى؛ زاڭسىز تابىسى بولماسا، 10 مىڭ يۋاننان جوعارى، 50 مىڭ يۋاننان تومەن اقشالاي ايىپ تارتتىرادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  52-تارماق وسى زاڭنىڭ 35-تارماعىنداعى بەلگىلەمەگە قايشىلىق جاساپ، جابايى حايۋناتتاردى نەمەسە ولاردان جاسالعان بۇيىمداردى يپمورت-ەكسپورت ەتسە، كەدەن، قوعام حاۋىپسىزدىك ورگاندارى، تەڭىز-مۇحيتتا زاڭ اتقارۋ تاراۋلارى زاڭدار، اكىمشىلىك زاڭدىق ەرەجەلەر جانە مەملەكەتتىڭ قاتىستى بەلگىلەمەلەرى بويىنشا جازالايدى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  53-تارماق وسى زاڭنىڭ 37-تارماعىنىڭ 1-تارماقشاسىنداعى بەلگىلەمەگە قايشىلىق جاساپ، شەكارا سىرتىنان جابايى حايۋناتتار تۇقىمىن كىرگىزسە، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى شەكارا سىرتىنان كىرگەن جابايى حايۋاناتتاردى ءمۇسادىرالايدى، وعان قوسا 50 مىڭ يۋاننان جوعارى، 250 مىڭ يۋاننان تومەن اقشالاي ايىپ تارتتىرادى؛ زاڭ بويىنشا شەكارادان كىرگىزۋ كارانتينىن جاساماسا، «جۇڭحۋا حالىق رەسپۋبليكاسىنىڭ شەكارادان كىرەتىن-شىعاتىن حايۋاناتتار مەن وسىمدىكتەردى كارەنتيندەۋ زاڭىنىڭ» بەلگىلەمەلەرى بويىنشا جازالانادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  54-تارماق وسى زاڭنىڭ 37-تارماعىنىڭ 2-تارماقشاسىنداعى بەلگىلەمەگە قايشىلىق جاساپ، شەكارا سىرتىنان كىرگىزگەن جابايى حايۋاناتتاردى دالالىق ورتاعا قويا بەرسە، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى شەكتى مەرزىمدە ۇستاپ اكەلۋگە بۇيىرادى، 10 مىڭ يۋاننان جوعارى، 50 مىڭ يۋاننان تومەن اقشالاي ايىپ تارتتىرادى؛ مەرزىمى وتسە دە ۇستاپ اكەلمەسە، قاتىستى جابايى حايۋاناتتاردى قورعاۋدى باسقارۋشى تاراۋى ۋاكىلەتتىكپەن ۇستاپ اكەلەدى نەمەسە ونىڭ كەسىرىن ازايتاتىن شارالار قولدانادى، وعان كەتكەن قاراجاتتى شەكتى مەرزىمدە ۇستاپ اكەلۋگە بۇيىرىلعان ادام ۇستىنە الادى.

  55-تارماق وسى زاڭنىڭ 39-تارماعىنىڭ 1-تارماقشاسىنداعى بەلگىلەمەگە قايشىلىق جاساپ، قاتىستى كۋالىكتەردى، ارناۋلى بەلگىنى نەمەسە قاتىستى بەكىتۋ قۇجاتتارىن جالعاننان جاساسا، وزگەرتىپ جاساسا، ساتىپ السا، ساتسا، باسقالارعا وتكەرىپ بەرسە، مايعا بەرسە، اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى زاڭسىز كۋالىكتەردى، ارناۋلى بەلگىلەردى، قاتىستى بەكىتۋ قۇجاتتارىن جانە زاڭسىز تابىسىن ءمۇسادىرالايدى، وعان قوسا 50 مىڭ يۋاننان جوعارى، 250 مىڭ يۋاننان تومەن اقشالاي ايىپ تارتتىرادى؛ ءىسى اماندىق باسقارۋعا قايشىلىق جاساۋ ارەكەتىنە تولسا، قوعام حاۋىپسىزدىك ورگانى اماندىق باسقارۋ بويىنشا جازالايدى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  56-تارماق وسى زاڭداعى بەلگىلەمەلەر بويىنشا ءمۇسادىرالانعان ناقتى زاتتاردى اۋدان دارەجەلىدەن جوعارى حالىق ۇكىمەتتەرىنىڭ جابايى حايۋاناتتاردى قورعاۋدى باسقارۋشى تاراۋى نەمەسە ول ۇقىق بەرگەن ورىن بەلگىلەمە بويىنشا ءبىرجاقتىلى ەتەدى.

  57-تارماق وسى زاڭدا بەلگىلەنگەن اۋلانعان اڭنىڭ قۇنىن، جابايى حايۋاناتتاردىڭ جانە ولاردان جاسالعان بۇيىمداردىڭ قۇنىن باعالاۋ ولشەمى مەن ءادىسىن مەملەكەتتىك كەڭەستىڭ جابايى حايۋاناتتاردى قورعاۋدى باسقارۋشى تاراۋى بەلگىلەيدى.

  بەسىنشى تاراۋ قوسىمشا ەرەجە

  58-تارماق بۇل زاڭ 2017-جىلى 1-ايدىڭ 1-كۇنىنەن باستاپ اتقارىلدى.

  (ورتالىق ۇلتتار اۋدارما مەكەمەسى بەرگەن)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار