كەدەن باس مەكەمەسى مەديتسينالىق بۇيىمداردى زاڭ - تۇزىمگە قايشى ەكسپورت ەتۋگە قاتىستى ەكىنشى توپتاعى تيپتىك دەلولاردى جاريالادى
2020.04.20 15:01 كەلۋ قاينارى : حالىق تورابى
حالىق تورابى، 4 – ايدىڭ 19 – كۇنى، بەيجيڭ (فىڭ لي) كەدەن باس مەكەمەسى تورابىنىڭ حابارلاۋىنشا، مەديتسينالىق بۇيىمداردى ەكسپورت ەتۋ تيجارات ٴتارتىبىن ىشكەرىلەي جۇيەگە سالۋ ٴۇشىن، كەدەن باس مەكەمەسى مەديتسينالىق بۇيىمداردى زاڭ – تۇزىمگە قايشى ەكسپورت ەتۋ ارەكەتتەرىن ۇزدىكسىز قاتاڭ ٴبىرجاقتى ەتتى، 4 – ايدىڭ 16 – كۇنى مەديتسينالىق بۇيىمداردى زاڭ – تۇزىمگە قايشى ەكسپورت ەتكەن 3 دەلو جايلى حابارلاندىرۋ شىعارعان سوڭ، كەدەن باس مەكەمەسى 4 – ايدىڭ 19 – كۇنى تاعى دا 3 تيپتىك دەلونى جاريالادى.
ٴبىرىنشى دەلو: 4 – ايدىڭ 9 – كۇنى حۋاڭپۋ كەدەنى گۋڭجوۋداعى بەلگىلى سەرىكتەستىكتىڭ ٴبىر رەتتىك قورعانۋ ماسكىسىنان (مەديتسينادا قولدانىلمايتىن) 706 مىڭ ماسكىنى، مەديتسينادا قولدانىلاتىن ٴبىر رەتتىك ماسكىدان 838 مىڭ ماسكىنى ەكسپورت ەتۋ جونىندە بەرگەن ٴوتىنىشىن تەكسەرگەن. تەكسەرۋ بارىسىندا، بۇل زاتتاردىڭ كوپ ٴتۇرلى ماركاداعى، بىرنەشە زاۆودتا وندىرىلگەن ساقتانۋ ماسكىلەرى (مەديتسينادا قولدانىلمايتىن) ەكەنى انىقتالعان، مۇندا 100 مىڭ ماسكىدا ٴونىم بەلگىسى جوق، ٴىشىنارا ماسكىلەردىڭ قاپتاماسى مەن قورابىنا باسىلعان وندىرىلگەن ۋاقىت بەلگىسى، ساپا ولشەمى، وندىرگەن زاۆود قاتارلى ينفورماتسيالارى ٴىس جۇزىندىككە ۇيلەسپەيدى، مۇنان سىرت، ٴونىم بەلگىسى جوق مىلتىقشا ماڭداي تەرمومەترى مەن جاي تەرمومەتردەن جيىنى 975 تەرمومەتر بار ەكەن. مۇنان سىرت، باسقا سەرىكتەستىكتەردىڭ مەديتسينالىق اسپاپ ونىمدەرىندەگى تىزىمدەلۋ كۋالىگىنىڭ اتىن جامىلىپ ٴوتىنىش تاپسىرۋ جاعدايى بايقالعان. بۇل ىسكە قاتىستى ادام جالعان – جارامسىز بۇيىمداردى ٴوندىرۋ جانە ساتۋ قىلمىسىن كۇمانىنا شاتىلعان. 4 – ايدىڭ 17 – كۇنى حۋاڭپۋ كەدەنى اتكەزشىلىكتى تيۋ مەكەمەسى بۇل دەلونى جەرگىلىكتى ورىنداعى قوعام حاۋىپسىزدىگى ورگاندارىنىڭ دەلو تۇرعىزىپ، تەكسەرۋ جۇرگىزۋىنە وتكىزىپ بەرگەن.
ەكىنشى دەلو: 4 – ايدىڭ 7 – كۇنى تيانجين كەدەن مەكەمەسى چيڭداۋداعى بەلگىلى ساۋدا سەرىكتەستىگى ەكسپورت ەتۋگە ٴوتىنىش بەرگەن 27 توننا تەمىر سىمنىڭ اراسىنا جاسىرىلعان، ەكسپورت ەتۋگە ٴوتىنىش ەتپەگەن 3M ماركالى N95 ماسكىسىنان 21 مىڭ 600 ماسكىنى انىقتاعان، كاسىپتىك قۇرىلىمداردىڭ ساراپتاۋىنا قاراعاندا، بۇل ماسكىلەر تولىمسىز ونىمدەر ەكەن، دەلوعا قاتىستى ادام جالعان – جارامسىز ٴونىم جاساۋ جانە ساتۋ قىلمىس كۇمانىنا شاتىلعان. 4 – ايدىڭ 16 – كۇنى تيانجين كەدەن مەكەمەسى اتكەزشىلىكتى تيۋ مەكەمەسى بۇل دەلونى ماسكىنى ساتىپ العان جەردەگى قوعام حاۋىپسىزدىگى مەكەمەسىنىڭ دەلو تۇرعىزىپ، تەكسەرۋ جۇرگىزۋىنە جوتكەپ بەرگەن.
ٴۇشىنشى دەلو: 4 – ايدىڭ 16 – كۇنى بەيجيڭدەگى بەلگىلى سەرىكتەستىك گۋاڭجوۋ كەدەنىنە مەديتسينادا قولدانىلمايتىن ماسكىدەن 649 مىڭ ماسكىنى ەكسپورت ەتۋگە ٴوتىنىش بەرگەن، تەكسەرۋگە قاراعاندا، بۇل توپتاعى ماسكىلەر، ٴىس جۇزىندە مەديتسينادا قولدانىلاتىن ماسكىلەر بولىپ، كەدەنگە مالىمدەگەن كەزدە مەديتسينالىق اسپاپتاردىڭ ٴونىمدى تىزىمدەتۋ كۋالىگى مەن مەديتسينالىق بۇيىمداردى ەكسپورت ەتۋ مالىمدەمەسىن تاپسىرماعان، دەلوعا قاتىستى ادام تاۋاردى تەكسەرتۋدەن جالتارۋ كۇمانىنا شاتىلعان. 4 – ايدىڭ 18 – كۇنى گۋاڭجوۋ كەدەن مەكەمەسى اتكەزشىلىكتى تيۋ مەكەمەسى بۇل ىسكە دەلو تۇرعىزىپ، تەكسەرۋ جۇرگىزگەن، بۇل دەلو قازىر ىشكەرىلەي تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
