قوعام حاۋىپسىزدىگى ورگاندارى مەلتوندى قىمباتتاتىپ ساتۋعا استە كەڭشىلىك جاسامايدى
20 دەلو اشىلدى، 42 قىلمىس كۇدىكتىسى ۇستالدى
2020.04.20 17:01 كەلۋ قاينارى : حالىق تورابى
«حالىق گازەتى»، 4 - ايدىڭ 19 - كۇنى، بەيجيڭ (ءتىلشى جاڭ سۇڭ). ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، تاياۋدا ماسكىنىڭ ماڭىزدى شيكىزاتى مەلتوندى قىمباتتاتىپ ساتۋ قىلمىستىق قيمىلىنىڭ كوبەيۋ جاعدايىنا قاراتا قوعام حاۋىپسىزدىگى مينيسترلىگى ارناۋلى دەلوعا سوققى بەرۋ ارەكەتىن ورىستەتۋدى ورنالاستىرىپ، 20 دەلونى اشقان، 42 قىلمىس كۇدىكتىسىن ۇستاعان، دەلوعا سايعان سوما 34 ميلليون 450 مىڭ يۋان بولعان، وسىلايشا مەلتوندى قىمباتتاتىپ ساتۋ قىلمىستىق قيمىلىنا ءزىلدى سوققى بەرىلىپ، مەلتوننىڭ باعاسىن الباتى جوعارىلاتۋ اۋقىمى ايتارلىقتاي تەجەلگەن.
جۋىقتان بەرى از ساندى زاڭسىز ەلەمەنتتەر ماسكا وندىرۋگە قاجەتتى ماڭىزدى شيكىزات – مەلتوندى قىمباتتاتىپ ساتىپ، باعانى دۇرمەكپەن كوتەرىپ، پايداعا كەنەلدى، سيپاتى توتەنشە ناشار بولدى. وسىعان بايلانىستى، مەلتوننىڭ بازار باعاسى ءبىر مەزەت كوتەرىلىپ، قالىپتى ءوندىرىس - تيجارات ءتارتىبىن اۋىر دارەجەدە بىلىقتىرىپ، باسقا تيجاراتشىلار مەن تۇتىنۋشىلاردىڭ زاڭدى ۇقىق - مۇددەسىنە اۋىر زيان جەتكىزىپ، ىندەتتەن ساقتانۋ - تىزگىندەۋ قىزمەتىنە اۋىر ىقپال جاسادى. قوعام حاۋىپسىزدىگى مينيسترلىگى بازار باقىلاۋ - باسقارۋ باس مەكەمەسىمەن سەلبەسىپ، ارناۋلى دەلو ارەكەتىن جەدەل ورنالاستىرىپ جانە ورىستەتىپ، دەرەكتەردى تەكسەرۋ، دەلونى بارلاۋ، تەرگەۋ، تۇتقىنداۋ سياقتى قىزمەتتەردى جاپپاي ورىستەتتى.
جەر - جەردەگى قوعام حاۋىپسىزدىگى ورگاندارى قوعام حاۋىپسىزدىگى مينيسترلىگىنىڭ ءبىر تۇتاس قولباسشىلىعىندا، ءبىر توپ دەلونى تەز ارادا تەكسەرىپ انىقتادى. گۋاڭدۇڭ ولكەسى دۇڭگۋان قالاسىنىڭ قوعام حاۋىپسىزدىگى ورگانى ىندەت كەزىندە مەلتوننىڭ باعاسىن دۇرمەكپەن كوتەرۋ، مەلتوندى زاڭسىز ساتۋ جاعىنداعى 2 دەلونى ارت - ارتىنان اشكەرەلەدى، 4 قىلمىس كۇدىكتىسىن ۇستادى، دەلوعا سايعان سوما 10 ميلليون يۋاننان استى. جىجياڭ ولكەسى دۇڭياڭ قالاسىنىڭ قوعام حاۋىپسىزدىگى ورگانى ءبىر رەتكى مەلتوندى قىمباتتاتىپ ساتۋ دەلوسىنان باستاپ كىرىسىپ، دەرەك جيناۋ اۋماعىن كەڭەيتىپ، كۇڭ XX، جاۋ XX قاتارلى ادامداردىڭ جالعان، جاراقسىز ونىمدەردى ءوندىرۋ، ساتۋ دەلولارىن اشكەرەلەدى، 21 قىلمىس كۇدىكتىسىن ۇستادى، 8.89 توننا ساپاسىز مەلتوندى جيناپ الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
