قوعام حاۋىپسىزدىگى ورگاندارى جالعان، جاراقسىز زاتتاردى جاساۋ، ساتۋ قىلمىسىنا زاڭ بويىنشا سوققى بەرەدى
ىندەت تۋىلعاننان بەرى تەكسەرىپ تارتىپ الىنعان جالعان، جاراقسىز ماسكى 48 ميلليوننان استام بولدى
2020.04.23 17:16 كەلۋ قاينارى : حالىق تورابى
«حالىق گازەتى»، 4 - ايدىڭ 22 - كۇنى، بەيجيڭ (ءتىلشى جاڭ سۇڭ). «ءبىلىم مەنشىك ۇقىعى جانە سالاماتتى جۇڭگو» تاقىرىبىنداعى 2020 – جىلعى مەملەكەتتىك ءبىلىم مەنشىك ۇقىعى ۇگىت اپتالىعى قيمىلى 4 - ايدىڭ 20 - كۇنى باستالدى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، وتكەن جىلدىڭ سوڭىنا دەيىن بۇكىل ەلدەگى قوعام حاۋىپسىزدىگى ورگاندارى ازىق – تۇلىك، ءدارى – دارمەك بۋىنى مەن ءبىلىم مەنشىك ۇقىعىنا ساياتىن 39 مىڭ قىلمىس دەلوسىن اشقان، 65 مىڭ قىلمىس كۇدىكتىسىن ۇستاعان، دەلوعا ساياتىن قۇن 35 ميلليارد 200 ميلليون يۋان بولعان.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جالعان، جاراقسىز ماسكى سياقتى قورعانۋ بۇيىمدارىن جاساۋ، ساتۋ زاڭعا قايشى قىلمىستىق ارەكەتتەرىنىڭ كورنەكتى بولۋ جاعدايىنا باعىتتاي وتىرىپ، قوعام حاۋىپسىزدىگى مينيسترلىگى بۇكىل ەلدەگى قوعام حاۋىپسىزدىگى ورگاندارىن ارناۋلى سوققى بەرۋگە ۇيىمداستىرىپ، ماسكى، قورعاعىش كوزىلدىرىك، قورعانۋ كيىمى، قورعانۋ قولعابى، تازالىق، دەزينفەكسيا بۇيىمدارى، سونداي - اق جاڭا تيپتى ايدارشا ۆيرۋس وكپە قابىنۋىن ەمدەۋ جوباسىنا ەنگىزىلگەن قىزۋدى قايتارىپ، اۋىرعاندى باساتىن دارىلەر، ۆيرۋسقا قارسى ءدارى - دارمەك سياقتىلاردى قاداعالاپ، جالعان، جاراقسىز تاۋارلاردى جاساۋ، ساتۋ قىلمىسىنا زاڭ بويىنشا قاتاڭ سوققى بەردى. 4 - ايدىڭ 15 - كۇنىنە دەيىن ءبىر مىڭ 153 رەتكى جالعان، جاراقسىز ماسكى، مەديتسينالىق سپيرت سياقتى قورعانىس زاتتارىن جاساۋ، ساتۋ دەلوسى بارلاپ ءبىتىرىلىپ، 2 مىڭ 587 قىلمىس كۇدىكتىسى ۇستالىپ، 885 اپان تالقاندالىپ، 48 ميلليوننان استام جالعان، جاراقسىز ماسكى، سونداي - اق ءبىر توپ مەديتسينالىق سپيرت، دەزينفەكسيا سۇيىقتىعى قاتارلى زاتتاردى تەكسەرىپ، پەشەتتەلدى، دەلونىڭ قۇنى 300 ميلليون يۋانعا تايادى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتىن اناعۇرلىم ويداعىداي ىستەپ، ىندەتتەن ساقتانۋ - تىزگىندەۋ مەزگىلىندە جۇمىستى، ءوندىرىستى قالپىنا كەلتىرۋدى قامتاماسىزداندىرۋ ءۇشىن، قوعام حاۋىپسىزدىگى مينيسترلىگى بىرنەشە كۇننىڭ الدىندا قوعام حاۋىپسىزدىگى ورگاندارىنىڭ ازىق - تۇلىك، ءدارى - دارمەك بۋىنىنداعى جانە ءبىلىم مەنشىك ۇقىعى سالاسىنداعى قىلمىستارعا زاڭ بويىنشا سوققى بەرۋدەگى، ىندەتتەن ساقتانۋ - تىزگىندەۋ مەزگىلىندە جۇمىستى، ءوندىرىستى قالپىنا كەلتىرۋدى قامتاماسىزداندىرۋداعى 10 ءتۇرلى شارانى العا قويدى، وسىلايشا جالعان، جاراقسىز اۋىل شارۋاشىلىق قۇرال - جابدىقتارىن جاساۋ، ساتۋ قىلمىسى، ينجەنەريالىق قۇرىلىس سالاسىندا جالعان، ساپاسىز ونىمدەردى جاساۋ، ساتۋ قىلمىسى، سونداي - اق توراپتىق تاربيەلەۋ سالاسىندا ۇقىققا قول سۇعۋ، ۇرلاپ باسۋ قىلمىسى سياقتى ءبىلىم مەنشىك ۇقىعىنا قول سۇعۋ قىلمىستارىنا زاڭ بويىنشا قاتاڭ سوققى بەرىلمەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
