ىندەتكە بايلانىستى توقتامدى اتقارا الماعان جاعدايدا قايتۋ كەرەك؟ ەڭ جوعارى حالىق سوتى ورتاعا قويعان جەتەكشى پىكىرگە قاراڭىز
2020.04.27 14:49 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 26 – كۇنى، بەيجيڭ (ءتىلشى: گاۋ جيە) ەڭ جوعارى حالىق سوتى جۋىردا «جاڭا تيپتى ايدارشا ۆيروس ىندەتىنە ساياتىن ازاماتتىق ىستەر دەلولارىنداعى ءبىرقىدىرۋ ماسەلەلەردى زاڭ بويىنشا ۇيلەسىمدى تەكسەرۋ – قاراۋ جونىندەگى جەتەكشى پىكىردى (ءبىرىنشى)» (تومەندە «پكىر» دەپ قىسقارتىلىپ اتالادى) جاريالاپ، حالىق سوتىنىڭ جاڭا تيپتى ايدارشا ۆيروس ىندەتىنە ساياتىن ازاماتتىق ىستەر دەلولارىن زاڭ بويىنشا ۇيلەسىمدى تەكسەرۋ – قاراۋى جونىندە ون ءتۇرلى ناقتى شارانى ورتاعا قويدى. بۇل شارالاردىڭ قانداي ءمانى جانە رولى بار؟ ءتىلشى وسى جونىندە سۇحبات وتكىزدى.
«پىكىردە» مىنالار اتاپ كورسەتىلگەن: داۋ – شاردى ارىز – شاعىمسىز شەشىم ەتۋ مەحانيزمىن ەڭ الدىمەن ويلاستىرۋعا، راقايلاستىرۋدى الدىمەن ويلاستىرۋعا تاباندى بولىپ، داۋ – شارعا قاتىستى جاقتاردى راقايلاسۋعا جانە ماسەلەنى كەڭەسپەن شەشۋگە، حاۋىپ – قاتەردى بىرگە ارقالاۋعا، مۇشكىل جاعدايدان بىرگە وتۋگە بەلسەندى تۇردە جەتەلەۋ، قايشىلىقتاردى تۋىنداي باستاعاندا شىنايى شەشىم ەتۋ، نەگىزگى ساتىنىڭ وزىندە شەشىم ەتۋ كەرەك. جۇڭگو حالىق ۋنيۆەرسيتەتى ازاماتتىق ىستەر جانە ساۋدا ىستەرى زاڭ عىلىمىن زەرتتەۋ ورتالىعىنىڭ مەڭگەرۋشىسى ياۋ حۇي بىلاي دەپ قارايدى: بۇكىل ەلىمىز بويىنشا جوعارى مەن تومەن ءبىر جاعادان باس، ءبىر جەڭنەن قول شىعارىپ، ىندەتپەن شايقاسىپ جاتقان شەشۋشى ساتتە، اتالعان «پىكىر» بۇكىل ەلىمىزدەگى سوت مەكەمەلەرىنىڭ دۇرىس ءادىليالىق تانىم ورناتۋى، زاڭدى دۇرىس ءتۇسىنۋى جانە بىركەلكى قولدانۋى جاڭا تيپتى ايدارشا ۆيروس ىندەتىنە ساياتىن ازاماتتىق ىستەر دەلولارىن زاڭ بويىنشا ۇيلەسىمدى تۇردە تەكسەرۋى – قاراۋى جونىندە ماڭىزدى باعدار نۇسقادى.
مۇنان سىرت، «پىكىردە» مىنالار باسا دارىپتەلدى: «جۇڭحۋا حالىق رەسپۋبليكاسىنىڭ ەڭبەك زاڭى» مەن «جۇڭحۋا حالىق رەسپۋبليكاسىنىڭ ەڭبەك توقتامى زاڭىنداعى» قاتىستى بەلگىلەمەلەردى دۇرىس قولدانۋ كەرەك. «پىكىردە» مىنالار تالاپ ەتىلگەن: ءار دارەجەلى حالىق سوت مەكەمەلەرى ىندەتكە ساياتىن ازاماتتىق ىستەر دەلولالارىن تەكسەرۋ – ۇكىم شىعارۋ قىزمەتىنە جەتەكشىلىك ەتۋ مەن ونى باقىلاۋدى كۇشەيتىپ، كاسىپتىك سۋديالار جيىنى مەن تەكسەرۋ – ۇكىم شىعارۋ كوميسسياسىنىڭ رولىن تولىق ساۋلەلەندىرۋى كەرەك، كەلەلى، قيىن، كۇردەلى دەلولالارعا ساياتىن زاڭ قولدانۋ ماسەلەلەرىن، تەكسەرۋ – ۇكىم شىعارۋ كوميسسياسىنىڭ تالقىلاپ ۇيعارىم جاساۋىنا دەر كەزىندە تاپسىرۋ كەرەك. «پىكىردە» تاعى جازالاۋ سيپاتىندىق تولەم بەرۋدى لايىقتى قولدانۋ، ارىز – شاعىمنىڭ كۇشكە يە ۋاقىتى جانە ونى ورتا جولدان توقتاتۋ، ارىز – شاعىم بەرۋ مەزگىلىن ۇزارتۋ، ءادىليالىق كومەك بەرۋ تەبىنىن ارتتىرۋ، تولىق ساقتاۋ شارالارىن يكەمدى قولدانۋ قاتارلى مازمۇندار جونىندە بەلگىلەمە شىعارعان.
«ۋاقىتتىڭ وتۋىنە بايلانىستى، جاڭا تيپتى ايدارشا ۆيروس وكپە قابىنۋ ىندەتىنە بايلانىستى دەلولار سوت مەكەمەسىنە تۇسە باستادى، مۇندا ىندەت سەبەبىنەن تۋىنداعان توقتامدى اتقارۋ جاعىنداعى داۋ – شار دەلولارى ەڭ كوپ ءارى داۋ – شارلاردىڭ ىشىندەگى ەڭ كۇردەلى ءتۇرى دە وسى»، − دەيدى ياۋ حۇي، «پىكىر» قوعام نازار اۋدارىپ وتىرعان قوعامدىق ماسەلەلەرگە بەلسەندى جاۋاپ قاتقان، ەكىنشى تارماعىندا بىلاي دەپ انىق بەلگىلەنگەن: ىندەت جاعدايى نەمەسە ىندەتتەن ساقتانۋ – تەجەۋ شارالارى ىرىق بەرمەيتىن كۇش جونىندە زاڭدا بەلگىلەنگەن فاكتورلارعا ۇيلەسەتىن بولسا، ىرىق بەرمەيتىن كۇشكە جاتادى. جوعارىداعى تۇجىرىم ەلىمىزدىڭ قازىر اتقارىلىپ جاتقان بەلگىلەمەلەر جۇيەسىنە ۇيلەسەدى ءارى ەڭ جوعارى حالىق سوتىنىڭ دايەكتى مايدانىمەن سايكەس كەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
