شياڭگاڭ ەرەكشە اكىمشىلىك رايونى زاڭ جاساۋ كوميتەتى ءۇشىنشى رەتكى وقۋدا «مەملەكەت ءانى ەرەجەسىنىڭ جوباسىن» ماقۇلدادى
2020.06.05 13:49 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 4 – كۇنى، شياڭگاڭ (ءتىلشى: سۋ ۋانميڭ) شياڭگاڭ ەرەكشە اكىمشىلىك رايونى زاڭ جاساۋ كوميتەتى 6 – ايدىڭ 4 – كۇنى تۇستەن كەيىن ءۇشىنشى رەتكى وقۋدا «مەملەكەت ءانى ەرەجەسىنىڭ جوباسىن» ماقۇلدادى، «مەملەكەت ءانى ەرەجەسى» 6 – ايدىڭ 12 – كۇنى رەسمي جاريالانىپ، اتقارىلادى.
«مەملەكەت ءانى ەرەجەسىنىڭ جوباسىن» ءۇشىنشى رەت وقۋ 6 – ايدىڭ 4 – كۇنى تۇستەن بۇرىن باستالعان. قاراۋ مەزگىلىندە، پارلامەنتتەگى قارسى توپتىڭ مۇشەلەرى ءتۇرلى تاسىلدەردەن پايدالانىپ كەسە كولدەنەڭ بولۋعا ۇرىنعاندىقتان، ولار ورتاعا قويعان كەڭەستىك جوبانى ءماجىلىستى باسقارىپ وتىرعان زاڭ جاساۋ كوميتەتىنىڭ ءتوراعاسى لياڭ جۇنيان تەرىستەپ وتىردى. مۇنان دا ورەسكەل بولعانى، پارلامەنتتەگى قارسى توپتىڭ كەيبىر مۇشەلەرى ساسىق ءيىس شىعاراتىن زاتتاردى شاشىپ، ءماجىلىستىڭ ۋاقىتتىق توقتاتىلۋىنا سەبەپشى بولدى.
ساعات 17گە تاياعاندا، «مەملەكەت ءانى ەرەجەسىنىڭ جوباسى» ءۇشىنشى رەتكى وقۋدا 41 داۋىستىڭ قولداۋى، ءبىر داۋىستىڭ قارسى تۇرۋى، قالىس قالۋ داۋىسى 0 بولۋمەن ماقۇلداندى.
«مەملەكەت ءانى ەرەجەسىنىڭ جوباسى» ءۇشىنشى رەتكى وقۋدان وتكەن سوڭ، ەرەكشە رايون ۇكىمەتى ساياسي ءتۇزىم جانە ىشكى ولكە ىستەرى مەكەمەسىنىڭ باستىعى سىڭ گوۋەي «مەملەكەت ءانى ەرەجەسىنىڭ» 6 – ايدىڭ 12 – كۇنى جاريالانىپ، رەسمي اتقارىلاتىنىن جاريالادى.
«جۇڭحۋا حالىق رەسپۋبليكاسىنىڭ مەملەكەت ءانى زاڭى» 2017 – جىلى ىشكى ولكەلەردە اتقارىلعان، وسىدان كەيىن مەملەكەتتىك حالىق قۇرىلتايى تۇراقتى كوميتەتى مەملەكەت ءانى زاڭىن شياڭگاڭ نەگىزدىك زاڭىنىڭ ءۇشىنشى قوسىمشا قۇجاتىنا قوسقان. شياڭگاڭ نەگىزدىك زاڭىنىڭ 18 – تارماعىنداعى بەلگىلەمەگە ساي، نەگىزدىك زاڭنىڭ ءۇشىنشى قوسىمشا قۇجاتىنا قوسىلعان زاڭداردىڭ بارلىعىن شياڭگاڭ ەرەكشە اكىمشىلىك رايونى جەرگىلىكتى ورىندا جاريالايدى نەمەسە زاڭ جاساۋ ارقىلى اتقارادى.
شياڭگاڭ ەرەكشە اكىمشىلىك رايونى ۇكىمەتى 2018 – جىلدىڭ باسىندا مەملەكەت ءانى زاڭى جايلى ۇسىنىس قويعان ءارى قاتىستى جەرگىلىكتى زاڭدى جاساۋ قىزمەتىن ىلگەرىلەتكەن، ەرەكشە رايوننىڭ زاڭ جاساۋ كوميتەتى 2019 – جىلى 1 – ايدا «مەملەكەت ءانى ەرەجەسىنىڭ جوباسىن» العاش رەت وقۋ باسقىشىن ورىنداپ، ەكىنشى رەت وقۋ باسقىشىنا وتكەن، ءاسىلى 2019 – جىلى 6 – ايدا ەكىنشى رەت وقۋدى قالپىنا كەلتىرۋدى بەكىتكەن، الايدا، «ەرەجەگە وزگەرىس ەنگىزۋ جاڭجالى» تۋىلعاندىقتان، سونداي – اق، زاڭ جاساۋ كوميتەتىنىڭ ىشكى ىستەر كوميسسياسى ۇزاق ۋاقىت بويى جۇمىسىن توقتاتقاندىقتان، بۇل ءىس كەشىكتىرىلىپ 2020 – جىلى 5 – ايدىڭ 27 – كۇنى قايتا باستالعان. 6 – ايدىڭ 4 – كۇنى «مەملەكەت ءانى ەرەجەسىنىڭ جوباسى» ءۇشىنشى رەت وقىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
