شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار باس حاتشىسى ءانۋار تۇرسىن تارتىپكە، زاڭعا اۋىر قايشىلىق جاساعاندىقتان پارتيادان، ۇكىمەت قىزمەتىنەن ايدالدى
2020.06.09 09:36 كەلۋ قاينارى : حالىق تورابى
حالىق تورابىنىڭ 6 – ايدىڭ 8 – كۇنى بەرگەن حابارى. شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ حابارىنا قاراعاندا، تاياۋدا شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار باس حاتشىسى ءانۋار تۇرسىننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى ءانۋار تۇرسىن مۇرات ـ سەنىمنەن ايىرىلىپ، پارتياعا ادال بولماعاعان، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن اتقارۋدان باس تارتقان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، ۇلىنىڭ ۇيلەنۋ تويىن دابىرالى وتكىزگەن؛ قىزمەت اۋىستىرۋ، قىزمەت دارەجەسىن جوعارىلاتۋ سياقتى جاقتاردا باسقالارعا پايدا جەتكىزگەن؛ ٶزىنىڭ جانە ونىڭ تۋىس - تۋعاندارىنىڭ تولەۋگە ءتيىستى قاراجاتىن باسقالارعا تولەتكەن. بەلگىلەمەگە قايشىلىق جاساپ پايدا تابۋ قيمىلىمەن شۇعىلدانعان، بازارعا كىرمەيتىن سەرىكتىكتىڭ جارناسىن بەلگىلەمەگە قايشىلىق جاساپ العان، تارتۋ – تارالعى، اقشا العان؛ مىندەتىن دۇرىس اتقارماي قىزمەت ساندى مالىمەتتەرىن جاسىرۋدى ەركىنە جىبەرگەن، ءۇنسىز ماقۇلداعان؛ قىزمەت قولايلىلىعىنان پايدالانىپ، نىساندى كوتەرىپ الۋ قاتارلى جاقتاردا باسقالارعا پايدا جەتكىزگەن ءارى تارتۋ – تارالعىسىن العان؛ ورىنسىز مۇددەگە قول جەتكىزۋ ءۇشىن باسقالارعا دۇنيە ۇسىنعان.
ءانۋار تۇرسىن پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە اۋىر قايشىلىق جاسادى، مىندەتىندە زاڭعا قايشىلىق جاساعان ءارى پارا الۋ، پارا بەرۋ سياقتى قىلمىس كۇمانى تاعىلدى. ونىڭ ۇستىنە پارتيا 18 - قۇرىلتايىنان كەيىن دە تىزگىنىن تارتپاعان، تيىلماعان، سيپاتى توتەنشە اۋىر، ىقپالى توتەنشە ناشار. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ تەكسەرۋ زاڭى» قاتارلى قاتىستى بەلگىلەمەلەرگە نەگىزدەلىپ، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى جانە شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن ءانۋار تۇرسىنعا پارتيادان ايداۋ جازاسىن بەرۋدى ۇيعاردى؛ شينجياڭ ۇيعۇر اۆتونوميالى رايوندىق باقىلاۋ كوميتەتى وعان قىزمەتتەن ايداۋ جازاسىن بەرەدى؛ ج ك پ شينجياڭ ۇيعۇر اۆتونوميالى رايوندىق 9 ـ قۇرىلتايىنىڭ ۋاكىلدىك تولىمدىلىعىن توقتاتتى؛ تارتىپكە، زاڭعا قايشى تابىسىن تاركىلەدى؛ قىلمىس كۇمانىنا ساياتىن ماسەلەلەردى پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزدى، وعان ساياتىن مال - مۇلىكتى دەلومەن بىرگە وتكىزىپ بەردى.
ٵنۋار تۇرسىننىڭ قىسقاشا ٶمىر بايانى
ءانۋار تۇرسىن، ەر، ۇيعۇر، 1966 – جىلى 5 – ايدا دۇنيەگە كەلگەن، شينجياڭ حوتان ايماعىنىڭ ادامى، 1987 – جىلى 10 – ايدا قىزمەتكە قاتىناسقان، 1993 – جىلى 9 – ايدا جۇڭگو كوممۋنيستىك پارتياسىنا كىرگەن، قىزمەتتەگى اسپيرانت ماعلۇماتىنا يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
