ىندەتتەن ساقتانۋ جانە ونى تىزگىندەۋ بارىسىندا مىندەتىن اتقارماي، جاۋاپكەرسىزدىك ىستەگەندىكتەن، بەيجيڭ قالاسى فىڭتاي رايونى باستىعىنىڭ ورىنباسارى جوۋ يۇيچيڭ قاتارلى 3 ادام مىندەتىنەن بوساتىلدى
2020.06.15 15:31 كەلۋ قاينارى : حالىق تورابى
حالىق تورابى، 6 – ايدىڭ 15 – كۇنى، بەيجيڭ. ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى تورابىنىڭ حابارلاۋىنشا، 6 – ايدىڭ 15 – كۇنى تۇستەن كەيىن، بەيجيڭ قالالىق پارتكومنىڭ تۇراقتى كوميتەتى ءماجىلىس اشىپ، فىڭتاي رايونىنداعى قاتىستى قىزمەتكەرلەردىڭ جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتى بارىسىندا مىندەتىن اتقارماي، جاۋاپكەرسىزدىك ىستەۋ ماسەلەسى جونىندە العاشقى قادامدا تەكسەرۋ جۇرگىزۋ جانە ءبىرجاقتى ەتۋ ىستەرىن كەڭەستى.
6 – ايدىڭ 11 – كۇنىنەن بەرى، بەيجيڭ قالاسىندا جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەپ دياگنوز قويىلعان ناۋقاستار ارت - ارتىنان بايقالدى. دياگنوزى تۇراقتاندىرىلعان ناۋقاستارعا جۇقپالى اۋرۋ جونىندە تەكسەرۋ جۇرگىزۋ مەن ىرىدەرەككە نەگىزدەلە وتىرىپ، ىندەتتىڭ تارالۋ قاينارىن ىزدەۋ بارىسىندا، ولاردىڭ بارلىعىنىڭ بەيجيڭ شينفادي اۋىل شارۋاشىلىعى ونىمدەرىن تولايىم ساتۋ بازارىنا بارعان تاريحى بار ەكەنى نەمەسە سول جەردەگى قاتىستى ادامدارمەن ۇشىراسقان تاريحى بار ەكەنى انىقتالعان. 6 – ايدىڭ 13 – كۇنى بەيجيڭ قالالىق ءتارتىپ تەكسەرۋ كوميتەتى مەن باقىلاۋ كوميتەتى تەكسەرۋ گرۋپپاسىن قۇرىپ، بەيجيڭ قالاسى شينفادي اۋىل شارۋاشىلىعى ونىمدەرىن تولايىم ساتۋ بازارىنىڭ جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتى بارىسىندا مىندەتىن اتقارماۋ، جاۋاپكەرسىزدىك ىستەۋ ماسەلەسى ساقتالىپ وتىرعانىنا باعىتتاي وتىرىپ تەكسەرۋ جۇرگىزگەن. تەكسەرۋ ناتيجەسىنە قاراعاندا، فىڭتاي رايونى باستىعىنىڭ ورىنباسارى جوۋ يۇيچيڭنىڭ، فىڭتاي رايونى حۋاشياڭ اۋىلدىق پارتكومىنىڭ شۋجيى ۋاڭ حۋانىڭ، شينفادي اۋىل شارۋاشىلىعى ونىمدەرىن تولايىم ساتۋ بازارىنىڭ باس ديرەكتورى جاڭ يۋەليننىڭ ىندەتتەن ساقتانۋ جانە ونى تىزگىندەۋ قىزمەتى بارىسىندا «ءتورت جاقتى جاۋاپكەرشىلىكتى» ويداعىداي تياناقتاندىرماۋ، «ءتورت جاقتا ەرتە ارەكەتتەنۋ» تالابىن كۇش سالا اتقارماۋ، ديزەنفەكسيالاۋ قىزمەتى ويداعىداي بولماۋ سياقتى ماسەلەلەر ساقتالعان.
قالالىق پارتكومنىڭ تۇراقتى كوميتەتىنىڭ كەڭەسۋى بويىنشا، جوۋ يۇيچيڭ مىندەتىنەن بوساتىلدى، قاتىستى تارتىپتەر بويىنشا ءبىرجاقتى ەتىلەدى. مۇنان سىرت، فىڭتاي رايوندىق پارتكوم تۇراقتى كوميتەتىنىڭ كەڭەسۋى بويىنشا، ۋاڭ حۋا مىندەتىنەن بوساتىلدى؛ قاتىستى تاراۋلارعا جاڭ يۋەليندى شينفادي اۋىل شارۋاشىلىعى ونىمدەرىن تولايىم ساتۋ بازارىنىڭ باس ديرەكتورى مىندەتىنەن بوساتۋدى بۇيىردى. قالالىق ءتارتىپ تەكسەرۋ كوميتەتى مەن باقىلاۋ كوميتەتىنىڭ تەكسەرۋ گرۋپپاسى ىشكەرىلەي تەكسەرۋ جۇرگىزىپ، تەكسەرۋ ناتيجەسىنە ساي قاتىستى جاۋاپتى ادامداردىڭ جاۋاپكەرشىلىگىن قۋزاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
