قوعام حاۋىپسىزدىگى ورگاندارى 257 رەتكى شەكارا اتتاپ قۇمار ويناۋ دەلوسىن بارلاپ اشتى
ۇستالعان قىلمىس كۇدىكتىلەرى 11 مىڭ 500 دەن استام ادامنان استى
2020.06.23 17:51 كەلۋ قاينارى : حالىق تورابى
«حالىق گازەتى»، 6 - ايدىڭ 22 – كۇنى، بەيجيڭ (ءتىلشى جاڭ سۇڭ). ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، 2 – ايدىڭ 28 – كۇنى شەكارا اتتاعان قۇمار ويناۋعا سوققى بەرۋ، ونى جونگە سالۋ قىزمەتى ارناۋلى ءماجىلىسى اشىلعاننان بەرى قوعام حاۋىپسىزدىگى مينيسترلىگى بۇكىل ەلدەگى قوعام حاۋىپسىزدىگى ورگاندارىن جەدەل قيمىلداۋعا ورنالاستىرىپ، شەكارا اتتاعان قۇمار ويناۋعا سوققى بەرۋ، ونى جونگە سالۋ قىزمەتىن ىشكەرىلەي ورىستەتىپ، شەكارا اتتاعان قۇمار ويناۋ جانە ونىمەن قاتىستى قارا كۇشتەر، الدامشىلىق، اقشا جۋۋ، بارىمتالاۋ، الداپ ساتۋ، جاسىرىن ءوتۋ، فينانس سياقتى زاڭعا قايشى قىلمىستىق ارەكەتتەرگە قاتاڭ سوققى بەرىپ، كورنەكتى كەزەڭدىك ونىمدىلىككە قول جەتكىزگەن. قازىرگە دەيىن قوعام حاۋىپسىزدىگى مينيسترلىگى 79 دەلونىڭ بىتىرىلۋىنە بەلگى سالىپ قۋزاشىلىق ەتكەن، جەر - جەردەگى قوعام حاۋىپسىزدىگى ورگاندارى 257 رەتكى شەكارا اتتاعان قۇمار ويناۋ دەلوسىن بارلاپ اشقان، 11 مىڭ 500 دەن استام قىلمىس كۇدىكتىسىن ۇستاعان، ءبىر مىڭ 530 دان استام ادامدى ايىپتاۋعا وتكىزىپ بەرگەن؛ قۇمارعا ساياتىن 368 تەكشەنى، 148 تەحنيكالىق توپتى تالقانداعان. 187 تولەم تەكشەسى مەن قۇپيا اقشا دۇكەنىن تالقانداعان، 220 مىڭنان استام بانكە كارتوچكاسىن ۇستاپ قالعان، 28 مىڭ 100 دەن استام ەسەپتى مۇزداتقان، تەكسەرىپ انىقتالعان، دەلوعا سايعان قارجى 229 ميلليارد يۋاننان اسقان. بۇدان تىس قىرۋار قۇمارعا قاتىناسۋشى زاڭ بويىنشا ءبىر جاقتى ەتىلىپ، قىرۋار قۇمارعا قاتىناسۋشى شەكارادان كىرىپ - شىعۋ قارا تىزىمدىگىنە ەنگىزىلگەن. سونىمەن بىرگە، شەكارا اتتاعان قۇمار ويناۋ جانە تەلەگراف، توراپ الدامكوستىگى قىلمىستارىنا ساياتىن بانكە ەسەپ ءنومىرى الدامشىلىق كاسىبىنە قاراتا، جەر - جەردەگى قوعام حاۋىپسىزدىگى ورگاندارى شوعىرلى سوققى بەرۋ، وڭاۋ قيمىلىن ۇزدىكسىز ورىستەتكەن. ءبىر مىڭ 200 دەن استام اپاندى قيراتىپ، 27 مىڭنان استام ەسەپتى قولعا تۇسىرگەن، قاتىستى باسقارۋشى تاراۋلارمەن بىرگە بانكە مەن بازار باقىلاۋ - باسقارۋ تاراۋلارىنىڭ 200 دەن استام قىزمەتكەرىن تەكسەرىپ ءبىر جاقتى ەتكەن، جاۋاپقا تارتقان.
6 – ايدىڭ 22 – كۇنى قوعام حاۋىپسىزدىگى مينيسترلىگى تاياۋ مەزگىلدەگى شەكارا اتتاعان قۇمار ويناۋعا سوققى بەرۋگە قاتىستى 10 تيپتىك دەلونى جاريالادى، بۇلار مىنالار: گانسۋ ولكەسىنىڭ قوعام حاۋىپسىزدىگى ورگانى بارلاپ اشقان «19 - قاڭتار» شەكارا اتتاعان قۇمار ويناۋ دەلوسى، شاندۇڭ ولكەسى زاۋجۋاڭ قالاسى بارلاپ اشقان «3 - اقپان» شەكارا سىرتىنداعى قۇمارحانالارعا قارجى جاعىنان قىزمەت وتەۋ دەلوسى، گۋاڭدۇڭ ولكەسىنىڭ جۋحاي قالاسى بارلاپ اشقان «21 - ءساۋىر» شەكارا اتتاعان قۇمار ويناۋدى تەحنيكالىق جاقتان قولداۋ دەلوسى، گۋاڭشي اۆتونوميالى رايونى بايسى قالاسى مەن ۆيەتنام ساقشى جاعى بىرلەسىپ بارلاپ انىقتاعان شەكارا اتتاعان توراپتا قۇمار ويناۋ دەلوسى، گۋاڭدۇڭ ولكەسىنىڭ شىنجىن قالاسى بارلاپ اشقان شيا xx قاتارلىلاردىڭ ويىن دەتالىنان پايدالانىپ قۇمارحانا اشۋ دەلوسى، يۇننان ولكەسىنىڭ لينساڭ قالاسى بارلاپ اشقان ياڭ xx قاتارلىلاردىڭ ادام ۇيىمداستىرىپ شەكارادان جاسىرىن ءوتىپ قۇمار ويناۋ دەلوسى، گۋاڭدۇڭ ولكەسىنىڭ ماۋميڭ قالاسى بارلاپ اشقان «شاحمات تاقتاسى تەكشەسىنەن» پايدالانىپ شەكارا اتتاپ توراپ ارقىلى قۇمار ويناۋ دەلوسى، حيلۇڭجياڭ ولكەسىنىڭ مۋدانجياڭ قالاسى بارلاپ اشقان «933» شەكارا اتتاعان قۇمار ويناۋ تەحنيكاسىن اينالىمعا سالۋ، قارجى ەسەبىن جابۋ دەلوسى، شاندۇڭ ولكەسىنىڭ زىبو قالاسى بارلاپ اشقان شەكارا سىرتىنداعى بەلگىلى توراپ بەكەتىنىڭ ەلىمىز شەكاراسى ىشىندەگى توراپ بەكەتىنەن بىرلەسىپ قۇمار ويناۋشىلاردى قابىلداۋ دەلوسى، شاڭحاي قالاسىنىڭ جينشان رايونى بارلاپ اشقان باسقالاردى شەكارا اتتاعان توراپتا قۇمار ويناۋعا ۇيىمداستىرۋ دەلوسى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
