ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋداعى 6 تيپتىك ماسەلەنى اشىق جاريالادى
2020.06.24 16:49 كەلۋ قاينارى : حالىق تورابى
«حالىق گازەتى»، 6 - ايدىڭ 23 - كۇنى، بەيجيڭ (ءتىلشى جياڭ جيە). بىرنەشە كۇننىڭ الدىندا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋداعى 6 تيپتىك ماسەلەنى اشىق جاريالادى. بۇلار مىنالار:
شينجياڭ ۇيعۇر اۆتونوميالى رايونى سانجى حۇيزۋ اۆتونوميالى وبلىستىق دەنساۋلىق ساقتاۋ، سالاماتتىق كوميتەتىنىڭ نەگىزگى ساتىنىڭ اۋىرتپالىعىن جەڭىلدەتۋ جونىندەگى ورنالاستىرۋلاردى تياناقتاندىرۋدا فورماشىلدىققا سالىنىپ، نەگىزگى ساتىنىڭ اۋىرتپالىعىن ارتتىرۋ ماسەلەسى.
يۇننان ولكەسى حۇڭحى حاني، يزۋ اۆتونوميالى وبلىسىنىڭ مەملەكەت بويىنشا ەكونوميكانى جاپپاي تەكسەرۋدە ساناق ساندى مالىمەتىن جالعاننان جاساۋ ماسەلەسى.
حىبەي ولكەسى حاندان قالالىق ارحيۆ سارايىنىڭ 4 - دارەجەلى تەكسەرىپ - زەرتتەۋشىسى چي جۇنجيەنىڭ ۇكىمەت اۆتوكولىگىن بەلگىلەمەگە قايشى پايدالانۋ ماسەلەسى.
سانشي ولكەسى لينفىن قالاسى پۋشيان اۋداندىق شۇعىل جاعدايعا توتەپ بەرۋدى باسقارۋ مەكەمەسىنىڭ بۇرىنعى شۋجيى، 4 - دارەجەلى تەكسەرىپ - زەرتتەۋشىسى گو لۇڭحۋ قاتارلىلاردىڭ بەلگىلەمەگە قايشىلىق جاساپ تارتۋ - تارالعى الۋ ماسەلەسى.
شاندۇڭ ولكەسى جينيڭ قالاسى ۋيشان اۋداندىق ساياسي كەڭەستىڭ پارتيا باسشىلىق گرۋپپاسى مۇشەسى، باس حاتشىسى، كەڭسە مەڭگەرۋشىسى يان شيانچۇن قاتارلىلاردىڭ بەلگىلەمەگە قايشىلىق جاساپ ۇكىمەت اقشاسىمەن ساياحاتتاۋ سياقتى ماسەلەلەرى.
چۇڭچيڭ قالاسى ۋ - شان اۋداندىق ورتانى قورعاۋ مەكەمەسى پارتيا باسشىلىق گرۋپپاسىنىڭ بۇرىنعى شۋجيى سۇڭ جىڭتاڭنىڭ بەلگىلەمەگە قايشىلىق جاساپ ۇلىن ۇيلەۋ تويىنان پايدالانىپ قازىنا جيناۋ ماسەلەسى.
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى مىنانى دارىپتەدى: جوعارىداعى 6 ماسەلە تۇگەلدەي پارتيا 19 قۇرىلتايىنان كەيىن تۋىلدى، كەيبىرەۋى ءتىپتى ىندەتتەن ساقتانۋ - تىزگىندەۋ مەزگىلىندە تۋىلدى. مۇنىڭ ىشىندە فورماشىلدىق، تورەشىلدىك ماسەلەسى دە، راقاتقۇمارلىق، استا - توك ىسىراپشىلدىق ماسەلەسى دە بار. كەيبىرەۋىندە نەگىزگى ساتىنىڭ اۋىرتپالىعىن جەڭىلدەتۋ جونىندەگى ورنالاستىرۋ فورماعا اينالدىرىلعان. كەيبىرەۋىندە ەكونوميكانى جالپى بەتتىك تەكسەرۋ بارىسىندا ساندى مالىمەت جالعاننان جاسالعان، كەيبىرەۋىندە كەدەيلەردى سۇيەمەلدەۋ قىزمەتىنە ىستەتىلەتىن اۆتوموبيل جەكە جۇمىسقا ىستەتىلگەن، كەيبىرەۋىندە جۇمىستى، ءوندىرىستى قالپىنا كەلتىرۋدەن، تەكسەرىپ وتكىزىپ الۋدان، توي - تومالاق، ءولىم - ءجىتىم ىستەرىن وتكىزۋدەن پايدالانۋ ارقىلى بەلگىلەمەگە قايشىلىق جاسالىپ، تارتۋ - تارالعى قابىلدانعان، كەيبىرەۋىندە سىرتقا شىعىپ تاربيەلەۋ بارىسى وزگەرتىلىپ، ۇكىمەت اقشاسىمەن ساياحاتتاۋ، بەلگىلەمەگە قايشىلىق جاساپ قوسىمشا قاراجات تاراتۋ جايتتەرى ورىن تەپكەن. وسى پارتيالى كادرلار ورتالىق كوميتەتتىڭ بۇيرىعىن ەلەمەي، پارتيا تارتىبىنە نەمقۇرايدى قاراپ، يمەنبەي، ءوز بىلگەنىن ىستەپ، «جوعارى كەرنەۋلى سىمعا» سوقتىققان، ولار قاتاڭ جازالانىپ، اۋىر ساباق الدى، قالىڭ پارتيالى كادرلار مۇنان عيبىرات الىپ، ءوزى جونىندە قاي قاشان دا تولعانىپ وتىرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
