قوعام حاۋىپسىزدىگى ورگاندارى توراپتا قارىز اقشاعا بايلانىستى زاڭسىز قىزمەت وتەۋ تۇرلەرىن تانىستىرعان توپتارعا قاتاڭ سوققى بەرىپ، 460 تان استام قىلمىس كۇدىكتىسىن ۇستادى
2020.07.10 16:26 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 8 - كۇنى، بەيجيڭ (ءتىلشى شيۇڭ فىڭ). قوعام حاۋىپسىزدىگى مينيسترلىگىنىڭ ءبىر تۇتاس قولباسشىلىعىندا، بەيجيڭ، حىبي، شاڭحاي، جياڭسۋ قاتارلى 15 ولكە، اۆتونوميالى رايون، توتە قاراستى قالانىڭ قوعام حاۋىپسىزدىگى ورگاندارى 7 - ايدىڭ 8 - كۇنى تۇستەن بۇرىن تور جيىپ الۋ قيمىلىن ورىستەتىپ، قارىز اقشا تۇرىندەگى تەلەگراف، توراپ الدامكوستىگى قىلمىسىنا قىزمەت وتەيتىن زاڭسىز توراپتاردى تانىستىرۋشى توپتارعا زاڭ بويىنشا قاتاڭ سوققى بەردى. 7 - ايدىڭ 8 - كۇنى ساعات 16 عا دەيىن زاڭسىز توراپتى تانىستىرعان 57 توپتى تالقانداپ، 460 تان استام قىلمىس كۇدىكتىسىن ۇستادى.
بيىل جىل باسىنان بەرى رەسميات اقىسىن، كەپىلدىك اقشاسىن تاپسىرۋدى سىلتاۋ ەتكەن قارىز اقشا تۇرىندەگى تەلەگراف، توراپ الدامكوستىگى قىلمىسى دەلولارى كوپ تۋىلدى. قوعام حاۋىپسىزدىك ورگانى زاڭسىز ەلەمەنتتەردىڭ زيانكەستىككە ۇشىراۋشىنى دالمە - ءدال يگەرىپ، الدام قالتاعا ءتۇسىرۋىنىڭ تەتىگى كەيبىر زاڭسىز توراپتاردى تانىستىرۋشى توپتاردىڭ قارىز اقشا الۋ نيەتى بار كوپتەگەن ازاماتتىڭ جەكە ينفورماتسياسىن ساۋدالاۋىنان بولىپ وتىرعانىن بايقاعان. زاڭسىز توراپتاردى تانىستىرۋشى توپتار ادەتتە قارىز اقشا الۋ نيەتى انىق ادامدارعا قاراتا قىرۋار جالعان قارىز جارناماسىن دالمە - ءدال جەتكىزىپ وتىرعان. وسى نەگىزدە زاڭسىز ەلەمەنتتەر قارىز اقشا الۋشىلاردىڭ اتى - ءجونى، ازاماتتىق كۋالىك ءنومىرى، قولفون ءنومىرى سياقتى جەكەلىك ينفورماتسيالارىن الدامشىلىقپەن جيناپ، زاڭسىز جيناعان جەكەلىك ينفورماتسيالاردى تەلەگراف، توراپ الدامكوستەرىنە ساتىپ بەرگەن.
جياڭسۋ ولكەسى سۋجوۋ قالاسىنىڭ قوعام حاۋىپسىزدىك ورگانى جاقىندا تەكسەرىپ اشقان دەلولاردا زاڭسىز توراپتاردى تانىستىرۋشى توپتار قارىز اقشا الۋدى ءوتىنىش ەتكەن جەكەلەردىڭ 400 مىڭ پارشا جەكەلىك ينفورماتسياسىن قولعا ءتۇسرىپ، تەلەگراف، توراپ الدامكوستەرىنە ساتىپ بەرگەن، زياندالۋشىلار 4 مىڭ 700 گە جەتكەن، دەلوعا ساياتىن سوما 110 ميلليون يۋان بولعان. قوعام حاۋىپسىزدىگى مينيسترلىگى بۇعان ايرىقشا ءمان بەرىپ، قاتىستى دەلولاردىڭ دەرەكتەرىن تەكسەرۋ جانە اداقتاپ تەكسەرىپ، بارلاپ، سوققى بەرۋ قىزمەتىن دەرەۋ ورنالاستىردى. قىرۋار قىلمىس فاكتىسى مەن دالەل - ىسپاتتاردى يگەرۋ نەگىزىندە، قوعام حاۋىپسىزدىگى مينيسترلىگى 15 ولكە، اۆتونوميالى رايون، توتە قاراستى قالانىڭ قوعام حاۋىپسىزدىگى ورگانىن ۇيىمداستىرىپ جانە وعان قولباسشىلىق ەتىپ، شوعىرلى تور جيىپ الۋ ارەكەتىن ورىستەتتى.
قوعام حاۋىپسىزدىگى مينيسترلىگىنىڭ قاتىستى جاۋاپتىسى مىنانى ءبىلدىردى: قوعام حاۋىپسىزدىگى ورگاندارى وسى تەكتەس قىلمىستىق ارەكەتتەرگە قاتاڭ سوققى بەرۋدىڭ تەگەۋرىندى كۇيىن ساقتاپ، قاتىستى تاراۋلارمەن بىرگە باقىلاۋ - باسقارۋدى، جونگە سالۋدى كۇشەيتەدى، تەلەگراف، توراپ الدامكوستىگى ءۇشىن ءتۇرلى جاقتان زاڭسىز قىزمەت وتەگەن قىلمىستىق توپتاردى باتىل الاستايدى. قوعام حاۋىپسىزدىك ورگانى قالىڭ بۇقاراعا ساقتىق تانىمىن كۇشەيتىپ، كەپىلدىكسىز، رەسميات اقىسى جوق دەگەن سياقتى جالعان قارىز اقشا ۇگىتىنە جەڭىل - جەلپى سەنبەۋدى، الدانىپ قالماۋدى ەسكەرتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
