بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۋاتتىق بۇيىمدارعا قاتىستى قىلمىس وتكىزۋشىلەردىڭ امال – ايلاسى كوپ

«ءتۇرلى ناۋقاسقا تۇگەل ەم بولاتىن» قۋاتتىق بۇيىمداردان ساق بولايىق

حالىق گازەتىنىڭ ءتىلشىسى جاڭ سۇڭ

2020.07.30 15:07     كەلۋ قاينارى : حالىق تورابى

  جۋىردا، بەيجيڭ حايديان رايوندىق قوعام حاۋىپسىزدىگى مەكەمەسى بەيتايپيڭجۋاڭ ساقشى بولىمشەسى بەلگىلى تۇرعىندار كوميتەتى قىزمەتكەرىنىڭ ساقشىعا مالىمدەۋىن تاپسىرىپ العان، اتالعان قىزمەتكەر شاعىن الەۋمەتتىك اۋماقتاعى تۇرعىننىڭ بىرنەشە قالتا قۋاتتىق بۇيىمدى الىپ، ءبىر ەر ادامعا اقى تولەمەك بولىپ تۇرعانىن كورىپ، بۇل تۇرعىن الدانىپ قالۋى مۇمكىن دەپ كۇماندانىپ، ساقشىعا مالىمدەگەن.

  حالىق ساقشىلارى مالىمدەۋدى تاپسىرىپ العان سوڭ، دەرەۋ ناق مايدانعا بارىپ تەكسەرگەن، ءاسىلى بىلاي ەكەن: بۇل ىسكە قاتىستى بولعان شياۋ مىرزاعا بەيجيڭدەگى بەلگىلى ءدارى دۇكەنىندەگى اتالمىش «مامان» جۇرەك، باۋىر، كوكباۋىر، وكپە، بۇيرەك قاتارلى ورگاندارىندا اۋرۋ بار دەپ دياگنوز قويعان ءارى وعان دۇكەندەگى «بەس ەلەمەنتتى توركىن كلەتكا» اتتى جاڭا ۇلگىدەگى قۋاتتىق بۇيىمدى : بۇل ءونىم اۋرۋدى ەمدەيدى، ءبىر رەتكى ەمدەۋ كەزەڭىنىڭ اقىسى 19900 يۋان دەپ تانىستىرعان. شياۋ مىرزا دۇكەندەگى قىزمەتكەردى ەرتىپ، ۇيىنەن اقشا الۋعا كەلگەن كەزدە، تۇرعىندار كوميتەتىنىڭ قىزمەتكەرى دەر كەزىندە بايقاپ، ساقشىعا مالىمدەگەن.

  حايديان ساقشى جاعىنىڭ تەكسەرىپ انىقتاۋىنشا، اتالعان ءدارى دۇكەنى 2019 – جىلى 1 – ايدان باستاپ، الەۋمەتتىك اۋماقتاردا كۇرىش، ۇن، ماي قاتارلىلاردى تەگىن تاراتۋ، قالا ماڭىنا ساياحات ۇيىمداستىرۋ، باس قوسۋ قاتارلى تاسىلدەرمەن حاريدارلاردى كوبەيتكەن، ونان سوڭ، اتالمىش «مامانداردىڭ» دەنساۋلىق جايلى كەڭەس بەرۋى، تەگىن ەمدەۋى قاتارلى فورمالارمەن ەمدەلۋشىلەردىڭ ناۋقاسىن جالعاننان قۇراستىرىپ، اسىرەلەپ، وسى ارقىلى قارتتارعا قۋاتتىق بۇيىمداردى ساتۋ سىندى الدامكوستىكپەن اينالىسقان. قازىر اتالعان سەرىكتەستىكتىڭ جاڭ Xي قاتارلى دەلوعا قاتىستى بەس ادامىن الدامكوستىك قىلمىس وتكىزۋ كۇمانىمەن حايديان ساقشى جاعى زاڭ بويىنشا قىلمىستىق ءىس بويىنشا قاماي تۇرۋعا الدى.

  قوعام حاۋىپسىزدىگى مينيسترلىگىنىڭ «كۇنلۇن 2020» ارناۋلى قىزمەتىنىڭ ورنالاستىرۋىنا ساي، بەيجيڭ ساقشى جاعى جۇرتشىلىقتىڭ اڭىسى كۇشتى بولعان ازىق – تۇلىك جاعىنداعى جۇرتشىلىقتىڭ مۇددەسىنە زيان جەتكىزگەن ماسەلەلەرگە نازاردى شوعىرلاندىرىپ، بازاردى باقىلاۋ – باسقارۋ تاراۋلارىن بىرلەستىرىپ، بۇكىل قالا كولەمىندە «ازىق – تۇلىك جاعىنداعى زاڭعا قايشى قىلمىستىق ارەكەتتەرگە سوققى بەرۋ، بىلىققان جاعدايدى جونگە سالۋ، زيانكەستەردى الاستاۋ جونىندەگى بەس شايقاس 2020» ارەكەتىن قانات جايدىردى. بيىل الدىڭعى جارىم جىلدا، ازىق – تۇلىك جاعىنداعى زاڭعا قايشى قىلمىستىق دەلولاردان جيىنى 54 دەلونى انىقتاپ، قىلمىسكەرلەردىڭ اپانىنان 80 نەشە ورىندى تالقاندادى، قىلمىستىق ءىس بويىنشا قىلمىس كۇماندىلارىنان 173 ادامدى قولدا ۇستاي تۇرۋعا الدى. مۇندا بەيجيڭدەگى حايديان رايونى، چاڭپيڭ رايونى، تۇڭجوۋ رايونى، مييۇن اۋدانى قاتارلى جەرلەردەگى ساقشى جاق قۋاتتىق بۇيىمدارعا قاتىستى قىلمىستىق دەلولاردان 14 دەلونى انىقتاپ، قىلمىستىق توپتاردان 7 توپتى تالقانداپ، دەلوعا قاتىستىلاردان 59 ادامدى قولعا ءتۇسىردى. مۇندا اۋرۋدى جالعاننان قۇراستىرۋ، ەمدەۋ ونىمدىلىگىن اسىرەلەۋ تاسىلدەرى ارقىلى الدامكوستىك ىستەۋگە قاتىستى دەلولاردان سىرت، قۋاتتىق بۇيىمدارعا مەملەكەت انىق بۇيرىق شىعارىپ تيىم سالعان دارىلىك قۇرامداردى زاڭعا قايشى تۇردە قوسۋعا قاتىستى دەلولار دا، قۋاتتىق بۇيىمداردى ءدارىنىڭ ورنىندا ساتۋ ارقىلى الدامكوستىك ىستەۋگە قاتىستى دەلولار دا بار.

  ساقشى جاق مىنانى ءبىلدىردى: قۋاتتىق بۇيىمدار ىشپەك - جەمەك كولەمىنە كىرەدى، ءدارى – دارمەكتىڭ ورنىندا اۋرۋدى ەمدەۋگە پايدالانۋعا بولمايدى، ەمدەلمەكشى بولساڭىز سەنىمدى ەمحانالارعا بارىڭىز. ەگەر مامانداردىڭ لەكسيا جاساۋى، ىستىق ىقىلاستىلاردىڭ تانىستىرۋى قاتارلى جاعدايلارعا جولىقساڭىز، ساقتىق تانىمىن جوعارىلاتىپ، وتباسىڭىزداعىلارمەن كوبىرەك كەڭەسىڭىز، ءىستىڭ شىن سىرىن ءتۇرلى جاقتار ارقىلى انىقتاڭىز، قىلمىستىق ەلەمەنتتەرگە ارامزالىعىن ىسكە اسىراتىن وراي بەرۋشى بولماڭىز. ساقشى جاق مىنانى ەسكەرتەدى: ازىق – تۇلىك حاۋىپسىزدىگىنە نەمقۇرايدى قاراۋعا بولمايدى، بارشا تۇتىنۋشىلار ازىق – تۇلىك جانە قۋاتتىق بۇيىم ساتىپ العان كەزدە، ءسوزسىز، سەنىمدى دۇكەندەرگە بارىپ ساتىپ الۋى ءارى دۇكەننىڭ تيجارات كۋالىگى، قاتىستى ازىق – تۇلىكتەردى تيجارات ەتۋ تولىمدىلىعى بار ما، جوق پا دەگەندى انىقتاۋعا نازار اۋدارۋى، تاۋاردىڭ بەلگىسىن، سىرتقى قورابىن مۇقيات تەكسەرۋى، ساتىپ الۋ ىسپاتىن جانە قاتىستى تالوندارىن جوعالتىپ الماۋى كەرەك. بازارداعى باعاسىمەن سالىستىرعاندا كوپ ارزان بولعان تاۋاردى ساتىپ الماق بولساڭىز، اباي بولعانىڭىز ءجون، ارزانعا جۇگىرەمىن دەپ الدانىپ قالىپ جۇرمەڭىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار