«ۋيچات تەكشەسىنە قوسىلۋ» ارقىلى تۇتىنۋ «جاسىرىن ەرەجەسىن» وزگەرتەتىن كەز كەلدى
جاڭ تاۋ
2020.08.11 16:39 كەلۋ قاينارى : حالىق تورابى
«بارسىڭ با، ماعان كومەكتەسىپ، ءبىر داۋىس بەرە الاسىڭ با؟» تۋىسقانىڭ، ياكي، دوسىڭ جىبەرگەن جالعانىمدى اشىپ، داۋىس بەرۋ ارناسىنا كىرسەڭىز، الدىمەن ۋيچات تەكشەسىنە قوسىلۋ كەرەك ەكەنىن بايقايسىز؛ ءدارى دۇكەنىنىڭ الدىنان وتسەڭىز، الارمانداردىڭ بويىنىڭ بيىكتىگى، دەنە سالماعى قاتارلى نەگىزدىك دەنساۋلىق احۋالدارى ولشەيتىن تارازىنىڭ بەتىنەن: «ەكى ولشەمدى كود جايمالاپ، تەكشەگە قوسىلعان سوڭ پايدالانا الاسىز» دەگەن ءسوزدى كورەسىز؛ ساۋدا بازارىن ارالاپ بولىپ، اۆتوكولىك تۇراعىنان اۆتوكولىكپەن شىعىپ كەتەيىن دەسەڭىز، ۋيچات تەكشەسىنە تىزىمدەلمەي تۇرىپ، اقى تاپسىرا المايسىز ... كۇندەلىكتى تۇرمىستا وسىلاي قايتا – قايتا ەكى ولشەمدى كودتەردى جايمالاپ ءجۇرىپ، قولفونىڭىزداعى تەكشەلەر تىزىمدىگىنىڭ بارعان سايىن ۇزارا تۇسكەنىن بايقايسىز (8 – ايدىڭ 10 – كۇنگى «باقىلاۋ» گازەتىنەن)
قازىر ءىشىنارا تۇتىنۋ سالاسىندا «ۋيچات تەكشەسىنە تىزىمدەلمەسەڭىز، ×× جۇمىسىن اتقارا المايسىز» دەگەن «جاسىرىن ەرەجە» پايدا بولدى. الەۋمەتتىك ورتادا Wi-Fi تورىنان پايدالانعان كەزدە، قوناق ۇيدە تاماق بۇيىرتقان كەزدە، زات العاندا اقى تولەۋ بارىسىندا، تۇتىنۋشىلار ادەتتە، ءسوزسىز، ساۋدا دۇكەنىنىڭ ۋيچات تەكشەسىنە قوسىلعاندا عانا، جۇمىستارىن جالعاستى تىندىرا الادى، سوندا عانا قاتىستى ونىمدەر مەن قىزمەت وتەۋلەردەن يگىلىكتەنە الادى. مۇنى ساۋداگەرلەر تۇتىنۋشىلارعا قولايلىلىق جاراتۋ دەپ اتاعانىمەن، الايدا، مۇنداي «فورمالىق جاقتا ەرىكتى، ءىس جۇزىندە ىرىقسىز» تۇردە اتقارىلاتىن ساۋدالىق ارەكەتتى تالاي ادام وڭايلىقپەن قابىلداي المايدى.
ەڭ الدىمەن، ۋيچات تەكشەسىنە تىزىمدەلۋ بارىسىندا قارسى جاقتىڭ ۋيچاتتاعى باس سۋرەتى، ەسىمى، تۇرعان ورنى جانە جىنىسى قاتارلى جەكەلىك ينفورماتسيالارىن الۋىنا رۇقسات ەتۋ قاجەت بولادى، بۇل جونىندە كوپتەگەن ادامدارىڭ جەكەلىك ينفورماتسيالارىنىڭ جايىلىپ كەتۋى سىندى حاۋىپتەن الاڭدايتىنى داۋسىز. مۇنان سىرت، قوسىلعان ساۋدا دۇكەندەرىنىڭ بارعان سايىن كوبەيۋىنە بايلانىستى، قولفونداعى تەكشەلەر تىزىمدىگى بارعان سايىن ۇزارادى. قالا تۇرعىندارى بۇل جايلى رەنىش ءبىلدىرىپ، تەكشەلەر تىزىمدىگىندەگى تەكشەلەردىڭ جارىمىنا جەتپەيتىن بولىگى عانا ءوزىمىز شىنايى نازار اۋداراتىن تەكشەلەر دەگەن بولاتىن. بۇل تۇتىنۋشىلاردىڭ قاجەتتى ينفورماتسيالاردى وقۋىنا ىقپال ەتىپ قالماستان، تۇتىنۋشىلار جان – جاقتان انتالاعان جارنامالاردىڭ قورشاۋىندا قالادى. مۇنان سىرت، ۋيچات تەكشەسىنە قوسىلۋ ارقىلى عانا يگىلىكتەنە الاتىن قىزمەت وتەۋ تۇرلەرى زەردەلى قولفون پايدالانبايتىن، ۋيچات قولدانبايتىن قارتتار جونىنەن ايتقاندا، وتە قولايسىز بولىپ، تۇتىنۋ جاعىندا الالاۋ سىندى كۇمان تۋدىرۋى مۇمكىن.
راسىندا دا، ينتەرنەت داۋىرىندە جانكۇيەردىڭ سانى بەلگىلى دەڭگەيدە قۇن جاراتادى. ساۋدالىق ۋيچات تەكشەلەرى جونىنەن ايتقاندا، ولار جانكۇيەرلەردىڭ سانىن ارتتىرۋ ارقىلى كورىلىمدى ارتتىرىپ قالماستان، وسى ارقىلى تۇتىنۋ جاعىنداعى جاقتاۋشىلارىن مولايتىپ، دالمە – ءدال بەرىلەتىن جارناماعا يە بولۋدى كوزدەيدى. دەگەنمەن، جانكۇيەرلەردىڭ سانىن ارتتىرعاننىڭ دا ءجونى بار، «تىركەلمەسەڭ ×× قىزمەت وتەۋدەن يگىلىكتەنە المايسىڭ» دەيتىن تۇتىنۋ جاعىنداعى «جاسىرىن ەرەجە» قيسىنعا سيمايتىنىمەن قويماي، ونىڭ ۇستىنە زاڭعا قايشى كۇمان دا تۋدىرادى.
«تۇتىنۋشىلاردىڭ ۇقىق – مۇددەسىن قورعاۋ زاڭىنىڭ» 9 – تارماعىنداعى بەلگىلەمەرگە نەگىزدەلگەندە، تۇتىنۋشىلاردىڭ تاۋاردى نەمەسە قىزمەت وتەۋدى ءوز ەركىمەن تاڭداۋ ۇقىعى بار. تۇتىنۋشىلار تاۋارمەن نەمەسە قىزمەت وتەۋمەن قامدايتىن تيجاراتشىنى ءوز ەركىمەن تاڭداۋعا ۇقىقتى، تاۋاردى نەمەسە قىزمەت وتەۋدى ءوز ەركىمەن تاڭداۋعا ۇقىقتى، ءارقانداي تاۋاردى ساتىپ الۋ نەمەسە ساتىپ الماۋدى، ءارقانداي قىزمەت وتەۋدى قابىلداۋ نەمەسە قابىلداماۋدى ءوزى بەلگىلەيدى. ساۋدا دۇكەندەرىنىڭ تۇتىنۋشىلاردى ۋيچات تەكشەسىنە تىزىمدەلگەن سوڭ تاماق بۇيىرتۋعا نەمەسە اقى تولەۋگە ماجبۇرلەۋى تۇتىنۋشىلاردىڭ ءوز ەركىمەن تاڭداۋ ۇقىعىنا قول سۇعۋ، قالىپقا تۇسكەن ەرەجەلەر ارقىلى تۇتىنۋشىلاردىڭ ۇقىعىن جوققا شىعارۋ نەمەسە وعان شەكتەۋ قويۋ كۇمانىن تۋدىرادى. سونىمەن بىرگە، ءىشىنارا كولىك توقتاتۋ الاڭدارى كولىك جۇرگىزۋشىلەردەن ۋيچات تەكشەسىنە تىزىمدەلىپ، تەكشە ارقىلى اقى تاپسىرۋدى تالاپ ەتەدى، بۇل «حالىق اقشاسىن باسقارۋ ەرەجەسىندەگى» «جۇڭحۋا حالىق رەسپۋبليكاسى تەرريتورياسىنداعى ءارقانداي الەۋمەتتىك جانە جەكەلىك بەرەشەكتەردى حالىق اقشاسىمەن تولەۋگە بولادى، ءارقانداي ورىن مەن جەكەنىڭ قابىلداماي قويۋىنا بولمايدى» دەگەن قاتىستى بەلگىلەمەگە قايشى كەلۋ كۇمانىن تۋدىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
