اس – سۋ جاعىنداعى ىسىراپشىلدىقتى زاڭمەن باسقاراتىن كەز كەلدى
شۇي جۇن
2020.08.18 14:52 كەلۋ قاينارى : حالىق تورابى
«اس – سۋ جاعىنداعى ىسىراپشىلدىق جاعدايى جان تۇرشىكتىرىپ، ادامدى اشىندىرادى!» باس شۋجي شي جينپيڭ جۋىردا اس – سۋ جاعىنداعى ىسىراپشىلدىق ارەكەتتەردى تيۋ جونىندە ماڭىزدى نۇسقاۋ بەرىپ، زاڭ جاساۋدى كۇشەيتىپ، باقىلاۋ – باسقارۋدى كۇشەيتىپ، ءونىمدى شارالاردى قولدانىپ، ۇزاق مەرزىمدىك ءونىمدى مەحانيزم ورناتىپ، اس – سۋ جاعىنداعى ىسىراپشىلدىق ارەكەتتەرىن باتىل تيۋ كەرەك دەپ اتاپ كورسەتتى، ۇگىت – تاربيەنى اناعۇرلىم كۇشەيتىپ، ۇنەمشىلدىك ادەتىن شىنايى قالىپتاستىرىپ، بۇكىل قوعامدا ىسىراپشىلدىق — نامىس، ۇنەمشىلدىك — داڭق دەيتىن اۋقىمدى قالىپتاستىرۋدى باسا دارىپتەدى.
«ۇنەمشىلدىك — ەڭ ىزگى ءمورال، ىسىراپشىلدىق — ەڭ ناشار ادەت»، اۋىر ىسىراپشىلدىق جاعدايىن زاڭمەن ويداعىداي باسقاراتىن كەز كەلدى.
باس شۋجي شي جينپيڭ مىنانى اتاپ كورسەتتى: زاڭ — مەملەكەتتى باسقارۋداعى ەڭ ماڭىزدى قاعيدا. اس – سۋ جاعىنداعى ىسىراپشىلدىق ارەكەتىن باتىل تيۋدا جۇڭحۋا ۇلتىنىڭ ۇقىپتى دا ۇنەمشىل بولۋداي تاماشا ءداستۇرىن كۇش سالا ساۋلەلەندىرىپ، ىسىراپشىلدىق — نامىس، ۇنەمشىلدىك — داڭق دەيتىن يدەيالىق تانىمدى كۇش سالا ۇگىتتەۋدەن سىرت، ءسوزسىز، زاڭ جاساۋدى كۇشەيتىپ، باقىلاۋ – باسقارۋدى كۇشەيتىپ، ءونىمدى شارالاردى قولدانىپ، ۇزاق مەرزىمدىك ءونىمدى مەحانيزمدى ورناتىپ، اس – سۋ جاعىنداعى ىسىراپشىلدىقتى تيۋدىڭ تۇزىمدىك قاپاسىن بەكەمدەۋ كەرەك.
قازىر ەلىمىزدە اتقارىلىپ وتىرعان زاڭداردىڭ ىشىندە ىسىراپشىلدىق ارەكەتتەرىنە تەجەم سالاتىن بەلگىلەمەلەر بار. مىسالى، نەگىزگى زاڭدا مەملەكەتتىڭ ۇنەمشىلدىكتى بۇلجىتپاي اتقارىپ، ىسىراپشىلدىققا قارسى تۇراتىندىعى ايقىن بەلگىلەنگەن؛ اۋىل شارۋاشىلىعى زاڭىندا دا مەملەكەتتىڭ استىقتى قاستەرلەۋ مەن ۇنەمدەۋدى دارىپتەيتىنى بەلگىلەنگەن. مەملەكەت حاۋىپسىزدىگى زاڭى، تۇتىنۋشىلاردىڭ ۇقىق – مۇددەسىن قورعاۋ زاڭى، قورشاعان ورتانى قورعاۋ زاڭى، قاتتى كۇيدەگى جاراقسىز زاتتاردىڭ ورتانى لاستاۋىنان ساقتانۋ جانە ونى جونگە سالۋ زاڭى، ازىق – تۇلىك حاۋىپسىزدىگى زاڭى قاتارلى زاڭ – تۇزىمدەردىڭ بارلىعىندا دا «ۇنەمشىلدىكتى بۇلجىتپاي اتقارىپ، ىسىراپشىلدىققا قارسى تۇرۋ» رۋحى كورنەكتىلەندىرىلگەن. بيىل جاسالعان ازاماتتىق زاڭنامادا ازاماتتىق ىستەر نەگىزگى تۇلعاسىنىڭ ازاماتتىق ىستەر ارەكەتىنىڭ بايلىق قاينارىن ۇنەمدەۋگە، ەكولوگيالىق ورتانى قورعاۋعا پايدالى بولۋى كەرەك ەكەنى بەلگىلەنگەن؛ توقتامداسۋشى ادام توقتامدى اتقارۋ بارىسىندا بايلىق قاينارىن ىسىراپ ەتۋدەن، قورشاعان ورتانى لاستاۋدان جانە ەكولوگيالىق ورتانى بۇلدىرۋدەن ساقتانۋى قاجەت.
الايدا، بۇلاردان مىنانى كورىپ الۋ قينعا سوقپايدى، بۇل پرينسيپتىك بەلگىلەمەلەر مەن تالاپتار ءبىرشاما بىتىراڭقى بولعاندىقتان، جۇيەلىلىگى، باعىتتامالىلىعى، شوعىرلىلىعى ءالى دە جەتكىلىكسىز، قاجەتتى تەجەۋ سيپاتىندىق شارالار مەن جازالاۋ مەحانيزمى كەمشىل.
زاڭ ازۋى ايباتتى بولعاندا عانا، ءتيىستى ءونىمدى رولىن ساۋلەلەندىرە الادى. اس – سۋ جاعىنداعى ىسىراپشىلدىقتاردى زاڭ بويىنشا تەجەۋدە، اس – سۋ جاعىنداعى ىسىراپشىلدىق ارەكەتتەرىن تەجەۋ جونىندە ناقتى، ايقىن بەلگىلەمە ورناتىپ، ۇيلەسىمدى، اقاۋسىز اس – سۋ مادەنيەتىن بەلسەندى دارىپتەپ، اس – سۋ جاعىنداعى ىسىراپشىلدىق ارەكەتتەرىنە تەجەۋ سالاتىن ۇزاق مەرزىمدىك مەحانيزمدى ورناتۋ قاجەت. مىسالى، اكىمشىلىك تاراۋلارى، اس – سۋ تيجاراتىمەن شۇعىلدانۋشىلار، تۇتىنۋشىلار قاتارلى ءتۇرلى جاقتاردىڭ جاۋاپكەرشىلىگىن ايقىن بەلگىلەپ، اتقارۋعا وڭاي باقىلاۋ شارالارىن بەلگىلەۋ ءارى ءىس تۋىلۋدان بۇرىن ساقتانۋعا، ءىس بارىسىندا باقىلاۋعا، ىستەن كەيىن جازالاۋعا بىردەي ءمان بەرەتىن تۇزىمدىك مەحانيزمدى ورناتۋعا كۇش سالۋ قاجەت. اس – سۋ تيجاراتىمەن شۇعىلدانۋشىلاردىڭ ەسكەرتۋ، ءجون سىلتەۋ جاۋاپكەرشىلىگىن ايقىنداۋ قاجەت؛ مالىمدەۋ مەحانيزمىن قۇرىپ، اس – سۋ ىسىراپشىلدىعى قۇبىلىسىن اشكەرەلەۋگە شابىتتاندىرۋ قاجەت. جۋىرداعى جىلداردان بەرگى ۇكىمەت قاراجاتىمەن جەپ – ءىشۋدى جونگە سالۋ قاتارلى جاقتاردا جيناقتاعان تاجىريبەلەر مەن تاسىلدەردى زاڭ – ءتۇزىم دەڭگەيىنە كوتەرىپ، بەكەمدەۋ كەرەك.
مەملەكەتتىك 13 – كەزەكتى حالىق قۇرىلتايى تۇراقتى كوميتەتى استىق حاۋىپسىزدىگىن قامتاماسىزداندىرۋ زاڭىن جاساۋدى زاڭ جاساۋ جوسپارىنا ەنگىزدى، استىق حاۋىپسىزدىگىنە كەپىلدىك ەتۋ زاڭى مەن باسقا دا قاتىستى زاڭ – تۇزىمدەردى بەكىتۋ – وزگەرتۋ بارىسىندا، جەكە – جەكە، اس – سۋ جاعىنداعى ىسىراپشىلدىق ارەكەتىن تەجەۋ جونىندە باعىتتامالى بەلگىلەمە ورناتۋ كەرەك. مۇنان سىرت، زاڭ جاساۋ ارقىلى استىقتى ءوندىرۋ، ساتىپ الۋ، ساقتاۋ، تاسىمالداۋ، مانەرلەۋ، تۇتىنۋ قاتارلى ءتۇرلى تۇيىندەردى باسقارۋدى كۇشەيتىپ، استىقتىڭ ىسىراپ بولۋىن ءونىمدى تۇردە ازايتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
