بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۋىل - قىستاق رايوندارىنىڭ قاتىناس حاۋىپسىزدىگىن اناعۇرلىم ويداعىداي كۇشەيتەيىك

گاۋ يا

2020.08.21 14:01     كەلۋ قاينارى : حالىق تورابى

  تاياۋدا، اۆتور بەلگىلى تاۋلى رايونعا تىلشىلىك ىستەگەندە، بۇرىن قىستاق تۇرعىندارىنىڭ قىستاقتان شىعىپ، قالاشىققا بارىپ جەرگىلىكتى ونىمدەرىن ساتىپ، تۇرمىستىق كەرەك – جاراق الىپ كەلۋگە تەك جاياۋ باراتىندىعىن، بارۋدىڭ وزىنە 4 ساعات ۋاقىت كەتەتىندىگىن، قازىر جول سالىنعاننان بەرى، بارلىق وتباسى دەرلىكتەي موتوتسيكل العاندىعىن، موتوتسيكلمەن قالاشىققا بارۋ ۋاقىتىنىڭ تەك 40 مينۋتقا قىسقارعاندىعىن، مۇنداي قولايلى، تەز ءجۇرىس - تۇرىس ءتاسىلى ديقانداردىڭ قارسى الۋىنا يە بولعاندىعىن بايقاعان.

  قولايلىلىقتان يگىلىكتەنۋمەن بىرگە، حاۋىپسىزدىك ماسەلەسىنە نەمقۇرايدى قاراۋعا استە بولمايدى. تاۋ جولى – كۇدىر، موتوتسيكل ايداعاندا قارقىندى وتە تەزدەتسە نەمەسە تۇتقيىل جاعدايعا تاپ بولىپ، جول بەرۋگە ۇلگىرمەسە، ونىڭ زاردابىن ويلاۋدىڭ ٶزى قيىن. تاۋلى رايون عانا ەمەس، ۇلان - بايتاق اۋىل - قىستاق رايوندارىنداعى موتوتسيكل وقيعاسى دەلوسىنىڭ سالىستىرماسى دا قالادان جوعارى. ەڭ جوعارى حالىق سوت مەكەمەسى بىرنەشە كۇننىڭ الدىندا جاريالاعان «قاتىناس شىرعالاڭىن تۋدىرۋ قىلمىسىنىڭ ەرەكشەلىگى مەن اۋقىمىنداعى» ءادىليالىق ءىرى ساندى مالىمەت ارناۋلى دوكلاتىندا كورسەتىلۋىنشە، 2016 ـ جىلى 1 - ايدان 2019 ـ جىلى 12 – ايعا دەيىن، قاتىناس شىرعالاڭىن تۋدىرۋ قىلمىسىندا اۋىل - قىستاق رايوندارىنداعى موتوتسيكل دەلولارىنىڭ سالىستىرماسى %15.34 كە جەتكەن، قالا رايونىنداعى موتوتسيكل دەلوسىنىڭ سالىستىرماسى %8.14 بولعان. حاۋىپسىز ءجۇرىس - تۇرىستى قامتاماسىز ەتۋ ءۇشىن، قاتىناس زاڭ - ەرەجەلەرىنە بويسۇنۋ، حاۋىپسىزدىك تانىمىن جوعارىلاتۋ، اۋىل - قىستاقتىڭ نەگىزدىك قۇرىلعىلار قۇرىلىسىن كۇشەيتۋ، سونداي - اق زاڭنىڭ اتقارىلۋىن باقىلاۋ سياقتى جاقتاردان دا ىسكە كىرىسۋ كەرەك.

  موتوتسيكلدى زاڭ بويىنشا جۇرگىزگەندە عانا امان - ەسەن ساپار شەگۋگە بولادى. جول قاتىناس حاۋىپسىزدىگى زاڭىن اتقارۋ ەرەجەسى بويىنشا موتوتسيكل جۇرگىزۋشىلەر جونىنەن العاندا، كولىكتى زاڭ بويىنشا جۇرگىزۋ ءۇشىن، ءسوزسىز، موتورلى كولىك تىزگىنشى كۋالىگىن الۋ كەرەك؛ زاڭدى تۇردە جولعا شىققىسى كەلسە، ساتىپ العان موتوتسيكلگە موتورلى كولىك ءنومىرىن الىپ، قاتىناۋ كۋالىگىن ءبىتىرۋى كەرەك؛ بۇدان سىرت، زاڭداعى بەلگىلەمە بويىنشا جىلدىق تەكسەرۋدەن ءوتۋى كەرەك.

  حاۋىپسىزدىك تانىمىن جوعارىلاتقاندا عانا حاۋىپسىز جول جۇرۋگە بولادى. موتوتسيكلدىڭ جۇرگىزۋ تەحنيكاسى مەن جول جاعدايىنا بولعان تالابى ءبىرشاما جوعارى، قالامەن سالىستىرعاندا، كەيبىر اۋىل - قىستاقتاردا جول تار بولۋى، قاتىناس بەلگىلەرىتولىق بەلگىلەنبەۋ، ءتىپتى ءبىر ءبولىم اۋىل - قىستاق جولى توپىراق جول بولۋ سياقتى جاعدايلار ساقتالىپ وتىر. ەگەر جاڭبىر، قار جاۋسا موتوتسيكلدىڭ دوڭگەلەگى تايىپ، وڭاي جىعىلادى. زاڭ - ەرەجەلەرگە بويسۇنۋمەن بىرگە، ورنىقتى جول جاعدايىن تاڭداپ، تاماشا كولىك جۇرگىزۋ ادەتىن قالىپتاستىرىپ، قورعانۋ جابدىقتارىن دۇرىس تاعۋ وتە ماڭىزدى.

  ءونىمدى باقىلاپ - باسقارعاندا عانا ءجۇرىس - تۇرىس حاۋىپسىز بولادى. موتوتسيكل اۆتوموبيلمەن سالىستىرعاندا، كولەمى شاعىن، قارقىنى تەز، زاڭعا قايشى ارەكەتتەردى باقىلاپ - باسقارۋ قيىن. قالادا، كەيبىر موتوتسيكل موتورلى كولىك ءنومىرىن تاقپاۋ، قاعيدا بويىنشا جۇرمەۋ، موتورلى كولىك جولىن يەمدەنىپ الۋ سياقتى زاڭعا قايشى ارەكەتتەر ءومىر ءسۇرىپ وتىر، اۋىل - قىستاقتاردا ءتىپتى دە وسىلاي. بۇل جونىندە قاتىناس باسقارۋ تاراۋلارى باستان - اياق ارەكەتتەنىپ كەلەدى. مىسالى، موتوتسيكل، ەلەكتر ۆەلوسيپەد مىنەتىندەر مەن اۆتوكولىك جۇرگىزۋشىلەردىڭ باس اماندىعىن ءونىمدى قورعاپ، قاتىناس شىرعالاڭىنان قايتىس بولۋدى ازايتۋ ءۇشىن، قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى بۇكىل ەل كولەمىندە «ءبىر ادام ءبىر دۋلىعا كيۋ» حاۋىپسىزدىك قيمىلىن ورىستەتۋدى ورنالاستىردى.

  ساقتىقتا قورلىق جوق، تۇتاس قوعامداعى قاتىناسقا قاتىناسۋشىلاردىڭ حاۋىپسىزدىك تانىمىن جەتىلدىرۋ بارىنەن ماڭىزدى. زاڭ بويىنشا جولعا شىعىپ، قارقىندى باياۋلاتىپ، امان - ەسەن بولعاندا عانا باقىتتى تۇرمىسقا قول جەتكىزۋگە بولادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار